Россиянь народонь кялень шись
| Россиянь народонь кялень шись | |
|---|---|
 | |
| Датась | 8 сентябрьста |
Россиянь народонь кялень шись (руз. День языков народов России) — ила, конань мярьгсь кемокстамс-ладямс РФ-нь президентсь Владимир Путин Советть пуромксса госполитикань пяшкодемань рузонь кялень и Россиянь народонь кялень ширень кирдемань сферать коряс, кона ётафтовсь 5-це июньцта 2025 кизоня[1]. Илась мярькфоль ладямс ётафнемс 8-це сентябрьста — поэтть Расул Гамзатовонь шачема шиста[2].
Марнек, РАН языкознаниянь институтть уликсонзон коряс, Россияса итевс нолдаф 277 кяль и диалект[3].
Эрямопингсь
5-це июньцта 2025 кизоня Советть пуромксса госполитикань пяшкодемань рузонь кялень и Россиянь народонь кялень ширень кирдемань сферать коряс сафоль мяльсь кемокстамс-ладямс Россиянь народонь кялень ши[1]. Владимир Путин макссь мяль васьфнемс тя шить поэтть Расул Гамзатовонь шачема шиста — 8 сентябрьста[2].
Тяка пингть государствань оцюнясь лятфтазе РФ-нь нароттнень кяльснон ванфтомаснон и сяда тов мольфтемаснон, синь ширеснон кирдемаснон государствать вельде и странать марстонь кялень ётка вастть араламаснон колга.[1]. Тяфта жа Владимир Путин китькстазе эрявиксшить Российскяй Федерациянь кяльхнень колга законть одкстоптоманц и Россиянь сембе кялень государственнай реестрать колга [1].
… эряви фкя-фкянь мельге тушендомс вульгарнай и омба масторонь кяльста сявф механическяй валхнень эзда, конат аф козякофтсазь, а меколанкт, сорендасазь, тапарякшнесазь минь кяленьконь.
Оригинальный текст(руз.)[няфтемскяшемс]… важно последовательно избавляться от вульгарных и механических иностранных заимствований, которые не обогащают, а, напротив, засоряют, коверкают наш язык.11-це июльста 2025-це Кизоня Владимир Путин путозе кяденц указть алу № 474, конань вельде кемокстазень «Российскяй Федерациянь государственнай кялень политикать юронза». Тя документть видеса Президентонь Администрацияти РФ-нь Правительствать мархта максфоль поручения 2025-це кизонь 1-це октябрти самс анокламс и няфтемс Россиянь народонь кялень шить ладяманц коряс башка указонь проект. 2025-це кизонь августть ушетксста Просвещениянь министерствась аноклась указонь эрявикс проект, кона ульсь путф нормативнай правовой актонь проектонь федеральнай порталса общественнай обсуждениянди, кона шумордавсь 14-це августста[4].
Илать статусоц и целец
Россиянь народонь кялень шись канни лятфнемань ши. Тя шись аф лувондови аф покодемань илакс.
Илань учреждениять основной целенза вановихть странань нароттнень кяльснон и культурнай наследияснон ванфтомасна, ширеснон кирдемасна и виияфтомасна, а стане жа межнациональнай единствать кемокстамац[5]. Расул Гамзатовонь шачема шинцты лемтьф датать кочкамац, кона сёрмадсь аваронь и рузонь кяльса, арьсеф Россиянь нароттнень культураснон марстоньшиснонулемаснонды. Илань ладямась — тя сяда кели государственнай кялень политикань пялькс.
Шить сотомац
Илань шиц, 8-це сентябрьста, лемтьф советскяй аварскяй поэтть, прозаикть и публицистть Расул Гамзатовонь шачема шинцты. Тя шить кочкамац символичнай, сяс мес Гамзатов тиендсь кафта кяльса — родной аварскяйса и рузоннеса. Президентть Владимир Путинонь валонзон коряс,тя няфнесы россиянь нароттнень культураснон марстоньшиснон и рузонь кяльть эрявиксшинц кода межнациональнай корхнемань средства, конань вельде национальнай авторхнень произведениясна содафтовихть[6].
Вастфтемань форманза
Арьсеви, што илань ётафтомс основной площадкакс арайхть образовательнай и культурнай учреждениятне: школатне, библиотекатне, культурань куттне. Арьсекшневи пуроптомс тематическяй конкурст, выставкат и онлайн-флешмобт Башка мяль кармай шарфневома Расул Гамзатовонь творчестванцты.
2025-це кизонь 8-це сентябрть васенце иланцты ульсть азфт тяфтама мероприятият.:
Санкт-Петербургса Российскяй национальнай библиотекась ётафтсь «Акша каркт» праздничнай мероприятия, коза сувсихть поэтть бюстонцты панчфонь путомань церемониясь, произведениянь выставканц панжемац и Дагестанонь нароттнень кяльса стихонь лувомась. Махачкаласа ётафтовсь мероприятия, конань видеса студенттне и школьникне няфтсть Дагестанонь нароттнень культураснон колга проектт и лувсть тядянь-алянь кяльса стихт[7].
Статистикась
- Наукань российскяй академиянь кялень институтть уликсонзон коряс, 193 народ, конат эряйхть Россияса, корхтайхть 277 кяльса и диалектса[3].
- Кяльхнень лувкссна сяда оцю нароттнень лувксснон коряс, сяс мес кой-конатнень эздост кафтонь официальна прняндаф кяльдост, кепотьксонди, марийцнень, мокшэрзятнень и алтаецнень[3].
- Россиянь образованиянь системаса тевс нолдаф 105 кяль, 24-ть вельде — мольфтеви тонафнемась, 81 — кода тонафнемань предмет[3].
Лятфтамат
- ↑ 1 2 3 4 Заседание Совета по реализации госполитики в сфере поддержки русского языка и языков народов России, Президент России (05.06.2025). Дата обращения: 5 июньцта 2025.
- ↑ 1 2 Путин предложил учредить День языков народов России, РБК (05.06.2025). Дата обращения: 5 июньцта 2025.
- ↑ 1 2 3 4 277 языков и диалектов используют народы России. Минобрнауки (21 февральста 2021). Дата обращения: 5 июньцта 2025.
- ↑ В Минпросвещения подготовили проект указа о Дне языков народов России. Национальный акцент (1 августста 2025). Дата обращения: 29 июльста 2025.
- ↑ В России появится новый праздник — День языков народов РФ. Реальное время. Дата обращения: 10 декабрьста 2025. Архивировано 4 августста 2025 года.
- ↑ Путин предложил учредить День языков народов России 8 сентября. Ведомости (5 июньцта 2025). Дата обращения: 29 июльста 2025. Архивировано 23 июльста 2025 года.
- ↑ В Махачкале прошел первый фестиваль родных языков народов Дагестана. ТАСС. Дата обращения: 1 октябрьста 2025. Архивировано 8 сентябрьста 2025 года.