Россияса тядянь шись
| Россияса тядянь шись | |
|---|---|
 Незабудка — Россияса тядянь шинь тяште | |
| Типсь | Семьянь ила |
| Лиякс | Тядянь шись |
| Ладяф | 30-це январьста 1998-це кизоня РФ-нь Президентть Б. Н. Ельцинонь 120№ Указонц вельде |
| Ётафневи | Россияса |
| Датась | ноябрень мекольце недляшиста |
| Васьфтевомац | семьянь васедемат, концертт, выставки, казнень максома-казема лама идень тядятннди , благотворительнай акцият |
| Койхне-обуцятне | тядятненди панчфонь и казнень каземась, школатнень и идень саттнень эса утренниконь и концертонь ётафтомась, акциясь «Тядяй, мон т онь келькте!» |
| Сотф | Авань международнай шись, Семьянь, кельгомань и верностень шись |
Тядянь ши Россияса — ила, кона васьфневи ноябрень мекольце недляшиня. 2025-це кизоня сон прай 30-це ноябрть лангс. Тя шиня ладяф шумбрандафнемс тядятнень и и пеконь канды аватнень, Авань Международнай шить коряс, мзярда поздравляндакшневихть сембе ава ваймотне. Тя илась — тядянь трудти сюконямась, тядятнень эсь пряснон аф ужяльдемасна эсь идьснон инкса и и синь оцбю вастонь сатомасна марнек эряфса сембе ширде[1][2].
Илать васьфтемац
Официальна Тядянь шись Россияса ульсь ладяф Российскяй Федерациянь Президентть Борис Ельцинонь 120 № Указонц вельде 30-це январьста 1998-це кизоня. Документсь кемокстазе праздновандамань шить — ноябрть мекольце недляшинц. Илать кемокстаманц коряс инициативась Ульсь Государственнай Думань Комитетть авань, семьянь и од ломанень тефнень коряс, сембода пяк депутатть Алевтина Апаринать кядьса[3][4].
Эрямопингоц
Тядятнень чествовандамань койсна келемкшни кунардонь пинкненди. Древняй Грецияса ульсть культт, конат лемтьфт шкайхненди-тядятненди, тяфтапненди Кода Реясь, сембе шкайхнень тядясна, и Персефонась. Лемс ётафневсть мистерият и койхть, конат ётнесть тунда, мартть кучкаста. XVII векста Англияса эвондась ила, конань лемоц «Тядянь недляши» (англ. Mothering Sunday). Тя шиня, кона ульсь Великай постть нилеце недляшистонза, шабатне, покодихне кудса, получсесть ваймама ши, штоба варжамс эсь тядяснон и каземс теест аф оцю казнет.
Тядянь тяниень пингонь международнай Шись эвондась США-са XX-це векть ушетксста. 1872-йе кизоня активисткась Джулия Уорд Хау азсь мяль отмечамс тядятнень марса улемань шиснон мирть инкса тюремаса, но сонь инициативац ашезь получа ширень кирдема. Сяда тов, 1907-це кизоня, Филадельфияста американкась Анна Джарвис, пелемок эсь тядянц пингта инголе куломанц колга, лиссь предложения мархта тиемс национальнай ши сембе тядятнень чествовандамаснон коряс. Сюконямок сонь кемошинцты[5].
Россияса илать эвондамац
Россяса тяряфнематне Тядянь шить кемокстамаса ульсь ушетф Российскяй империяса. 1 декабря 1915 года в Петрограде праздник был организован в Первом отряде скаутов по инициативе главного инструктора, скаутмастера Рагнара Фернберга. Однако эта дата не закрепилась в народном календаре и не получила широкого распространения[6][7]. Советскяй пингть идеясь мрдась Бакуста инициативать вельде. 1988-це кизонь 30-це октябрьста 228-це № школань рузонь кялень и литературань тонафтысь Эльмира Гусейнова эсь классонц мархта тись илань концерт, кона лемтьф тядятненди. Мероприятиясь получась кели ответ Эсонза кайги призывсь тиемс праздникть эрь кизоня печатлафоль ламоц советскяй газетатнень эса. Гусейновать мархта аноклаф илать сценариец ульсь печатлаф «Воспитание школьников» журналса 1992-це кизоня, мезсь лездсь странань школатнень эзга тя койть келептеманцты.
1990-це кизотнень идеясь получась политическяй лезкс. Государственнай Думань КПРФ-нь депутатсь Алевтина Апарина азсь мяль кемокстамс илать федеральнай уровеньца. 30-це январьста 1998-це кизоня Президентсь Борис Ельцин путозе кяденц тяфтама указть алу, и ся пингста cявомок Россияса тядянь Шись васьфневи официальна ноябрть мекольце недляшиста.
Илать символикац
Россияса тядянь шити символкс арась незабудкась. Народть ёткса ули верондама, што тя пачфсь сняфти фланкс ащемать, преданностть и мезеньге аф веши-учи кельгомать — ся, мезть лангс сембода пяк шары тядянь образсь Кой-кона странатнень эса, кепотьксонди США-са и Австралияса, илати тяштекс арси гвоздика. Тяка пингть эряви шарфтомс панчфть тюсонц лангс: мазы гвоздикать каннесазь, кда тядясь шиса, акшеть — кулоф тядять лятфнеманкса. Россияса тя койсь изь кемокста[8].
Васьфнемань традициятне
Кизонь ётазь илась музе эсь коензон-обуцянзон сембе странать келес ётнихть лама мероприятия: концертт, выставкат, фестивальхть и флешмопт. Образовательнай учреждениятнень эса — школаса и идень садса-ётафневихть тематическяй урокт, утренникт и рисункань и поделкань пялькстомат, конатнень эса иттне аноклакшнихть казнет эсь тядяснонды[9].
Фкя инь содаф койкс арась «Тядяй, мон тонь келькте!». Илань карша волонтёрхне явондыхть промооткрыткат незабудка символть мархта, конатнень ули кода кучемс почтаса или максомс лична. Тяфта жа ётафневихть эрь кодама благотворительнай марафотт и сборхт ашу тядятнень и лама идь мархта семьятнень ширеснон кирдеманкса.
Тя шиня мярьгондеви пуромкшнемс семейнай кругса, варчсемс тядятнень и щаватнень, макссемс теест панчфт и казнет. Башка мяль шарфневи лама идень тядятнень чествовандамаснонды, теест макссевихть почётнай грамотат, медальхть и лия казнет. Кой-кона региоттнень эса пуропневихть торжественнай приёмт и васедемат руководствать мархта[10].
Тядятненди государственнай казнетне
Россияса, кода и тяда инголе СССР-са, ули государственнай казнень система, кона лемтьф тядятнень сатфксснонды идень касфтомаса и семьянь институтть кемокстамаса.
СССР-нь казнет
Советскяй Союзса ульсь тиф лама идь мархта тядянь каземань целай система. 1944-це кизоня ульсть ладяфт тяфтама казнет.:
Тядяксшинь медальсь (I - це и II-це степенень) - макссевсь тядятненди, конат шачфтсть и касфтсть 5 или 6 шабат. «Тядянь слава» Орден (I, II и III — це степенень) - тянь мархта казендевсть тядятне, конат шачфтсть и касфтсть 7-ста сявомок 9-ти молемс идь. Орден «Тядя-героиня» — инь оцю башка ширесь, кона макссеви тядятненди, конат шачфтсть и касфтсть 10 и сяда лама идь.
Тяниень пингонь государственнай казнетне
Тядякс улемань ширень кирдемань койсь полаткшневи тяниень Пингонь Россиясовок. «Родительская слава» орденонь медаль и «Родительская слава» орденонь медаль — ульсть ладяфт 2008 и 2010-це кизотнень пингста. Орденца казевихть тядятне-алятне (усыновительхне), конат касфтсть сисем и сяда лама шаба, а медальса — ниле и сяда лама шаба. «Тядя-героиня» лемсь эреклафтфоль 2022-це кизоня август ковста Владимир Путинонь Указонц коряс. Тя лемсь макссеви аватненди, кие, шачфтсь и касфтсь кемонь и сяда лама идь. Казьф тядянцты весть пандови фкя миллион цалковай. Васенцекс тя лемть казезь Чеченскяй Республикаста Медни Кадыровать и Ямало-Ненецкяй автономнай округста Ольга Дехтяренко.
Лятфтамат
- ↑ Лариса Хайдаршина. День матери в России придумала школьная учительница литературы (рус.). Облгазета.ру (23 ноябрьста 2019). Дата обращения: 21 ноябрьста 2025.
- ↑ День матери в России: когда будет в 2025 году, история и традиции праздника (рус.). РИА Новости (31.09.2025). Дата обращения: 21 ноябрьста 2025.
- ↑ День матери: как появился праздник и где его принято отмечать (рус.). Mos.ru (27 ноябрьста 2016). Дата обращения: 2025-.
- ↑ Указ Президента Российской Федерации от 30.01.1998 г. № 120 (рус.). Президент России. Дата обращения: 21 ноябрьста 2025.
- ↑ Mother's Day: the symbol of the most tender holiday, family traditions, warm wishes (англ.). Iz Известия (24 ноябрьста 2024). Дата обращения: 21 ноябрьста 2025.
- ↑ Ты чудо, созданное Богом! (рус.). Национальная библиотека Республики Саха (Якутия). Дата обращения: 2025-1121.
- ↑ Рагнар Акселевич Фернберг (рус.). Центральный сайт скаутов-разведчиков России. Дата обращения: 2025-1121.
- ↑ Ксения Дорофеева. День матери в России в 2025 году: дата, история и традиции праздника (рус.). Lenta.ru (15 апрельста 2025). Дата обращения: 21 ноябрьста 2025.
- ↑ Mother's Day in Russia: history and traditions of the family holiday (англ.). Iz Известия (23 ноябрьста 2024). Дата обращения: 21 ноябрьста 2025.
- ↑ Mother's day in Rossia (англ.). MIR Travel Company (30 октябрьста 2025). Дата обращения: 21 ноябрьста 2025.