Россияса тядянь шись
| Россияса тядянь шись | |
|---|---|
 | |
| Тиись-ладяйсь | Российскяй Федерациянь президентть Указоц 30-це январьста 1998-це кизоня. 120-це № Россияса «Тядянь шить колга» |
| Ётафневи | ноябрень мекольце недляшиста |
Тядянь ши Россияса — ила, кона васьфневи ноябрень мекольце недляшиня (Российскяй Федерацииянь президентть указонц коряс 30-це январьста 1998-це кизоня. 120-це № «Тядянь шить колга» Россияса). Тя шиня, ладяф койть коряс, шумбрандафнесазь сембе тядятнень, щаватнень, бабатнень, оцю мяль шарфневи аватнень лангс, конат сатсть оцю сатфкст идень касфтомаса-трямаса, лама идень тядятнень и тядятнень, конат кастфсазь идьснон ськамост[1].
Васенцеда тяфтама лем ала тя мерпоприятиять ётафтозь СССР-ть мекольце кизонзон улемста, 30-це октябрьста 1988-це кизоня Баку ошень школаса. Илать аноклазе-тиезе рузонь кялень и литературань тонафтысь Эльмира Гусейнова. Сонь виенц вельде ульсь аноклаф кеняртьфни концерт, кона лемтьф тядякс улемань шити. Эста пшкятьфоль сембе школьникненди эрь кизоня васьфнемс тя шить, кода ила, мзярда лятфнесазь-шнакшнесазь тядятнень, а аф сембе аватнень, кода 8-це мартста. Тя пшкядемать сёрмадозь нятфезь ламоц газетатне. А Илать сценариец, конань кучезе Эльмира Гусейновась, эвондась «Воспитание школьников» журналса, видекс, члама кизонь ётазь — 1992-це кизоня[2][3][4] .
Россияса тядянь шити символкс арась незабудкась. Народть ёткса ули верондама, што тя пачфсь сняфти фланкс ащемать, преданностть и мезеньге аф веши-учи кельгомать — ся, мезть лангс сембода пяк шары тядянь образсь[5].
Тядянь шида инголе сембе Россиять эзга ётнихть эрь кодама тематическяй мероприятият: концертт, выставкат. Праздничнай акцият ётафневихть образовательнай организациятнень – школатнень и идень саттнень эзга. Тяда башка, странаса тя илати сотф социальнаяй акция «Тядяй, мон тонь келькте!». Илада ётафтмда ингольдень недяляня акциять пингста явондовихть тематическяй открыткат, конат улихть кода каземс тядятненди, а тяфта жа и лия мероприятият[1].
2022-це августста Россиянь президентсь Владимир Путин кемокстась «Тядя-героиня» руз.: «Мать-героиня» званиять. Сон макссеви аватненди, кие, шачфтсь и касфтсь 10 и сяда лама идь. Казьф авати сяка пингть весть максови фкя миллион цалковай ярмак[5][6].
СССР-са ульсть эсь лацонь тядятненди казнет. Тядяксшинь медальсь макссевсь авати, кона шачфтсь и касфтсь вете или кота итть. сятненди, кит шачфтсть и касфтсть 7, 8 или 9 итть, макссевсь «Материнскяй слава» руз.: «Материнская слава» орден. А кда идьта ульсь 10 и сяда лама — казендевсь орден орден и макссевсь звания «Тядя-героиня» руз.: «Мать-героиня»[7] .
Лятфтамат
- ↑ 1 2 День матери: история и традиции празднования в разных странах. РИА Новости (25 ноябрьста 2012). Дата обращения: 28 августста 2023.
- ↑ День матери: как появился праздник и где его принято отмечать. Рамблер (27 ноябрьста 2016). Дата обращения: 28 августста 2023.
- ↑ День матери - краткая история праздника. istmira.com. Дата обращения: 28 августста 2023.
- ↑ Владислав Шанин. День матери в России: История и традиции праздника. rg.ru (25 ноябрьста 2022). Дата обращения: 28 августста 2023.
- ↑ 1 2 Владислав Шанин. День матери в России: История и традиции праздника. Российская газета (25 ноябрьста 2022). Дата обращения: 28 августста 2023.
- ↑ Путин подписал указ об учреждении звания «Мать-героиня». ТАСС (15 августста 2022). Дата обращения: 28 августста 2023.
- ↑ День матери 2023 в России и мире: история и традиции праздника. kp.ru. Дата обращения: 28 августста 2023.