Чадайкин, Василий Иванович

Василий Иванович Чадайкин
Шачема шиц	3 октябрьста 1924(1924-10-03)
Шачема вастоц	Каргаша, Спасскяй уездсь[d], Пензенскяй губерниясь[d], РСФСР, СССР
Кулома шиц	15 сентябрьста 1988(1988-09-15) (63 кизоц)
Кулома вастоц	Новороссийск, Краснодаронь край, РСФСР, СССР
Принадлежностсь	СССР
Званияц
Сражениятне/войнатне	Великай Отечественнай война
Казненза и премиянза

Чада́йкин, Васи́лий Ива́нович (3.10 1924 — 15.09. 1988) — 3-це Украинскяй фронтонь 134-це пограничнай полконь НКВД-нь войсань тылть ванфтомаса 1-це отделениянь резервнай заставань отделениянь командиронь полафтысь, младшай сержант. Советскяй Союзонь Герой.

Эряфонь киц

Чадайкин В.И. Шачсь 3-це октябрьста 1924-це кизоняв тяниень Мордовия Республикань Зубово-Полянскяй райононь Каргаша руз.: Каргашино велеса. Мокша. ВКП(б)/КПСС-у сувафтф 1945 -це кизоста сявомок. Шумордась средняй школань кафкса класст.

1942-це кизонь августста терьтьф Якстерь Армияв]. Великай Отечественнай войнань толу китнень эса 1943-це кизонь майста сявомок.

12-це февральста 1945-це кизоня сон 134-це пограничнай полконь НКВД-нь войсань тылть ванфтомаса 1-це отделениянь резервнай заставань отделениянь командиронь полафтысь, званияц младшай сержант В. И. Чадайкин тюремать пингста врьгятнихнень машфтоманкса, конат мянцть перяф киста, Буда ошть маласта пякстазе-перязе кудть, коса кяшсть сядоть малава врагть солдатонза , кядьса ляценди пулемётть толонц вельде машфтсь 53 врьгятни и лядыксненди савсь максомс пря пленц. СССР-нь Верховнай Советть Президиумонц Указонц вельде 15-це майста 1946-це кизоня командованиять боевой заданиянзон и няфтемок оцю смелши и героизма младшай сержантти Василий Иванович Чадайкинонди максф Советскяй Союзонь Герой лемсь и казьф Ленинонь орденоц и «Зрнянь Тяште» медальсь.

Великай Отечественнай войнать аделавомада мольфтезе службанц СССР-нь НКВД-нь Пограничнай войскаса. 1952-це кизоня шумордазе Харьковскяй пограничнай училищать. Служась пограничнай заставань начальниконь полафтыкс и пограничнай заставань начальникокс. Капитан. 1962-це кизоста сявомок В. И. Чадайкин —запасса капитан.

Эрясь Новороссийск ошса-геройса. Покодсь троллейбуснай управленияса. Кулось 15-це сентябрьста 1988-це кизоня. Калмаф ошень калмолангса Кабахаха пандть видеса (Новороссийск).

Казьф Ленинонь орденца, Отечественнай войнань 1-це степенень , Якстерь Тяштень , и Славань 3-це степенень орденца, аф фкя медальса.

Литературась

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
• Герои тревожных рассветов. — Киев, 1978.
• Мордовия: Энциклопедия. — Саранск, 2007.
• Пограничная служба России: Энциклопедия. Биографии. — М., 2008.

Ссылкатне

Василий Иванович Чадайкин  (рус.). Сайт «Герои страны». Дата обращения: 3 июльста 2014.