Тараканов, Николай Сергеевич
| Николай Сергеевич Тараканов | ||||||||||||||||
|---|---|---|---|---|---|---|---|---|---|---|---|---|---|---|---|---|
 | ||||||||||||||||
| Шачема шиц | 27-це январьста 1918-це кизоня | |||||||||||||||
| Шачема вастоц |
|
|||||||||||||||
| Кулома шиц | 13-це ноябрьста 1993-це кизоня (75 кизоц) | |||||||||||||||
| Кулома вастоц |
||||||||||||||||
| Принадлежностсь |
 СССР |
|||||||||||||||
| Служама кизонза | 1939—1960 | |||||||||||||||
| Званияц |
 |
|||||||||||||||
| Сражениятне/войнатне | ||||||||||||||||
| Казненза и премиянза |
|
|||||||||||||||
Никола́й Серге́евич Тарака́нов (27 январьста 1918 — 13 ноябрьста 1993) — 61-це гвардейскяй стрелковай полконь командирть заместителец, гвардиянь капитан. Советскяй Союзонь Герой.
Эряфонь киц
Шачсь 1918-це кизонь 27-це январьста Урей велеса (тяни - Мордовия Республикань Темниковань аймаксь). 1933-це кизоня аделась 7 класст и алянц мархта тусь Тбилиси ошу. Тоса покодсь карьсембялень фабрикаса, складса сортировщикокс.
1939-це кизонь майста Тбилиси ошень военкоматсь тердезе Якстерь Армияв. Советско-финскяй войнать пингста 1939—1940-це кизотнень воявась Карельскяй перешейкать эса мольфтеви тюрематнень эса. 1940-це кизоня аделась полковой школа.
1941-це кизонь июньцта сявомок тюрсь Великай Отечественнай войнаса. Тюрсь Западнай, Волховскяй, Калининскяй, 1-це Прибалтийскяй, 3-це Белорусскяй фронттнень эса, аралась и панць врагть эса Великие Луки, Рудня, Витебск, Каунас, Шяуляй велетнень-ошнень эзда. Колмоксть ранендафоль. 1942-це кизонь майста аделась младшай лейтенантонь курсат. 1942-це кизонь октябрьста сувась ВКП(б)/КПСС-у. 1943-це кизонь июньцта мрдась фронту, вятсь взвод, батарея и ульсь начальникокс полконь артиллерияти.
Войнать аделамстонза гвардиянь капитанць Тараканов ульсь 61-це гвардейскяй стрелковай полконь командирть заместителец. Лац няфтезне прянц бойхнень эса Восточнай Пруссияса вражескяй группировкатнень тапамаса-машфтомаса.
1945-це кизонь 13-16 апрельста Косненен и Гайдау васттнень эса тюрематнень пингста, конат мольфтевсть Земландскяй группировкать тапамаса-машфтомаса, гвардиянь капитанць Тараканов маштозь ладязе артиллериять тевонц, тюремста няфтезе мезьдовок аф пелеманц и мужестванц.
Гайдау велеть маласа ащи врагть опорнай пунктонц инкса тюрематнень пингста сон кучсь врагть тылозонза пехотань десант. Группа солдат мархта сон васенцекс сувась душматтнень ащема вастозост. Фашисттнень(ru) мархта тюремаса ульсь маштф 100 душман и 76 сявф полонц. Немецне, кочкамок вийснон, тяряфтсть мрдафтомс эсь позицияснон, но Тараканов васьфтезень синь артиллериянь вии толса и потафтозень меки. Тюремаса нолдавсть тевс немецонь пушкатне, конат сявфтольхть тяда инголе. Контужендафоль, но вятезе бойть сяда тов. Мзярда ранендафоль фкя расчётса наводчиксь, офицерсь сонць арась вастозонза и видеста повомда меле машфтсь вражескяй орудия.
СССР-нь Верховнай Советонь Президиумть указонц коряс 1945-це кизонь 29-це июньцта гвардеянь капитанць Николай Тараканов командованиять боевой заданиянзон фронтса лац тиеманксост и мужествань и героизмань няфтеманкса казьфоль Советскяй Союзонь Герой оцю лемса, Ленинонь орденца и "Зрнянь Тяште" медальса.
Германиять тапамда меле тюрсь Япониянь империалисттнень каршес, войнать аделазе Порт-Артурса. Сяськомада меле поладозе Армияса служаманц. 1946-це кизоня аделась офицеронь составонь цебярьгофтомань курсат. 1960-це кизонь августста полковниксь Тараканов тусь запасс.
Эрясь Горькай ошса. Пенсияс тумозонза покодсь нефтебазаса. Кулось 1993-це кизонь 13-це ноябрьста. Калмаф Нижняй Новгородса Бугровскяй калмалангса.
Казьф Ленинонь орденца, Якстерь Знамянь кафта орденца, Отечественнай войнань 1-це степенень колма орденца, Отечественнай войнань 2-це степенень орденца, Якстерь Тяштень кафта орденца. Казьф эрь-кодама медальса, ули "Боевой заслуганкса" медалец.
Литературась
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
- Дриго С. В. За подвигом подвиг. — Калининградское кн. изд-во, 1984.
- Тюльников Л. К., Басович Я. И. Герои Советского Союза — горьковчане. — Горький, 1981.
Ссылкатне
- Николай Сергеевич Тараканов (рус.). Сайт «Герои страны». Дата обращения: 7 июльста 2014.