Россиянь кинонь шись
| Российскяй кинонь шись | |
|---|---|
 | |
| Датась | 27 августа |
 Россиянь кинонь шись | |
Российскяй кинонь шись (руз. День российского кино) — Российскяй Федерацияса кинематографистонь и кинематографонь кельгиень профессиональнай ила. Васьфневи эрь кизоня 27-це августста.
Илать эрямопингоц
Кинонь васненце няфтемась ётафтовсь Российскяй империяса 16-це майста 1896 кизоня «Аквариум» петербургскяйсадса [1]. 15-це октябрьста 1908-це кизоня ётась кафкса минутань кувалмоса фильмань васенце няфтемась рузонь производствань «Понизовая вольница». Режиссёрть Владимир Ромашковонь картинац (рузонь народнай мороть мотивонзон коряс Стенька Разинонь колга «Из-за острова на стрежень») панжезе рузонь кинонь эрать[2].
27-це августста 1919 -це кизоня РСФСР-нь Народнай комиссаронь советсь прняндась декрет киноделонь национализациять колга (экспроприациять вельде). Тя шиста сявомок РСФСР-нь фотографическяй и кинематографическяй мишендемась-рамамась, промышленностсь и кинотеатратне ётасть Просвещениянь народнай комиссариат кядялу[3].
СССР-нь Верховнай Советть Президиумонц «Праздничнай и мяляфтомань шитнень колга» Указонц коряс № 3018-X 1-це октябрьста 1980 кизоня, СССР-нь Верховнай Советть Президиумонц Указонц редакциянц коряс № 9724-XI 1 ноябрьста 1988-це кизонь «Праздничнай и мяляфтомань шитнень колга СССР-нь законодательствав полафтомань сувафтоматнень коряс» (31-це майста 2006-це кизоня тя укасне юмафтозь эсь вийснон[4]), ульсь ладяф советскяй кинонь шинь васьфнемась.
Указть коряс (ванк сяда вяре) 1980 -це кизоня праздник лемневсь «Советскяй кинонь шись», а 1988це ки зонь указть коряс — «Кинонь шись». Перестройкань кизотнень илась ушедсь лемневома «Россиянь кинонь шись», а тяниень лемонц: «Российскяй кинонь шись» сявозе сяда позда, СССР-ть срадомда меле.
Илать эряманц сембе пингста васьфневома шиц аф весть полафневсь. Васенда сонь ётафтозь 28-це декабрти, шовордамок марс народъётконь кинонь шить мархта. Видекс азомс, кода национальнай ила, Российскяй кинонь шись лоткась улемда. Тяфта мольсь 2001-це кизоти самс, ся пингти молемс, кода Россиянь Культурань министерствань кинематографиянь Службаса ашесть са мяльс, што российскяй кинематографти ули кода кирдемс-ванфтомс эстеест ила.
Россиянь кинематографистонь Союзонь Оцюнясь Н. С. Михалков 2002-це кизонь майста азсь мяль васьфнемс тя шить сентябрень мекольце пяденцяста, мзярда ётафневи киноматографическяй искусствань и наукань Национальнай российскяй академиянь «Зрнянь орёл» премиянь максомась [5]. Сембе сяка тя мяльть ширенц азорондайхне изь кирде, и Российскяй кинонь шить кармайхть тяни васьфнемонза 27-це августста.
Лятфтамат
- ↑ Н. А. Лебедев. Глава 1. Кинематограф в дореволюционной России (1896-1917) (рус.). Очерки истории кино СССР. «Библиотекарь». Дата обращения: 5 апрельста 2015. Архивировано 23 сентябрьста 2015 года.
- ↑ Сегодня — день российского кино (рус.). newsvo.ru (27 августста 2009). Дата обращения: 21 августста 2017. Архивировано 21 августста 2017 года.
- ↑ День российского кино: история и традиции празднования. Справка. РИА Новости (27 августста 2008). Дата обращения: 13 августста 2010. Архивировано 6 апрельста 2012 года.
- ↑ РОСПРОМ — Федеральное агентство по промышленности(недоступная ссылка)
- ↑ Никита Михалков учредил День российского кино (рус.). Lenta.ru (21 майста 2002). Дата обращения: 21 августста 2017.