Российскяй Федерациянь коренной ёмла народонь шись

Рувики лопаста
Российскяй Федерациянь коренной ёмла наронь шись
Коренной ёмла народонь «Большая рыба» фестивалень участникне. 2025 кизось
Коренной ёмла народонь «Большая рыба» фестивалень участникне. 2025 кизось
Типсь Мяляфтомань ши
Официальна Российскяй Федерациянь коренной ёмла наронь шись
Лиякс Россиянь коренной ёмла наронь шись
Смузсь ванфтомс Россиянь коренной ёмла нароттнень коень коряс эрямаснон, кудъётконь тевснон, промысласнон и эсь лацонь культураснон
Ладяф 2025 кизонь 4 ноябрьста Российскяй Федерациянь президентть 799-це № указонц коряс
Ётафневи Россияса
Датась 30 апрельста
Васьфтевомац Темань коряс мероприятият тонафнемань и культурнай учреждениятнень эса, фестивальхть, морамань пялькстамат, концертт, мастер-класст

Российскяй Федерациянь коренной ёмла народонь шись (руз. День коренны́х малочи́сленных наро́дов Росси́йской Федера́ции) — мяляфтомань ши, кона ладяф 4-це ноябрьста 2025-це кизоня Российскяй Федерациянь президентть указонц коряс. Илась ладяф Россиянь коренной ёмла нароттнень коень коряс эряфснон, кудъётконь тевснон, промысласнон и эсь лацонь культураснон ванфтоманкса.

Илать шиц — 30-це апрельста.

Эрямопингоц

2025-це кизонь 4-це ноябрьста Российскяй Федерациянь президентсь Владимир Путин мярьгсь ладямс Россиянь коренной кржа лувксонь народонь ши и васьфнемс сонь 30-це апрельста. Тяфтама указсь ульсь лихтьф правовой акттнень официальнайста печатламань сайтс[1].

Тяфта жа тя шиня ульсь тяшкстаф указсь нинге фкя мяляфтомань шинь ладямать колга — Россиянь народонь кялень шись. Илань шикс ладяф 8-це сентябрсь — поэтть Расул Гамзатовонь (руз.) (мок. шачема шиц[2].

Эвенкне

Илать статусоц и сатфксонза

Российскяй Федерациянь коренной ёмла нароттнень шиснон ули мяляфтомань шинь статусоц. Аф лувондови аф покодемань илань шикс.

2025-це кизонь 4-це ноябрть 799-це № указть коряс, илать ладямаса васенце целькс лувондови Россиянь коренной ёмла нароттнень коень коряс эряфснон, кудъётконь тевснон, промысласнон и эсь лацонь культураснон ванфтомасна[3].

Россиянь коренной ёмла нароттне

Юрса ащи статьясь: Коренной ёмла нароттне (руз.) (мок.

2000-це кизоня Россиянь правительствась прьняндась Российскяй Федерациянь коренной ёмла народонь марстонь лувкс (руз.) (мок.[4], 2006-це кизоня — Российскяй Федерациянь Кельме ширень, Сибирень и Дальняй Востоконь коренной кржа лувксонь народонь лувкс[5].

2020-це кизоста сявомок Россияса мольфтеви коренной кржа лувксонь народонь ломаттнень лувомасна. Теест максфт льготат, охотанди и калонь кундаманди башка квотат. Региононь уровеньца улихть ня нароттнень ширеснон кирдеманди башка мерат.

2025-це кизонь уликснень коряс РФ-нь коренной кржа лувксонь нароттнень марстонь лувксс сувси 47 этнос[6].

Россияса лувондови пцтай 315 тёжянь коренной кржа лувксонь народонь ломань[7]. Статистическяй уликснень коряс, инь ламотне ётксост ненецне (руз.) (мок. (49 787 ломань), абазиттне (41 874 ломань) и эвенктне (39 420 ломань). Этноснень ёткста сембода кржа лядсь: керекта, алюторецта и водьта (руз.) (мок.[6].

Сидеста коренной нароттне эряйхть Крайняй Северса, Дальняй Востокса и Сибирьса. Лядыксне эряйхть Кавказса и Россиять европейскяй пялькссонза[6].

Тя темать коряс фестивальхне и мероприятиятне

Россияса ётафневихть фестивальхть, конат лемтьфт коренной кржа лувксонь нароттнень культураснонды, а стане жа мероприятият, конат водендафт наследияснон ванфтоманкса и содафокс тиеманкса. Ётксост — «Этноскоп», «Манящие миры. Этническая Россия», «Большая рыба» фестивальхне и лиятне.

2025 кизонь сентябрьста сявомок ноябрти молемс РФ-нь культурань Министерствать лезксонц вельде ётафтфоль Россиянь коренной кржа лувксонь нароттнень Марнек Россиянь Васенце культурнай форумсна. Программати сувафтфтольхть фольклорнай коллектифнень, кштимань ансамбльхнень морамасна-кштимасна, театрализованнай представленият, художественнай промыслатнень и ремеслатнень коряс мастер-класст. Мероприятиясь ётафтовсь Анадырса, Красноярскяйса, Петрозаводскяйса и Тюменьца[8].

Хантонь семья национальнай щамса

Закононь коряс молемась

Российскяй Федерацияса коренной кржа лувксонь нароттнень праваснон закононь коряс ладямаснонды сувафтфт федеральнай закотт, Российскяй Федерациянь субъектонь закотт, народъётконь договорхт и государственнай программат. Ня нароттнень праваснон гарантиясна кемокстафт Российскяй Федерациянь Конституциять (руз.) (мок. 69-це статьясонза.

Федеральнай закоттне

  • 30.04.1999 82-ФЗ № Федеральнай закон «Российскяй Федерациянь коренной кржа лувксонь нароттнень праваснон гарантияснон колга»
  • 20.07.2000 104-ФЗ № Федеральнай закон «Российскяй Федерациянь Кельме ширень, Сибирень и Дальняй Востоконь коренной кржа лувксонь нородонь общинань ладямань марстонь принципнень колга»

Российскяй Федерациянь субъектонь закоттне

  • Ненецкяй автономнай округть законоц 21.05.2007 65-ОЗ № «Кельме ширень коренной кржа лувксонь нароттнень Ненецкяй автономнай округса компактнайста эряма вастснон колга»

Народъётконь договорхне

  • «Коренной нароттнень и нароттнень колга, конат эряйхть плямань аф зависимай странаса» Народъётконь трудонь организациянь 169-це № конвенциясь

Государственнай программатне

Россияса примафт государственнай программат, конат водендафт коренной кржа лувксонь нароттнень ширеснон кирдеманкса, синь ётксост:

  • Российскяй Федерациянь коренной кржа лувксонь нароттнень традиционнай хозяйственнай ширеснон кирдеманц коряс государственнай поддержкань программась, кона кемокстаф РФ-нь Правительствать распоряжениянц коряс 15.04.2021 978-р №[9].
  • «Государственнай национальнай политикать эряфс ётафтомац» Российскяй Федерациянь государственнай программась[10].
  • Ханты-Мансийскяй автономнай округонь государственнай программась — Югры «Кельме ширень коренной кржа лувксонь нароттнень касомасна-вииямасна»[11].
  • Ненецкяй автономнай округонь государственнай программась «Кельме ширень и Ненецкяй автономнай округонь коренной кржа лувксонь нароттнень ванфтомасна и виияфтомасна».
  • Свердловскяй областень государственнай программась «Свердловскяй областьса социально-экономическяй политикать цебярьгофтомац».

Концепциятне

  • Российскяй Федерациянь Кельме ширень, Сибирень и Дальняй Востоконь коренной ёмла народонь касомань-вииямань концепциясь 2036 кизоти самс, кемокстаф 2025-це кизонь 8-це маень 1161-р № распоряженияса[12].

Мархтонза сотф событиятне

  • 21-це июньцта — Коренной народонь национальнай шись. Ладязе Канадань генералсь-губернаторсь Ромео Леблан 1996-це кизоня. 2001-це кизоста сявомок тяшкстави официальна США-нь Кельме и ши валгома ширень территорияса, 2017-це кизоста сявомок — Юконца.
  • 9-це августста — Миронь коренной народонь народъётконь шись (руз.) (мок.. Ладязе ООН-нь Генеральнай Ассамблеясь 1994-це кизоня.

Лятфтамат

  1. ↑ В России появился новый праздник, РИА Новости (4 ноябрьста 2025). Дата обращения: 2 мартста 2026.
  2. ↑ Путин утвердил два новых праздника в России, Коммерсантъ (4 ноябрьста 2025). Дата обращения: 2 мартста 2026.
  3. ↑ Путин установил новые праздники в России - Российская газета, Российская газета (4 ноябрьста 2025). Дата обращения: 2 мартста 2026.
  4. ↑ Постановление Правительства Российской Федерации от 24.03.2000 г. № 255 (рус.). government.ru. Дата обращения: 2 мартста 2026. Архивировано 25 сентябрьста 2022 года.
  5. ↑ Распоряжение Правительства РФ от 17.04.2006 N 536-р (ред. от 26.12.2011) Об утверждении перечня коренных малочисленных народов Севера, Сибири и Дальнего Востока Российской Федерации (рус.). legalacts.ru. Дата обращения: 2 мартста 2026. Архивировано 15 июльста 2025 года.
  6. ↑ 1 2 3 Коренные малочисленные народы России, РБК Life. Дата обращения: 2 мартста 2026.
  7. ↑ Мы в цифрах, МОО «КМНСОЮЗ» (17 январьста 2023). Архивировано 24 июньцта 2024 года. Дата обращения: 2 мартста 2026.
  8. ↑ Первый Всероссийский культурный форум коренных малочисленных народов России пройдет в четырех федеральных округах. culture.gov.ru. Дата обращения: 2 мартста 2026.
  9. ↑ Правительство утвердило программу господдержки традиционной хозяйственной деятельности коренных малочисленных народов в Арктике (рус.). government.ru. Дата обращения: 2 мартста 2026. Архивировано 26 июньцта 2022 года.
  10. ↑ Государственная программа (рус.). Федеральное агентство по делам национальностей. Дата обращения: 2 мартста 2026. Архивировано 31 майста 2025 года.
  11. ↑ О государственной программе Ханты-Мансийского автономного округа – Югры «Устойчивое развитие коренных малочисленных народов Севера»: Департамент молодежной политики, гражданских инициатив и внешних связей (рус.). depos.admhmao.ru. Дата обращения: 2 мартста 2026.
  12. ↑ Распоряжение Правительства РФ О Концепции устойчивого развития коренных малочисленных народов Севера, Сибири и Дальнего Востока РФ на период до 2036 года, N 1161-р от 08.05.2025 (рус.). zakonrf.info. Дата обращения: 2 мартста 2026.

Башка литературась

  • Коренные малочисленные народы / Андриченко Л. В. // Конго — Крещение. — М. : Большая российская энциклопедия, 2010. — С. 260. — (Большая российская энциклопедия : [в 35 т.] / гл. ред. Ю. С. Осипов ; 2004—2017, т. 15). — ISBN 978-5-85270-346-0.
  • Чемчиева А. П. Социальные практики возрождения традиционных праздников (на примере коренных малочисленных народов Республики Алтай) //Манускрипт. — 2016. — №. 12-3 (74). — С. 195—198.

Ссылкатне

Сявф"https://mdf.ruwiki.ru/w/index.php?title=Российскяй_Федерациянь_коренной_ёмла_народонь_шись&oldid=408779"-ста