Тягушев, Ефим Владимирович

Ефим Владимирович Тягушев
Ефим Владимирович Тягушев
Шачема шиц	26 январьста 1919
Шачема; вастоц	Кенде[d], Лукояновскяй уездсь[d], Нижегородскяй губерниясь[d], Россиянь Советонь Федеративонь Социализмань Республикась[d];
Кулома шиц	27 январьста 1971 (52 кизоц)
Кулома; вастоц	Дальнереченск ош[d], Дальневосточнай край[d], РСФСР, СССР;
Принадлежностсь	СССР
Служама кизонза	1939—1946
Званияц	1943 связень войскатне
Сражениятне/войнатне	Советско-финскяй война[d]; Великай Отечественнай война;

Ефи́м Влади́мирович Тягушев (1919—1971) — Великай Отечественнай войнаса улись, связень батальононь радистсь 78-це башка стрелковай бригадань 9-це армиянь Южнай фронтонь, якстерь армеец, Советскяй Союзонь Герой.

Эряфонь киц

Шачсь 26-це январьста 1919 -це кизоня тяниень Мордовия Республикань Ичалковскяй райононь Кендя велеса, сокаень-видиень семьяса. Эрзя.

Шумордась 7 класст. Покодсь «Новый путь» колхозса велень советонь налоговай агенткс. Меле покодсь Кендянскяй торфопредприятияса.

1939-це кизоня тертьфоль Якстерь Армияв Мордовскяй АССР-нь Ичкаловскяй райвоенкоматть вельде. Полковой школаса получась радистонь специальность. Ульсь советско-финляндскяй войнаса 1939—1940-це кизотнень. Великай Отечественнай войнать ушедоманц васьфтезе Одессать ала.

1942-це кизоня 78-це башка стрелковай бригадась, конатнень ёткса ульсь якстерьармеецсь Ефим Тягушев, тюрсть Северский Донец ляйть видеса, аф ичкозе Красный Лиман ошть эзда. 20-це апрелень веня стрелковай ротась пётась ляйть кержи ширезонза и панезе противникть инь оцю сери вастста 158,6 Долгенькое велеть маласа (тяни Украинань Харьковскяй областень Изюмскяй райононь). Десантть ёткса ульсь и якстерь армеецсь Тягушев. Боевой заданиять пяшкодемста, связисттне сявф блиндажть видеса ладясть радиостанция и лездсть артиллериять толонц видеста ладяманцты, а тяфта жа ульсть противникть врьгятеманзон кирдемаса. 21-це апрельста, мзярда гитлеровцне, врьгятсть сери вастть лангс, кконань аралась эсонза Тягушевонь отделенияц, перязь сембе ширде блиндажть, Ефим ушедсь ляцендема автоматста противникть лангс и радиоть вельде советскяй артиллериянь толть аназе эсь лангозонза. Снаряттнень эзда фкясь прась блиндажть лангс. Тягушев получась контузя и прась ёжефтома. Гитлеровцне сявозь сонь пленцплен.

Тягушев ётась мзярошка концлагерь. Кафксть ворьготькшнесь, но изь удала ворьгодемс. Аньцек колмоце ворьгодемась 21-це январьста 1943-це кизоня удалась, Сон мрдась Якстерь Армияв. Сяда тов ульсь Таманскяй полуостровса тюрематнень эса, Крымть, Румыниять, Югославиять, Болгариять и Австриять нолдамаса.

1946-це кизоня Ефим Владимирович Тягушев ульсь демобилизовандаф. Сась Хабаровск ошу, войнада ингольня тяза сафтольхть сонь тядянза-алянза.

1952-це кизоня шумордась Благовещенскяй речной училищать. Покодсь Амурскяй речной пароходстваса причалонь начальникокс Хабаровскяй портонь 12-це участкаса.

1955-це кизоста сявомок покодсь старшай приемосдатчикокс, огрузо-разгрузочнай работань мастеркс Иманскяй пристаньца Уссури ляйть лангса. Эрясь Приморскяй краень Иман ошса (1972-це кизоста сявомок — Дальнереченск).

Кулось 27-це январьста 1971-це кизоня. Калмаф центральнай аллеяса Дальнереченск ошень калмолангса.

Мялямсь

Дальнереченск ошень музейса Геройти ладяф марнек стенд. Тонафнихнень покодеманкса максф ярмакнень лангс теенза ладяф обелиск. Тята жа Ефим Владимирович Тягушевонди тястоконь поэттне лемнихть стихт, эрь кизоня сонь лемозонза ётафневихть ляцендемань пялькстомат^[1].

Казненза

СССР-нь Верховнай Советть Президиумонц указонц коряс «Советскяй Союзонь Героень лемть максоманц колга Якстерь Армиянь начальствующай и рядовой составть» 1942-це кизонь 13-це декабрьста фронтса немецкяй захватчикнень мархта тюремста командованиять боевой заданиянзон пяшкодеманкса и няфтьф отваганкса и геройстванкса максф Советскяй Союзонь Герой лемсь («Зрнянь Тяште» медальсь № 4916)^[2]^[3]
Казьф Ленинонь орденца и мзярошка медальса.

Лятфтамат

↑ Замечательные люди села Кендя
↑ Память народа. Документ о награде. Тягушев Ефим Владимирович, Герой Советского Союза (орден Ленина и медаль «Золотая Звезда») (неопр.). pamyat-naroda.ru. Дата обращения: 21 декабрьста 2015. Архивировано 4 августста 2020 года.
↑ Указ Президиума Верховного Совета СССР «О награждении званием Героя Советского Союза начальствующему и рядовому составу Красной Армии» от 13 декабря 1942 года // Ведомости Верховного Совета Союза Советских Социалистических Республик : газета. — 1942. — 25 декабрьста (№ 46 (205)). — С. 1. Архивировано 15 ноябрьста 2021 года.

Ссылкатне

Ефим Владимирович Тягушев (рус.). Сайт «Герои страны».
Герои Советского Союза — дальневосточники.

[1] Замечательные люди села Кендя

[2] Память народа. Документ о награде. Тягушев Ефим Владимирович, Герой Советского Союза (орден Ленина и медаль «Золотая Звезда») (неопр.). pamyat-naroda.ru. Дата обращения: 21 декабрьста 2015. Архивировано 4 августста 2020 года.

[3] Указ Президиума Верховного Совета СССР «О награждении званием Героя Советского Союза начальствующему и рядовому составу Красной Армии» от 13 декабря 1942 года // Ведомости Верховного Совета Союза Советских Социалистических Республик : газета. — 1942. — 25 декабрьста (№ 46 (205)). — С. 1. Архивировано 15 ноябрьста 2021 года.

[1]

[2]

[3]