Владимир Путин

Запрос «Путин» перенаправляется сюда; см. также другие значения.

Владимир Владимирович Путин
руз.: Владимир Владимирович Путин
4-й Российскяй Федерациянь президент
7-це майста 2012
Правительствань оцюнясь	Виктор Зубков (2012, и. о.)
Ингольденза ащись	Дмитрий Медведев
2-й Российскяй Федерациянь президент
(и. о. 31 декабря 1999 — 7 мая 2000) 7 мая 2000 — 7 мая 2008
Правительствань оцюнясь	Михаил Касьянов(2000—2004) Виктор Христенко (2004, и. о.) Михаил Фрадков (2004—2007) Виктор Зубков (2007—2008)
Ингольденза ащись	Борис Ельцин
Мельганза улись	Дмитрий Медведев
Россиянь Государственнай советонь председатель
7-це майста 2012
Ингольденза ащись	Дмитрий Медведев
22-це ноябрьста 2000 — 7-це майста 2008
Ингольденза ащись	должностсь кемокстаф
Мельганза улись	Дмитрий Медведев
Россиянь Правительствань председатель
8-це майста 2008 — 7-це майста 2012
Президентсь	Дмитрий Медведев
Ингольденза ащись	Виктор Зубков
Мельганза улись	Виктор Зубков (и. о.) Медведев, Дмитрий Анатольевич
(и. о. 9—16-це августста 1999) 16-це августста 1999 — 7-це майста 2000
Президентсь	Борис Ельцин он сам (и. о.)
Ингольденза ащись	Сергей Степашин
Мельганза улись	Михаил Касьянов
Союзнай государствань Министронь Советонь Председатель
27-це майста 2008 — 18-це июльста 2012
Ингольденза ащись	Зубков, Виктор Алексеевич
Мельганза улись	Дмитрий Медведев
«Единая Россия» партиять председателец
7-це майста 2008 — 26-це майста 2012
Ингольденза ащись	Грызлов, Борис Вячеславович
Мельганза улись	Дмитрий Медведев
СНГ-нь государствань оцюнянь Советонь председатель
1-це январьста — 31-це декабрьста 2017
Ингольденза ащись	Алмазбек Атамбаев
Мельганза улись	Эмомали Рахмон
16-це сентябрьста 2004 — 20-це майста 2006
Ингольденза ащись	Леонид Кучма
Мельганза улись	Нурсултан Назарбаев
25 января 2000 — 29 января 2003
Ингольденза ащись	Борис Ельцин
Мельганза улись	Леонид Кучма
Россиянь Безопасностень Советонь секретарь
29-це мартста — 9-це августста 1999
Президентсь	Борис Ельцин
Ингольденза ащись	Бордюжа, Николай Николаевич
Мельганза улись	Иванов, Сергей Борисович
Директор ФСБ России
25-це июльста 1998 — 9-це августста 1999
Президентсь	Борис Ельцин
Ингольденза ащись	Ковалёв, Николай Дмитриевич
Мельганза улись	Патрушев, Николай Платонович
Щачемац	7 октябрьста 1952(1952-10-07) (72 кизоня ) Санкт-Петербург, СССР
Шачема юр	Путины
Аляц	Владимир Спиридонович Путин
Тядяц	Мария Ивановна Путина
Супруга	Людмила Путина (Шкребнева) (1983—2013)
Иденза	Мария (1985), Екатерина (1986)
Партиясь	КПСС (1975—1991) НДР (1995—1999) Единство (1999—2001) Единая Россия (председатель, тяконь лувксса тя партияса аф ащись, 2008—2012)
Образованияц	1. Ленинградскяй государственнай университетсь 2. СССР-нь КГБ-нь высшай школась 3. СССР-нь КГБ-нь Краснознамённай институтсь
Учёнай степенец	экономическяй наукань кандидат (1997)
Профессияц	юрист, разведчик, чиновник, политик
Деятельностец	президентствась, госслужбась, спецслужбась
Ащемац к религияти	православия
Автографоц
Казненза	СССР, Российской Федерации и СНГ: конфессиональные награды: спортивные звания: Других государств: наградное оружие:
Сайтсь	kremlin.ru (kremlin.ru
Военная служба
Служамань кизонза	1975—1991, 1998—1999
Ащемац	СССР → Россия
Войскань родсь	КГБ СССР→ Россиянь ФСБ-сь→ Россиянь ВС
Званияц	ГБ, Полковник полковник (1999) Классный чин: действительный государственный советник Российской Федерации 1-го класса
Командовась	Российскяй Федерациянь Вооруженнай виень Верховнай главнокомандующай (31-це декабрьста 1999 — 7-це майста 2008; 2012-це кизонь 7-це майста сявомок)
Тюреманза	Омбоце чеченскяй войнась Войнась Грузияса (2008)
Покодема вастоц	Администрация президента России[d] Управление делами Президента Российской Федерации[d] Первое главное управление КГБ СССР[d] Комитет государственной безопасности СССР[d]
Владимир Путин Википърдафксса
Произведения в Викилисьма

Влади́мир Влади́мирович Пу́тин (шачсь 7-це октябрьста 1952-це кизоня, Ленинградса, СССР-са) — российскяй государственнай и политическяй тевонь вяти. Российскяй Федерациянь тяниень президентсь, Российскяй Федерациянь Государственнай Советонь и Российскяй Федерациянь Безопасностень Советонь председатель; Российскяй Федерациянь Вооруженнай Виень Верховнай Главнокомандующай 2012-це кизонь 7-це майста сявомок. Тяда инголе сатнезе президентонь должностть 2000-це кизонь 7 майста 2008-це кизонь 7-це майти сявомок, тяфта жа 1999—2000-це и 2008—2012-це кизотнень сатнезе Российскяй Федерациянь Правительствань Председателень вастть. Оду кочкаф Россиянь Президентонь должностти кочкаматнень пингста, конат мольсть 2024-це кизонь 15-це мартста 17-це мартти самс (инксонза максозь вайгяльснон 76 277 708 ломань или 87,28 %).

Ленинградскяй государственнай университетонь юридическяй факультетонь выпускниксь (ЛГУ). 1977-це кизоста сявомок покодсь СССР-нь КГБ-нь Ленинградонь и Ленинградскяй областень Управлениянь следственнай отделса. 1985-це кизоста сявомок 1990-це кизоти самс служась советскяй внешняй разведкань резидентураса ГДР-са. Ленинграду мрдамда меле покодсь ЛГУ-нь ректорти лездыкс, меле Ленинградскяй горсоветонь председательть Анатолий Собчаконди советникокс. Тумок КГБ-ста 20-це августста 1991-це кизоня, кармась покодема Санкт-Петербургонь мэрияса. Меле ётась эряма Москуву, коса ладяфоль РФ-нь Президентонь тевонь тииенди вятиень заместителькс. 1997-це кизоня Путин получась экономическяй наукань кандидатонь степень. 1999-це кизонь августста арась правительствань пряфксокс.

Государствань васенце лицакс арась 31-це декабрьста 1999-це кизоня, Россиянь Президентть Борис Ельцинонь отставкада меле, мзярда ладяфоль аф сембе пингс президентонь тевонь тиемань пяшкодикс. Россиянь Президенткс васенцеда кочкаф 26-це мартста 2000-це кизоня, а меле оду кочкафоль (2004), (2012) (2018) кизотнень. 2012-це кизонь кочкаматнень инголе президентскяй полномочиянь пингсь конституционна касфтфоль 4 кизоста 6 кизос. Российскяй Федерациянь Конституцияти петьксонь тиемда меле получась права лихтемс эсь кандидатуранц президентскяй кочкамаса 2024-це кизоня.

Владимир Путинонь васенце президентскяй пингонь улемста российскяй экономикась экономическяй реформада меле и ветень крда питнень касомать нефтать и газть лангс сяда сидеста 7 % кизоти. Сонь пингстонза Россиясь сяськсь Омбоце чеченскяй войнаса.

2008—2012-це кизотнень улемок премьер-министркс Дмитрий Медведевонь президентокс улемста, Путин вятезень армиянь и полициянь реформатнень.

Шачеманц колга

Эряйхнень Всероссийскяй оду сёрмадомаснон пингста (2010) Путин эсь валонзон коряс, национальностьс коре руз .

Аляц — Владимир Спиридонович Путин (23-це февральста 1911 — 2-це августста 1999), шачсь Поминово велеса Тверской уездонь Тверской губернияса, 1933—1934-це кизотнень служась ведялдонь флотса, Великай Отечественнай войнаса улись. РККА-са — 1941-це кизонь июньцта сявомок, 330-це стрелковай полконь боец 86-це стрелковай дивизиясь (2-це формированиясь)|86-це дивизиянь Якстерь Армиянь, араламок Невскяй пятачокть, ульсь стакаста ранендаф осколкаса кержи пламанжазонза и пильге лапазонза 17-це ноябрьста 1941-це кизоня. Казьф: «Боевой сатфксонкса», «Ленинградть араламанкса», «Германиять лангса сяськоманкса» медальса. ВКП(б)-в сувафтфсь 1941-це кизоста сявомок. Войнада меле — И. Е. Егоровонь лемса Ленинградскяй вагоностроительнай заводса мастер. 1985-це кизоня казьф Отечественнай войнань 1-це степенень орденца.

Тядяц — Мария Ивановна Путина (стирькс Шеломова) (17-це октябрьста 1911 — 6-це июльста 1998), шачсь Тверскяй уездонь Тверской губерниянь Заречье велеса, коса содафтсь Владимир Спиридоновичень мархта, тяфта жа покодсь заводса, ётафтозе Ленинградонь блокадать. КБФ-нь штабть мархта, казьф медальса «Ленинградть араламанкса».

• 

  Отец — Владимир Спиридонович Путин

• 

  тядяц — Мария Ивановна Путина (стирькс Шеломова)

• 

  Владимир Путин эсь тядянц мархта. 1958-це кизонь июльста

Идькс пингоц и одкс пингоц

Владимир Путин алянц-фронтовикть портретонц мархта «Аф кулоф полконь» молемать пингста Москуса, 9-це майста 2017-це кизоня

Шачсь 7-це октябрьста 1952-це кизоня Ленинградса, В. Ф. Снегирёвонь лемса шачфтома кудса Маяковскяень куроса. Кстиндафоль Спасо-Преображенскяй соборса.

Владимир семьяса ульсь колмоце идсь. Кафта оцю брадонза кулость, сонь шачемдонза инголе: Альберт (кулось Великай Отечественнай войнать ушедомда инголе) и Виктор (1940—1942).

Путиттнень семьясна эрясть Ленинград ошса комнатаняса коммунальнай квартираса Басковонь переулкаса (ветеце этажса, 12№ кудса), тя квартираса Путин эрясь СССР-нь КГБ-са покодема ушедомда инголе. Дачань Тосноса Путин школьникть комнатаса ащесь Ян Берзинонь портретоц советскяй военнай разведкань пуроптыть эзда фкясь. Арамок президентокс, Путин азонкшнезе, што шабакскиге ульсь мялец арамс разведчикокс.

1960—1965-це кизотнень Путин тонафнесь 193№ школаса-восьмилеткаса. Меле средняй школаса 281№ (спецшкола химическяй ширь мархта Технологическяй институтть видеса), конань шумордазе 1970-це кизоня.

1964-це кизоста сявомок тонафнесь дзюдоса «Турбостроитель» спортивнай клубса Анатолий Рахлинонь и Леонид Усвяцовонь кядь видеса. Ленинградскяй лия спортсметтнень ёткса ульсь «Ленфильмаса» каскадёркс, снимандафоль военнай «Ижорский батальон» драмаса и «Блокада» эпопеяса .

1970—1975-це кизотнень тонафнесь ЛГУ-нь международнай отделениянь юридическяй факультетса, коса сувась КПСС-у. Тонафнемстонза васенцеда васьфтезе Анатолий Собчаконь, ся пингста ЛГУ доцентть. Дипломнай работанц темац — «Принцип наиболее благоприятствуемой нации» (научнай руководителец Галенская, Людмила Никифоровна, международнай правань кафедрась).

Правительствав самозонза карьерац

СССР-нь КГБ-са службац (1975—1991)

Фотось КГБ-нь сотрудниконь личнай тевстонза

1975-це кизоня шумордазе ЛГУ-нь юридическяй факультетть , явомать коряс покодема кучфоль Государственнай безопасностень комитету. Эстонь пингть ётась оперативнай составонь анокламань курсат Охтаса (историческяй районць) («401-це школаса») и ульсь аттестовандаф младшай офицеркс (юстициянь старший лейтенант) СССР-нь КГБ-нь территориальнай органонь системаса.

1977-це кизода меле покодсь СССР-нь КГБ-нь Управлениянь Ленинградть и Ленинградскяй областть эзга контрразведкать коряс следственнай отделса . Путинонь покодема вастоц ульсь тяфта лемневи «Оцю кудса», 1979-це кизоня ётась кота ковонь одукс анокламань тонафнемат КГБ-нь Высшай школаса.

1984-це кизоня юстициянь майор званияса кучфоль командировкас тонафнема фкя кизонь факультетс КГБ-нь Краснознамённай институту, конань шумордазе 1985-це кизоня «Внешняя разведка» специальностть коряс. Путин ётась аноклама кода легальнай, станя и аф легальнай разведкать коряс. Ульсь тонафнемань отделениянь старостакс, тонафнезе немецонь кяльть.

1985—1990-це кизотнень Путин покодсь ГДР-са КГБ-нь внешней разведкать коряс. Теенза вятикс ульсь Шинь стяма ширдень Германияса советскяй разведгруппань начальниксь, Лазарь Матвеев СССР-нь КГБ-нь представительсь ГДР-нь Госбезопасностень министерствать видеса полковниксь (ульсь содаф майста 2017-це кизоня 90 эряфонь кизоса). Путинонди коллегакс службань коряс Дрезденца ульсть Сергей Чемезов и Николай Токарев.

Командировканц пингста кизос коре Путин кепотьф подполковниконь званияти и отделонь начальникти оцю лездыень должностти. Берлинскяй стенать прафтомда меле, 5-це декабрьста 1989-це кизоня немецкяй демонстранттне тяряфтсть врьгятезь сявомс советскяй резидентурань особнякть Angelikastrasse 4 куроса, КГБ-нь архивонь каготтнень сявоманкса, Путинонди удалась корхнемс срадомс тяза саф пуромфнень табельнай оружиянь тевс апак нолдазь. 1990-це кизонь январьста Путин шумордазе командировканц ГДР-у и мрдась Ленинграду.

1989-це кизоня казьф «Сатфксонкса» бронзовай медальса ГДР-нь Национальнай народнай армиянь.

СССР-у мрдамда меле, Путинонь валонзон коряс, сонць атказась ётамать эзда КГБ-нь внешняй разведкань центральнай аппарату Москуса и мрдась васенце отделу (разведкась СССР-ть террриториянц эса) КГБ-нь Ленинградскяй управленияв. 1990-це кизотнень Литейнай зданияса подполковник Путинць занцезе 643№ кабинетть. Котоце этажса шабрань кабинетса покодсь, Сергей Иванов — сай пингонь РФ-нь араламань министрсь, Путин Президентть администрациянц оцюнясь .

20-це августста 1991-це кизоня, мзярда Ленинградонь мэрсь Собчак, Анатолий Александрович атказась тиемс ГКЧП-нь вешфкснень, Путин, ся пингти покодемок Собчаконь мархта кизода ламос, сёрмадсь рапорт КГБ-ста тумать колга; отставкась ульсь прняндаф.

Санкт-Петербургса покодемац (1990—1996)

1990-це кизонь тундать ушетксста Путинонь официальнай покодема вастоц ульсь Ленинградскяй государственнай университетсь, коса сон арась ректорти Меркурьев, Станислав Петровиченди лездыкс международнай кизефкснень коряс. Меле Меркурьев Путинонь рекомендавандазе Собчаконди.

1990-це кизонь майста, Собчаконь кочкамда меле Ленинградскяй ошень народнай депутатонь Советонь председателькс, Путин арась теенза советникокс.

1991-це кизонь 28-це июньцта, Собчаконь мэркс кочкамда меле, — председателень обязанностень пяшкотькшнись, а 15-це июльста — Комитетонь председатель Ленинградонь мэриянь внешняй соткснень коряс (16-це майста 1992-це кизоня — Санкт-Петербургонь). Внешняй связень комиттета башка, Путин втяезе оперативнай кизефкснень корясмэриянь комиссиять.

1993-це кизоста сявомок Собчак кадондолезе путинонь полафтыкс эсь вастозонза омба мастору якаманзон пингста.

Мартста 1994-це кизоня Путин ульсь ладяф васенце полафтыкс Санкт-Петербургонь правительствань председательти, ванфтомок эсь мельганза вятиень должностть внешняй соткснень коряс комитетса.

Кизонда 1996-це кизоня Собчак кадозе мэронь вастть, ашесть сяськов кочкматне, мезьда меле Санкт-Петербургонь мэрияса Путинонь покодемац шумордавсь.

Москуса покодемац (1996—1999)

1996-це кизонь августста, Собчаконь аф сяськоманц губернаторскяй кочкамаса, Владимир Путин, эсь лятфнеманзон коряс ёрась, кода и августовскяй 1991-це кизонь путчта меле тумс покодема таксистокс. Сяда ингольдень Петербургонь вице-мэрсь контр-адмиралсь Вячеслав Щербаков лятфнезе, што Путинонь тернезь Владимир Яковлевонь од администрациязонза, но Путин, Игорь Сечинонь виденцяманц коряс, лувозе тянь предательствакс и прокс атказась.

Курок Путин ульсь тертьф покодема Москуву Павел Бородинонди полафтыень должностьс, президентонь тевонь управлющайкс..

26-це мартста 1997-це кизоня Путин путф Россяинь Президентонь администрациянь вятиень полафтыкс — Российскяй Федерациянь Президентонь Главнай контрольнай управлениянь начальникокс, тя вастса полафтомок Алексй Кудринонь.

Владимир Путин РФ-нь безопасностень Федеральнай службань директор. 1998-це кизось

РФ-нь Федеральнай службань безопасностень директор Владимир Путин. 1998-це кзось

25-це майста В. Б. Юмашевонь мяленц коряс Путин ульсь путф теенза васенце полафтыкс президентонь Администрацяса, ответственайкс региоттнень мархта покодемать инкса. Тя пингоня лувондовсь Кремляса сембода оцю ломаттнень ёткста фкясь.

25-це июльста 1998-це кизоня Путин путфоль Российскяй Федерациянь безопасностень Федеральной службань директоркс. ФСБ-нь оцюнянь вастса ащемста машфтозень ФСБ-нь управлениятнень экономическяй контрразведкать и стратегическяй объекттнень контрразведывательнай обеспечениянь коряс, вастозост пуроптсь кота од управленият. На должности директора ФСБ Путину было присвоено воинское звание полковник.

1999-це кизонь апрельста комиссиянь заключениять коряс Сергей Степашинонь потмоширдень тевонь министрть мархта васстонза валхтфоль генеральнай прокурорсь Юрий Скуратов, кона вятезе тевть Ельцинонь перьфке ащихнень мархта.

1999-це кизонь майть ушетксста Ельцин сась мяльс максомс азрондамать Путинонди. 5-це августста Путинонь мархта васедемста Ельцин азозе, што ёрасы путомс сонь Россиянь правительствань председателькс.

Диссертациянь араламась (1997)

1997-це кизоня Путин аралась диссертация экономическяй наукань кандидатонь кандидатскяй степенень вешемать коряс «Стратегическое планирование воспроизводства минерально-сырьевой базы региона в условиях формирования рыночных отношений (Санкт-Петербург и Ленинградская область)» темать коряс Санкт-Петербургскяй государственнай горнай институтса. Научнай руководителькс работанцты ульсь экономическяй наукань докторсь, профессорсь Федосеев, Владимир Анатольевич.

Правительствань председатель (август — декабрь 1999)

1999-це кизонь 7-це августса  Дагестанть лангс врьгятсть боевикне, а тостоконь радикальнай исламисттне сувафтсть шариаттонь азорондамать Ботлихскяй и Цумадинскяй районттнень кой-кона вастова. Тя врьгятемась, улема, кой-кона эксперттнень мяльснон коряс, и арась Путинонь путоманцты РФ-нь Правительствань председателень вастти.

9-це августста президент Ельцин путозе сонь Российскяй Федерациянь правительствань васенце полафтыкс и председателень тевонь тиемань пяшкодикс Сергей Степашинонь вастс. Сяка шиня телевизорса корхтамстонза Ельцин лемдезе Путинонь эстеенза мельганза тевкс кундайкс.

16-це августстаа Путин Госдумась кемокстазе Путинонь правительствань председателень вастти . Тя вастса улемсонза Путин пуроптсь и арась пряфксокс операцияти боевикнень каршес.

1999-це кизонь сентябрьста Россияса ульсь аф фкя террористическяй акт — сязенднезь эряма куттнень Буйнакскяйса, Москвуса, Волгодонскяйса, жертвакс арась 300-та лама ломань.

18-це сентябрьста Чечнять масторкитьксонза ульсть пякстафт российскяй войскатнень вельде. 1-це октябрьста российской армиянь танковай подразделениятне сувасть Чечняв.

3-це декабрьста 1999-це кизоня российскяй ламоц изданиятнень эса опубликовандаф Путинонь программнай статьяц «Россия на рубеже тысячелетий», коса Путин няфтезе эсь мяленц ётай пингть и сай пингть инголе путф задачатнень и политическяй приоритеттнень: «патриотизма», «державность», «государственничество», «социальнай солидарность», «сильное государство».

Госдумав кочкаматнень пингста «Единство» од политическяй движениясь, конань ширенц кирдезе Путин кочкась 23,3 % вайгяль, сатомок омбоце вастть.

Президентонь тевонь тиематнень пяшкодисна (31-це декабрьста 1999 — це майста 2000)

Владимир Путин, Александр Волошин и Борис Ельцин, кона туй Кремляста.
31-це декабьста 1999-цекизоня

31-це декабрьста 1999-це кизоня Ельцинонь пингта инголе вастста туманц сюнеда Путин ушедсь пяшкодема президентонь тефнень.

Государственнай васенце актсь, конань лангс путозе кяденц Путин РФ-нь президентонь тевонь тиендемань пяшкодиень вастса, арась указсь «О гарантиях президенту Российской Федерации, прекратившему исполнение своих полномочий, и членам его семьи» . В 2001-це Владимир Путин путозе кяденц аналогичнай федеральнай законть лангс.

Россиянь Президентонь вастти арамац Государственнай Кремлёвскяй дворцса. Москва, 7-це майста 2000-це кизоня

Президентонь кочкаматнень пингста 26-це мартста 2000-це кизоня Путин сяськсь васенце турса, кочкамок 52,94 % вайгяль.

Васенце и омбоце президентскяй пинкне (2000—2008)

7-це майста 2000-це кизоня Путин арась Россиянь президентокс . 17-це майста 2000-це кизоня Россиянь правительствань председателень вастти путозе Михаил Касьяновонь.

4-це февральста 2004-це кизоня Касьяновонь правительствац ульсь валхтф, правительствань од председателькс путф Михаил Фрадков.

14-це мартста 2004-це кизоня Путин кочкаф президентокс омбоце пингс, сатсь 71,31 % вайгяль. Должностти арась 7-це майста 2004-це кизоня.

12-це сентябрьста 2007-це кизоня Путин валхтозе Фрадковонь правительстванц, путомок правительствань оцюнякс Виктор Зубковонь.

7-це майста 2008-це кизоня максозе азорондамать кочкаф президентти, сядонгольдень эсь администрациянц оцюнянцты Дмитрий Медведевонди. Кафта-колма шишкада тяда инголе Путин сатозе 20-це вастть Time лемлувксса «100 самых влиятельных людей мира».

Омбоце чеченскяй войнась

Владимир Путин Чечнянь администрациянь оцюнять Ахмат Кадыровонь мархта

.

Омбоце чеченскяй войнась республикаса вятсь оцю полатфксненди. 2000-це кизонь тундати самс федеральнай войскатне ладясть контроль Чечнять оцюшка пялькссонза.

Инь оцю событиятне:

• 2000-це кизонь мартста васенцеда 1991 -це кизоста сявомок тифт кочкамань участкат
• Ахмат Кадыров и лия полевой командирхне ётасть федеральнай войскатнень ширес
• 2000-це кизонь июньцта Путин путозе Кадыровонь Чечнянь администрациянь оцюнякс
• 2003-це кизоня прняндаф республикань конституциясь
• 2003-це кизонь октябрьста Кадыров кочкаф республикань оцюнякс
• 2004-це кизонь майста Кадыров шавови терактть пингста
• 2007-це кизонь апрельста Рамзан Кадыров республикати арась оцюнякс

Войнась официальна шумордавсь 16-це апрельста 2009-це кизоня веньгучкать.

Севернай Кавказса терроризмать каршес тюремась

Келиста вятеви войсковой операциять аделамда меле чеченскяй сепаратисттне кармасть сяда тов вятема война федеральнай азорондайхнень каршес. Синь ётафтсть лама террорда и диверсияда. Сембода оцю корхтафтомакс арась Дубровкать Театральнай центрать сатомац боевикнень кядьс, кона ульсь Москуса 23-це октябрьста 2002-це кизоня .

24-це августста 2004-це кизоня аватне-кулофтыхне сязсть кафта пассажирскяй самолётт, конат лийкстасть Домодедово аэропортста. 1-це сентябрьста боевикне сявозь школать Бесланца (Кельме шиодень Осетиясь), заложникокс сявсть тёжяньда лама идь и оцю ломань.

Мартста 2005-це кизоня ФСБ-нь спецоперациять пингста машфтфоль «Ичкериянь президентсь» Аслан Масхадов. Тяда меле боевикнень диверсионно-террористическяй врьгятнемасна кирсь. 31-це январьста 2006-це кизоня российскяй спецслужбань спецоперациять пингста ульсь машфтф 1№ террористсь Шамиль Басаев.

2019-це кизоня сембода стака вастокс эсь президентстванц пингста Путин лемдезе террористтнень вврьгятемаснон Театральнай центраса Дубровкаса Москуса и Бесланонь школаса .

Политическяй системать эса реформатне

2000-це кизонь майста Путин эсь указонц мархта ладясь федеральнай окрукнень эса институт полномочнай представителень эзда. Ульсь ушетф масштабнай тев региональнай закоттнень марс ладямаснон федеральнайхнень мархта.

Бесланца террористическяй актта меле, 13-це сентябрьста 2004-це кизоня Путин азсь мяль полафтомс региононь оцюнятнень кочкамаснон коряс, няфтемок тянь мархта региононь и федеральнай азорондайхнень покодемаснон цебярьгофтомаснон инкса.

Путин Кызылса, Тыва, 15-це августста 2007-це кизоня

2003-це кизонь декабрьста Государственнай думав кочкаматнень пингста ламоц васттнень кода федеральнай лемлувкснень, станя и фкя мандатонь окрукнень эзга получазе «Единая Россия» партиясь.

2005-це кизонь тунда прняндаф закон Госдумав кочкаматнень коряс аньцек партийнай спискатнень коряс. Территориальнай представительствась Государственнай думав (одномандатнай избирательнай окрукне) ульсь лоткафтф.

Правоохранительнай системань реформированиясь

2000-це кизоня Путинонь мярьгоманц коряс пуроптф покодемань группа судебнай сфераса законодательствать цебярьгофтоманц коряс. 2001-це кизонь декабрьста Путин путозе кяденц Российскяй Федерациянь уголовно-процессуальнай кодексонь од указтть алу, 2002-це кизонь июльста — Российскяй Федерациянь арбитражнай процессуальнай кодексть, ноябрьста — Гражданскяй процессуальный кодексть.

2007-це кизонь июньцта ульсь подписандаф законць прокуратурать видеса Следственнай комитетонь пуроптомать колга, фактически следствиянь оргаттнень явфтомасна прокуратурань оргаттнень эзда , а 2011-це кизоня РФ-нь Следственнай комитетсь ульсь марнек явфтф прокуратурать ёткста самостоятельнай федеральнай ведомствакс.

21-це июньцта 2013-це кизоня Путин азсь мяль арафтомс марс Россиянь Верховнай и Высшай арбитражнай судть, мезсь вешсь сувафтомс полафткст Россиянь Конституцияв. 6-це августста 2014-це кизоня марс пуроптф Россиянь од Верховнай судсь ушедозе эсь тевонь мольфтеманц-вятеманц.

«Курск» ведялдонь венчть юмамац

«Курск» ведялдонь венчть юмамац лиссь 12-це августста 2000-це кизоня Баренцевонь иневедьса, тись сялдомат аф аньцек РФ-нь Военно-морской вийхнень вятиснон лангс, но и сонцень президентть лемс. Сязевоматнень инкса эста экипажста юмась-арась 118 ломань.

Экономическяй касомась

Плдафтксонь касомань сравниндамась ВВП-ть коряс (номинал)
странань лемлувкссь Россиянь эряйхнень коряс фкя ломанть
лангс сядонгольдень СССР-ть лия государстватнень мархта

Поступление иностранных инвестиций в Россию (1995—2013), млрд долларов США

Россиять эряензонь пяльксснон касомасна ярмаконь доходснон мархта прожиточнай минимумда ала (1992—2016), процентса

Нефтать лангс питнень касомась Brent марканьи 1987-це кизонь майта сявомок 2016-це кизон январти самс, доллар баррельть инкса

Экономическяй итокнень тиемста Путинонь Россиянь президентонь вастса улемстонза (2000—2007-це кизотне), Томас Грэм сёрмадсь: «Экономика не только вернула себе все позиции, утраченные в 1990-е, но и создала жизнеспособный сектор услуг, который практически не существовал в советский период. В России накоплен третий по объёму золотовалютный запас после Китая и Японии» (в 2021 году у России — пятое место по золотовалютным резервам).

Россиять экономикац няфтевсь ВВП-ть касомаса, промышленнай и велень хозяйствань производстваса, строительстваса, эряйхнень паршиснон касомаса. Кирсь ашуста эряйхнень лувкссна, конат эрясть ашуста ашушинь китькста ала( 29 % -ста 20000-це кизоня 13,4 %-ти самс 2008-це кизоня), уровень безработицы снизился с 10,6 % в 2000 году до 6,2 % в 2008 году.

2005-це кизоня Путин азозе ниле сембода вярьгок вастса ащи национальнай теварьсефксонь ушедомаснон колга социально-экономическяй сфераса: «Шумбрашись», «Образованиясь», «Эрямань вастсь» и «Агропромышленнай комплексонь касомась». 201-це кизоня Путин нолдась указ национальнай од теварьсефксонь прьняндамать колга: «Человеческий капитал», «Комфортная среда для жизни» и «Экономический рост».

22-це августонь 2012-це кизоня Россиясь сувафтф ВТО-ть ёткс.

2006-це кизоня Путин Федеральнай Собранияти кучемасонза азозе Россияса шачфтомань касфтомань мератнень колга: иттнень лемс ярмаконь максомать, «тядянь капитал» сувафтоманц и лиятнень, мезсь пингонь ётазь вятезе шачфтомать касоманцты.

1-це февральста 2008-це кизоня Стабилизационнай фондсь ульсь явфтф кафту: Резервнай фонд и Национальнай благосостояниянь фонд (ФНБ). Васенцесь пуроптфоль бюджетть ашушинц сёлгоманкса, омбоцесь граждаттнень пенсионнай обеспечениянди, васток ётафневсь инфраструктурнай проекттнень пяшкодемаснонды.

2000—2010-це кизотнень няевсь Россияв ламошкада касомасна омба масторонь инвестициятнень: 11 млиллиард долларста 2000-це кизоня 115 миллиард долларс 2010-це кизоня.

Оцю бизнесть и азорондамать ёткса сотксне

Путин президентстванц ушедомста ладясь тезис «азорондамать эзда рынкань сембе субъекттне ащихть фкя лаца ичкоздень вастса». Евросоюзсь российскяй бизнесметтнень лоткасть лемнемост «олигархокс».

Ламоц миллиардерхне, прдамок эстеест козяши 1990-це кизотнень, юмафтозь эсь люпштамаснон политикать и государственнай управлениять лангс, кой-конат арасть фигурантокс уголовнай тевса мошенничествать и налогонь аф пандомать инкса. Синь ётксост лемнесть медиамагнатть Владимир Гусинскяень, "Медиа-Мост" ЗАО холдингть азорондаенц. Россияста омба мастору тусь сялондоматнень коряс сембонди содаф бизнесменць Борис Березовский, сон мизе эсь паенц акционернай ОРТ-ть , «Сибнефть» и «Аэрофлот» капиталса, эсь акциянзон инкса сявсь пцтай кафта миллиард доллар. Тяфта контрольсь основной телевизионнай каналхнень лангса — ОРТ , «ВГТРК» и НТВ ётась государствати или государственай компаниятненди.

2003-це кизоня ушедсь « ЮКО-нь тевсь». Мошенничествать и пяк лама саламать инкса, а тяфта жа налогонь аф пандо мать инкса лама кизос пякстафтольхть Платон Лебедев и Михаил Ходорковскяй. 24 февральста 2004-це кизоня, кафта неделяда президентскяй кочкамада инголе, Путин панезе Михаила Касьяновонь правительстванц.

2004-це кизонь июньцта-июльста  президентти лездысь — РФ-нь Администрациянь вятить полафтыец Игорь Сечин ульсь кочкаф «Роснефть» директоронь од совету и теенза председателькс. Пингонь ётазь «Роснефть» компаниять мельге ваномась ётась «Юганскнефтегаз» компанияти, кона сяда инголе КОС-ть кядялоль.

Ширдень политикась

Владимир Путин Россия-НАТО саммитть заседанияса. 2002 кизось

Государствань оцюнякс улемстонза Путин азозе Западть и сяконь лувксса НАТО-ть мархта ялгафтомать колга. 5-це мартста 2000-це кизоня «Би-би-си» телеканолонь интервьюса китькстазе, што «Россиясь — европейскяй культурать пяльксоц» и што сон стакаста няйсы НАТО-ть врагокс улеманц, но китькстазе, што Россиясь кальдявста ваны НАТО-ть келемоманц лангс. тяка пингть ашезь валхне мяльть Россиять суваманц НАТО-ть ёткс, кда кармайхть ванфтовома кафцьке ширдень фкя лацонь интересне.

Россиять НАТО-в суваманц колга темась Путин кепсезе Билл Клинтононь мархта Москуса переговорхнень пингста 2000-це кизоня, сембе сяка США-нь президентсь и сембе американскяй делегациясь няфтезь пряснон аф прокс эрекста тя кизефксть коряс.

2000-це кизонь июньцта Путинонь указонц коряс кемокстаф «Российскяй Федерациянь внешняй политикань концепциясь».

Джордж Бушень (ёмлать) васенце сроконь президентокс улеманц — (2001—2005), сембода пяк США-ть и сонь и союзниконзон Иракть лангс врьгятнеманц инголе (2003) 2003-це кизонь мартста, эксперттне лемнезь «историческяй апогейкс» российско-американскяй соткснень эса.

Россиять и Западть ёткса малаткстоманди арасть, США-са террористическяй акттне 11-це сентябрьста 2001-це кизоня, эста Россиясь апак кафтолтт кирдезе американцнень ширеснон международнай терроризмомать каршес тюремать коряс.. Ульсь ладяф Совет Россия — НАТО («Совет двадцати»), мезьда меле ульсь кода учемс Россиять и НАТО-ть ёткса соткснень кеподемать сяда вяри сяда инголе, кирдемок мяльса Россиять полноправнайста улеманц НАТО-ть ёткса. Россиясь максозе кожфонь ётка вастонц военнай грузонь транзитти и США-нь и НАТО-нь военнослужащайхненди Афганистану.

2001-це кизоня российскяй руководствась азозе военнай базань сёлгоматнень колга Кубаса и Вьетнамса. Туфталкс лемневсь экономическяй аф рентабельностсь, а тяфта жа марстонь аф эффективностец омба масторонь военнай базатнень.

Андре Либих профессорсь азозе што Россиять и США-ть ёткса маладомати 2000-це кизотнень шорясть сонць США-сь, мярьгомок 2001-це кизонь декабрьста фкя ширдень лисемать колга ракетань каршес араламать перямань систематнень договорста лисемать сюнеда. Россиять ванфонц коряс, США-ть лисемац соглашенияста срафтозень надияфтоматнень од партнёрствань коряс и арась дестабилизирующай факторкс глобальнай смузень. США-ть тяста лисеманц лангс Россиясь СНВ-II Договорста.

Путинонь валонзон коряс, пресс-конференцияса 2012-це кизоня, российско-американскяй сотксне колавсть именна США-ть войсканзон Ираку сувафтомаснон инкса 2003-це кизоня.

2003-це кизоня Грузияса ушедсь «революция роз», конань пингста азорондама сась 2004-це кизоть ушетксста Михаил Саакашвили, кона шарфтозе Грузиять политиканц США-ть шири и сявсь курс НАТО-в сувамати. .

2004-це кизонь мартста НАТО-ть келемоманц пингста альянсу сувасть сисем восточноевропейскяй страна, конат ащесть шабракс Россияти Эстониясь, Латвиясь и Литвась, мезсь прокс ульсь каршек Россияти аф пельксонь тиемать коряс. НАТО-ть келемомац-маладомац шинь стяма шири Путин лувозе прокс предательствакс США-нь президентть Джордж Бушень и Великобританиянь премьер-министрть Тони Блэронь ширде, конантнень Путин ся пингоня лувондозень эсь ялгакс. 12 кизода меле, Крымскяй корхтамасонза, Путин азсы: «Нас раз за разом обманывали, принимали решения за нашей спиной, ставили перед свершившимся фактом. Так было и с расширением НАТО на восток, с размещением военной инфраструктуры у наших границ. Нам всё время одно и то же твердили: „Ну, вас это не касается“».

Украинскяй президентсь Виктор Ющенко шарфтозе Украинать евроатлантическяй молемать шири, сувафтомс сонь НАТО-в — . Россиянь азорондайхне кальдявста ванцть кода «Оранжевай революциять» лангс, станя и Ющенконь политиканц лангс. Ющенконь азорондаманц пингста сембе вете кизотнень (2004—2009) сотксне Украинать и Россиять ёткса коль кальдявготкшнесть.

14-це октябрьста 2004-це кизоня Пекину якамстонза, Путин подписандась договор КНР-ти Тарабаров островть максоманц, пяленц Оцю Уссурийскяй островть Амур ляйть лангса марстонь вастоц 337 км² и пяленц Оцю островть Аргунь ляйть лангса; тя макссь тиемс российско-китайскяй масторкитьксть демаркациянц. Тянь вельде сатф Китайть мархта цебярьгофтомс соткснень и валхтомс пельксть территориальнай сялондомать сай пингоня.

Жак Ширак, Людмила Путина, Владимир Путин, Джордж Буш-ёмлась и Лора Буш. Моску, парадсь 9-це майста 2005-це кизоня

2006-це кизоня Россиясь председательствовандась «Оцю кафксось» группаса.

2006-це кизоня кальдявгодсть сотксне Россиять и США-ть ёткса Грузиять инкса. 2010-це кизоти Россиясь лоткафтозе видеста лиендематнень Грузиять видеса.

Владимир Путин «Пётр Великий» атомнай крейсерть бортса Севернай флотонь тонафнематнень пингста. 2005-це кизось

2000-це кизотнень омбоце пяльксса эсь корхтаманзон эса, сяконь лувксса Мюнхенскяй конференциять пингста аф пелемань политикать коряс ( 2007-це кизонь февральста, Путин няфтезе мяльс аф туманц экспансионистскяй военнай планонзон американскяй внешняй политикать эзда. Апряказе НАТО-ть и Евросоюзть тяряфтомаснон эсь мархтост полафтомс ООН-ть. Путинонь корхтамац Мюнхенца шимадома ширдень политикнень абонфтозень.

Сембе сяка российскяй руководствати ашесть полафтов американскяй платтне Россиять малас ракетань ладяматнень коряс ., февральста 2012-це кизоня, кода каршек вал ушедовсть анокламатне ладямс Калининградскяй областьса «Искандер» ракетнай комплекснень .

2008-це кизоть ушетксста сяда товолдонь соткснень кальдявгодомасна Россиять, США-ть и НАТО-ть ёткса вятихненди савсь корхтафтомс Североатлантическяй альянсти пшкядеманц Украинать и Грузииять НАТО-в сувафтомаснон колга. Государствань оцюнятне и странань правительстватне  — НАТО-са ащихне Бухарестса азозь, што Грузиясь и Украинась сай пингть кармайхть сувафтфт НАТО=в, мезсь тиендсь пелькст Россияти, когда будут соответствовать предъявляемым требованиям к членству в этой организации. Тя решениясь ульсь кемокстаф НАТО-нь сяда товолдонь саммиттнень эса.

Президентокс и премьеркс сембе пингста улемстонза Путин ванць НАТО-ть шаштоманц Шинь стяма шири кода пельксонь тиема Россиять безопасностенцты и интересонзонды. Грузиять и Украинать мяльснон НАТО-в сувамать инкса Путин азсь мяль кирдемс Абхазиянь и Лямбе ширдень Осетиять вятиснон ширеснон, конат пшкядсть теенза пельксонь лисемать сюнеда НАТО-ть саммитса прьняндаф решениятнень коряс и гразяматнень коряс синь государствакс улемаснонды. 24-це ноябрьста 2014-це кизоня  Россиянь и Абхазиянь президенттне Сочиса сёрмадсть Договор ялгафтомать и стратегическяй партнёрствань коряс 10 кизонь пингс.

2000—2010 кизонь пингти питнень максомась

Британскяй историкть, Билькентскяй университетоньмеждународнай отношениянь кафедрать вятить Норман Стоунонь мяленц коряс (2007), Путинонди 2000-це кизотнень «удалась шарфтомс Россиять ся киге молемаста, кона сонь сяда тов тяфта молемста вятелезе Россиять кода государства срадоманцты», Перевод на русский. Журналистсь Марк Симпсон «The Guardian»-са сёрмадсь тя пингста, што Путин эреклафтозе российскяй государствать и российскяй вийть и аф пели араламс российскяй интереснень. 2007-це кизоня Time американскяй журналсь лемдезе Путинонь кизоньберьфонь ломанькс, тяконь пингть международнай кизефкснень коряс общественнай мяльхнень ланга кемонь кизотнень песта Путин арсесь алуда вастса довериянь рейтингть эса кафкса масторлангонь лидерхнень ёткста (Россиять потмоса довериянь максомась пачкотькшнесь 82 %).

Правительствань председательсь (2008—2012)

Путинонь омбоце правительствац

8-це майста 2008-це кизоня,омбоце шиня Дмитрий Медведевонь инаугурацияда меле, Путинонь лемоц ульсь кемокстаф Государственнай думаса Россиянь правительствань председателень вастти. Указсь сяка шиня ульсь подписандаф Медведевонь кядяла. 12-це майста Путин азозе Россиянь правительтваса од ащихнень-сувафтфнень Россиянь правительствав.

2008-це кизонь 27-це майста 18-це июльста 2012-цекизоти самс Путин ульсь Белоруссиянь и Россиянь союзнай государствань министронь Советонь председателькс.

Путинонди кемафксонь максомать инднксоц, ВЦИОМ-ть уликсонзон коряс, 2007—2011 годы

Тя пингти савсь российскяй финансово-экономическяй кризиссь 2008—2010 кизотненнемь, кона вятсь оцюдонга оцю кризисти.

Ширдень политикась (2008—2012)

2008-це августста од шаркс Россиять и Западть ёткса каршек арамати макссь Грузияса войнась. Сяда меле, кода Грузиясь ушедсь тиендема ляцедемат оружияста Лямбе ширдень Осетиять итоса ащи российскяй миротворцнень лангс, премьерсь Путин и президентсь Медведев састь марстонь мяльс ушедомс «Грузиять сетьмошити мрдафтоманц специальнай военнай операциять вельде» . 5 шинь пингста российскяй войскатне панезь грузинскяй армить и сяда тов вятсть Грузиять моданзон лангста военнай объектонь срафнема, мезьда меле Россиясь лемдезень Лямбе ширдень Осетиять и Абхазиять эсь воля ащемаснон. Аф ваномок сянь лангс, мес Шинь мадома ширдень масторхнень эзда марьсевть эвфнемат Россяить лангс санкциянь путомань коряс Грузияса войнать сюнеда и Абхазиять и Лямбе ширдень Осетиять признандамаснон, Россиять Евросоюзть и США-ть ёткса сотксне аф кальдявгодсть, а кармасть молема цебярьгодома шири.

Правительствань оцюнянь вастса улемста Путин ульсь БРИКС (Бразилия, Россия, Индия, Китай, ЮАР) группать эрекста пуроптоманц инкса.

2009-це кизоста сявомок Путин кармась ащема экономическяй интеграциять инкса Казахстанть и Белоруссиять ёткса, мезсь вятсь Белоруссиять, Казахстанть и Россиять ёткса таможеннай союзонь эвондамати. Путин лемдезе тянь «васенце афкуксонь аськолксокс одукс естественнай экономическяй и торговай сотксонь эвондамакс постсоветскяй ётка вастса».

Владимир Путин и США-рь вице-президентсь Джозеф Байден 2011-це кизоня

2011-це кизоня октябрьста Россиянь, Украинань, Белоруссиянь, Казахстанонь, Армениянь, Молдавиянь, Киргизиянь и Таджикистанонь правительствань оцюнятне путозь кядьснон соглашениять лангс СНГ-нь свободнай мишендемань зонань пуроптомать коряс.

2010-це кизонь ноябрьста Путин сатозе 4-це вастть рейтингть эса масторлангонь сембода влиятельнай ломаттнень ёткса, конань аноклазе Forbes американскяй журналсь . 2011-це кизонь ноябрьста Forbes тяфтама жа рейтингса Путин ульсь ни 2-це вастса.

2010-це кизонь Süddeutsche Zeitung немецкяй газетать эса статьяса Путин азонкшнесь мяль Евросоюзти пуроптомс экономическяй альянс Владивостокста ушедозь Лиссабонти молемс, ушедомок фкя лацонь таможеннай тарифонь ладямать и техническяй ладямать, визовай режимть лоткафтоманц ЕС-ть мархта. ЭНо тя мяльсь лама туфталонкса ашезь сувафтов тевс.

Од лазфсь Россиять и Западть ёткса эвондась 2011-це кизоть ушетксста, мзярда Путин НАТО-ть военнай операциянц Ливиять мархта ладязе серцек крестовай походть мархта..

4-це февральста 2012-це кизоня ООН-ть Безопасностень Советса вайгялень максомста аналогичнай резолюциянь коряс Гражданскяй войнась Сирияса Россиясь тевс нолдазе вето правать .

Президентскяй кочкаматне (2012)

2012-це кизонь 4-це мартста президентскяй кочкаматнень эса Путин сяськсь васенце турса, кочкамок 63,6 % (45 602 075) вайгяль .

Россиянь президентонди кандидатсь Геннадий Зюганов (КПРФ), «Яблоко (партиясь)» и «Другая Россия» партиянь лидерхне, и кой-кона общественнай организациятне вешсть лувомс кочкаматнень аф видексоннекс, мярьгомок, што ульсь лама коламада кочкамада ингольдень и синцень кочкамань кампаниятнень пингста.

Колмоце, нилеце и ветеце президентскяй пинкне (2012-це кизоста сявомок)

Владимир Путин арай Российскяй Федерацянь президентонь вастти

Колмоцеда президентонь вастти Путин шятясь 7-це майста 2012-це кизоня.тя шиня Путин путозе кяденц ламонц программнай укаснень лангс (маень укасне). Вастозонза арамста омбоце шиня Государственнай думати азозе Дмитрий Медведевонь кандидатуранц правительствань председателькс вастти, тянь кемокстамда меле мяргсь Медведевонди пуроптомс од правительства.

Экономическяй ситуациясь масторлангонь финансовай кризиста меле 2012-це кизоня ульсь ламода сяда стака, кафта сяда ингольдень пинкнень президентокс улемстонза.

12-це июньцта 2013-це кизоня Путин арась пряфксокс Общероссийскяй народнай фронт общественнай тевти (ОНФ).

2013-це кизоть ушетксста Россиясь эрекста тевонь вятемат Украинать шири туманц коряс российскяй сферать влияниянц эзда. Россиясь тяряфнесь максомс Ураинати сембе ширде эрь кодама лезкст марстонь лувкссаоколо 15 миллиард долларть малава. Васенце лезксонь траншсь кредит лаца 3 миллиард долларонь лувксса Путинонь мяленц коряс ульсь нолдаф тевс. Сесбе сяка улемок националистическяй вийхнень кядяла Украинань политическяй элитась шарсь Западть шири. Главнай целькс 2013-це кизоть песта ушетф Евромайданти срафтомс цебярь ширетнень Россиять мархта и тяряфтоматне Виктор Фёдорович Януковичень президентонь постста валхтоманц.

2014-це кизоть ушетксста «Правай секторонь» националисттнень эвфнемаснон пингста и вийхца сявомс азорондамать Украинань президентть администрациянц и Верховнай радать лангста, тиевсь Украинань президентть Януковичень вийхца валхтоманц президент вастста. Февральста 2014-це кизоня кяшф кизефнематнень пингста Путин сась мяльс ушедомс тефт Крымть мрдафтоманц сувафтоманц коряс Российскяй Федерациять ёткс, мезсь и ульсь тиф мартста референдумть вельде. Тя тевсь кеподезе Путинонь шнаманц.

18-це мартста 2018-це кизоня Путин кочкафоль Российскяй Федерациянь президенткс нилеце пингти, сатомок 76,69 % вайгяль.

7-це майста 2018-це кизоня Путин нилецеда шятясь Россиянь президентонь вастти .

15-це январьста 2020-це кизоня Федеральнай собранияти кучемасонза Путин сувафтсь мяль тиемс мзярошка петькст Россиянь Конституцияса (2020). Мекольце версияса, петьксса мярькфоль келептемс президентть полномочиянзон фкя пингоня перямань возможносттнень сатомать фкя ломанть мархта президентонь вастть кафта пингта ламос, кеподемс Россиянь Конституциянц верьгок вастти межгосударственнай органонь решениятнень лангса, МРОТ-ть размеронц сувафтоманц прожиточнай минимумда аф кржас, пенсиять оду лувомац кизоти аф фкяда кржаксть и мзярошка лия полафткс.

16-це январьста 2020-це кизоня Путинонь сувафтф мяленц коряс правительствать вятеманза кармась РФ-нь Федеральнай налоговай службань вятись Михаил Мишустин. Правительствать эса ащихнень ёткса тивсть няевомшка полафтомат.

2020-це кизоня Россияса ульсь ётафтф вайгялень максома Конституцияса петьксонь сувафтомать коряс . Петькснень сувафтомаснон тевс нолдамда меле Путин получась права лихтемс эсь кандидатуранц президентонь вастти од кочкаматненди 2024-це кизоня.

8-це декабрьста 2023-це кизоня Кремльса Россиянь Геройхнень каземста Владимир Путин азозе эсь мяленц улемс президентскяй кочкаматнень эса 2024-це кизоня.

Кочкаф оду Россиянь Президентонь вастти кочкаматнень коряс, конат ётасть 15-це мартста 17-це мартти молемс 2024-це кизоня (максф 87,28 % вайгяль, 76 277 708 ломань).

Социально-экономическяй политикась

2013-це кизонь мартста Путин Россияса ашушить каршес тюремать лемдезе государстваса инь оцю задачакс.

1-це январьста 2018-це кизоня Россияса нолдавсь тевс мяль Резервнай фондть Национальнай благосостояниянь фондть мархта марс шовордамаснон коряс..

27-це декабрьста 2019-це кизоня Путин кемокстась Россиянь продовольственнай безопасностень од доктрина. Документса ладяфоль государственнай резервонь велень хозяйствань продукциянь и продовольствиянь тиема, кда вдругса кармай стихийнай бедствия, непогода или аф шачи киза.

15-це январьста 2020-це кизоня Федеральнай собранияти Путин лемдсь тевтиемат, конат кеподьсазь Россияса ломаттнень эряфснон цебярьгофтомаснон. Тя мератнень тевс нолдамаснонды перясь коронавирусонь од пандемиясь.

Пенсионнай реформась (2019-це кизоста сявомок)

Владимир Путин корхтай пенсионной реформать эряявиксшинц колга и петькснень правительственнай законопроектса, Моску, 29-це августста 2018-це кизоня

14-це июньцта 2018-це кизоня правительствась азозе пенсияс лисемань кизотнень шашфтомаснон колга, и кафта шида меле законопроектсь сувафтфоль Госдумав, мезсь пяк дивандафтозень ломаттнень, апак учсек тянь колга тевсь, пяк аф мялезостоль россяттненди. Меле, 29-це августста, Путин телевизорса пшкядемста азозе реформать аш кода аф нолдаманц колга, лятфтамок тиемс петькст. 27-це сентябрьста законопроексь прьняндафоль Госдумаса, 3-це октябрьста — Федерациянь Советса и, и сяка шиня Путин путозе кяденц.

Коронавирусонь пандемиясь (2020—2022)

Владимир Путин № 40ГКБ Коммунаркаса

, кона тевс нолдаф, COVID-19 урмаськофтфненди, 24 мартста 2020 кизоня]]

2020-це кизоста сявомок Россияса, кода и марнек сембе масторса, пяк оцю влияния социально-экономическяй ширетнень лангс тись COVID-19 пандемиясь. 2020-це кизоня 7-це апрельста Россияса урмань мушендомань од лувкссь васенцеда суткаста кассь тёжяньда лама ломаньц.

Странаса коронавирусть келемоманц ушедоманц инкса 2020-це кизоня 25-це мартста Путин пшкядсь Россиянь эряйхненди и мярьгсь ломаттненди, народнай хозяйствань отраслятненди, бизнести социально-экономическяй лезкссть колга. Мярьговсь сувафтомс 1 млн цалковайда вельф банковскяй вклаттнень доходснон лангс налогообложения и Россиянь компаниятненди, конат лифнесазь ярмакснон омба мастору, казямгофтовсть финансово-экономическяй мератне. Региононь оцюнятненди максовсть вельф полномочият.

23-це Путин Россиянь эряйхненди телеобращениясонза тийсь итокт коронавируснай инфекциять каршес тюремать колга и аноконди азсь сяда товолдонь мератнень колга. Сонь арьсеманц коряс, «стака условиятнень пингста цебярьста покодсть энергетикань, ЖКХ-нь, транспортонь, связень, мишендемань-рамамань систематне, конат пачфнезь ломаттнень сембода эрявикс товархнень».

11-це августста Путин азозе Россияса COVID-19 урмать эзда вакцинать регистрациянц колга.2020-це кизоня сентябрьста Россияса ушедовсь эсь мяль вельде вакцинациянь оцю кампаниясь, кона, эряви азомс, мольсь аф пяк вишкста. Сонць Путин 2021-це кизоня 23 мартста и 14 апрельста ётась COVID-ть эзда вакцинациянь пяшксе курс. Президенть покодеманцты ульсть нолдафт коронавируснай перяфкст, синь лувкссост корхнемста социальнай дистанциянь кирдемась.

Кода и ламонц лия странатнень эса, Россияса пандемиясь прафтозе экономикать. Путинонь арьсеманц коряс, Россияса кризиссь аф системнай, сяс мес ломаттненди и бизнести эсь пингстонза максовсь антикризиснай лезкссь. Андрей Клепача экономистть валонзон коряс, экономикать ширень кирдемань мератнень объёмсна 3,5 % ВВП.

Вооружённай вийхне

2012-це кизоня 6-це ноябрьста Россиянь оборонань министркс путовсь Сергей Шойгу. Назначениянц пингста Путин китькстазе, што оборонань од министркс эряви путомс ломань, кона «тисыне Гособоронзакаснень и ётафтсыне эряфс армиять перевооружениянц коряс оцю платтнень».

Сергей Шойгу и Владимир Путин «Восток-2018» военнай ученияса

Оцю мяль марнек мирса шарфтовсь Путинонь эрь кизонь посланиянцты, кона лиссь 2018-це кизоня 1-це мартста. Корхтамась мольсь Россиять обороноспособностень анокламанц колга. Путин васенцеда азсь вооружениянь системань эрявикс стратегическяй од разработкатнень тиемаснон колга, валонзон коряс «тя карша вал США-ть противоракетнай оборонань и территориясонза, а тяфта жа лисемок национальнай границада шири, сисетемань путоматнень коряс договорста фкя ширдень лисеманкса».

Тяка пингть сон панжезень «Сармат» ядернай и «Кинжал» гиперзвуковой ракетнай комплекснень кой кона характеристикаснон, а тяфта жа лия од комплексснень, синь лувкссост и морскойхне.

Алексей Арбатов РАН-нь академиксь арьсесь, што президентонь посланияса «военно-техническяй» пялькссь ащесь карша валкс американскяй администрациянь ядернай од стратегияти, конань кучка вастса ядернай аф ламонь ударонь концепциясь, кона арафтовсь Россиять тяфтама жа стратегиянц кирдеманцты. Арбатовонь валонзон коряс, Путин посланиясонза тянь коряс тись виде заявления: «Россиять или сонь союзниконзон карша, маластонь, кучкань и лия виень ядернай оружиять тевс нолдаманц минь лувсаськ, кода ядернай врьгятнема странаньконь лангс. Тянди карша вал максови эстокигя».

Ядернай перямань политикась

2020-це кизоня июнь ковтса кемокставсь Путин президентть указоц "Ядернай сдерживанияса Российскяй Федерациять политиканц государственнай основанзон" коряс, коса ладявсть ниле условиятне, конатнень сюнеда государствась нолдасы тевс ядернай оружиять. Условиятне тяфтамат:

• виде информациянь содамась баллистическяй ракетатнень стартснон колга, конат атаковандасазь Россиять территориянзон или сонь союзниконзон;

• Россиять или сонь союзниконзон лангс каршек молихнень ядернай оружиять или массовай поражениянь оружиятнень лия видснон тевс нолдаманкса;

• Карша молихнень Россиять государственнай или военнай эрявикс объектонзон лангса врьгятнеманкса, кда тапамасна вяти ядернай виень каршек максомать шоряманцты;

• Россиять лангс обычнай оружия мархта врьгятнемась, кда кучка вастса ащи государствать эрямац.

Внешняй политикась (2012-це кизоста)

Владимир Путин G20 саммитса Санкт-Петербургса. 2013 кизось

2019-це кизоня Bloomberg агентствась макссь оцю питне Путинонь 20 кизонь перьф внешняй политикань вятеманцты. Путин кемокстазень соткснень КНР-ть мархта, мрдафтозе Крымть, полафтозе войнать молеманц Сирияса и тиезе Россиять ключевой налхкикс Ближняй Востокса, Турцияти, кона сувси НАТО-ти, маштсь мимс ЗРК С-400, а тяфта жа сёрмадсь оружейнай и нефтяной оцю контрактт американскяй союзникть — Саудовскяй Аравиять мархта. Россиясь 20 кизотнень перьф васенцеда касфтозе влияниянц Африкаса.

США

2013-це кизоня август ковста кальдявгодсть российско-американскяй сотксне, сяс-мес Россиясь макссь Эдвард Сноуденти ЦРУ-нь ингольдень сотрудникти аф лама пингс кяшема васта, тяда башка явсть мяльхне Сирияса ладяф ситуациять коряс и Россияса ломанень праватнень мархта прябалатнень инкса.

Владимир Путин и Барак Обама, 29-це сентябрьста 2015-це кизоня

2016-це кизоня ноябрь ковста США-са президентонь кочкамаса Дональд Трампть сяськомац Россияти макссь Америкать мархта сотксонь ладямати надияма. Аньцек, кда Трампсь аф весть корхтась Россиянь оцюнять мархта соткснень цебярьгофтомаснон колга, то американскяй разведывательнай службатне, лангозонза апак ватт, поладозь тевснон и лувозь российскяй власттнень кочкамаса шовордькшнемаса муворукс .

Владимир Путин и Дональд Трамп Россия-США Хельсинки саммитса. 2018-це кизось

2019-це кизоня декабрь ковста Трамп президентсь нолдась закон, конань сюнеда санкция алу повсть компаниятне, конат строясть «Северный поток — 2» газопроводть эса.

США-са Джо Байденть администрациянц азорондайкс арамста тефне полафтовсть. 2021-це кизоня 24-це январьста ведялдонь участкать строямац ушедовсь одукс, а май ковть песта Байден президентсь мярьгсь, што трубопроводть тиемац «пцтай шумордавсь» и проектть карша од санкциянь нолдамась США-ть и Европать ёткса сотксненди лама аф максы. 10-це сентябрьста «Северный поток — 2» газопроводть путомац ульсь марнек аделаф. 2022-це кизоня 15-це февральста Россиять и «коллективнай Западть» ёткса соткснень стакалгодкшнемань сюнеда Россиять эзда анавсь аф пекльксшинь гарантият, Байден мярьгсь, кда Россиясь ушеды Украинаса военнай действият США-сь эсь ширденза аф максы ушедомс «Северный поток — 2» трубопроводти покодема.

2022-це кизоня 26-це сентябрьста газопроводса тиевсь оцю диверсия, кона вятсь ниле трубопроводонь сюретнень эзда колмотнень тапамансноды и «Севернай потокнень» эзга газонь нолдамать лоткафтоманцты. 2022-це кизоня сентябрь ковста Путин явсь мяльса, што «Севернай потокса» диверсиять аноклазь «англосаксне», газопроводть сяземац эрявсь аньцек тейст.

Нинге инаугурацияда инголе Байден телефон пачк тевонь ладязь корхтасть Путин президенть мархта Россиять и США-ть ёткса СНВ-III Договорть вельф условияфтома вете кизос кувалгофтоманц коряс, 3-це февральста соглашенияти максовсь вий.

2021-це кизоня 16-це июньцта Женеваса ётасть В. Путиноньь и Байденть ёткса васенце корхтаматне. Саммитса сатовсть тевонь ладяматне российско-американскяй диалогть нолдаманц стратегическяй стабильностенц коряс.

2021-це кизоня декабрь ковтса российскяй руководствась максозень США-ти и НАТО-ти аф пельксшить коряс гарантиянь договорть проектонзон, Россиять и НАТО-ть странанзон аф пельксшиснон ванфтомань мератнень колга соглашениять. Россиять проектсонза корхтавсь Украинать территорияс альянсть аф келемкшнеманцты гарантиятнень, Восточнай Европань странаста и Прибалтикаста вооружениянь и вооружённай виень лифтемаснон коряс.

Западнай партнёрхненди мярьговсь, што аф пельксшинь гарантияфома Россиясь анок нолдамс тевс военно-техническяй мератнень.

Ламонц корхнематне, конат ётнесть 2022-це кизоня январь ковста, ашесть удала. США-сь и НАТО-сь ашезь прима российскяй ключевой требованиятнень — альянцть сяда товолдонь келептеманц эзда атказамать и НАТО-ть 1997-це кизонь границанзонды мрдамать. 2022-це кизоня февраль ковтса Россиять и США-ть ёткса стратегическяй кемешинь кизефкснень коряс корхтаматне сязевсть, марстонь сотксне кальдявгодсть.

2022-це кизоня 24-це февральста Путинонь решениянц коряс ушедсь Специальнай военнай операциясь, конань пингста США-сь фалу макссесь военнай лезкс Украинати. 2023-це кизонь ноябрь ковти американскяй администрациять административно-бюджетнай управлениянц даннаензон коряс, США-ть эзда марстонь лезкссь — 111 млрд долларда лама .

Сирийскяй кризиссь

Сирияса гражданскяй войнать ушетксста, 2011-це кизоня тундаста, Россиясь макссесть дипломатическяй лезкс президентти Башар Асадти. Россиясь кирдезе сирийскяй правительствать ширенц оружиянь пачфнемаса, а тяфта жа специалистонь тонафтомаса и военнай советниконь максомаса.

2015-це кизоня Путинонь мярьгоманц коряс постсоветскяй пингста васенцеда строявсь и панжевсь ичкоздень зарубежьяса Хмеймин авиабаза.

2015-це кизоня 29-це сентябрьста, ООН-нь 70-це Генассамблеяса корхтамаста, Путин лувозе муворукс сембе мирса и Ближняй Востокса ситуациянь дестабилизацияса Западнай странатнень. Омбоце шиня, 2015-це кизоня 30-це сентябрьста, Башар Асадть эняльдеманц вельде Россиясь ушедозе Сирияса военнай операциять «Исламскяй государства» и «Джебхат ан-Нусра» террористическяй формированиятнень каршес, сирийскяй войнас Россиять сувамац ётнесь США-ть мархта соткснень лафчемснон пингста.

Путин азонды Сирияса военной операциять аделаманц колга Хмеймим авиабазаса. 11 декабрьста 2017 кизось

2017-це кизоня 11-це декабрьста Хмеймим авиабазаса Путин азсь Сирияса военнай операциять шумордаманц, странаста российскяй войскатнень оцю пяльксснон лихтемаснон, Сириять, кода независимай государства ванфтоманц пряфкс результатть сатоманц, ООН-ть вятеманц алу политическяй урегулированиянь условиятнень анокламаснон колга. Сирияса поладозе эсь покодеманц аф ладяй ширетнень мирендамань российскяй центрась, ушедсь мирнай эряфть и туф ломаттнень мрдафтомаснон коряс программать тевс нолдамац. Народъётконь договорхнень видеса Сирияса путовсть российскяй кафта пункттне — Хмеймим авиабазась и Тартуса Россиянь ВМФ-нь материально-техническяй пунктсь.

Войнаса сатфксне вятьсть сатфксненди политикаса и российскяй условиятнень мархта соглашенияти саманцты, Турциясь и Саудовскяй Аравиясь шарьхкодсть, што результатфтома войнаса тюремась мезтивок аф вяти, Башар Асад ванфтозе президентонь постть, кона ульсь сонь 2000-це кизоста сявомок. 2023-це кизоти Россиянь военно-космическяй вийхне сяда тов мольфтихть вастонь-вастонь военнай действият народъётконь терроризмань боевикнень каршес.

Турция

Турциять мархта марстонь сотксне ламода кальдявгодсть 2015-це кизоня ноябрь ковтса инцидентта меле, мзярда Сириять менельса турецкяй боевой самолётсь прафтозе российскяй бомбардировщикть. 28-це ноябрьста 2015-це кизоня Путин путозе кяденц «Указти Россиять аф пельксшинц инкса мерань ванфтомась и Россиянь ломаттнень преступнай и лия противодействиятнень эзда араламась и Турцияти экономическяй эсь лацонь мерань нолдамась».

Россиясь нолдась Турцияста сембе продукциять и покодиень вийть лангс кардамат. Лоткафтовсть Турцияв чартернай рейсне, российскяй турфирматненди мярьговсь аф мишендемс путёвкат турецкяй курорттненди. Сёлговсть или лоткафтовсть ламонц международнай проекттне, синь лувкссост «Турецкяй потоксь», кафта странатнень ёткса лотафтовсь визафтома режимсь.

Марстонь сотксне лоткафтовсть, мзярс 2016-це кизоня 27-це июньста Реджеп Тайип Эрдоган россиянь ширеть эзда вешсь простяма. 2016-це кизоня Россиясь, Иранць и Турциясь сявсть эсь лангозост посредническяй теввятемать толонь лоткаытомать мельге ваномать и мирнай урегулированиять мельге Сирияса. 22-це октябрьста 2019-це кизоня Путин и Эрдоган Сочиса переговорхнень пингста кемокстазь васттнен Сириить северо-востоксонза и ладясть мяль марстонь патрулированиять колга сирийско-турецкяй масторкитьксть эзга.

2020-це кизоня январь ковста панжевсь Равжа морять потмакска нолдаф «Турецкий поток» газопроводсь, кона сотнесыне Россиять и Южнай Европань странатнень.

2022—2023 кизотнень Турциять лезксонц вельде нолявсь сёронь Черноморскяй теварьсефкссь. 2022-це кизоня мартста Стамбулса Долмабахча османскяй султантнень Дворецса российско-украинскяй корхнематнень пингста Россиясь и Украинась ульсть малат тевонь компромисснай ладямати мирнай проектть коряс «Фалу нейтралитетонь кирдемать и Украинать аф пельксшинцты гарантиянь договор» — инголькигя Украинать демилитаризациянц и нейтральнай статусонц ширдень государстватнень гарантияснон видеса, синь лувкссост Россиясь и США-сь. Аньцек договорть сёрмадоманцты шорясть Западнай странатне, мезть мельге Россиясь поладозе СВО-нь цельхнень сатомснон военно-техническяй средстватнень вельде.

Постсоветскяй странатне

2014-це кизоня 24-це ноябрьста Путин Абхазиянь президентть Рауль Хаджимбать мархта сёрмадсть 10 кизос союзничествань и стратегическяй партнёрствань Договор, конань вельде эвондасть марстонь обороннай васта и войска, кирдевсь мяльса сай пинкнень военно-политическяй марстомомать колга. Россиясь ламода кеподезе Абхазияти ярмаконь лезкссть.

2020-це кизоня президентскяй кочкаматне вятезь Белоруссиять политическяй кризисти. Стака пинкнень Путин фалу кирнесь соткс Александр Лукашенкать мархта, кона ёрась ванфтомс влассть кядяла; Россияса, Лукашенкать эняльдеманц коряс , аноклавсь Белоруссиянь власттненди лезксонди правоохранительнай сотрудниконь резерв, кона кондястель тефнень контрольста лисемаснон пингста . Россиянь и Белоруссиянь президенттнень ёткса кемокставсь белорусскяй 1 млрд долларонь шумоть рефинансированиянц коряс тевонь ладямась.

2021-це кизоня 5-це ноябрьста Путин и Лукашенко сёрмадсть Союзнай государствань декрет и кемокстасть интеграциянь 28-це программать.

СССР-ть срадоманц меле Армениять и Азербайджанть ёткса войнась ульсь омбоцекс и 2020-це кизоня постсоветскяй пространстваса арась пряфкс событиякс. Азербайджанць мрдафтозень территориянь оцю пялькснень, конат ащесть Нагорнай Карабахть ваксса, а тяфта жа сонцень Нагорнай Карабахть эзда пяльксть. Войнась мольсь 44 шит, 9-це ноябрьста аделавсь Армениянь премьер-министрть Никол Пашинянть, Азербайджанонь президенть Ильхам Алиевонь и Путинонь ёткса заявлениянь сёрмадомаса. Соглашенияса главнай пунктсь - конфликтонь васттнень эса россиянь миротворицнень улемасна. Тя ванфтсь вооруженнай тюрематнень оду ушедомаснон эзда. Тяфта жа дипломатическяй сотксненди условиянь анокламась.

Россиянь МИД-ть арьсеманзон коряс 2022-це кизоня сёксенда Прагаса и Брюссельса карабахскяй кизефксса Пашинянонь фкя ширень угадяманзон инкса полафтовсть условиятне, конатнень сюнеда 2020-це кизоня 9-це ноябрьста ульсть сёрматфт Путинонь, Алиевонь и Пашинянонь ёткса колма ширень заявлениясь. Синь каршек мольсть колма лидерхнень корхтамаснонды, коса Нагорнай Карабахть статусонц колга кизефксть ваномац кадовсь сай пингонь поколениятненди. Пашинянонь эльбядеманза пачфтсть сянди, што 2023-це кизонь сентябрьста од спецоперациять пингста Азербайджанць уладясь полнай контроль Нагорнай Карабахть лангса, васкафнезень НКР-нь руководительхнень, 100 тёжянь карабахскяй армяттне арасть ворьгяйкс, а 1-це январьста 2024-це кизоня Нагорно-Карабахскай Республикась официальна лоткафтозе эряфонц. Тянь эзда ялгафтомась Армениять и Россиять ёткса кальдяфгодсть .

Международнай форумтне

2015-це кизоня сентябрь ковтса 10-нь кизоста васенцеда Путин выступандась Нью-Йоркса ООО-нь Генеральнай Ассамблеянь сессияса. Сон тернесь Исламскяй государствать карша тюреманди антитеррористеческяй кели коалициянь пуроптомати».

2020-це кизоня 23-це январьста Путин ульсь Холокостонь лятфнемань Марнек масторонь форумса, кона ётнесь Иерусалимса, коса выступандась од и оцю теварьсефксонц мархта, явсь мяльса 2020-це кизоня ётафтомс государствань-тиихнень вете оцюняснон и ООН-нь Безопасностень Совету сувсихнень мархта марстонь васедема, коса ванондовольхть тяниень пингонь оцю прябалатне. Аньцек ётафтомс арьсемать эряфс ашезь удала COVID-19 пандемиять инкса.

Путинонь азорондаманц пингста аф весть ульсь форумонь саммитса «Азиатско-тихоокеанскяй экономическяй марстонь покодема» (АТЭС), Восточнай экономическяй форумса, Евразийскяй экономическяй форумса, марстонь покодемать коряс Шанхайскяй организациса, аф пельксшинь марстонь Советонь марстонь аф пельксшить коряс Договорса (ОДКБ), «Фкя каркс — фкя ки» форумса, киньге лангс аф ваны государстватнень марстонь саммитса (СНГ),народъётконь Петербургскяй экономическяй форумса, «Россиясь терди!» Инвестиционнай форумса и народъётконь лия форумса.

КНР, Азиатско-Тихоокеанскяй регионць (АТР)

Украинаса событиятнень инкса Западть мархта марстонь соткснень лафчемснон Путин мярьгсь РФ-нь внешняй политикаса инь эрявиксокс лемдемс провозгласил «востокти шарксть». Тя «шаркссь» удалась сяс мес, АТР-нь ламонц странатне ашезь кирдь западнай санкциятнень, мезсь лездсь Россяти ёмлаогофтомс инксонза эвонда юмафкснень. Тяфта Азиатско-Тихоокеанскяй регионць арась Россияти углеводородонь и оружиянь экспортнай од мишендемань-рамамань вастокс, од технологиянь инь няевикс пачфникс и западнай капиталти пряфкс полафтыкс.

2017 кизоня БРИКС странатнень лидерсан

2012-це кизоня октябрьста Путин мярьгсь «Газпромти» ваномс газопроводонь проект, кона сяльде лемдевсь «Сила Сибири». Китаи трубопроводть пачк газонь пачфнемась ушедовсь 2-це декабрьста 2019-це кизоня. «Восточная Сибирь — Тихий океан» трубопроводть нолдаманц мархта Россиясь арась Китаи нефтень инь оцю пачфникс, потафтомок Саудовскяй Аравиять. 2014-це кизоста Россись панчсь Китайста и Индияста инвесторхненди сонцень сатнемань сектор и транспортнай инфраструктура.

Россиять и Китайть ёткса марстонь покодемань сотксне кемокснесть обороннай технологиянь сфераса, Россиять лезксонц вельде Китайсь тись ракетнай врьгатнемада система.

2022-це кизоня февральста Украинаса конфликтть ушетксста Китайсь кирдсь нейтралитет, ашезень прима Россиять од территориянзон, но и ашезь полада Россиять карша санкциянь нолдаматнень, 2023-це кизоня февраль ковста лихтезень сонцень 12 пунктста ащи мирнай планонц, коса аф корхтави идеф территориятнень эзда российскяй войскатнень лифтемаснон колга.

2023-це кизоня мартста и октябрьста Москуса и Пекинца ётасть Путинонь и Си Цзиньпинонь марстонь корхтамасна. Тунда кафта вятихне ладязь Севернай морской кить касфтоманц-виияфтоманц коряс марстонь покодемать, «Сила Сибири — 2» газопроводть строяманц пряфкс условиянзон, Монголиять пачк Россияста Китаи транспортнай кить тиеманц и цифровизациянц. Российскяй и китайскяй лидерхне явсть мяльса лама полярнай мирть анокламанц коряс, коса кучка вастса аф улихть США-сь и Европась. «Фкя каркс — фкя ки» октябрьскяй форумса Россиясь и Китайсь кемасть крхкалгофтомс политикань марстонь соткснень, китькстазь эрь государствать праванц эсь ванфонц коряс кочксемс касомань-вииямань модельхть, корхтамась мольсь Израильть и Палестинать ближневосточнай конфликтть виияманц, а тяфта жа кафта шабра-государстватнень марстонь покодемань конфиденциальнай кой-кона кизефкснень коряс. Путинть и Си Цзиньпинть марстонь корхтамасост Россиять и Китайть ёткса сотксне лемдевсть «партнёрствань и стратегичечкяй марстонь покодемань сотксокс, кона сувайхть од эпохас».

2024-це кизоня президентонь кочкамада меле Путинонь омба мастору васенце самац ульсь майста Китаи.

Украинать мархта сотксне Россиять ёткс Крымть сувафтомда меле

Договоронь сёрмадомась Россиять лувксс Крым Республикатьи города Севастополя сувафтомасна. Моску, Кремль, 18 мартста 2014 кизоня

2014-це кизонь 19-це мартста, Крымть лангса Россиять суверенитетонц азоманц меле, омбоце шиня, Путин путсь задача строямс автомобильнай и железнодорожнай седь Керченскяй шудерьксть туркс, тя вановсь кода полуостровть Россиять мархта эрявикс соткс. 2018-це кизоня 15-це майста Путин ульсь Крымскяй седть автодорожнай пяльксонц панжемаса. 23 декабря 2019 года было открыто железнодорожное движение.

2019-це кизоня 11-це июльста украинскяй ширеть мяленц коряс тиевсь Зеленскяень и Путинонь ёткса телефон пачк васенце корхтамась, кона вятьсь киртьф лицатнень нолдамаснонды няевикс виияфтомати.

2019-це кизоня 9-це декабрьста Парижса ётась «нормандскяй четвёркать» саммитотц — 2016-це кизоста «нормандскяй форматса» лидерхнень васенце васедемасна. Саммитть пингста ульсь Путинонь и Зеленскяень фкя и тяка васедемасна.

2021-це кизоня Россиясь вешсь США-ть и НАТО-нь странатнень эзда юридически макомс гарантият НАТО-ть аф келемоманц шиньстяма шири, аф сувафтоманц Украинать НАТО-в, НАТО-ть мрдамац ся китьксненди, конат ульсть блокть кядяла 1997-це кизоня атказамась Россиять ваксса ащи государстватнень видеса ладямать врьгятни вооружениянь систематнень. НАТО-сь ашезень прьнянда вярьгок вастса ащи российскяй условиятнень.

Владимир Путин Гостинай дворса Федеральнай собранияти пшкядеманц пингста 21 февраль 2023

2022-це кизоня 21-це февральста Путин сёрмадсь ДНР-ть и ЛНР-ть лувоманц коряс указ, а 24-це февральста Путинонь решениянц коряс ушетф Специальнай военнай операциясь. 1-це июньцта 2024-це кизоня Путин лемдезень актуальнай условиятнень ляцендема толть лоткафтоманц и сялондоматнень-аф ладяматнень коряс переговорхнень ушедомасна фкя-якянь мархта ладяфтомать коряс. Россиять вешфксса сувафтфт украинскяй войскатнень лихтемасна сембе вастова Донецкяй и Луганскяй республикатнень эса, Херсонскяй и Запорожскяй областтнень административнай границаснон корява, мзярда синь сувафтфтольхть Украинав; Украинать нейтральнай, внеблоковай и безъядернай ащемац, Украинать демилитаризациянц и денацификациянц; признанандамс Крымть, Севастопольть, ДНР-ть, ЛНР-ть, Херсонскяй и Запорожскяй областтнень статусснон российскяй регионкс международнай договорхнень эса; Россиять карщес западнай санкциятнень лоткафтомаснон. В ходе СВО украинские спецслужбы не раз пытались устроить покушение на президента Путина, но все террористические акты против главы российского государства были успешно предотвращены.

Российскяй оцю предпринимательхнень мархта сотксне

1980-це кизоть песта дрезденскяй КГБ-нь резидентураса марстонь покодемань пингста Путин маласькофтсь Николай Токаревонь и Сергей Чемезовонь мархта.

2013-це кизонь декабрьста российскяй и масторлангонь прессать мяльснон салазе 10 кизот пякстафста кирдемда меле предпринимательть Михаил Ходарковскяень эса Путинонь ужяльдемац, мезсь ульсь шарьхкотьф, кода тяряфтома кеподемс Россиять имидженц Сочиса тялонь Олимпиадань карша.

2014-це кизонь мартста США-сь сувафтсь санкцият «Россия» банкть каршес.

Сялдомась

Марнек масторонь эрь кодама странаса прессаса тяшксневсь государстватнень, правительстватнень, королевскяй оцюнятнень и Папа римскяйть мархта плановай васедематненди Путинонь поздаманзон колга.

Ваномок эсь статьясона Путинонь шири российскяй оппозициять оржа корхтамаснон, Элизабет Вуд Массачусетскяй институтонь русистикань профессорсь тяшкстазе, што оппозиционерхне ёрайхть сотомс марс националистическяй (или даже ксенофобскяй) корхтаматнень экономическяй либерализмать мархта, а вярьге вайгяльхть корхтамазост сувафнихть Путинонь «рдазса валомат». .

Украинаса военнай действиянкса Россиянь президентть сялдома, 2024-це кизоня январь ковста Матеуш Моравецкий Польшанть экс-премьероц Express изданияти интервью виденцясь, Россиять и президенть Путинть «лама ресурсада, стратегическяй крхкашида, народъётконь политикаса прянь аф максомада».

2024-це кизоня июньцта британскяй содаф политиксь, Найджел Фараж Reform UK правай партиянь лидерсь, Путинонь колга арьсембачк, тяшкстазе Би-би-си интервьюса, што российскяй президентсь, кода ломань тейнза аф мялезонза, но «мяльс коре, кода политическяй деятель».

Коррупциять каршес тюремась и налогоонь пандомать эзда кяшендемась

2006-це кизоня Россиять лемста Путин президентсь сёрмадсь коррупциять карша ООН-нь Конвенция. 2012-це кизоста Путин сёрмадсь коррупцияти каршек ащемань национальнай мзярошка планда. 2012-це кизоня президентонь постти Путинонь мрдамда меле, сонь содаманц и мялень максоманц вельде панжесть антикоррупционнай од и оцю тефне, кассь пякстаф высокопоставленнайхнень лувкссна чиновникнень, губернаторхнень и биснесонь представительхнень, коррупциять мархта сотфнень. Оцю фируганттнень ёткса, конатненди максовсть лама пингс судонь обвинительнай приговорхт  — Алексей Улюкаев, Никита Белых, Александр Хорошавин, Сергей Фургал, Виктор Ишаев, Леонид Маркелов, Вячеслав Гайзер, Вячеслав Дудка, Андрей Нелидов, Николай Подгорнов, Владимир Торлопов, Николай Денин, Александр Прохоров, Александр Реймер, Михаил Ходорковский, Рауф Арашуков, альнякатне-тугаттне Магомедофне и лиятне.

2023—2024-це кизотнень РФ-нь Миноборонать оцюнянзон карша кеподевсть антикоррупционнай тефне, конатнень пингста уголовнай тефне ушедовсть влиятельнай должностной лицатнень каршес, синь лувкссост строительствать и тыловой пяшкодемать коряс оборонань министрть кафта полафтыенза, главнай управлениянь начальниксь.

2010-це кизоть ушетксста Россияса нолдавсь тевс госзакупкань электроннай системась, инголе общественность эзда ламонц сёлгф процедуратне тёждялгофтовсть или сяда аруяфтовсть.

Ernst & Young Согласно британскяй аудиторскяй компаниять исследованиянц коряс, кона ётась 2012-це кизоня тунда, 2011-це кизить перьф Россияса коррупциясь ламода кирьфтасть и ламонц параметра коре арасть марнек масторонь уровеньда сяда алня. Тяфта, кда 2011-це кизоня Россияса карша валонь максы менеджерхнень 39 % пшкядсть бизнессонь араламнкса или корпоративнай вельф прибыльнкса наличнайса взяткань максомань эрявиксшить колга, то 2012-це кизоня синь лувкссна прась 16 %.

МУС-ть муворгофнемасна

2023-це кизоня 17-це мартста Международнай уголовнай судсь макссь В. Путинонь и М. Львовать-Беловать пякстамаснонды ордерхт. Уголовнай судть даннаензон коряс Путин и Львова-Белова «кандыхть ответственность военнай преступлениянкса», кона ащи аф закононь коряс Россиять и Украинать ёткса конфликтть пингста Россиянь подконтрольнай Украинскяй территорияста украинскяй шабатнень Российскяй Федерацияв пачфнемаснон инкса.

Российскяй ширесь муворгофнемать аф примсесы, Международнай уголовнай судть юрисдикциянц мяльс аф сявондьсы. Дмитрий Песков президентть пресс-секретаренц кемокстаманц коряс, судть решенияц РФ-нь правать лангс ваномок «пяк ёмлат».

Ванфксоц, политическяй варжафксоц, религиять мархта ащемац

Ванфксоц

Политолокне и журналисттне политикаса Владимир Путинонь лувсазь консерваторкс.

Философнень и историкнень ёткса, конатнень лемнесыне Путин, оцюсна правай консерваторхт: И. А. Ильин , К. Н. Леонтьев, Л. Н. Гумилёв, Н. А. Бердяев, Н. М. Карамзин, Д. И. Менделеев, В. С. Соловьёв. Путинонь кельгома философонза политологтнень арьсемаснон коряс, И. А. Ильин.

Мишель Ельчанинов философсь Путинонь мировоззрениянь пряфкс промозкс лемнесы консерватизмать, «русскяй путень» и евразийствань эсь лацонь антизападническяй теориять. Путинонь мировоззрениянц лангс оцю влияния макссь советскяй ингольдень пингсь.

2011-це и 2013-це кизотнень Путин эсь прянц лувсы «аф коммунистическяй консерваторкс» и консервативнай шире мархта прагматикокс, 2014-це кизоня сувафнезе прянц либералхненди и лемнесы прянц «Россияса сембода оцю националистокс» (2018-це кизоня тийсь дополнения «Россияса сембода виде и эффективнай националист»). Тяка пингть Путин корхтась «Россия для русских» арьсемать афсатыксонзон колга (2021-це кизоня лемдезе сонь «пещернай национализмань» лозунгокс), лувсы сонь кода сепаратистскяй и ирредентистскяй амбициятненди карань-каршекс моликс  — 2002-це кизоня телеинтервьюса сон мярьгсь, што эсь целькс няйсы «рузонь наротть марстомамаса». Песковть валонзон коряс, Путин аф пяк кемай и «аф оцю мяль мархта» ваны монархиять лангс — сонць Путин 2016-це кизоня мярьгсь, што тейнза фалу мяльс коре социалистическяй идеятне.

Путин ульсь сталинизмать демонизациянцты каршек , а тяфта жа критикне лемнезь сонь кода сталинист, аньцек Алексей Венедиктовонь виденцяманц коряс, «Путин — аф сталинист, и сон аф кельгсы Сталинть», а рузонь монархнень эзда сембода мяльс туфсь Екатерина II. Тяка пингть, Путин ашезь макса мяль Якстерь площадьса В. И. Ленинонь Мавзолеенц пякстоманцты.

Путин сидеста корхтай западнай политикань вятихнень афсатыкс понятияснон «порядок, основанный на правилах» колга — сяс мес тянемс аф содаф, кие, мзярда и кодама мяльса ладязень правилатнень Россияфтома.

Отношение к российской и советской истории

Владимир Путин «Российскяй оцю энциклопедиять» презентациясонза 2013-це кизоня Путинонь мяленц коряс аноклавсть средняй школати Россиянь историянь марстонь учебникт, конатнень сон ёрась петемс историяса аф фкя лацоннеть и каршек молить эзда — тя учебниктнень коряс российскяй историять сотцеманц школатнень эса ушедозь 2016/2017 тонафнемань кизотнень. 2005-це кизоня Путин лемдезе СССР-ть срадоманц XX-це веконь геополитикань инь оцю зиянкс. Эста жа сон тердезе обществать консолидацияти, штоба тиемс од демократическяй Россия. Октябрьскяй революциянь вождть В. И. Ленинонь тевонзон и мялензон-арьсеманзон колга Путин корхтась казямста, муворгофнесы сонь историческяй Россиять калафтомаса. 2019-це кизоня Путин выступлениясонза народъётконь и российскяй форумса кепсезе кизефксть Западть муворушиц Мировой омбоце войнать ушедомаса. Путин корхтась Европарламенть резолюциянц аф сатыксонзон колга, каршек путнезень сталинскяй коммунизмань и нацизмань преступлениятнень, а тяфта жа корхтавсь, што войнась ульсь «кафта тоталитарнай державатнень Германиять и СССР-ть ёткса» аф врьгятнемаснон коряс дороговоронь результатокс. Путинонь арьсеманзон коряс, войнань афкуксонь туфталкс ульсть Версальскяй миронь «повай» условиятне, конат арасть Германияти «национальным виздемань кирдикс», и сяльдень Германияти европейскяй государствань политикась, кона аноклась сай пингонь войнати тюремань васта. «Пакт Молотова — Риббентропа» ульсь мировой соглашениятнень ёткса мекольцекс, конатнень 1930-це кизоня гитлеровскяй Германиясь сёрмадозень европейскяй лия странатнень мархта. Тяда башка Путин казямста корхтась Польшать колга и макссь совет тяниень оцюнятненди «вешемс простяма сянкса, мезе ульсь ингольдень пинкнень». 2022-це кизоня 20-це апрельста Путин корхтась Рюрик князть юронзон колга норманскяй теориять карша. Тянь лангса сон шарфнесь мяль азорондаманц ушетксста. Октябрь ковтса Путин явсь мяльса, што Емельян Пугачёвонь XVIII-це векста восстаниянь кеподемац удалась Российскяй империять кучкань властенц лафчемтоманц инкса . 2023 кизоня январьста, Ленинградскяй блокадать аделаманцты 80-це кизонь топодеманцты, Путин лятфтазе, што блокадаса кирдсть аф аньцек немецко-фашитскяй войскатне, тяфта жа «европейскяй ламонц странаста» представительхне, мезть колга Россиясь инголе ашезь корхта штоба аф гастямс мархтост соткснень . 2023-це кизоня виденцясь, што Советскяй Союзсь нолдась эльбятькс, мзярда 1956-це кизоня Венгрияв и 1968-це кизоня Чехословакияв сувафтсь танкат. «Аш кода мезевок тиемс внешняй политикаса, кда тя моли лия нароттнень интерезснонды каршек», китькстазе Путин. Эти слова приветствовали в Венгрии.

Религиять мархта ащемац

2012-це кизоня предвыборнай кампаниять пингста Путин азондозе, што пиже шабакс ульсь кстиндаф православияс. Кстингатне ётасть 1952-це кизоня ноябрь ковтса (Михалажиста) Спасо-Преображенскяй соборса Ленинградса. Путин аф весть мушендсь христианскяй и коммунистическяй идеологиятнень ёткса марстонь шит, кемокснесь, што основной питнесь коммунизмань строяйхнень кодексса — «воляши, братства, равенства, видеши» — «тя сембось ули Священнай писанияса… Арьсематне пяк цебярьхть…, аньцек минь странасонк, социалисттнень-утописттнень арьсемасна эряфс ашезь ётафтов.

Путин в Спасо-Преображенскяй Валаамскяй монастырьса с архимандритом Панкратиейть мархта] (кержи шире), 16-це августста 2001 кизоня

Путин сидеста васьфнесь Моску ошень и марнек Русень Алексием II патриархть мархта (1999-це кизоня 31-це декабрьста ушедомок — шиста, мзярда Борис Ельцин максозе Путинонди президентскяй властть, — и 2000-це кизоня 11-це январьста, мзярда Путин Алексийть II мархта марса ульсть Кремляса приёмса, кона лемфтьфоль Христозть Роштуваста 2000-ть кизонь топодеманцты), уленди религиознай службаса, странать эзга арнемста уленди православнай эрь кодама церькавса и монастырьса, богослуженияста озонды. Los Angeles Times американскяй изданиять арьсеманц коряс, 2007-це кизоня май ковста Путин Моску ошень и марнек Русень Алексий II патриархть мархта ладязь РПЦ-ть и Рузонь православнай омба масторонь церькавть ёткса 80-це кизоньберьф моли срадомать и лездсть сувафтомс РПЦЗ-ть РПЦ-ть составс. Путинонь арьсеманзон коряс, «и Россиянь конфессиональнай койхне, и ядернай щись кемокснесазь российскяй государствать, лездыхть странань потмонь и лангонь аф пельксшинь ванфтомаса».

Публичнай образоц

Владимир Путин Су-27 кабинасонза

2013-це кизоня Путин ульсь васенце васта «Forbes» журналонь «миронь сембода оцю влияния мархта ломаттне» эрь кизонь рейтингса, Барак Обамать потафтозе омбоце вастти. Рейтингонь кочкайхнень арьсемаснон коряс, Путин занязе васенце вастть, сяс мес 2013-це кизоня няфтезе прянц, кода «самодержец, отькорьста няфнезе эсь виенц эсь странасонза и народъётконь аренаса». Тяфта жа лиссь и 2014-це кизоня, сяльде и 2016-це кизоня. «Российскяй президентсь касфтозе странанц влияниянц пцтай сембе масторса». 2015-це кизоня октябрь ковтса сонць Путин лемнезе эсь прянц кода «мече кшнинь паця мархта», а ломанень качестватнень эзда сембода кальдявкс лувондсы васькафнемать и тевонь аф содамать. Дрезденца служаманц пингста Путин явсь лиятнень эзда аф симомаса, аньцек 2018-це кизоня виденцясь пяк кельгсы пивать, а сай пингть ашезь аще каршек и винань тиемань тевти кундамать колга.

Имиджевай акциянза

Владимир Путин XXI-це футболть коряс Масторлангонь чемпионатть панжеманц пингста

2008-це кизоня 31-це августста Путин ульсь Уссурийскяй заповедникса, коса сотцесь уссурийскяй тигрань идемань программать мархта.

Путин вятьсы тюжя Лада Калина автмобильть «Амур (автомобилень ки)» трассать лангса. 2010-це кизось

2010-це кизоня 28-це апрельста Путин ульсь Земля Франца-Иосифа архипелагса, коса ванозе учёнайхнень, конат ваныхть акша офттнень популяцияснон мельге, экспедицияснон покодеманц. Офттнень эзда фкяти Путин щафтсь GPS-шяке. 2012-це кизоня 5-це сентябрьста Салехардть маласа «Кушеват» орнитологическяй станцияса Путин тиендсь эксперимент, кона ётнесь «Полёт надежды» проектть видеса Якстерь книгав сувафтф стерхатнень араламаснонды. Штоба няфтемс рязанскяй питомникса касфтф кота стерхатненди тялонзама лямбе шири вяти кить, Путин мотодельтапланца акша щамса каргонь тулоть инголе ащемок, тись колма лиемат: васенцесь варжамань, нинге кафта — стерхаттнень мархта. 2018-це кизоня Путин Россияса панжезе футболонь марнек масторонь ХХI-це Чемпионатть. 2019-це кизоня июльста Путин батискафса нолдась Финскяй заливть потмаксс, штоба тяшкстамс лятфтамать подводникнень колга, конат шавовсть Великай Отечественнай войнань кизотнень «Сёмга» Щ-308 подлодкаса.

Кельгома тевонза

Шарфни мяль пандонь лыжаса арнемати. Самботь и дзюдоть коряс спортонь мастер. Самботь(1973) и дзюдоть(1975) коряс Ленинградонь Чемпион, Самботь коряс Россиянь заслуженнай тренер(1998), «Труд» ЦС ДСО чемпион, СССР-нь Кубкань налхкомань призёр, «Жальгирис» и «Калев» ДСО-нь первенстваса сяськись, аф весть арсесь вузонь чемпионатонь сяськикс. Одкс пингстонза 11-це кизонь перьф дзюдоса тренеркс Путинонди ульсь Анатолий Рахлин (1938—2013), сяльде дзюдоть коряс авань российскяй сборнайть тренероц. Рахлинть валонзон коряс, Путин маштсь мазыста бороцяма, «нинге ёмлакс маштсь сярятьфонь кирдема», «сяськсь аф оцю вийса, эрекшиса». Тяка пингть Путинонь действиянзон ульсь стака лувомс, сон ульсь аф тёждя карша тюрикс. Сонць Путин тяшкснезе, што эряфсонза дзюдоти тонафтыец ульсь аф мекольце ломанькс. 1998-це кизоста Путин Явара-Нева санкт-петербургскяй спортивнай клубонь почётнай президент. 2014-це кизоня Кёкусин-кан каратэ-до народъётконь организациянь комитетсь макссь Путинонди Кёкусинкай 8-це дан. 1999-це кизоня Василий Шестаковонь и Алексей Левицкяент мархта соавторстваса Путинонь лиссь дзюдоса практическяй занятиятнень коряс «Учимся дзюдо с Владимиром Путиным» книгац.2008-це кизоня 6-це октябрьста ётась книгати видеоприложениянц презентацияц, кона тиевс Санкт-Петербургса и снимандавсь сонць Путинць. Россиянь президентть улемац Олимпиада-2012 ульсь содаф, што Путин сонць таки занимандай дзюдось и максси поддержка РФ-нь дзюдонь Федерацияти. Цебярьста содасы немецкяй кяльть, машты корхтама англань кяльса. Вилли Виммерань ОБСЕ-нь Парламентскяй ассамблеянь ингольдень пингонь вице-председательть арьсеманц коряс, Владимир Путин арсы няевиксокс лия политикнень ёткса маштомошиса ётафнемс немецень корхтамать кулхцондыхненди видеста и тевонь содазь.

• 

  Путин (справа) кунци калхт Енисей ляйса Монаконь князть мархта Альбер II (слева) и Шойгу, Сергей Кужугетович. Тыва, 13-це августста 2007-це кизоня

• 

  Байк-шоуса сонцень Harley-Davidson лангса. Севастополь, 24-це июльста 2010-це кизось

• 

  Пильгонь ингольдень шалгамсь Путинонь эзда.Токио, 19-це апрельста 2012-це кизось

• 

  Ветембань хоккейнай лигать налхкомаса. Сочи, 16-це майста 2015-це кизось

Эсь эряфоц

Семьяц

Свадьба Владимира Путина и Людмилы Шкребневой. 1983 год

28-це июльста 1983-це кизоня Путин 30-нь кизоса рьвяясь 25-те кизонь Людмила Александровна Шкребневать лангс. 2013-це кизоня 6-це июньцта «Россия-24» телеканалти интервьюса Владимир и Людмила Путиттне азозь, што синь састь марстонь мяльс явомс. Кода меле сонць Путин тяшкстазе, синь ашельхть венцяндафт, сяс валонзон коряс, явомаснон религиознай ширец аш. Явомась, китькстазе президентть пресс-секретарец, 2014-це кизонь мартти сёрматф.

Иденза и уноконза

Миртть-рьватнень синь шачсть кафта стирьсна: Мария (28-це апрельста 1985-це кизоня Ленинградса) и Екатерина (31-це августста 1986-це кизоня Дрезденца) — тонафнесть СПбГУ-са (примафтольхть 2003-це кизоня) — Мария биолого-почвеннай Катерина тонафнесь восточнай факультетса. 2012-це кизоня 20-це декабрьста пресс-конференцияса журналистть кизефксонц лангс Путин пшкядьсь, што кафцьке стиренза эряйхть, тонафнихть и покодихть Москуса. 15-це августста 2012-це кизоня Москуса Мариять шачсь цёрац, сонь шачеманц колга кулять пачфтезе Путинонь кунардонь ялгац, музыканць Сергей Ролдугин 2014-це кизоня, а 2017-це кизоня июньцта Оливер Стоунти интервьюса уноконц шачеманц колга кулять Путин кемокстазе сонць. 2017-це кизоня 15-це июньцта Путин мярьгсь, што сонь шачсь омбоце унокоц.

Радненза

* Атяц — Спиридон Иванович Путин (1879—1965). * Кафта юронь брадоц — Путин, Игорь Александрович (шачсь 30-це мартста 1953-це кизоня Ленинградса), образованияс коре инженер, юрист, 24 киза служась Вооружённай Вийхнень эса, меле покодсь госслужбаса, 2013-це кизоня вице-президент и «Мастер-банконь» правленияса ащись. * Кафта юронь брадоц — Евгений Михайлович Путин (25-це февральста 1933 — 10-це мартста 2024), врач-уролог, покодсь Ивановаса. * Кафта юронь племянникоц — Роман Игоревич Путин (шачсь 1977-це кизоня), ООО «Группа компаний МРТ» директорхнень советса председатель, «МРТ-АВИА»компанянь совладелец. * Кафта юронь сазоронц цёрац — Михаил Шеломов. 2000-це кизотнень пингста 2017-це кизоти самс покодсь главнай специалистокс петербургскяй «Совкомфлот» офисса. * Кафта юронь брадонц ширде пяльняц — Михаил Путин. Врач образованияс коре, 2018-це кизоня арась «Газпромть» председателенцты полафтыкс. Государствань главать пресс-секретарец Дмитрий Песков мярьгондсь, што сон В. В. Путинонди ичкоздень радня, конань мархта президентсь «фактически аф васьфни-корхни».

Доходонзон колга уликсне

Путинонь 2018-це кизонь декларированнай доходоц ащи 8,6 миллион цалковайста. Декларациять коряс, Путинонь мельге сёрматфт 77 м² площадьса квартира и 77 м² гараж, тяфта жа пользованияса 153,7 м² площадьса квартира. Путинонь кафта автомобильдонза ГАЗ М21 и Нива, нинге «Скиф» прицеп. 2019-це кизоть декларациянц коряс президентть официальнай доходоц 9,7 миллиотт цалковайхть, движимай и аф движимай имуществанц пяльксоц ваномок 2018-це кизоть лангс ашезь полафта.

Шумбрашинц колга

Путин Роштувань службаса Симеон и Аннань церквса

в 2018 году

Путин ванфнесы шумбрашинц, аф таргай и аф кирнесыне перьфканза ащи таргайхнень ширеснон, но Сергей Миронов враченц валонзон коряс аф пяк кемай медикаменттнень примамаснонды, пара мяльса якай баняв. Мзярда пяк эряви пчкси Центральнай клиническяй больницяса.

Россиянь тяниень азорондайхнень ёткста кизос коре Путин ащи нилеце вастса — РФ-нь Конституционнай судонь председательть мельге Валерий Зорькинонь, РФ-нь Федерациянь Советонь председателть Валентины Матвиенкоть и РФ-нь омба мастроронь тевонь вяти министрть Сергей Лавровонь.

Путин на Кльхчянянь эшелямста Селигерса, 19-це январьста 2018 кизоня

Резиденциятне и служебнай транспортсь

2000-це кизоста Путин фалу эряй маластонь Москуть ала Ново-Огарёвонь резиденцияса. Тяфта жа президентскяй официальнай резиденциякс лувовихть: Санкт-Петербургть ала — Стрельнаса «Константиновский дворецсь», Сочиса — «Бочаров Ручей» резиденциясь, Тверской областьса «Завидово» национальнай парконь территорияса «Русь» резиденциясь, Валдайскяй эрьхкса «Долгие Бородына» резиденциясь. Кремляса Путинонь ули служебнай квартирац.

Покодема васту вертолётса арнеманц колга Путин корхни, што мялец Москуса китнень лангса аф тиендемс пробкат, конат эвондакшнельхть президентть кортеженц эрь шиня ётаманц инкса. 2018-це кизоть самс служебнай автомобилец ульсь Mercedes Pullman, 2018-це кизоня инаугурацияс Путин васенцеда ардсь «Кортеж» проектонь российскяй од лимузинца. Президентскяй аф полафневи самолётокс фалу ащи Ил-96, бортсонза ули служебнай кабинет и государствань оцюнять апартаментонза, совещаниянди зал, Вооруженнай виень вятемань команднай пульт.

Путин культураса

Путинонь сидеста лятфнесазь келиста содаф, ульцянь, интернет-культураса. Теенза лемтьфт картинкат, плакатт, морот, граффити, видеороликт и фильмат (сяконь лувксса документальнайхне), анекдотт и лия мезе. Ккиноведы Стивен Ловелл и Марк Липовецкий путнесазь серцек Штирлицень «Семнадцать мгновений весны» фильмаста и Путинонь, китькстамок кафцьконь эса приверженность патриотическяй миссияти европейскяй имидж мархта.

Филателияса

Гейдар Алиевть мархта Азербайджанонь почтовай маркаса (2001)

В. В. Путинонди ульсть лемтьфт Россиянь почтовай колма маркат , а тяфта жа Азербайджанонь маркатне, КНДР, Либериянь, Молдавиянь, Словакиянь, Словениянь, Украинань и Узбекистанонь.

Фильмографияса

• 2001 — «Путин. Високоснай киза». Владимир Путинонь президентствань васенце кизонц колга фильма.
• 2007 — «55» — Владимир Путинонь президентстванц колга Никита Михалковонь документальнай фильмац. Няфтевсь Путинонь 55-це кизонь топодеманцты.
• 2012 — фильмась «Путин, Россиясь и Западсь»
• 2015 — «Президент» — Владимир Соловьёвонь российскяй полнометражнай документальнай фильмац.
• 2015 — «Крым. Меки Родинав кись» — Андрей Кондрашовонь российскяй полнометражнай документальнай фильмац.
• 2015 — «Миропорядок» — Владимир Соловьёвонь российскяй полнометражнай документальнай фильмац.
• 2016 — «Украинась толса» — Игорь Лопатёнкань американскяй полнометражнай документальнай фильмац.
• 2017 — «Путинть мархта интервью» — Оливер Стоунонь американскяй ниле серияста ащи документальнай фильмац.
• 2017 — «Оцю, кельгома, питни» — «Десятая муза» шабань киностудиянь короткометражнай художественнай фильмась.
• 2018 — «Валаам» — Андрей Кондрашовонь российскяй документальнай фильмац.
• 2018 — «Миропорядок 2018» — Владимир Соловьёвонь российскяй полнометражнай документальнай фильмац.
• 2018 — «Путин» — Андрей Кондрашовонь российскяй полнометражнай фильмац.
• 2018 — «Путинонь свидетеленза» — Виталий Манскяйть российскяй документальнай фильмац.
• 2018 — «Собчакть тевоц» — Вера Кричевскяйть российскяй документальнай фильмац.
• 2019 — «Украинать инкса тюремась» — Игорь Лопатёнкань американскяй полнометражнай документальнай фильмац.
• 2020 — «Путин: рузонь шпионть историяц» британскяй мини-сериалсь . Трёхсерийный документальный фильм.
• 2024 — Владимир Путинонь интервьюц журналистти Такер Карлсонти, Tucker Carlson Network видеоплатформать арьсиенцты.

Казнентне и признаниясь

Основная статья: Список наград и почётных званий Владимира Путина

Владимир Путин 2007-це кизоня лемтьф Человеком года» по версии американского журнала Time.

В 2013, 2014, 2015 и 2016 кизотнень Путин пряфкс вастса масторлангонь сембода влиятельнай ломаттнень ёткста американскяй журналть мяленц коряс Forbes.

Ащи почётнай докторкс ламоц российскяй и омба масторонь академиянь и университетонь.

Петр Великоаень лемса Национальнай общественнай премиянь (2001), «За выдающуюся деятельность по укреплению единства православных народов» (2002) премиянь , Андрей Первозваннень «За веру и верность» (2004) , мира им. Конфуциень лемса миронь премиянь лауреат(КНР, 2011).

2024-це кизоня тунда Путинонь лемса лемтьф Спецназонь Российскияй университетсь Гудермесса Чеченскяй республикаса.

Воинскяй званиясь и класснай чинць

• Запасонь полковник (1999-це кизось)
• Российскяй Федерациянь 1-це классонь афкуксонь государственнай советник (3-це апрельста 1997-це кизось)

Библиография

• Путин В. В. Стратегическое планирование воспроизводства минерально-сырьевой базы региона в условиях формирования рыночных отношений (Санкт-Петербург и Ленинградская область): дисс. … канд. экон. наук. — Санкт-Петербург, 1997. — 218 с.
• Путин В. В. Избранные речи и выступления. — М.: Книжный мир, 2008. — 471 с.
• Путин В. В. Прямая речь. — М.: Звонница-МГ, Новый ключ, 2016. — Т. 1—3. — 1000 экз.
• Путин В. В. Россия на рубеже тысячелетий // Независимая газета. — 1999. — 30 декабря.
• Владимир Путин Почему трудно уволить человека // Русский пионер. — 2009. — 16 июня.
• Путин В. В. Россия сосредотачивается — вызовы, на которые мы должны ответить // Известия. — 2012. — 16 января.
• Путин В. В. Россия: национальный вопрос // Независимая газета. — 2012. — 23 января.
• Путин В. В. О наших экономических задачах // Ведомости. — 2012. — 30 января. — № 15(3029)
• Путин В. В. Демократия и качество государства // Коммерсантъ. — 2012. — 6 февраля. — № 20/П (4805)
• Путин В. В. Строительство справедливости. Социальная политика для России // Комсомольская правда. — 2012. — 13 февраля.
• Путин В. В. Быть сильными: гарантии национальной безопасности для России // Российская газета. — 2012. — 20 февраля. — № 35(5708)
• Putin V. A Plea for Caution From Russia // The New York Times. — 2013. — September 11.
• Wladimir Putin Offen sein, trotz der Vergangenheit // ZEIT ONLINE.
  22. Juni 2021

Лятфтамат

Литература

• Гуревич В. Д. Владимир Путин. Родители. Друзья. Учителя. — СПб.: Изд-во Юрид. ин-та, 2004. — 173 с. — ISBN 5-86247-068-9.
• Дегоев В. В., Ибрагимов Р. Ю. Россия при Путине: обретения, тревоги, надежды. — М.: Империум XXI век, 2007. — 237 с. — ISBN 978-5-91317-005-7.
• Зайпель Х. Путин: Логика власти. — Время, 2016. — 384 с. — ISBN 978-5-9691-1508-8.
• Путин, Владимир Владимирович / С. Л. Кравец (мировоззренческие основы государственной политики, внутренняя политика), Ф. А. Лукьянов (внешнеполитическая концепция, внешняя политика), В. А. Мау (экономика), Е. Э. Чуковская (законодательство, вопросы культуры) // Пустырник — Румчерод. — М. : Большая российская энциклопедия, 2015. — С. 8—29. — (Большая российская энциклопедия : [в 35 т.] / гл. ред. Ю. С. Осипов ; 2004—2017, т. 28).
• Леонов Н. С. Что ещё может Путин? — М.: Алгоритм, 2013. — 256 с. — (Как Путину обустроить Россию). — 3000 экз. — ISBN 978-5-4438-0251-0.
• Лузянин С. Г. Восточная политика Владимира Путина : возвращение России на «Большой Восток» (2004-2008 гг.). — М.: АСТ, 2007. — 446 с. — ISBN 5-17-041020-4.
• Медведев Р. А. Время Путина. — М.: Время, 2014. — 720 с. — (Собрание сочинений Медведевых Роя и Жореса). — ISBN 978-5-9691-0855-4.
• Медведев Р. А. Владимир Путин. — М.: Молодая гвардия, 2007. — 685 с. — (Жизнь замечательных людей). — ISBN 978-5-235-03059-6.
• Млечин Л. М. Путин и Трамп. Враги, соперники, конкуренты?. — М., 2019. — ISBN 978-5-6040607-1-1.
• Млечин Л. М. Путин. Россия перед выбором. — СПб.: Питер, 2012. — 448 с. — ISBN 978-5-459-01226-2.
• Рар А. Владимир Путин: «Немец» в Кремле. — М.: ОЛМА-Пресс, 2001. — 318 с. — (Проект «Путин»). — ISBN 5-224-02143-X.
• Рар А. Владимир Путин. Лучший немец в Кремле. — М.: Алгоритм, 2012. — 237 с. — (Проект «Путин»). — ISBN 978-5-4320-0039-2.
• Рар А. Куда пойдёт Путин?: Россия между Китаем и Европой (Почему Западу нужна Россия: Экспертный анализ). — М.: ОЛМА Медиа Групп, 2012. — 352 с. — 4000 экз. — ISBN 978-5-373-04735-7.
• Стратиевски Д., Гонсаленс К. Путин, водка и казаки: Представления о России на Западе. — М.: Алгоритм, 2014. — 208 с. — (Проект «Путин»). — 2500 экз. — ISBN 978-5-699-71816-0, 978-5-4438-0770-6.
• Таланов В. Л. Психологический портрет Владимира Путина. — СПб.: Б&К, 2000. — 61 с. — ISBN 5-93414-018-3.
• Хатчинс К., Коробко А. Путин / Пер. с англ. — М.: ОЛМА Медиа Групп, 2012. — 432 с. — 3000 экз. — ISBN 978-5-373-04767-8.
• Чадаев А. В. Путин. Его идеология. — М.: Европа, 2006. — 230 с. — (Идеологии). — ISBN 5-9739-0040-1.
• Karen Dawisha. Putin's Kleptocracy: Who Owns Russia?. — Simon and Schuster., 2015. — 464 с. — ISBN 9781476795201.
• Оливер Стоун. Интервью с Владимиром Путиным. — М.: Альпина Паблишер. — 350 с. — ISBN 978-5-9614-6477-1.
• Boyd-Barrett, Olive. Western Mainstream Media and the Ukraine Crisis : A study in conflict propaganda. — L. : Routledge ; N.Y., 2017.

Ссылкатне

• ТАСС, 7 октября 2021. Биография Владимира Путина
• putin.kremlin.ru​(руз.)
  eng.putin.kremlin.ru​(анг.) — официальный сайт Путина Владимира Владимировича
• Архив сайта Председателя Правительства РФ В. В. Путина (2008—2012)
• /В. Путин вспомнил о А.Здунове

Владимир Путин

• Лауреат премии за лидерство Всемирной федерации этноспорта (20 апреля 2025 года, Международный форум этноспорта в Санкт-Петербурге).