А.С. Пушкинонь лемса ваймамань парксь

А.С. Пушкинонь лемса ваймамань парксь
А.С. Пушкинонь лемса ваймамань парксь
Основная информация
Типсь	Ваймамань и культурань парк
Площадсь	40 малава гектар
Эвондама пингоц	1899
Расположение
	54°10′35″ с. ш. 45°11′00″ в. д.GЯO
Ошсь	Саранск

А.С. Пушкинонь лемса ваймамань парксь (руз. Парк культуры и отдыха им. А.С. Пушкина).

Эрямопингоц

Паркть эрямопингоц ушедсь 19-це векста, мзярда ошень азорондайхне састь мяльс озафтомс шуфтт Успенскяй площадьса, коса ащесь тяка лемса церькав. Тя площадсь лиякс лемневсь Нижняй Базарнай, сяс мес сонь видесонза ётафневсть мишендемат, и ащесть мишендиень лавкат. Васенда парксь арьсекшневсь тиемс, кода ошень сад, и сонь площадец пачкотькшнесь кафта гектархт. 1899-це кизоня Саранск ошть кучкаса (поэтть сяда кионь топодеманцты) изящнай искусствань кельгиень пуромксса ащихнень мяльснон коряс садти максовсь содаф рузонь поэтть лемоц, и тяза путозь Пушкинонь бюстоц, конань меле полафтовсь лия монументса. Иняру Богородицань Успениянь церькавсь (руз. Церковь Успения Пресвятой Богородицы) ащи паркть потмоса тячити самс. Сон ульсь стяфт 1734-це кизоня, меле строяф одукс классицизмань стильса 19-це векть ушетксса и аруяфтф и кода Никольскяй. 1930-це кизотнень церькавсь ульсь пякстаф и нолдафоль тевс кода хозяйственнай помещения, 1980-це кизотнень сонь петезь, арьсемок потмосонза пуроптомс музей, а 1993-це кизоня церькавти оду мрдафтозь ингольдень смузенц-питненц и оду святиндазь кода Успенскяй. 20-це веконь ушетксти кизонь садсь уль педа пес цебярьготф. Тяса панжевсь любительскяй театра, а меле мянь панчфоль питнефтома кинематограф сембонди, кинь ульсь мялец. Ошеряйхненди кельговсь садсь, тяса пуропнесть эрь кодама мероприятият, народнай гуляният, театральнай представленият. 1935-це кизоня паркти максови ваймамань и культурань парконь статус.

Парксь тяниень пингть

Тяниень пингть А.С. Пушкинонь лемса парксь Саранск ошть мазы вастонзон ёткста фкясь^[1]. 20-це векть пингста, парксь стаки кассь и келемсь:тяса атракциотт оцюфненди и иттнендиули зоопарк. Сувама вастть видеса ащи пяк мазы и эсь лацонь панчфонь ковгярькс. Пингонь ётазь паркса ладявсь кизондань театра, кштимань васта, кизонда покоди кафе, мзярошка аудитория, а тяфта жа выставкань площадкаса и кизондань кинонь няфтема театра. 20-це векть омбоце пяльксозонза парксь лувондовсь странаса паркнень ёткста инь цебярьхнень эзда фкясь. 1963-це кизоня Российскяй Федерациянь Культурань министерствась (руз.) (мок. лемдезе саранскяень паркть РСФСР-нь ваймамань и кульурань паркнень ёткста инь цебярькс. Тяни парксь сатни 40 гектарть малава. Мекольдень пингть паркть тага одкстоптозь, кирдемок мяльса тяниень пингонь ландшафтнай дизайнать. Эвондасть од аттракциотт, одкстоптовсть ведень кирдема васттне, коса уендихть яксяркт, конатнень мяльвельде аннесазь парку сашенды инжихне. Тяда башка, паркть видеса ули ошень зоосад, коса ули кода ванондомс келаснень, врьгаснень, тигратнень, офттнень страуснень, лефнень мельге. Паркть ваксса шуди Саранка ляйть трваса ладяф перьфпяльксонь ванондомс шары. Ляйть трвасонза панчсть станция, коста ули кода сявомс уендеманди венеж и катамаран. Ф. Ушаковонди памятник, отель, панчфонь ковгярькс-эрьшинь и сянягяря касыксста Пушкинонь портретоц. тядонгольдень А. Пушкинонь бюстонц вастс ульсь путф од мялямгев, кона тиф скульпторть Е. Белашовать кядяла 1977-це кизоня. Тяса ули кода ваймас и тёждяста мялень петезь ётафтомс ваймама пингсь, кода ськамот, станя и семьянь келеса. Паркт эзга латцефт ваймаманди ськомнянт, корхнеманди ашкс вастонят. Паркть кучкаса шуди фонтан. Паркса колма сувама-лисема вастт: Красноармейскяй, Саранскяй и Московскяй куротнень ширде. Парксь ащи ошть кучкаса, ялга молезь 10-шка минутат Иняру Фёдор Ушаковть кафедральнай соборонц эзда^[2].