Санаксаронь монастырсь
| Монастырь | |
| Рождество-Богородичный Санаксарский монастырь | |
|---|---|
 | |
| 54°39′11″ с. ш. 43°09′56″ в. д.GЯO | |
| Странась | Россия |
| Местоположение | Темникавонь район, Крансослободскяй уездсь[d] и Темниковскяй уездсь[d] |
| Конфессия | Православия |
| Типсь | Алянь |
| Известные насельники | преподобный Феодор Санаксарский, преподобноисповедник Александр Санаксарский, схиигумен Иероним (Верендякин), епископ Нарвский и Причудский Лазарь |
| Наместниксь | Иннокентий (Руденко) |
| Статуссь |
 Объект культурного наследия народов РФ федерального значения. Рег. № 131720756070006 (ЕГРОКН). Объект № 1310041000 (БД Викигида) |
| Состоянияц | Монастырь епархиального подчинения, действующий |
| Сайтсь | sanaksary.ru |
 Санаксаронь монастырсь | |
Рождество-Богородичнай Санакса́рскяй монастырь — алянь православнай монастырь Рузонь православнай церкавонь Мордовскяй митрополиянь (Мордовия Республикась), Темникав Краснослободскяй епархияса; (1918-це кизоти самс ульсь Тамбовскяй епархияса).
Эрямопингоц
Ушетф 1659-це кизоня Алексия Михайловичень азорондаманц пингста ащесь Темникав уезднай ошкять эзда колма вайгяльбень вастса (тяни Мордовиянь Темниковскяй районць), Мокша (ляйть) види ширдень трвасонза. Вастть сай пингонь обительти максозе Темникав ошень эряйсь дворянинць сёрмадысь Лука Евсюков, кона тердезе Старо-Кадомскяй монастырьста васенце строителть и настоятельть Феодосий игументь, кона строязе1676-це кизоня, Патриархть Московскяйть Иоасафа II благословениянц коряс, обителень васенце храмть Владимирскяй Шкаень Тядять Сретения шкайнять лемс.
Монастырсь эсь лемонц сявозе стненазон ала ащи Сана́ксар (тястоконь корхтафксть коряс смузец: «шяй вастса карф васта губорнять видеса») аф оцю эрьхконять эзда. Ащемок сядошка киза, Санаксарскяй обителсь ярмаконь и братиянь аф сатомать сюнеда шамсь и ульсь кантф-ладяф Саровскяй шава вастти (пустыняти), сембодонга панжи пингста.
Обительть одукс ладямац сотф Феодор (Ушаковонь) лемонц мархта (настоятель 1764—1774).
Сембода оцю указть коряс 7-це мартста 1765-це кизоня мярькфоль Санаксарть лемнемс монастырькс.
Серцек Саровть мархта Санаксарскяй монастырсь ся кизотнень ульсь Россиянь ваймопожфонь центракс, кирдсь лама мялень ваныхть Санкт-Петербургса и Москуса.
XVIII-це векть песта преподобнай отец Феодорть саманц мархта обителть ушедсь эряфонь цебярьгодомац. 1776-1810-це кизотнень пингста ульсть стяфтфт кевонь эзда строяфне:
Главная церковь Рождества Богородицы; Надвратная церковь с колокольней; Больничная Владимирская церковь; Кладбищенская церковь Воскресения Христова; Братиятнеди кафта этажса церькафне, мастерскойхне, трапезнайхне; Лангонь стенатне кафта башня мархта.
лама паронь тиикс Санаксарти ульсь сядонольдень Российскяй Империянь флотонь адмиралсь Фёдор Ушаков. Сон рамазе Алексеевка велеть, кона ащесь аф ичкозе монастырть эзда и кармась тоса эряма. Посттнень пингста эрясь кельятнень эзда фкять эса, ванфтозе уставть серцек братиять мархта. Эряфонц пингста макссесь лама ярмакта монастырти, а а куломда меле мярьгсь калмамс сонь сонь стенанзон видеса.
27-це майста 1915-це кизоня обительти настоятелькс кочкафоль Александр (Уродов), кона ульсь панф братиять вельде 1918-це кизонь мартста и сявф стража алу[1]; меле сон ульсь Свияжскяй Макарьевскяй шава вастонь настоятелькс и Седмиезернай шава вастти наместникокс (8-це сентябрьста 2001-це кизоня Соболево велеса ульсть сявфт мощенза, конат ульсть ётафтфт монастыри).
Монастырть цебярь эряфоц кармась срадома XX-це векть ушетксста. Монахнень ёткса шарондсть большевистскяй мяльхть, койхне-мяльхне срадондсть.
1920-це кизоня бунтть пингста ульсь валхтф настоятельсь, святынятнень кольфтазь, а паршить сявозь мародёрхне. Ульсть калафтфт храмтнень прсна,розарясь калмолангть, гастяфт художественнай архтфне-мазыхне. Монастырьтье помещениянза нолдафтольхть алашань кирдема вастонди, гаражей сельской школы механизаторонь велень школань гараженди, прдаф-кочкафонь кирдема вастонди. 1929-це кизонь октябрьста монастырсь ульсь прокс пякстаф.
Обительть одукс ладямац-петемац ушедсь 70-це кизотнень Советскяй азорондайхнень мяльснон коряс архитекурань памятникть ванфтоманц колга. Мордовянь Министронь Советть постановлениянц вельде 7-це майста 1991-це кизоня сядонгольдень обительть зданиянза ульсть максфт Саранскяй епархиять кядялу[2]. 26-це майста 1991-це кизоня, Тройця шиня, монастырть наместникоц Варнава (Сафонов) архимандритсь ётафтсь васенце литургиять.
6-це июньцта 200-це кизоня кулось схиигумен Иероним (Верендякин) старецсь[3].
23-це октябрьста 2014-це кизоня Рузонь Православнай Церькавонь Священнай Синодсь кемокстазе священноархимандритонь должностьса Климентть (Родайкинонь), Краснослободскяй и Темниковскяй епископть[4].
Настоятелхне и наместникне
- настоятельхне
- Феодосий (1660-це — 1681)
- Зосима
- Трифон
- Дорофей
- Петр (1730-це)
- Филагрий
- Иоасаф (1752-це кизоть ушедоманц инголе), строитель. Пякстаф «квакерской ересень» тевть коряс.[5][6]
- Порфирий (2це февральста 1752 — 17-це мартста 1753)
- Феодор (Ушаков) (1764—1774)
- Иоиль (Тишков) (8 августа 1774—1778)
- Венедикт (Селиванов) (1778 — 27 декабрьста 1788)
- Вениамин (Андреев) (14-це февральста 1789 — 13-це февральста 1803)
- Филарет (Былинин) (28-це февральста 1803—1817)
- Нафанаил (4-це апрельста 1817 — 12-це сентябрьста 1832)
- Димитрий (12-це сентябрьста 1832 — 5-це сентябрьста 1848)
- Иоасаф (27-це сентябрьста 1848 — 23-це сентябрьста 1857)
- Ксенофонт (Флорианов) (23-це сентябрьста 1857 — 7-це сентябрьста 1863)
- Иларий (Иванов) (1863 — июньцта 1879)
- Тихон (Цыпляковский) (15-це сентябрьста 1879 — декабрьста 1884)
- Амвросий (Ворогушев) (1885—1893)
- Феодосий (Мясников) (1893 — декабрьста 1895)
- Августин (Кривоногов) (1895—1915)
- Александр (Уродов) (1915—1918)
- наместникне
- [Варнава (Сафонов) (1-це апрельста 1991 — 14-це ноябрьста 2010)
- Иннокентий (Руденко) (24-це декабрьста 2010-це кизоня)
Иняруфне
- Преподобнайсь Феодор Санаксарский, иеромонах. Монастырть одукс ладяец.
- Преподобноисповедниксь Александр Санаксарский, архимандрит.
- Священномучениксь Кирион, Грузиянь католикоссь-патриархсь. 1908-це кизонь Грузиянь экзархть Никононь шавомда меле ульсь кучф монастыри, коса ащесь 1915-це кизоти самс.
- Святой праведный воин Феодор Ушаков.
Россиянь эрь кодама ошнень эзда сайхть Санаксару, штоба сюконямс иняру васттненди и уликсненди:
- Казанскяй Божией матерень чудань тии шкайняти ;
- Пресвятой Богородицать шайнянцты;
- Преподобнай Феодорть лятксонзонды;
- Праведнай воинть Феодор Ушаковонь лятксонзонды и сонь лемозонза путф памятникти;
- Преподобнай Александр-исповедникть лятксонзонды.
Обительса ули иняру лихтибря, обительть ваксса омбоцесь – иняру Феодосиень лемстось. Обительть видеса улихть кафта вельхтяф купельхть, ладяфт кяденди кирдемкат и валгомс-куцемс куцеманят. Монастырть видеса ули вирень кярома-пиламань комплекс и цех штатолонь тиемань-аноламань коряс.
Ушесь и климатсь
Климат коса ащи Санаксарскяй монастырсь — умеренно-континентальнай. Малат Росиянь кучкастонь регионти. Кожфть лямбе шиц валгонди -10 январьста +30 июльста.
Санаксарскяй святыняти ули кода самс кизоньберьф.
Кода пачкодемс монастыри
Обительти ин мала вастса ащи Темникав ошсь и Алексеевка велесю. Кить кувалмоц Темникавста Санаксарскяй монастыри 4 вайгяльбет. Эряви ётамс Мокша ляйть туркс седнять ланга и молемс ялга. Ули кода пачкодемс таксиса.
Темникаву ули кода пачкодемс:
Автомобильса. Ётксь Москуть эзда 540 вайгяльбе шинь стяма шири М-5 «Урал» трассать эзга Рязанть пачка. Кить крайге вастфевихть кафет, анок кутт и бензинонь марамс станцият. Кись вельхтяф асфальтса.
Автобусса. Москуста Темникаву эрь шиня якай автобус. Ардома пингсь ки лангса 9 частт.
Паломническяй турхт. Санаксарскяй монастырсь сувафтф экскурсиянь программатненди, конат срхкайхть Россиянь эрь кодама ошста.
Лезксонди кулят монастырть колга
Санаксарскяй монастыри сафненди ладяфт инжиень куднят. Алятне сувафтовихть обительть потмос, аватне– вакссонза ащема васттненди. Ули кода ащемс – 3 суткат. Кда ули мяль лядомс моастыри ве лангс, эряви инголькиге, гостинникть кядьста кизефтемс-толкавамс улихть или аш шава вастт. Эрямась и ярхцамась монастырскяй трапезнайса инжихненди питнефтома.
Мялень крдемс: Обительть ортанзон ваксса ули лавка, коса мишендевихть монастырьса шапаксста эсь пидеф танцтихть.
Иняру вастти сувамста ладяфт эрь кодама вешфкст. конат эрявихть кирдемс-ванфтомс:
Ммонастырть ортанзон инголе тиендеви сюконяма и колмоксть крёстама эсь пряцет; Обительть, хрампнен, инжендама кудса аф мярьгондеви кагиста корхнема, съхата, шум; Паломникне, конат лядсть ве лангс,ванфтсазь ладяфксть, ащихть сембе службатнень эса; Щамсь эряви кувака ожа мархта, ару и уряднай. Аватненди эряви улемс щафста юбкаса и прясост улеза руцяня; Аф эряви сашендомс архтф-мазоптф шамат; Духовникнненди пшкядемста инголи анамабславама, сяда максома кизефкссь.
Санаксарскяй монастырьса прняндасазь веравайхнень, жконань ули мялец покодемс и тиемс цебярь Шайть инголе. Покодеманкса пандомась максови андомаса и эряма вастонь максомаса спокодема пингть [7].
Санаксарскяй алянь монастырсь лувонды 359 киза эсь эрямопингсонза, конань пингста ульсть и ликстамат, и алу прамат. Паломничествась ару васттненди молитвась церьковнай службаса, штамасьиняру лихтибряса максыхть сетьмоши, и кеняртькс ваймоти.
Лятфтамат
- ↑ Архимандрит Александр (Уродов) // Александр Журавский. Во имя правды и достоинства Церкви.
- ↑ Саранская и Мордовская епархия Патриархия.Ru
- ↑ Батюшка Иероним. Дата обращения: 20 июньцта 2010. Архивировано 5 ноябрьста 2013 года.
- ↑ Журналы Священного Синода от 23 октября 2014 года. Патриархия.Ru. Дата обращения: 25 октябрьста 2014. Архивировано 31 декабрьста 2014 года.
- ↑ Описание документов и дел хранящихся в архиве Святейшего Правительствующего Синода.. — Петроград: Синодальная типография, 1915. — С. 379. — 1312 с.
- ↑ Нечаев В. В. Дела следственных о раскольниках комиссий в XVIII веке // Описание документов и бумаг, хранящихся в Московском архиве Министерства Юстиции. Кн. 6.. — М.: Тип. И. М. Кушнерев, 1889. — С. 107, 140, 166.
- ↑ Санаксарский мужской монастырь: святыни и мощи