Тоболенко, Михаил Николаевич

Михаил Николаевич Тоболенко
Михаил Николаевич Тоболенко
	укр.: Табаленка Міхаіл Мікалаевіч
Шачема шиц	5 июльста 1922
Шачема; вастоц	Азаровка Починковскяй районць (Смоленская область), РСФСР
Кулома шиц	7 апрельста 1945 (22 кизоня )
Кулома; вастоц	район Лиепая, Латвийская ССР, СССР
Принадлежностсь	СССР
Войскань родсь	ВВС ВМФ СССР
Служама кизонза	1940—1945
Званияц	Старший лейтенант
Частец	15 ОРАП ВВС КБФ
Сражениятне/войнатне	Великай Отечественнай войнась

Михаил Николаевич Тоболенко (1922—1945) — Военно-морской флотонь ВВС-нь разведывательнай авиациянь советскяй лётчик. Тюрсь Великай Отечественнай войнаса, Советскяй Союзонь Герой (22.07.1944). Старшай лейтенант (30.06.1944).^[1]

Эряфонь киц

Шачсь 1922-це кизонь 5-це июльста тяни Смоленскяй областень Починковскяй райононь Азаровка велеса сокаень-видиень семьяса. Беларус. 1923-це кизоста сявомок эрясь Украинскяй ССР-нь, Донецкяй областень Щербиновка велеса (1938 кизоста сявомок — Дзержинск ошсь, 2016 кизоста сявомок — Торецк). Михаил 1940-це кизоня аделазе аф марнек средняй школать и Дзержинск ошень аэроклубть. Армияда(ru) инголе сон покодсь литературань тонафтыкс и содазе наизусть пцтай марнек Есенинонь^[2]

1940-це кизоста сявомок Якстерь Армияса. Служась связистокс Западнай военнай округонь 45-це авиабазаса. 1940-це кизонь декабрьста кучфоль тонафнема Тамбовскяй военнай авиационнай школав, кона теенза ашезь аделав войнать ушедоманц сюнеда.

1941-це кизонь сентябрьста сявомок тюрсь Великай Отечественнай войнаса. Мзярда Тамбовскяй авиашколась эвакуировандафоль, кучфоль Волховскяй фронту 46-це ляцендемань дивизияв. Воявась связистокс, миномётнай расчётонь номеркс и миномётнай расчётонь командиркс. 1942-це кизонь январьста ранендафоль. Госпитальса пчксемда меле 1942-це кизонь апрельста арась курсантокс Военно-морской Флотонь ВВС-нь запасной 1-це авиационнай полконь истребительскяй эскадрильяти (полксь ащесь Мордовскяй АССР-нь мзярошка аэродромонзон лангса). Тяса тонафнемста, 7 ковонь потмоста, тонадозень УТ-2, И-16, Як-1 самолёттнень.^[2]

1942-це кизонь ноябрьста, аделамок тонафнеманц, кучезь Краснознамённай Балтийскяй флотонь истребительнай авиационнай 13-це полку, кона ся пингть кочксевсь Горьковскяй областень Новинки аэродромса.^[2] Тоса тонафнесь Як-9 самолётса лиендема. 1943-це кизонь мартста кучфоль сяка жа флотонь отдельнай разведывательнай авиационнай 15-це полконь 43-це эскадрильяв. Боевой заданиянь тиендема (разведкас лиендема) ушедсь 1943-це кизонь майста. 1944-це кизонь январьста арась звенань командиркс.

1944-це кизонь 17-це майти Балтийскяй флотонь ВВС-нь отдельнай разведывательнай авиационнай 15-це полконь 43-це авиационнай эскадрильянь лейтенантсь Михаил Тоболенко тись 188 боевой лийкстамат, тяконь лувксса 145 боевой лийкстамат, конатнень пингста ётафнесь разведкат врагть военно-морской базанзон и судоходстванц коряс, нолямак тевкс аэрофотосъёмкат. Сон лиендсь и пяк пелькс разведкавонга, Хельсинки, Таллин, Котка, Борго, Палдиски, Ловиза объекттне лац вановсть и аралавсть зенитнай артиллериять мархта и ПВО ВМБ истребительса. Сонь задачацоль добувамс эрявикс вастонь фотоматериалх и мезеньге лангса аф ванозь пачфтомс фотоплёнкатнень. Тоболенканди ашезь мярьгондев тюремс немецкяй и финскяй истребительхнень мархта, сяс теенза савсь котоксть ворьгодемс эсонза доняй самолёттнень эзда. Кафксть, мзярда сатнезь истребительхне, тюрсь мархтост и вражескяй самолёттне тушендсть маластонза.^[3]

СССР-нь Верховнай Советонь Президиумть указонц коряс 1944-це кизонь 22-це июльста лейтенантсь Михаил Тоболенко командованиять боевой заданиянзон фронтса лац тиеманксост отвагань и героизмань няфтеманкса казьфоль Советскяй Союзонь Герой оцю лемса, Ленинонь орденца и "Зрнянь Тяште" медальса 4013 номер ала.

1945-це кизонь 7-це апрельста Тоболенко лийсь Либавы (Лиепаи) аймакти разведкас врагть кораблензон ванома. Араламок инголенза лии самолётть, сонь лангозонза врьгятсть врагонь ниле истребительхть. Михаил Тоболенкань самолётоц прафтфоль, а лётчиксь шавовсь: улема, сон парашютса комотсь палы самолётста и эендась моряса, ловажац мувсь Паланга ошть маласа, ведсь лихтезе оцю ведь трвати(ru) трвати^[4]. Калмаф советскяй воинонь калмалангса Паланга ошса (Литваса)^[5].

Разведчиксь тись 300 малава боевой лийкстамат.

Казненза

Советскяй Союзонь Герой (22.07.1944).
Ленинонь орденоц (22.07.1944)
Якстерь Знамянь колма орденонза (3.11.1943, 10.04.1944, 10.02.1945)
Якстерь Тяштень орден (4.08.1943)
«Ленинградть араламанкса» медаль (казьф 1943-це кизоня)

Колганза мялямсь

Калининградскяй областень Чкаловск посёлкаса Героень площадьса путф М. Н. Тоболенконь бюстоц.
М. Н. Тоболенконь лемса лемтьф Шаталовскяй муниципальнай средняй общеобразовательнай школась, кона ащи Починковскяй районца Шаталовскяй военнай гарнизонца. Тя вастста 10 вайгяльбет ся вастти, коса шачсь М. Н. Тоболенко.
Стелась, коса сёрматф Геройть лемоц, стяфтф Смоленск ошса Смоленскяй кремлять стенанзон ваксса Героень Аллеяса. Стане жа сонь фамилияц Калининград ошса Балтийскяй флотонь лётчикненди лемтьф мялямгевть(ru) эса.

Геройть лемса лемтьф Паланга ошса ульця.
Тоболенко М. Н. лемонц каннезе Дзержинск ошень 1-це № школать пионерскяй дружинац.

Геройть лемсонза лемтьф Дзержинск ошса ульця.

Лятфтамат

↑ Морские лётчики — Герои Советского Союза. Тоболенко Михаил Николаевич. // Морской сборник. — 2015. — № 12. — С.63.
↑ ¹ ² ³ Анатолий Лашкевич. В воздушных боях. Балтийское небо(руз.). — ООО «Издательство «Яуза», «Издательство «Эксмо», 2010. — 384 с. — 3000 экз. — ISBN 978-5-699-40739-2.
↑ Наградной лист на присвоение М. Н. Тоболенко звания Героя Советского Союза. // ОБД «Память народа».
↑ Список потерь офицерского состава ВВС КБФ с 6 по 15 апреля 1945 г. // ОБД «Память народа».
↑ Учётная карточка и поименный список захоронения. // ОБД «Память народа».

Литературась

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Буров А. В. Твои герои, Ленинград. — Л.: Лениздат, 1970.
Шаблон:Книга:Смоляне-Герои Советского Союза
Герои войны. — Таллин, 1984. — С.347—348.
Герои Советского Союза Военно-Морского Флота 1937—1945. — М., 1977. — С.467.
Кавалеры Золотой Звезды. — Донецк, 1976. — С.423—424.

Ссылкатне

Михаил Николаевич Тоболенко (рус.). Сайт «Герои страны».
Биография Героя на сайте Администрации МО «Починсковский район» Смоленской области.

[1] Морские лётчики — Герои Советского Союза. Тоболенко Михаил Николаевич. // Морской сборник. — 2015. — № 12. — С.63.

[:0-2] ¹ ² ³ Анатолий Лашкевич. В воздушных боях. Балтийское небо(руз.). — ООО «Издательство «Яуза», «Издательство «Эксмо», 2010. — 384 с. — 3000 экз. — ISBN 978-5-699-40739-2.

[3] Наградной лист на присвоение М. Н. Тоболенко звания Героя Советского Союза. // ОБД «Память народа».

[4] Список потерь офицерского состава ВВС КБФ с 6 по 15 апреля 1945 г. // ОБД «Память народа».

[5] Учётная карточка и поименный список захоронения. // ОБД «Память народа».

[1]

[2]

[3]

[4]

[5]