Смольный (национальнай парксь)
| Государственнай национальнай парксь «Смольный» | |
|---|---|
 | |
| Категория МСОП — II (национальнай парксь) | |
| Основной информациясь | |
| Площадсь | 365 км² |
| Пуроптф | 1995-це |
| Ащи | |
| 54°49′ с. ш. 45°24′ в. д.GЯO | |
parksmol.ru | |
 Аудио, фото ди видео | |
Государственнай национальнай парксь «Смо́льный» — перьфпяльса башка ванфневи васта Мордовиять кельме-шинь стяма ширесонза.
Пуроптф РФ-нь постановлениянц коряс 1995-це кизоня[1] лесостепной зонань башка питни перьфпяльдень комплекснень анфтоманкса и и перьфпяльдень ванфтови васттнень тевс нолдаманкса и лиянкса.
Национальнай парксь ащи Алатырь (ляйть) кержи ширесонза, васттнень эса, кона, кандови Ичалковскяй и Большеигнатовскяй райоттненди. Паркть площадец сатни 365 км². Сяда оцюпакшец сатф вирьса. (30 тёжяньшка гектар).
Рельефсь и модатне
Рельефсь аф пяк явошнев сатомшка лотку сембода пяк кельме ширесонза, валом кири кельме ширде лямбе шири молезь. Сембода сери вастсь — 217 метра оцю ведть вельхксса, сембода алдоннесь — 97 метра[2]. Сембода кели почвань виттне дерново-подзолистайхне и вирень уленнетне.
Климатсь
Кизоньберьф кучкаса ащи кожфонь температурась 3,5−4 °С. Январень кучкаса ащи температурась -11°С, июльста +19°С. Кизоньберьфонь менельста прай начкта 500 мм малава. Морозфтома 137-шка ши.[3]
Гидрографиясь
Алатырть кувалмоц национального паркть эса пачкотькшни 40 вайгяльбеда лама. Лия ляйхне (Язовка и Калыша)кандовихть ёмла ляйнятненди и пяк ёмла ляйнятненди (80-ть малава). Сембе ляйхне шудихть лапш вастова, валом шуди шудерьксоннет[2][4].
Эрьхкне (Песчаное, Дубовое-1, Дубовое-2, Митряшка, Полунзерка, Липерки) арафт-лисьфт сире ляйть эзда и кочкафт Алатырь ляйть поймасонза. Эрьхкне аф шудихть или пяк лафчста шудихть. Ведть лямбоц вярде вастсонза кизонда пачкотькшни 20 °С, маця ваттнень эса эженди 25−30 °С, потмаксу молемста лямбось валгонды 10 °С. Эрьхкне аф салуфт, синь минерализациясна лафча (200 мг/л самс) или кучкаста ащи (500 мг/л). Химическяй лувксонц коряс кандовихть они гидрокарбонатнай классти. Биологическяй ширензон коряс эрьхкне эвтрофнайхть — козя касыкс мархта (мелководнайцхть, лац эждевихненди)[5].
Шяйхне ащихть сяда ламоц Алатырть поймаса.Шяйхне сяда ламосна ала вастоват. Вярьгя вастса шяю вастта, ащихть паркть лямбе ширесонза и кучкасонза. Пяк лама лихтибряда (30-да лама).
Касыксне
Сянкса, мес национальнай парксь ащи шоряф, кели лопань вирень вастса, касыксне сатомшка аф фкя лацоннет. Сембода сидеста васьфневи — пичень (кода аньцек пиченалонь, станя и кели лопань пиченалонь мархта шоряф вирьхне). Кузонь вирьхне сяда идеста пичеть, келуть и лия лопань породань мархта шовор вирьхне, аньцек кузналонь вирьхть аф васьфневихть. Лопань вирьхне тифт тумонь, пяшень, ушторонь, келувонь, поювонь, шуроста васьфневихть сялись и сирексь. Эрьхкнень трвава и шудерькснень вакска Алатырть лощина вастованза и лоткова-кува васток-васток васьфневи равжа лепеналхт.
Лугатне тя вастса молихть кода поймат, станя и коське вастоннет. Козя эрь кодама касыксса тястонь шяй вассттне.
Сембоц «Смольный» государственнай национальнай паркса 2011-це кизонь уликснень коряс [6] ульсь сёрматф 784 сосудистай касыкста 394 родоннетнень эзда и 101 семействаста, сяконь лувксса 4 витт плаунообразнайда, 6 — юроньбулоннеда, 13 — папоротникообразнайда, 4 витт галош видьмоннеда и 753 вид панчфонь лаца касыкста. Ётксост улихть витт, конат сувафтфт Россиянь Якстерь книгав (Iris aphylla, Neottianthe cucullata) и Мордовиянь Якстерь книгав (36 вид). тяфта жа сувафтф 129 нупонень вид 66 родста и 34 семействаста, сяконь лувксса 10 видсь сувафтфт Республикань Якстерь книгав.
Жувататне
Национальнай паркть эзга васьфневи 50 вид лофцонь потяйда, 206 вид нармоньда, 6 витт модать ланга шашнида, 11 вид коське вастова и ведьса эряйда, 27 калонь вид. Копорькаряфзфтома фаунась мзярс тонафнеф аф сатомшка, тяниень пингть сёрматф мода лангонь моллюскань 28 вид и унжань 970 вид [4].
Лятфтамат
- ↑ Постановление Правительства РФ № 229 от 07.03.1995 г. «О создании в Республике Мордовия национального природного парка „Смольный“»
- ↑ 1 2 Астрадамов В. И., Альба Л. Д., Силаева Т. Б., Рыбин Ю. И., Талалаевский Л. М., Филимонов В. Б., Якушкина М. Н. Особо охраняемые природные территории Мордовии / Под общ. ред. В. И. Астрадамова: Монография. — Саранск: Мордовское кн. изд-во, 1997. — 169 с.
- ↑ Национальный парк Смольный » Заповедники и национальные парки мира. Заповедники и национальные парки мира. Дата обращения: 27 февральста 2023.
- ↑ 1 2 Национальный парк «Смольный». Архивировано 24 ноябрьста 2011 года. на сайте «Природа Республики Мордовия»
- ↑ Ручин А. Б., Артаев О. Н., Клевакин А. А. и др. Рыбное население бассейна реки Суры: видовое разнообразие, популяции, распределение, охрана. — Саранск: Мордов. ун-та, 2016. — 272 с. — ISBN 978-5-7103-3217-7.Архивированная копия. Дата обращения: 13 мартста 2017. Архивировано из оригинала 12 мартста 2017 года.
- ↑ Флора национального парка «Смольный». Мхи и сосудистые растения: аннотир. список видов / Т. Б. Силаева, Г. Г. Чугунов, И. В. Кирюхин, А. М. Агеева, Е. В. Варгот, Г. А. Гришуткина, А. А. Хапугин; под ред. д.б.н. проф. В. С. Новикова и д.б.н. проф. Т. Б. Силаевой. — М.: Комис. РАН по сохранению биол. разнообразия, 2011. — 128 с. — (Флора и фауна национальных парков. Вып. 8). — 250 экз.
Литературась
- Ковшов В. П., Масляев В. Н. «Смольный» // Мордовия : Энциклопедия : в 2 т. / гл. ред. А. И. Сухарев. — Саранск : Институт гуманитарных наук при Правительстве Республики Мордовия, 2004. — Т. 2 (М—Я). — С. 340. — 704 с.
- Мордовский национальный парк «Смольный» / А. А. Ямашкин, Т. Б. Силаева, Л. Д. Альба и др.; НИИ регионологии при Мордов. ун-те. — Саранск, 2000. — 88 с. — ISBN 5-88608-059-7.
- Поляков О. Е. Касыксонь валкс Шуфтонь, кусторксонь, тишень и пангонь лепне мокшень кяльса. — Саранск : Морд. кн. изд., 2001. — 108.
Ссылкатне
- Национальный парк «Смольный» (рус.). — Информация об ООПТ на сайте информационно-аналитической системы «Особо охраняемые природные территории России» (ИАС «ООПТ РФ»): oopt.aari.ru.
