Шариков, Николай Григорьевич
| Николай Григорьевич Шариков | ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||
| Шачема шиц | 27-це декабрьста 1922-це кизоня | |||||||||||||||||||
| Шачема вастоц |
|
|||||||||||||||||||
| Кулома шиц | 8-це августста 1991-це кизоня (68 кизоц) | |||||||||||||||||||
| Кулома вастоц |
||||||||||||||||||||
| Принадлежностсь |
 СССР |
|||||||||||||||||||
| Войскань родсь | стрелковай войскатне | |||||||||||||||||||
| Служама кизонза | 1941—1960 | |||||||||||||||||||
| Званияц | Подполковник | |||||||||||||||||||
| Частец | 195-я стрелковая дивизия, 37-я армия, 3-й Украинский фронт | |||||||||||||||||||
| Должностец | командир батальона 573-го стрелкового полка | |||||||||||||||||||
| Сражениятне/войнатне | Великай Отечественнай войнась | |||||||||||||||||||
| Казненза и премиянза |
|
|||||||||||||||||||
| Отставкаса | до 1968 года работал в горисполкоме | |||||||||||||||||||
Шариков, Никола́й Григорьевич (27-це декабрьста 1922-це кизоня, Летки велеса (Мордовия), Пензенскяй губерния[1] — 8-це августста 1991, Артёмовск, Донецкяй областьса[2]) — советскяй офицер-пехотинец, Великай Отечественнай войнаса улись, Советскяй Союзонь Геройсь (13.09.1944)[3]. Подполковник.
Эряфонь киц
Шачсь 27-це декабрьста 1922-це кизоня Пензенскяй губерниянь Летки велеса [1] сокаень-видиень семьяса, васенце идсь (ули сазороц). Аляц — Григорий Иванович, тядяц — Александра Степановна Шарикова[2]. Руз. Леткиса шумордась Леткинскяй аф полнай-средняй школань фкя класс. 1928-це кизоня семьясна тусь эряма Новосибирск ошу. 1933-це кизоня балань лиссемста сройкаса шавови аляц (тядяц кулось нинге сяда инголе), и Николай максфоль идень куду. Шумордась школа-семилетка. Шумордамдонза меле покодсь Новосибирскяень предприятиятнень эса: «Заготзерно» контораса табельщикокс в конторе, маслёнщикокс вирень пилай заводса, № 1 мелькомбинатонь слесарькс [3].
Якстерь Армияса 1941-це кизонь июльста сявомок, тертьф Новосибирскяй Октябрьскяй районнай военкоматть вельде. Шумордазе 2-це Омскяй военнай пехотнай училищать, кучф Бийск ошу 288-це запасной стрелковай полконь взводонь командиркс, 1942-це кизонь августа сявомок 1943-це кизонь январти самс — тяка полконь ротань командиркс. Действующай армияса 1943-це кизонь январьста сявомок. Ульсь Нижнеднепровскяй, Никопольско-Криворожскяй, Березнеговато-Снигирёвскяй наступательнай операциятнень эса.
Но сембода пяк батальононь командирсь 573-це стрелковай полконь (195-це стрелковай дивизиянь), 37-це армиянь, 3-це Украинскяй фронтсь) старшай лейтенантсь Н. Шариков няфтсь командиронь маштомоши и личнае мужества Одесскяй врьгятнемань операцияса. Операциять ушетксста, 1944-це кизонь 29-це мартонь веня, получамок приказ нЮжный Буг ляйть сяоманкса, комбатсь Шариков аноклась штурмовой группа (сонць ульсь пряфксокс) и сувафтозень эзонза расчёттнень сембе станковай пулемёттнень эсь батальонцтонза, и, ётамок ляйть тона ширезонза, фатязе и кирдезе плацдармть, сяьскомок контратакатнень, мезть вельде ётавсь и батальонть эзда лядыксне, меле и полксь.
1944-це кизоня 6-це апрельста 7-це апрелень веня Кучурга нстанциять видеса врьгятись тяряфтсь тиемс вень врьгятема танкань мархта. Н. Г. Шариковонь батальоноц ульсь перяф сембе ширде минценнетнень эзда. Сембе щширде перяф вастса комбатсь тись аралама и кирдезень противникть врьгятнеманзон, меле аноклась перядамань сязема и сонць ащесь инголе вастса, лихтемок сембе ранендафнень и сембе уликс паршить. 12-це апрельста 1944 Н. Г. Шариков вятемок батальонть вишкста сявозь Днестр ляйть Кицкань велеть видеса южнее Тирасполень (Молдавскай ССР), врьгятсь противникть кемокстаф вярдень вастонц и панезе тоста противникть, меле грамотнайста аноклазе араламать, мезсь лездсь кирдемс противникть контратаканзон и кирдемс вярдень вастть. Тя сатфкссь тись оцю тев советскяй войскатнень Кицканскяй плацдармать стратегически важнай кмрдемаса.
СССР-нь Верховнай Советонь Президиумонц Указть вельде 13-це сентябрьста 1944-це кизоня Николай Григорьевич Шариковонди максф Советскяй Союзоньа Герой лемсь и максф Ленинонь орденоц (№ 17165) «Зрнянь Тяште» медаль (№ 2720).
1944-це кизонь августста Н. Г. Шариков тага няфтсь мужества и героизма Ясско-Кишинёвскяй врьгятемань операциять пингста, а сентябрьста — Румыниять нолдаманкса тюрематнень пингста. Ковть песта дивизиясь, коса сон воявась, ульсь ётафтф Болгарияв и тоса ащесть войнать пес. Тюремать пингста (марнек кизоньберьф) Н. Г. Шариков ульсь кафксть ранендаф и кафксть контужендаф, казьф вете орденца. няфтсь пря машты командиркс: каземань представленияса везде ульсть валхне «батальонць киньге изь юмафта» или «сатфкссь сатф прокс кржа юмафкс мархта».
Войнада меле вятезе службанц Советскяй Армияса. 1949-це кизоня шумордазень стрелково-тактическяй «Выстрел» курснень. С 1960 подполковник Шариков — в запасе.
Эрясь Донецкяй областень Артёмовск ошса. 1968-це кизоти самс покодсь тястоконь горисполкомса. Кулось 8-це августста 1991-це кизоня Артёмовск ошса (Донецкяй Народнай Республикась), калмаф Славань Аллеяса ошень калмолангса.
Казьф Ленинонь орденца (13.09.1944), Якстерь Знамянь орденца(7.09.1944), Суворовонь 3-це степенень орденца (23.10.1944), Александр Невскяень орденца (23.03.1944), Отечественнай войнань 1-це (11.03.1985) и 2-це (4.06.1944) степенень орденца, «За отвагу», «За боевые заслуги» медальса (19.11.1951), лия медальса[2][4][5].
Сире шайгав велеса стяфтф мяляфтомань стелла.
Семьяц
Рьвац — Зинаида Ивановна, цёрац — Александр, стирец — Татьяна[2].
Лятфтамат
- ↑ 1 2 Ныне — в Старошайговском районе, Мордовия.
- ↑ 1 2 3 4 Будет ли в Летках установлен бюст земляка — Героя?
- ↑ 1 2 Шариков Николай Григорьевич (рус.). Дата обращения: 12 сентябрьста 2014. Архивировано из оригинала 13 сентябрьста 2014 года.
- ↑ Шариков Николай Григорьевич
- ↑ Шариков Николай Григорьевич.
Литературась
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
- Геройская быль. — 2-е изд. — Саранск, 1985. — С. 348—352.
- Звёзды доблести ратной: О Героях Советского Союза — новосибирцах / сост. Е.Д. Головин, Л.М. Живоглядова. — 2. — Новосибирск: Новосибирское книжное издательство, 1986. — С. 383—386. — 432 с.
- Новосибирцы — Герои Отечества. — Новосибирск, 2010.
Ссылкатне
- Антон Бочаров. Николай Григорьевич Шариков (рус.). Сайт «Герои страны». Дата обращения: 28 сентябрьста 2020.
- Шариков Н. Г. в «Новосибирской Книге памяти».
- Биографическая справка на Портале Правительства Омской области.