Советскяй народонь геноцидсь

Рувики лопаста
Советскяй народонь геноцидсь
Вермахтонь военнослужащаень марстонь фотографиясна. Школьнай доскать лангса пурса сёрматф: «Рузти эряви куломс, штоба эрялеме минь» (нем. Der Russe muß sterben, damit wir leben). Брянскяй областсь, 2 октябрьста 1941 кизось
Вермахтонь военнослужащаень марстонь фотографиясна. Школьнай доскать лангса пурса сёрматф: «Рузти эряви куломс, штоба эрялеме минь» (нем. Der Russe muß sterben, damit wir leben). Брянскяй областсь, 2 октябрьста 1941 кизось
Вастсь
Хронология
Кона пингста 22 июньцта 1941 изоня – майста 1945 кизоня
Ключевой событиятне РСФСР-ть масторонц лангса советскяй народонь геноцидсь,
Белорусскяй ССР-нь масторса советскяй народонь геноцидсь,
Украинскяй ССР-нь масторса советскяй народонь геноцидсь,
Литовскяй ССР-нь масторса советскяй народонь геноцидсь,
Латвийскяй ССР-нь масторса советскяй народонь геноцидсь,
Эстонскяй ССР-нь масторса советскяй народонь геноцидсь,
Молдавскяй ССР-нь масторса советскяй народонь геноцидсь,
Карело-Финскяй ССР-нь масторса советскяй народонь геноцидсь
Жертвы геноцида
Жертватне славяттне, еврейхне, цыгаттне
Жертватнень лувкссна 13 миллионда ламан ломань
Геноцидонь китне-яттне массовай шавондоматне
Арьсефста ломаттнень ламонь-ламонь куломачнон колга тевонь тиемат
Вийхца ломаттнень эряма кучемасна лия вастс
наругаматне
Арьсефста срафтома социальнай инфраструктурань и культурнай питнешитнень ценностей
Ответственные за геноцид
Геноцидонь пуроптыхне-мольфтихне Нацистскяй Германиясь
Геноцидонь пяшкодихне Айнзацгруппатне
СС-нь войскатне
Вермахтсь
Безопасностень службась(СД)
Румыниянь Королевства армиясь
Румыниянь Королевствань жандармерия
Венгриянь Королевствань армиясь
Королевскяй итальянскяй армиясь
Финляндиянь Араламань вийхне
коллаборанттне
Правовая оценка
Органць, геноцидонь фактонь ваныхне Чрезвычайнай государственнай комиссиясь ладямань и вешендемань коряс немецко-фашистскяй врьгятнихнень и теест лездыхнень лангса; Международнай трибуналсь Нюрнбергса; Российскяй Федерациянь следственнай комитетсь

Советскяй народонь геноцидсь (руз. Геноци́д сове́тского наро́да) — немецкяй нацисттнень наругамасна, синь союзникснон и теест лездыхнень советскяй ломаттнень лангса Великай Отечественнай войнань кизотнень.

РФ-нь Федеральнай законть коряс 21.04.2025 № 74-ФЗ,

советскяй народонь геноцидкс лувовихть нацисттнень и теест лездыхнень тевонь тиемасна Великай Отечественнай войнань 1941—1945 кизотнень пингста, конат шарфтфт СССР-ть масторонц лангса эряйхнень национальнай, этническяй и расовай кужетнень марнек или аф прокс марнек юмафтомаснонды-арамаснонды, тя кужеса улихнень шавондомаснон вельде, синь шумбрашиснонды стака кяжень тиемать вельде, вийхца кардамань шабань шачфтомать, вийхца шабань максомать, вийхца лия вастс эрма кучемать или эряфонь стама туфталонь тиемать, кона юмафтсыне-арафтсыне тя кужень ломаттнень, р[1].

Нацистскяй Германиять и сонь лездыензон преступнай тевонь тиемаснон пингста шавовсь 13,6 миллионда лама мирнай ломань. Войнань кизотнень срафтфоль-калафтфоль 1700 малава советскяй ош и посёлка, машфтфоль 70 тёжянь веле[2][3][4][5].

Чрезвычайнай государственнай комиссиясь кочкась документальнай лама свидетельства, конат няфнесазь ня кяжень тиендематнень масштабснон и организованнай характерснон. Колмоце рейхонь руководствась ульсь судендаф Международнай трибуналть (руз.) (мок. мархта Нюрнбергса и СССР-са панжада судебнай процесснень эса, а нацисттнень преступлениясна оккупированнай советскяй территорияса сяда тов ульсть лувфт геноцидкс[6][7][8][9].

Нацистскяй Германиять мяльшакшнеманза советскяй граждаттнень колга

Советскяй Союзть каршес аноклакшневи войнати идеологическяй юркс ульсь «машфтомань войнать» концепцияц, конань азозе Адольф Гитлер. Вермахтонь высшай командованиянц инголе секретнай корхтамаса 1941-це кизонь 30-це мартста сон азозе, што сай пингонь конфликтсь Шиньстяма ширеса кармай пяк аердома Шинь валгома ширеса войнать эзда и эряви вятемс пяк кяжиста[10][11].

Нацистскяй Германиянь (руз.) (мок. вятихне ёрасть тиемс Шиньстяма ширес оккупированнай модатнень Колмоце рейхонь аграрно-сырьевой колониякс. Тястонь эряйхне явондовсть категориява «расовай питнишить» и немецненди лояльностть коряс. «Алудонь расакс», конатнень нацисттне ёрасть марнек машфтомс, лемневсть еврейхне и цыгаттне; мельгаст мольсть восточнославянскяй эряйхне, кона ванондовсь аф питни рабочай виень уликс и эрявиксонди аф ламода машфтомс или таяскофтомс. Кой-кона нароттненди (кепотьксонди, Прибалтикань населенияти) макссевсь вспомогательнай группань роль германскяй господствань системаса[6].

Монь мялезе содамс, эряйхть ли лия нароттне парста или ащихть вачеда кулома лангса, аньцек сяс, мес синь эрявихть тейнек урекс минь культураньконди; лияста синь монь аф интересовандасамазь[12]. Генрих Гиммлер

"Ост" планца корхтавсь Уралть фталу СССР-нь славянскяй эряйхнень оцюшка пяльксонц панеманц колга немецкяй колонисттнень мархта валомне сонь полафтоманц мархта. Еврейхне, цыгаттне И ВКП(б)-нь функционерхне эрявсть сяда курок машфтомс[13].

Вачашинь планць, конань тиезе Герберт Бакке, арьсесь, фкя ширде, оккупированнай территориятнень грабамаснон вельде ладямс вермахтонь солдаттненди и офицерхненди ярхцамбялень апак лотксек пачфтема, а стане жа касфтомс Европав ярхцамбялень пачфтематнень, а омбоце ширде, кирьфтамс фатяф областтнень эряйснон вачашить вельде, пуроптф-ладяф реквизициятнень и продуктань максомань норматнень максимальнай кирьфтамаснон вельде.[14].

6-це майста 1941-це кизоня сухопутнай силфельдмаршалть Верховнай командованиянц начальникоц Вальтер фон Браухич нолдась приказ «Комиссархнень колга», кона мярьгондсь германскяй военнослужащайхненди и айнзацгруппатненди машфнемс советскяй политработникнень[13][15].

  • Адольф Гитлеронь совещандамань протоколоц вермахтонь вятихнень мархта «Барбаросса» — «Ольденбург» обсуждениянц организационнай структурань планть хозяйственнай явоманц, 29 апрельста 1941 кизоня

    Адольф Гитлеронь совещандамань протоколоц вермахтонь вятихнень мархта «Барбаросса» — «Ольденбург» обсуждениянц организационнай структурань планть хозяйственнай явоманц, 29 апрельста 1941 кизоня

  • («Сянгяря папка» №1 пялькссь и Изданиясь №2)

    («Сянгяря папка» №1 пялькссь и Изданиясь №2)

  • Сопроводительнай «Директиватненди пшкядемась политическяй комиссархнень вельде» 6 июньцта 1941 кизоня

    Сопроводительнай «Директиватненди пшкядемась политическяй комиссархнень вельде» 6 июньцта 1941 кизоня

Вермахтонь Верховнай командованиянь штабонь начальниксь Генерал-фельдмаршалсь Вильгельм Кейтель 1941-це кизонь 13-це майста приказса «„Барбароссонь“ операциять районца воинскяй подсудностть и войскатнень особай полномочияснон колга» сувафнесь пефтома терроронь режим СССР-ть территорияса, кона заняф немецкяй войскатнень мархта. Документсь валхнезе вермахтонь личнай составонц лангста ответственностть гражданскяй эряйхнень каршес эрь кодама преступлениянкса. Гиммлер нолдась тяфтама жа директива СС войскатненди[16].

Тяка пингть нацистскяй руководствась тиендсь детальнай платт Советскяй Союзонь природнай, производственнай и трудовой ресурснень марнек грабамаснонды и эксплуатацияснонды. Тянкса 1941-це кизонь 19-це мартста Гитлеронь приказонц коряс ульсь тиф «Ольденбург» хозяйственнай штаб Герингонь вятеманц ала.[17].

112 № бюллетеньца, кона нолдаф вермахтонь пропагандань отделонц вельде 1941-це кизонь июньцта, эстокиге СССР-ть лангс врьгятемда меле, войнать целенза ульсть китькстафт тяфта :

Эрявихть машфтомс якстерь пялесломаттнень марса синь кремлевскяй диктаторснон мархта. Германскяй народти сави пяшкодемс инь оцю задачать эсь историясонза, и мирсь нинге маряй сянь колга, што тя задачась пяшкодеви педа-пес[18].

Немецкяй эряма од васттнень теварьсефксонь корхтафтомасна. Кучкаса: Генрих Гиммлер и Рудольф Гесс

Геноцидонь политикать пяшкодемац

Мирнай эряйхнень ламонь шавондомасна

СССР-ть (руз.) (мок. территорияса нацисттнень политикаснонды характернай чертакс ульсть тястоконь населениять масштабонц коряс беспрецедентнай шавоманза. «Восточнай территориятнень» коряс ульсь установка славянскяй и лия «аф полноценнай» населениять лувксонц пяк кирьфтаманц лангс, конань сувафнезь эряфс СС-нь айнзацгруппатне, вермахтонь соединениятне и коллаборационистскяй формированиятне. Тяфта, 33 тёжянть малава еврей ульсь шавф Киевса Бабье Яр вастса 1941-це кизонь сентябрьста, 15 тёжяньда лама мирнай советскяй гражданин шавовсть белорусско-латвийскяй пограничьяса «Зимнее волшебство» карательнай операциять пингста, 27 тёжяньда лама машфтсть нацисттне ростовскяй Змиёвскяй балкаса. И тяфтама эпизодта ульсь сядот[9][19][20][21].

Карательнай операциятне, формальна шарфтфне партизаттнень каршес, тевса сидеста арсесть методичнайста целай райононь мирнай населениять машфтоманцты «бандитизмать» каршес тюремань туфталса. Плхтаф модать тактикац корхтась населеннай пункттнень перямаснон колга, эряйхнень массовай шавомаснон и инфраструктурать марнек машфтоманц колга. Населениять аф аньцек ляцендезь, но и травондазь угарнай газса машинаса-душегубкаса или стационарнай газовай камераса, плхнезь живойста, панцезь тялонда якшамти или кадондозь вачеда куломас. Тяфтама политикань эвфти кепотьксокс арась Хатынь велень 149 эряйть мархта 1943-це кизонь 22-це мартста машфтомась, конань тиезь «Дирлевангер» СС батальонть составста карательнай отрядсь и украинскяй коллаборационисттне. Войнать пингста модать лангста нардафтольхть тёжятть советскяй веле и веленя[4][19][20].

Марнек машфтомань системати ключевой элементокс ульсть концентрационнай лагерьхне, конатнень тиезь нацисттне СССР-ть территорияса. Пичефксу содавиксши получасть куломань лагерсь Львовть ала Яновский посёлкаса, коса ульсь машфтф 200 тёжянь ломань, а стане жа Минскяй геттось маласонза ащи Тростенец лагерть мархта (жертватнень лувксснон коряс нилеце лагерень комплекссь Европаса Освенцимда, Майданекта и Треблинкада меле). Тяда башка, 85 тёжяньда лама ломань шавовсь вачешить и урматнень эзда имперскяй безопасностень Главнай управлениянь системань лагерьхнень и военнопленнаень временнай лагерьхнень эса, тяфтапнень кода Дулаг-100 Порховса[19][20][22].

СССР-нь гражданскяй населениять аф мрдафтови юмафксонза оккупанттнень кядялда лувондови аф 13,6 миллион ломаньда кржа[2][3].

  • Немецкий полицейскяй шавондсыне живста лятф еврейскяй аватнень и иттнень массовай казниндамда меле

    Немецкий полицейскяй шавондсыне живста лятф еврейскяй аватнень и иттнень массовай казниндамда меле

  • Немцнень кядяла казниндаф мирнай эряйхне

    Немцнень кядяла казниндаф мирнай эряйхне

  • Лугаса пондаф советскяй партизаттне нацисттнень кядяла

    Лугаса пондаф советскяй партизаттне нацисттнень кядяла

Советскяй ошнень лангс бомбань ляцендемась

Сембода показательнайкс плхтаф модать нацистскяй политиканц контекстса и советскяй населениять тотальнай машфтомаса арасть сталинградть, Ленинградть, Москуть, Горькайть и СССР-нь лия ошнень бомбардировкасна. Аньцек фкя шиста 23-це августста 1942-це кизоня Сталинградть лангс ульсь ёрдаф пцтай 1000 тонна бомба, мезсь вятсь кемотть тёжятть мирнай ломанень шавомати, 90 % лама эрямань фондть юмаманцты-араманцты и ошть срадоманцты-каладоманцты. Ленинградть блокаданц мархта стане жа фалу ульсть авианалетт: продовольствия мархта склаттнень и ошень эряма кварталхнень бомбардировкасна ульсть шарфтфт гуманитарнай катастрофань тиемати. Массированнай врьгятнематне васьфнезь советскяй ПВО-нь систематнень кяжи каршекондамаснон, но сяка пингть вятсть гражданскяй эряйхнень ёткса оцю жертватненди и эрямань фондть, коммуникациятнень, больницятнень, промышленнай объекттнень и культурно-историческяй памятникнень оцю каладомаснонды[23][24][25][26].

  • Бомбардировкатнень пингста Сталинградонь сратфтф кварталхне

    Бомбардировкатнень пингста Сталинградонь сратфтф кварталхне

  • Бадаевскяй склаттне после люфтваффень массированнай бомбардировкада меле

    Бадаевскяй склаттне после люфтваффень массированнай бомбардировкада меле

  • Бомбардировкада меле Ленинонь лемса заводть лангс ляцендемась Горькайса. Ноябрь 1941 кизось

    Бомбардировкада меле Ленинонь лемса заводть лангс ляцендемась Горькайса. Ноябрь 1941 кизось

Ленинградть блокадац

Нацисттнень фкя инь оцю кяжень тиемасна СССР-ть территорияса ульсь Ленинградть блокадац (руз.) (мок., кона мольфтевсь 1941 кизонь 8-це сентябрьста сявомок 1944 кизонь 27 январти молемс. Блокадаса шавовсь 1,093 миллионда лама ломань. 2022 кизоня Санкт-Петербургонь судсь лувозень ня событиятнень геноцидонь актокс[27][28].

  • Ленинградса эряйхне кадондсазь эсь кудснон, конат сратфт бомбаса ляцендемать эзда, 10 декабрьста 1942 кизоня

    Ленинградса эряйхне кадондсазь эсь кудснон, конат сратфт бомбаса ляцендемать эзда, 10 декабрьста 1942 кизоня

  • 58 № Идень садонь воспитательница И. К. Лирц шабатнень мархта Ленинградса бомбоубежищаса, 1942 кизось

    58 № Идень садонь воспитательница И. К. Лирц шабатнень мархта Ленинградса бомбоубежищаса, 1942 кизось

Эряйхненди эряфонь аф кирдемшка условиянь тиемась

Эрь шинь террорсь

Оккупанттне лоткафтозь сембе советскяй закоттнень, келептемок СССР-нь оккупированнай территорияв германскяй законодательствать действиянц, кона полатф эсь лацонь мярьгомаса. Наказаниятнень ёткса тястоконь эряйхненди ульсь кулофтомань казниндама, кона нолявсь тевс нльне ёмла проступкатнень инкса: комендантскяй частть коламанкса, советскяй листовкатнень ванфтоманкса, вермахтонь солдаттненди максф вастса ведень кочкаманкса, китнень рдаскофтоманкса и стак тов эрь кодама лия тевонь коламанкса советскяй граждаттне пелькс вастокс арсесь повомс концлагери. Подозреваемайть муворшинц няфтемац лувондовсь аф обязательнайкс: специальнай суттне тиендсть приговор аньцек подозрениянь коряс[6][29].

Ломаттнень эряфсна лядяфоль пяк лама кардамаса, конатнень пяк стакаль аф коламс. Аф кулхцондомань эрь проявлениясь вятсь кяжи наказаният. Кда мумс афкуксонь мувору ашезь удала, оккупанттне ляцендезь заложникнень. Немецкяй военнослужащайхне и синь союзниксна аф шуроста шавондозь мирнай эряйхнень кодамовок туфталфтома, налхксеманди. Ванфтовсь няихнень лама лятфнемасна сянь колга, кода нацисттне травондазь шабатнень пинекс, шавондозь пеки и пиже шабатнень, пикссезь и наругазь аватнень, наругазь инвалиттнень и атятнень[6][30].

17-це июльста 1941-це кизоня вермахтонь командованияц нолдась приказ, кона мярьгондсь и нльне кошардозень военнослужащайхнень вийхца сявондемс мирнай населениять кядьста семботь, мезсь туй мялезост. Имуществань азорхнень эрь каршекондамаснон мярьгондевсь пяк люпштамс. Вермахтонь врьгятни частензон эряма васттненди сувамасна пцтай фалу мольсь ляцендематнень, мародерстватнень и грабаматнень мархта. Лихневсть врагть ширес стане жа культурнай питнешитне[6][31].

Немецкяй комендантонь азомась Мариновка велеса Донбассть видесанацистскяй оккупациянь кизотнень пингста

Вачешинь вишкоптемась

Фатямок любой ошть, гитлеровецне эстокиге ётафнесть ярхцамбялень реквизицият складста и магазинцта. Эряйхненди ашель кода рамсемс ярхцамбяль. Тянь вастс сувафневсь ярхцамбялень явома: аф оцю кшинь пайкат макссевсть аньцек сятненди, кит покодсть предприятияса или занцесть должностть оккупантонь административнай аппаратса.[32][33].

Карточкатнень коряс явондоманди кшить пицезь рецептть коряс, конань кемокстазе нацистскяй продовольствиянь министерствась: 50 % розень шрот (комбикормань компонентсь), 20 % якстеряпсонь жом (ламбама якстеряпсонь обработкать эзда лядыксне), 20 % целлюлознай почф, 10 % яжаф шужярь или лопа. Шабатне, атятне и сярядихне, конат ярхцсесть тяфтама суррогатта, кулсесть васенцекс[34].

Велень эряйхненьсинцень подсобнай хозяйстваснон лангс путфоль ярмаконь и натуральнай налог. Сёрось и перень сёротне мярьгондевсть макссемс оккупационнай администрацияти пяк ёмла питнеса[14]. Тянди каршек молеманкса мярьгондевсь шавомс. Оцю сюронь жуватань салава печкоманкса ладяфоль гразяма сембонь ингольде пондамась[35].

Марнек вачешись вятсь эрь кодама урмань эвондамати, сяконь лувксса инфекционнайхненди, коонат тяфта жа вятсть лама ломанень куломати[29].

  • Советскяй военнопленнайхне Маутхаузен концлагерьса

    Советскяй военнопленнайхне Маутхаузен концлагерьса

  • Дистрофияса урмаськотф блокадниксь

    Дистрофияса урмаськотф блокадниксь

Покодемань эксплуатациясь

5-це августста 1941-це кизоня шиньстяма ширдень вастонь министрсь Альфред Розенберг нолдась распоряжения обязательнай трудовой повинностть колга ковти 22 шида кржа оккупированнай территориянь эряйхненди. Стака вийхца тиемань работатненди водендакшнезь тястонь эряйхнень 14 кизоста сявомок 65 кизоти молемс. Ошнень эса ульсть тифт трудонь биржат, конат вятсть строгай учёт сембе трудоспособнайхненди. Биржаса регистрациять эзда атказамась малаткшнесь саботажти и наказакшневсь кулофтомань казниндамаса[36].

Покодемань шить кувалмоц пачкотькшнесь 14-18 частти, покодемась мольфтевсь немецкяй администрациять и тястоконь полицейскяйхнень-коллаборационисттнень мельге фалу ваномать ала. Основной наказаниякс рабочайхненди ульсь ярхцамбяльфтома кадомась или кулофтомань казниндамась[36][37].

СССР-нь граждаттнень Германияв покодема панемасна

«Восточнай модатнень» нацистскяй колонизацияснон методонзон эзда фкякс арась мирнай эряйхнень Германияв работама панемац, коса подневольнай советскяй рабочайхнень каршес тевс нолявсть эвфнемань и издевательствань сяка метоттне, кода и СССР-ть оккупированнай территориясонза. 1942-1944-це кизотнень вихца ётафтовсть 5,2 миллионда лама советскяй гражданин. Германияв паньф граждаттненди макссевсь аньцек инь эрявикссь синь ванфтовомаснонды и инь эффективнай эксплуатацияснонды, мезсь вятсь лама ломанень куломати[36][38].

  • Стирсь-остарбайтерсь «OST» сёрматфкс мархта, кона нолдаф Лодзья лагерьста

    Стирсь-остарбайтерсь «OST» сёрматфкс мархта, кона нолдаф Лодзья лагерьста

Советскяй пленнайхнень ащемасна

Геноцидонь политикать нагляднай проявлениянзон эзда фкякс арась нацисттнень советскяй военнопленнайхнень мархта пшкядемасна. РККА-нь солдаттнень и офицерхнень массовайста машфнезь нинге лагери ускомань пингста, аф макссемок теест ярхцамбяль и ведь, тевс нолнемок оружия лафчемфнень каршес, конатненди ашель кода эстеест поладомс кить[39].

Лагерьхнень эса советскяй военнопленнайхнень ёткса инь оцю куломань туфталкс ульсть вачашись и мархтонза вяти урматне. Тяда башка, пякстафне аф шуроста наругафтольхть лагернай администрациять ширде[39][40].

Советскяй военнопленнайхнень марстонь лувкссна ляткшни научнай дискуссиянь предметокс и лувондови сембода сидеста 4,5—5,75 миллион ломань. Исследовательхнень мяльснон коряс, пленц повфнень аф пяледа кржасна шавовсть лагерьса или транспортса ускомста[2][41][42].

  • Немцне ускихть советскяй военнопленнайхнень лия вастс, 1941 кизось

    Немцне ускихть советскяй военнопленнайхнень лия вастс, 1941 кизось

  • Фотографиясь немецкяй государственнай архивста. Советскяй военнопленнайхне лагерьста, августста 1942 кизоня

    Фотографиясь немецкяй государственнай архивста. Советскяй военнопленнайхне лагерьста, августста 1942 кизоня

  • Советскяй военнопленнайхнень братскяй калмосна концлагерьса Демблинца

    Советскяй военнопленнайхнень братскяй калмосна концлагерьса Демблинца

Геноцидонь тевонь пяшкодихне

Советскяй населениять геноцидонц политиканц главнай исполнителькс ульсть безопасностень полициянь и безопасностень службань айнзацгруппатне (СД). Сембоц СССР-ть территорияса ульсть пуроптфт ниле айнзацгруппат (A, B, C и D), эрсь эздост явондовсь зондеркомандава и айнзацкомандава, конат ульсть оккупированнай кой-кона региоттнень эса. Группань персоналсь ащесь СД, гестапоть, криминальнай полициянь сотрудникнень, СС войскань офицерхнень и полицейскяй школань кадратнень эзда. Айнзацгруппатнень тевонь вятемаснон координацияснон тиендезь СС-нь и полициянь высшай фюрерхне, путневихне лична Гиммлерть мархта: СС-нь группенфюрерсь Ганс-Адольф Прютцман (кельме ширесь), СС-нь обергруппенфюрерсь Эрих Бах-Целевски (центрась) и СС-нь обергруппенфюрерсь Фридрих Еккельн (лямбе ширесь). Вермахтть ширде вспомогательнай связующай звенакс сидеста выступандакшнесть Абверонь тыловой службатне и офицерхне[9][43][44][45].

Немецкяй солдаттне вачкодьсазь партизаттнень казниндамаснон, 1941 кизось

Тяка пингть советскяй мирнай граждаттнень каршес преступленияса участия примсесть аф аньцек СС-нь и вспомогательнай полициянь военнослужащайхне, но и вермахтонь простой солдаттне и офицерхне, а стане жа оккупационнай администрациянь чиновникне. Геноцидонь ламоц акттненди ульсть стане жа причастнайхть союзнай нацистскяй Германиянь странань военнослужащайхне: Румыния Королевствань армиясь и жандармериясь, венгерскяй и итальянскяй армиятне, — а стане жа советскяй граждаттнень лувксста лездыхне[9][44][45][46][47].

Штада ащи еврейскяй аватне и иттне геттоста Мизочиса учихть казниндамань эсь очередьснон, конань тисы безопасностень полициясь(Зипо) и безопасностень службась (СД) Украинскяй дезды полициять лезомаснон мархта

Нацистскяй преступникнень лангса судендаматне

1942 кизонь ноябрьста пуроптфоль Чрезвычайнай государственнай комиссия (ЧГК), кона кочкась тёжятть свидетельства нацисттнень злодеянияснон и тиф ущербснон колга. Ня материалхнень коряс, СССР-нь Верховнай Советть Президиумонц Указонц коряс 1943-це кизонь 19-це апрельста, ульсть ушетфт панжада судебнай процесст военнай преступникнень и теест лездыхнень лангса. Васенце тяфтама процессне ульсть Краснодарса, Краснодонца и Харьковса[9][48][49][50].

Кочкаф материалхне Чрезвычайнай комиссиять мархта, арасть юркс муворгофтомань ширети Нюрнбергскяй процесса, конань пингста мировой общественностть судонты лихтьфтольхть нацизмань массовай военнай преступлениянь сембе ширдень свидетельстват[7][8][51].

  • Муворгофтфне эсь ложасост. Васенце рядсь, кержи шири видити: Герман Геринг, Рудольф Гесс, Иоахим фон Риббентроп, Вильгельм Кейтель; омбоце рядсь, кержи ширде видити: Карл Дёниц, Эрих Редер, Бальдур фон Ширах, Фриц Заукель

    Муворгофтфне эсь ложасост. Васенце рядсь, кержи шири видити: Герман Геринг, Рудольф Гесс, Иоахим фон Риббентроп, Вильгельм Кейтель; омбоце рядсь, кержи ширде видити: Карл Дёниц, Эрих Редер, Бальдур фон Ширах, Фриц Заукель

  • Тюрьмать потмоширдень залоц: сутканьберьф охранась ванць камерса ащи судендавихнень мельге, 24 ноябрьста 1945 кизоня

    Тюрьмать потмоширдень залоц: сутканьберьф охранась ванць камерса ащи судендавихнень мельге, 24 ноябрьста 1945 кизоня

  • Судендавихне Рижскяй процесса

    Судендавихне Рижскяй процесса

Мялямсь

Советскяй народть геноцидонь жертвань мяляфтомань шись

Эрь кизоня 19-це апрельста советскяй народть геноцидонц мяляфтоманц инкса Великай Отечественнай войнань кизотнень Россияса ётафневи Марстонь тевонь тиемань шись. Мяляфтомань мероприятиятне ётафневихть образовательнай заведениява, наукань и культурань учреждениява. 2022-це кизоня сембе Россиять эзга акцияятнень эса ульсь 6,5 миллионда лама ломань[49][50][52].

2025-це кизонь 29-це декабрьста РФ-нь президентсь Владимир Путин путозе кяденц законть лангс, конань коряс россияса ладяви лятфнемань шись 19-це апрельста — советскяй народонь геноцидонь жертвань лятфнемань шись[53].

Мялямгефне

Россияса и Белоруссияса массовай казниндама васттнень эса латцевихть мемориальнай комплекст (кепотьксонди, Тихвинца шавф иттненди памятник, Песчанай логса монумент, «Хатынь» мемориальнай комплекс, блокаднай Ленинградонь иттненди памятникт и архитектурнай лия объектт).

РФ-нь федеральнай законть коряс 21.04.2025 № 74-ФЗ, """советскяй народонь геноцидонь жертватнень лятксснон сембе калмосема вастсна, а стане жа памятникне и объекттне, конат ванфнесазь советскяй народонь геноцидонь жертватнень мялямснон, ащихть государствать кядяла "[1].

«Апак сяськф ломань» скульптурась «Хатынь» мемориальнай комплекса

Геноцидонь жертвань мяляфтомань музейхне

2024-це кизонь ноябрьста Ленинградскяй областень руководствась азсь мяль тиемс Зайцеваса мемориальнай комплексонь территорияса СССР-нь Мирнай эряйхнень геноцидснон жертванзон лятфнемань музей[54][55].

20-це февральста 2026-це кизоня Москувонь правительстваса пачфтезь, што столицаса панжеви Россияса васенце национальнай Мяляфтомань музейсь, кона лемтьф Великай Отечественнай войнать пингста нацисттнень преступленияснон жертваснонды[56].

Советскяй народть геноцидонь жертвань мяляфтомась законодательнай араламась

Россияса ули уголовнай ответственность Великай Отечественнай войнань кизотнень нацисттнень мархта советскяй народть геноцидонц колга атказаманкса или кемокстаманкса, а стане жа геноцидонь жертватнень мялямснон коламанкса[57][58].

Лятфтамат

  1. ↑ 1 2 Федеральный закон от 21.04.2025 № 74-ФЗ ∙ Официальное опубликование правовых актов (рус.). publication.pravo.gov.ru. Дата обращения: 24 апрельста 2026.
  2. ↑ 1 2 3 Россия и СССР в войнах ХХ века. Книга потерь / Г. Ф. Кривошеев, В. М. Андроников, П. Д. Буриков и др.. — М., 2010. — С. 219—235.
  3. ↑ 1 2 Козлов А. В. Имя ему геноцид. Преступления гитлеровской Германии на территории Белоруссии и России. — М.: Вече, 2022. — С. 299.
  4. ↑ 1 2 Кудряшов С. В. Война на уничтожение. Нацистский террор на советских территориях // Вестник РФФИ. Гуманитарные и общественные науки. — 2025. — № 1. — С. 69—75.
  5. ↑ Ковалёв Б. Н. Повседневная жизнь населения России в период нацистской оккупации. — М., 2011. — С. 11.
  6. ↑ 1 2 3 4 5 Без срока давности: преступления нацистов и их пособников против мирного населения на временно оккупированной территории СССР в годы Великой Отечественной войны 1941—1945 гг.: Сборник документов в двух частях. — М.: Фонд «Связь Эпох», 2020.
  7. ↑ 1 2 Полторак А. И. Нюрнбергский эпилог. — М.: Воениздат, 1969.
  8. ↑ 1 2 Савенков А. Н. Нюрнберг: приговор во имя мира. — М.: Проспект, 2021.
  9. ↑ 1 2 3 4 5 Козлов А. В. Имя ему геноцид. Преступления гитлеровской Германии на территории Белоруссии и России. — М.: Вече, 2022. — С. 35—45.
  10. ↑ Козлов А. В. Имя ему геноцид. Преступления гитлеровской Германии на территории Белоруссии и России. — М.: Вече, 2022. — С. 7—34.
  11. ↑ Яковлев Е. Н. Война на уничтожение. Третий рейх и геноцид советского народа. — СПб., 2026. — С. 192.
  12. ↑ Нюрнбергский процесс. Сборник материалов. Документ NO-5001 (PS-1919)
  13. ↑ 1 2 Козлов А. В. Имя ему геноцид. Преступления гитлеровской Германии на территории Белоруссии и России. — М.: Вече, 2022. — С. 7—34.
  14. ↑ 1 2 Баринов И. Аграрная политика нацистской Германии, 2013, с. 288.
  15. ↑ Нацизм. Документальные свидетельства преступлений, 2023, Предисловие.
  16. ↑ Яковлев Е. Н. Война на уничтожение, 2024, с. 404.
  17. ↑ Яковлев Е. Н. Война на уничтожение, 2024, с. 203—204.
  18. ↑ Цит. по: Ветте В. Война на уничтожение: Вермахт и Холокост // Новая и новейшая история. — 1999. — № 3
  19. ↑ 1 2 3 Без срока давности: преступления нацистов и их пособников против мирного населения на временно оккупированной территории СССР в годы Великой Отечественной войны 1941–1945 гг. : Сборник документов : В 2 ч. Ч. 1. — М.: Фонд «Связь Эпох», 2020. — С. 123—596.
  20. ↑ 1 2 3 Без срока давности: преступления нацистов и их пособников против мирного населения на временно оккупированной территории СССР в годы Великой Отечественной войны 1941–1945 гг. : Сборник документов : В 2 ч. Ч. 2. — М.: Фонд «Связь Эпох», 2020. — С. 9—370.
  21. ↑ Аристов С. В. Система нацистских концентрационных лагерей, 2019, с. 9, 30.
  22. ↑ Аристов С. В. TERRA INCOGNITA: система нацистских концлагерей на оккупированной территории СССР (1941—1944 гг.). — М., 2022.
  23. ↑ Фёдоров А. Г. Авиация в битве под Москвой. — М.: Наука, 1975.
  24. ↑ Дёгтев Д. М. Воздушная битва за Сталинград: операции люфтваффе по поддержке армии Паулюса, 1942—1943. — М.: Центрполиграф, 2021.
  25. ↑ Дёгтев Д. М. Воздушная битва за город на Неве защитники Ленинграда против асов люфтваффе, 1941—1944, к 70-летию снятия блокады. — М.: Центрполиграф, 2014.
  26. ↑ Лашков А. Ю. Противовоздушная оборона Горьковского промышленного района в годы Великой Отечественной войны // Военно-исторический журнал. — 2023. — № 5. — С. 4—15.
  27. ↑ Белозёров Б. П. Ленинград сражающийся. — СПб.: Знание, 2016—2019. — Т. 1—4.
  28. ↑ Суд Петербурга признал блокаду Ленинграда геноцидом, РБК. Дата обращения: 24 апрельста 2026.
  29. ↑ 1 2 Яковлев Е. Н. Война на уничтожение. Третий рейх и геноцид советского народа. — СПб., 2026.
  30. ↑ Яковлев Е. Н. Война на уничтожение, 2024, с. 414—415.
  31. ↑ Попов А. Ю. Новый экономический порядок на оккупированной советской территории в годы Великой Отечественной войны (рус.). Федеральная Служба Безопасности. Дата обращения: 24 апрельста 2026.
  32. ↑ Кикнадзе В. Г. и др. Геноцид народов России, 2024, с. 438—439.
  33. ↑ Яковлев Е. Н. Война на уничтожение, 2024, с. 263—264.
  34. ↑ Яковлев Е. Н. Война на уничтожение, 2024, с. 265.
  35. ↑ Баринов И. Аграрная политика нацистской Германии, 2013, с. 289.
  36. ↑ 1 2 3 Принудительный труд 1939—1945. Опыт международного проекта. — Воронеж, 2020.
  37. ↑ Без срока давности: преступления нацистов и их пособников против мирного населения на временно оккупированной территории СССР в годы Великой Отечественной войны 1941–1945 гг. : Сборник документов : В 2 ч. Ч. 1. — М.: Фонд «Связь Эпох», 2020. — С. 222, 338, 511.
  38. ↑ Полян П. М. Жертвы двух диктатур: Остарбайтеры и военнопленные в Третьем рейхе и их репатриация. — М., 1996.
  39. ↑ 1 2 Штрайт К. "Они нам не товарищи": вермахт и советские военнопленные в 1941—1945 гг. — М., 2009.
  40. ↑ Яковлев Е. Н. Война на уничтожение. Третий рейх и геноцид советского народа. — СПб., 2026. — С. 314—325.
  41. ↑ Судьба военнопленных и депортированных граждан СССР. Материалы Комиссии по реабилитации жертв политических репрессий // Новая и новейшая история. — 1996. — № 2. — С. 91—112.
  42. ↑ Яковлев Е. Н. Война на уничтожение. Третий рейх и геноцид советского народа. — СПб., 2026. — С. 477.
  43. ↑ SS im Einsatz. Eine Dokumentation ϋber die Verbrechen der SS. — Berlin: Deutscher Militärverlag, 1967.
  44. ↑ 1 2 Без срока давности: преступления нацистов и их пособников против мирного населения на временно оккупированной территории СССР в годы Великой Отечественной войны 1941—1945 гг. Ч.1. — М.: Фонд «Связь Эпох», 2020. — С. 9—26.
  45. ↑ 1 2 Кудряшов С. В. Война на уничтожение. Нацистский террор на советских территориях // Вестник РФФИ. Гуманитарные и общественные науки. — 2025. — № 1. — С. 66—68.
  46. ↑ Геноцид советского народа - Министерство иностранных дел Российской Федерации. www.mid.ru. Дата обращения: 27 апрельста 2026.
  47. ↑ Мюллер Н. Вермахт и оккупация (1941—1945). О роли вермахта и его руководящих органов в осуществлении оккупационного режима на советской территории. — М.: Воениздат, 1974. — С. 158—275.
  48. ↑ Без срока давности: преступления нацистов и их пособников против мирного населения на временно оккупированной территории СССР в годы Великой Отечественной войны 1941–1945 гг. : Сборник документов : В 2 ч. Ч. 2. — М.: Фонд «Связь Эпох», 2020. — С. 371—431.
  49. ↑ 1 2 День единых действий, Без срока давности (12 сентябрьста 2022). Дата обращения: 24 апрельста 2026.
  50. ↑ 1 2 День единых действий (рус.). russiancip.ru. Дата обращения: 24 апрельста 2026.
  51. ↑ Алиева Л. В. Без срока давности: геноцид мирного населения на оккупированных территориях РСФСР в годы Великой Отечественной войны. — Красноярск, 2021. — С. 144.
  52. ↑ Акция «День единых действий в память о жертвах преступлений против советского народа, совершённых нацистами и их пособниками в годы Великой Отечественной войны» объединила школьников и студентов (рус.). Минпросвещения России. Дата обращения: 24 апрельста 2026.
  53. ↑ Путин подписал закон об установлении Дня памяти жертв геноцида советского народа, TACC (29 декабрьста 2025). Дата обращения: 24 апрельста 2026.
  54. ↑ Геноцид советского народа. mid.ru. Дата обращения: 27 апрельста 2026.
  55. ↑ Мемориал. Дата обращения: 27 апрельста 2026.
  56. ↑ Первый национальный Музей памяти откроется в Москве, Сайт Москвы (20 февральста 2026). Дата обращения: 23 апрельста 2026.
  57. ↑ Путин подписал закон о наказании за отрицание геноцида советского народа. tass.ru (9 апрельста 2026). Дата обращения: 24 апрельста 2026.
  58. ↑ Федеральный закон от 09.04.2026 № 100-ФЗ ∙ Официальное опубликование правовых актов (рус.). publication.pravo.gov.ru. Дата обращения: 9 апрельста 2026.

Литературась

  • Алиева Л. В. Без срока давности: геноцид мирного населения на оккупированных территориях РСФСР в годы Великой Отечественной войны. Красноярск. 2021.
  • Альтман И. Жертвы ненависти. Холокост в СССР. 1941—1945 гг. М. 2002.
  • Арад И. Катастрофа евреев на оккупированных территориях Советского Союза (1941—1945). Днепропетровск. М.: Центр «Холокост». 2007.
  • Аристов С. В. «Империя смерти». Концлагеря Третьего рейха: самая полная иллюстрированная энциклопедия нацистских концлагерей. М.: Яуза. 2022.
  • Аристов С. В. TERRA INCOGNITA: система нацистских концлагерей на оккупированной территории СССР (1941—1944 гг.). М. 2022.
  • Артамошин С. В. Идейные истоки национал-социализма. Брянск. 2002.
  • Багдасарян В. Э., Реснянский С. И. Геноцид советского народа в германской оккупационной политике: цивилизационный ракурс «войны на уничтожение» // Вестник Российского университета дружбы народов. Серия: История России. 2025. Т. 24. № 2. С. 126—147.
  • Баринов И. И. Направление — Украина: опыт изучения нацистской оккупационной политики, 1941—1944. М. 2014.
  • Безыменский Л. А. Особая папка «Барбаросса». М. 1972.
  • Белозёров Б. П. Ленинград сражающийся. Т. 1—4. СПб.: Знание. 2016—2019.
  • Великая Отечественная без грифа секретности. Книга потерь / под общ. ред. Г. Ф. Кривошеева, А. В. Кирилина. М.: Вече. 2010.
  • Великая Отечественная война 1941—1945 годов (в двенадцати томах). М.: Воениздат. 2011—2015.
  • Великая Победа советского народа: социально-политические и демографические аспекты / отв. ред. С. В. Рязанцев, В. Н. Иванов; ИСПИ ФНИСЦ РАН. М.: Экон-Информ. 2020.
  • Великая Победа (в пятнадцати томах) / под общ. ред. С. Е. Нарышкина, А. В. Торкунова. М.: МГИМО-Университет. 2015.
  • Вержбицкий Ю. Ю. «За все эти чудовищные преступления… преступное гитлеровское правительство, командование германской армии и их сообщники несут всю полноту уголовной и материальной ответственности»: организация расследования нацистских преступлений и наказание военных преступников, виновных в геноциде на оккупированной территории РСФСР в годы Великой Отечественной войны // Военно-исторический журнал, № 5, 2025. С. 82—89.
  • Веригин С. Г. Карелия в годы военных испытаний: политическое и социально-экономическое положение Советской Карелии в период Второй мировой войны 1939—1945 гг. Петрозаводск. 2009.
  • Веригин С. Г. Финская оккупация Карелии в 1941—1944 годах: дискуссии между российскими и финляндскими историками // Учёные записки Петрозаводского государственного университета. 2022. Т. 44. № 6. С. 75—82.
  • Ветте В. Образ врага: расистские элементы в немецкой пропаганде против Советского Союза // Почему Третий рейх проиграл войну. Немецкий взгляд. М. 2021.
  • Галкин А. А. Германский фашизм. М.: Наука. 1989.
  • Данченко Е. Л. Батраки поневоле. Принудительный труд «восточных рабочих» в сельском хозяйстве нацистской Германии (1941—1945). Воронеж: Издательство Воронеж. гос. пед. ун-та. 2012.
  • Дюков А. Р. Операция «Зимнее волшебство». Нацистская истребительная политика и латвийский коллаборационизм. М. 2011.
  • Захарина Е. А. Травматический опыт остарбайтеров и способы его преодоления в советской и постсоветской культуре памяти / Е. А. Захарина, Е. Ф. Кринко // Этнографическое обозрение. 2023. № 1. С. 11—29.
  • Звягинцев А. Г. Главный процесс человечества. М. 2012.
  • Истребительная война на Востоке. Преступления вермахта в СССР. 1941—1944. Доклады. // АИРО — научные доклады и дискуссии. Темы для XXI века. Выпуск 18. М. 2005.
  • История Великой Победы (в трёх томах) М.: МГИМО-Университет. 2020.
  • История Второй мировой войны. 1939—1945 (в двенадцати томах). М.: Воениздат. 1973—1982.
  • История Холокоста и геноцидов. ХХ век: Учебное пособие для вузов / Под ред. И. А. Альтмана. М.: МИК. 2022.
  • Кваша А. Я. Демографические потери СССР во Второй мировой войне // Вестник Московского Университета. Серия «Экономика». 1993. № 4.
  • Кикнадзе В. Г. Политико-стратегическое содержание планов Третьего рейха в отношении СССР // Вопросы истории. 2015. № 6. С. 168—175.
  • Кикнадзе В. Г., Романько О. В., Саенко А. С. Геноцид народов России. Преступления против советского мирного населения и военнопленных в годы Великой Отечественной войны. М. 2024.
  • Киселёва О. А., Никулина Т. В. Гражданское население и оккупационный режим // Отечественная история. 2006. № 4. С. 76—81.
  • Ковалёв Б. Н. Нацистская оккупация и коллаборационизм в России 1941—1944. М. 2004.
  • Крысин М. Ю. Прибалтийский фашизм. История и современность. М.: Вече. 2007.
  • Кудряшов С. В. Война на уничтожение. Нацистский террор на советских территориях // Вестник РФФИ. Гуманитарные и общественные науки. 2025. № 1. С. 64—78.
  • Козлов А. В. Имя ему геноцид. Преступления гитлеровской Германии на территории Белоруссии и России. М.: Вече. 2022.
  • Мюллер Н. Вермахт и оккупация (1941—1945). О роли вермахта и его руководящих органов в осуществлении оккупационного режима на советской территории. М.: Воениздат. 1974.
  • Немецко-фашистский оккупационный режим (1941—1944 гг.). М.: Политиздат. 1965.
  • Полторак. А. И. Нюрнбергский эпилог. М.: Воениздат. 1969.
  • Принудительный труд 1939—1945. Опыт международного проекта. Издательско-полиграфический центр. Воронеж. 2020.
  • Россия и СССР в войнах ХХ века. Книга потерь / Г. Ф. Кривошеев, В. М. Андроников, П. Д. Буриков и др. М.: Вече. 2010.
  • Савенков А. Н. Геноцид советского народа: от истории к праву, без срока давности // Государство и право. 2021. № 9. С. 7—30.
  • Савенков А. Н. Нюрнберг: приговор во имя мира. М.: Проспект. 2021.
  • Советские военнопленные во время Второй мировой войны на польских землях / науч. ред. Я. Войтковяк. СПб.: Алетейя. 2018.
  • Солонарь В. А. Очищение нации. Насильственные перемещения населения и этнические чистки в Румынии в период диктатуры Иона Антонеску (1940—1944). СПб. 2020.
  • Холокост на территории СССР. Энциклопедия. М. 2011.
  • Чумаков Г. В. Финские концентрационные лагеря для гражданского населения Петрозаводска в 1941—1944 гг. // Вопросы истории Европейского Севера (Народ и власть: проблемы взаимоотношений, 80-е гг. XVIII—XX в.). Петрозаводск. 2005. С. 142—151.
  • Шевяков А. А. Гитлеровский геноцид на территориях СССР // Социологические исследования. 1991. № 12. С. 3—11.
  • Штрайт К. «Они нам не товарищи»: вермахт и советские военнопленные в 1941—1945 гг. М. 2009.
  • Яковлев Е. Н., Дюков А. Р., Симиндей В. В. Нацизм на оккупированных территориях Советского Союза. СПб. 2024.
  • Barber J., Harrison M. Patriotic War, 1941—1945 // The Cambridge History of Russia. Vol. 3. Cambridge: Cambridge University Press. 2006. P. 217—242.
  • Borejsza J. W. A Ridiculous Hundred Million Slavs: Concerning Adolf Hitler’s World-View. Warsaw. 2017.
  • Connelly J. Nazis and Slavs: From Racial Theory to Racist Practice // Central European History. 1999. Vol. 32, № 1. P. 1—33.
  • Harrisville D. A. The Virtuous Wehrmacht: Crafting the Myth of the German Soldier on the Eastern Front, 1941—1944. Cornell University Press. 2021.
  • Heer Н., Streit С. Vernichtungskrieg im Osten. Judenmord, Kriegsgefangene und Hungerpolitik. Hamburg. 2020
  • Kaul С. F. Nazimordaktion, T. 4. Ein Bericht uber die erste industrimabig durchfuhrte Mordaktion des Naziregimes. Berlin. 1973.
  • Kay A. J. Empire of Destruction: A History of Nazi Mass Killing. Yale University Press. 2021.
  • SS im Einsatz. Eine Dokumentation ϋber die Verbrechen der SS. Berlin: Deutscher Militärverlag. 1967.
  • The Oxford History of the Third Reich. Oxford University Press. 2023.
Сявф"https://mdf.ruwiki.ru/w/index.php?title=Советскяй_народонь_геноцидсь&oldid=415954"-ста