Акселонь куяр
Ванф Российскяй Наукань Академияса
Ванф Российскяй Наукань Академияса
Российскяй Наукань Академиять вельде
| Аксел велеса (Мордовия) "Акселонь" гастрофестивальсь | |
|---|---|
 | |
| Статуссь | гастрономическяй фестиваль |
| географический объект[d] | |
| Ётафтоманц ушедомац | 2018 |
| Мекольцеда ётафтф | 2024 |
| Ащема вастоц | |
| Ётафтома вастоц | Мордовия Республикась |
Акселонь куяр руз. Акселский огурец — гастрономическяй фестивальсь Темникав аймаконь Аксел велеса[1].
Фестивальсь лемтьф историческяй и культурнай тястоконь иможти — акселонь куярти[2][3].
Илать эрямопингоц
Куяронь касфтомась эвондась Аксел и сонь вакссонза велева XVIII векста[4]. Иможть касфтоманц лац мольфтеманцты лездсть перьфпяльдень цебярь условиятне, шачфты модась, валондоманди ведть маласа. XIX-це векть песта - XX -це векть ушетксста тястонь эряйхне сезонть пингста мишентькшнельхть 2 тёжяньшка тонна куяр, а тяфта жа аф 2,6 тоннада кржа куяронь видьме. Аксельскяй куярхнень сявонделезь мишендеманди Нижегородскяй, Тамбовскяй и Пензенскяй губерниява. Шабрань уездса ломаттне рамселезь куярхнень 50–70 усфонь эрь базарне. Тяда башка, синць акселеряйхне сявонделезь мишендемс куярснон Керенскяй, Наровчатскяй и Спасскяй уездова. Куярхнень мишенделезь Темникавса Ильинскяй ярмаркаса, кона мольфтевсь кемонь шит.
XX-це векть ушетксста Акселонь куярхне макссевсть приёмтнень эса Дягилевскяй сезоттнень лемс Парижса, кода кепотькс рузонь велень хозяйствати сельского хозяйства[5].
1930-1940-це кизотнень букварень варианттнень эзда фкять эса «О» буквать ала ульсь няфтьфоль куяр и азфоль сортоц — «Аксельский»[6].
Сортть колга
Курок кенери сортть улсьть сатомшка ёмланя (13-15 см) кувалмоса куярнянза. Сортсь ульсь пяк мала муромскяй куярхненди, но сон аердсь эздонза сянь мархта, мес яда ламос куярыякшнесь (кельмотненди самс) и куяронь оцю плод мархта. Аксельскяй куярсь содафоль эсь танцтишинц и салыяфтоманди ладямаошинц мархта[5].
Тяфта аксельскяй куярхнень колга 1850-це кизотнень Российскяй империянь видьмонь мишенди Мейер фирмасата колганза сёрмадыхть: «Отличительной чертой этого прекрасного сорта является устойчивость плетей, обильное и продолжительное плодоношение до заморозков. Плоды красивые, несколько изогнутые, 13-15 сантиметров длины, покрыты мелкой рябью»[5].
Ф.А. Брокгаузонь и И.А. Ефрона энциклопедияса] (1890 — 1916 кк.) тя сортть колга сёрматф тяфта: «Из сортов с продолжительным плодоношением указывают на аксельские, очень сходные с муромскими, длиной до 3- 3 1/2 вершков, пригодные больше для средних и северных губерний». Известный российский селекционер Р. И. Шредер рекомендовал сорт «Аксельский» для северных районов «как особенно выносливый, крупноплодный и скороспелый»[5].
Салыяфтоманди тевс нолявсть аньцек шуфтонь парьнятне. Куярхне эзост марсевсть аньцек лацкас анокламдост меле. Синь инголькиге пицевсть лакай ведьса и косьфневсть. Потмаксти марсефть куярхне, равжа шукшторунь лопатне, капёрсь, ёмланяста керсеф пейшурьхкятне, салсь. Мзярда парьнясь пяшкотькшнесь, куярхнень лангс кайсевсь ару ведь лихтибряста и вельхнезь шуфтонь лапш шарксса, конань лангс путнесть маторкс.Маторксонди тевс нолнезь паксянь кевть.
Фестивальсь
Фестивальти сафне варчсесазь куярста тиф ярхцамбяльхнень, конат аноклафт эрь кодама семьянь рецептонь коряс, эрсихть мастер-класснень эса куяронь саллыяфтома маштомошить коряс шуфтонь парьняса и стак тов. Фестивальсь лезды эреклафтомс сядонгольдень койхнень-обуцятнень,конат ульсть тя вастова, кемокстасыне культурнай и социальнай соткснень райоттнень фкя фкянь мархта, сафнень содафтсыне народнай обуцятнень мархта и лезды республикаса туризмать касфтомаса-келептемаса[7].
Эрь кизоня фестивальсь саласы мяленц сяда лама ломанень.
2018-це кизоня тяза сашендсь 150 лама ломань, 2019-це кизоня — 350-да лама. 2022-це ки зоня инжихнень лувкссна пачкодсь 700 ломаньц[8]. 2024-це кизонь 13-це июльста Аксел велеста ветецеда ётафтовсь гастрономическяй фестивальсь «Акселонь куяр», коза пуромкшнесь-сашендсь 1000лама ломань Мордовияста и шабрань регионцтарегионов[9][10]. 2023-це кизоня фестивальсь арась призёркс Международнай премиянь Russian Event Awards событиянь туризмать Окружной пялькссонза.
Илань азорхне — акселеряйхне. Синь васьфнесазь инжихнень пидеф-паньф эрь кодама ярхцамбяльса: лушникса, суронь пачаса, эрь кодама топа мархта пяряканяса, аньцек таргаф медьса, акселонь куярса.
Тя фестивальса мишендеви медь, имошт, перень сёрот аксялонь эряйхнень переста, а станя жа шуфтста тиф архнеф налхкшт, вяшкоманят. Инжихне каваняфневихть калонь лямса и няфтевихть мастер-класст эрь кодама маштомошинь и содамошинь коряс. Тяда башка няфневи концерт. Морсевихть рузонь, мокшень и татаронь морот. Тяза сафне наряжакшнихть национальнай мазы щамса.
Сембе сафнень мяльснон коряс тяфтама илась арась васетькшнема вастокс, кода тястоконь эряйхненди, станя и ширде сафненди.
2025 кизоти самс Аксел велеса касфтыхть куярхт мишендемс и свежайста. Сембе сяка «Аксельский» сортсь юмафтф, велеса касфтыхть куяронь эрь кодама сорт.
Литературась
Лузгин, Александр Степанович. Промыслы Мордовии. — Саранск: Мордов. кн. изд-во, 1993. — 142 с.
Лятфтамат
- ↑ Россия. Мордовия. Аксёл. (рус.). xn--80aiclbbsnghpgw1b5g.xn--p1ai. Дата обращения: 6 мартста 2025.
- ↑ «Аксельский огурец» — Межрайонный гастрономический этнофестиваль, Темниковский район, Культура.РФ. Дата обращения: 23 октябрьста 2024.
- ↑ Интернет-проект «Народные промыслы Мордовии»: овощеводство - Национальная библиотека им. А. С. Пушкина Республики Мордовия, Национальная библиотека им. А. С. Пушкина Республики Мордовия (1 октябрьста 2021). Дата обращения: 6 мартста 2025.
- ↑ В районе. Слава аксёльскому огурцу! smotnik.ru. Дата обращения: 6 мартста 2025.
- ↑ 1 2 3 4 Как мордовские огурцы Париж удивили, Известия Мордовии (18 январьста 2020). Дата обращения: 23 октябрьста 2024.
- ↑ Aksel cucumber - Arca del Gusto - Slow Food Foundation, Slow Food Foundation. Дата обращения: 6 мартста 2025.
- ↑ Межрайонный гастрономический фестиваль "Аксельский огурец" - Календарь событий (рус.). eventsinrussia.com. Дата обращения: 23 октябрьста 2024.
- ↑ Все новости (рус.). www.e-mordovia.ru. Дата обращения: 23 октябрьста 2024.
- ↑ Tatyana. Гастрономический этно-фестиваль «Аксельский огурец», «НТМ» — Народное телевидение Мордовии. Дата обращения: 6 мартста 2025.
- ↑ Гастрономический фестиваль "Аксельский огурец" (рус.). temnikov.gosuslugi.ru. Дата обращения: 23 октябрьста 2024.