Суфияров, Ильдар Филоретович
| Ильдар Филоретович Суфияров | ||
|---|---|---|
 | ||
| Шачема шиц | 15 ноябрьста 1971 | |
| Шачема вастоц |
||
| Кулома шиц | 12 апрельста 2024 (52 кизоц) | |
| Принадлежностсь |
 Россия |
|
| Войскань родсь | Сухопутнай войскатне | |
| Званияц | ||
| Должностец | мотострелковай взводонь командир | |
| Сражениятне/войнатне | Специальнай военнай операция | |
| Казненза и премиянза |
|
|
Ильда́р Филоре́тович Суфия́ров — военнослужащай Российскяй Федерациянь Вооружённай Вийхне, старшай лейтенант, командир 2-це мотострелковай взводонь 2-це мотострелковай ротань «Башкортостан» полконь командирсь[1].
Российскяй Федерациянь Герой (куломдонза меле, 2024)[2].
Эряфонь киц СВО-да инголе
Ильдар Суфияров шачсь 1971-це кизоня 15-це ноябрьста Уфа ошса. 1994-це кизоня Уфимскяй нефтяной институтть шумордамда меле сон пцта колмогемонь киза покодсь нефтепереработкаса. 2023-це кизоня Оборонань министерствать мархта ладясь контракт и арась командиркс реактивнай артиллерийскяй взводти 31-це мотострелковай полкти, конанди максфоль лем «Башкортостан».
Подвигсь
Ильдар Суфияров сёрмадозе СВО-са службас контрактть 2023-це кизонь майста [3].
Мекольце бойсь
12-це апрельста специальнай военнай операциянь вастса группась Суфияровонь вятеманц кядяла аф фкя част кирдезень позициятнень.Ся пингть синь ащесть 50 метра ваксса противникть эзда. Бандеровецне сембе ширде врьгятнесть. Кафта частт тяряфтсть лоткафтомс люпштаматьткомандирсь грамотнайста вятезе взводть тюреманц. Пингонь ётазь лийсть «нармоннятне», Суфияров, няемок синь, макссь команда цёратненди - потамс! Сонць ранендафоль ни, но таки тяряфтсь араламс эсь ялганзон. Украинскяй боевикне ёрасть сявомс командирть эрекста, но сон ашезь макса пря пленц. Пленц аф повоманкса, боецсь ляцезе прянц и ВСУ-нь колма военнайхнень гранатаса[2]Вооружённые силы Украины. Россиянь президентть Владимир Путинонь указонц вельде Ильдар Суфияровонди максф Россиянь Герой лемсь куломдонза меле[4].
Колганза ялганза
Позывноец ульсь «Хасан». Ялганзон мялямс лядсь смелай, аф пели ломанькс. Сон фалу ащесь инголе, маштсь ужяльдемс эсь ялганзон. Ламотненди сон ульсь, кода родной аля. Ся шиня, бойть кирдемста, сон ашезь арьсекшне подвигонь колга, а тиезе эсь боевой долгонц. Сон ульсь пяк грамотнай командир. Фалу азонкшнезе валвеляфксть: «Тон анокат - и мон анокан!» - улема, тянь мархта тяряфнесь кеподемс минь эсонк тюремань вийть и сяськомань мяльёжетнень. Ильдар Суфияров ёрась мрдамс куду сяськикс. И мирнай эряфса нинге ваннемс унокт.
Башкортостан Республикань Оцюнясь Радий Хабиров Суфияровонь колга азозе тяфта:
Аф пели воин, аф люштави воля и калгода характер мархта – тяфтамкс сон иляды служай ялганзон мялямса. Маштозь вятезе эсь взводонц, боевой задачатнень сидеста сашендовсть тиемс врьгятнихнень толснон ала.
Лятфтамат
- ↑ «Башкортостан», ГТРК (2024-10-12). “Уфимцу Ильдару Суфиярову посмертно присвоили звание Героя России”. ГТРК «Башкортостан». Дата обращения 2024-10-12.
- ↑ 1 2 Путин присвоил звание Героя России посмертно Ильдару Суфиярову из Уфы. РБК УФА (12 октябрьста 2024). Дата обращения: 12 октябрьста 2024.
- ↑ Ильдару Суфиярову из Уфы присвоено звание Героя России посмертно. Газета.ру (12 октябрьста 2024). Дата обращения: 12 октябрьста 2024.
- ↑ “Путин присвоил звание Героя России посмертно Ильдару Суфиярову”. Lenta.RU. 2024-10-12. Дата обращения 2024-10-12.