Атемаронь мараф мода

Атемаронь мараф модась (руз. Атемарская засечная черта) — Мордовия Республикань Лямбирь аймаконь Атемар велеть маласа ащи 17-це веконь историянь памятник. Белгородско-Симбирскяй засечнай чертать пяльксоц. Модань перяфкссь тифоль 1638-1653 кизотнень пингста оцязорть Михаил Фёдорович Романовонь мярьгоманц коряс. Кувалмоц 10 вайгяльбет, эздост 6,5 вайгяльбесь ульсь башня мархта.

Атемаронь засечнай чертать тиемста башняста башняс шувфтольхть лоткт, сериста марафоль мода, стяфтфольхть пяльхть. Равжа модать лангс марафоль акша сёвонь. Толса плхтамда меле тя сёвонць арсесь трепелкс. Тяфтамти аф пелькс аф пизепне, аф солай ловонь ведсь. Башнятнень эса ульсть ваныенди вастт. Врагть маладомста стрелецне крьвяснесть толмархт. Тяфта пачфнесть фкя-фкянди куля. Крепостьса эрьхнезь пайкнень, кепсезь народть апак тернек инжихнень киснон перяма.

Вирьса 3,5 вайгяльбень кувалмоса тифоль веляфтф шуфтста аф ётави васта. Засекать келецоль колма сятт метра. Шуфттнень пряснон веляфнезь ногайхнень шири. Шочкнень керсезь пялева, штоба алда касольхть од таратт, мезсь тиендезе перяфксть нинге сяда аф ётавикс. 1645 кизоня степнякне врьгятнесть засечнай чертать лангс, но ашесть ётава. 17-це векста тифоль Пензань засечнай чертась, и Атемаронь перяфкссь ашезь эряв ни.

Лятфтамат

[Михаил Фёдорович]

Литературась

Бикейкин, Евгений Николаевич. Основание Саранской крепости / Е. Н. Бикейкин // Центр и периферия. – 2011. – № 1. – С. 22–31.

Воронин, Иван Дмитриевич. Заглянем в старину / И. Д. Воронин // Воронин, Иван Дмитриевич. Саранск – столица Мордовской АССР : историко-архитектурный очерк / И. Д. Воронин. – Саранск, 1960. – С. 5–18.

Нечаев, Алексей Георгиевич. Крепости XVI–XVII веков в междуречье Суры и Мокши : [монография] / А. Г. Нечаев. – Саранск : [б. и.], 2015. – 224 с.

Нечаев, Алексей Георгиевич. «Старинная четвероугольная крепость…» : этапы строительства Саранской крепости / А. Г. Нечаев // Центр и периферия. – 2011. – № 1. – С. 32–41.

Фролов, Дмитрий Викторович. Саранск в XVII веке: строители и защитники государевых рубежей : монография / Д. В. Фролов. – Саранск : Шапкарин Константин, 2020. – 299, [1] с. : ил., цв. ил., фот.

Фролов, Дмитрий Викторович. Саранск семнадцатого столетия в документах и артефактах : монография / Д. В. Фролов ; редактор Т. И. Кильдюшкина ; [предисловие Г. А. Куршевой]. – Саранск : Шапкарин Константин, 2019. – 444 с. : цв. ил., карты. – Заглавие обложки : Саранск XVII столетия в документах и артефактах. – Библиография: с. 432–442.

Ссылкатне

https://natlibraryrm.ru/saransko-atemarskaya-zasechnaya-cherta/?ysclid=ltn9xdrp8a487461820