Радайкин, Иван Иосифович

Иван Иосифович Радайкин
Иван Иосифович Радайкин
Шачема шиц	19 октябрьста 1917
Шачема; вастоц	Малое Маресево[d], Саранскяй уездсь[d], Пензенскяй губерниясь[d], РСФСР[d];
Кулома шиц	8 августста 1986 (68 кизоц)
Кулома; вастоц	Кыив, Украинонь Советонь Социализмань Республикась, СССР;
Принадлежностсь	СССР
Войскань родсь	артиллеррия[d]
Служама кизонза	1941—1955
Званияц	Старшай лейтенант
Сражениятне/войнатне	Великай Отечественнай война;
Отставкаса	совхозонь директор

Иван Иосифович Радайкин (шачсь 1917-це кизонь 19-це октябрьста, Малое Маресева велеса — кулось 1986-це кизонь 8-це августста Киевса) — артиллерист, Советскяй Союзонь Герой, старшай лейтенант.

Эряфонь киц

И. Радайкинонь калмоц Киевонь Лукьяновскяй военнай калмолангса

Шачсь 1917-це кизонь 19-це октябрьста Малое Маресева велеса (тяни - Мордовиянь Чамзинскяй аймаксь) служащаень семьяса. Национальностьс коре эрзя. Аделась школань кота класст и счетоводонь курсат. Покодсь эсь велень советса секретарькс. 1943-це кизоня сувась КПСС-у.

Якстерь Армияв сявозь 1941-це кизоня. 1942-це кизоста сявомок фронтсоль.

1943-це кизонь 28-це сентябрьста Черкасскяй областень Каневскяй райононь Студенец велеть маласа 145-це истребительно-противотанковай башка дивизиононь орудиянь командирсь старшай сержантсь И. И. Радайкин расчётонц мархта ётась Днепрать туркс. Синь машфтсть фашистонь мзярошка толонь точка, артиллеристне лездсть штурмовой группати плацдармать сявомаса. Тя тюремаса старшай сержантсь И. И. Радайкин сязьсь душманонь кафта танкат.

СССР-нь Верховнай Советонь Президиумть указонц коряс Днепрать туркс ётамста и плацдармань кирдеманц пингста мужествань и героизмань няфтеманкса старшай сержантти Иван Иосифович Радайкин 1943-це кизонь 25-це октябрьста казьфоль Советскяй Союзонь Герой оцю лемса, Ленинонь орденца и "Зрнянь Тяште" медальса (2798-це № ).

1945-це кизоня аделазе артиллерийскяй училищать, 1952-це кизоня — Высшай офицерскяй интендантскяй школать. 1955-це кизоня тусь запасс старшай лейтенантонь званияса. 1972-це кизоти покодсь совхозонь директоркс. Эрясь Киевса. Кулось 1986-це кизонь 8-це августста. Калмаф Киевса, Лукьяновскяй военнай калмолангса.

Колганза мялямсь

Советскяй Союзонь Геройть шачема уженясонза, Мордовиянь Чамзинкань аймаконь Малое Маресева велеса Иван Радайкинонь лемс путфоль мялямгев. Васенда сон ащесь велень школать инголе нинге фкя памятник ваксса, кона путфоль гражданскяй войнань геройти, революционерти Дмитрий Видяйкинонди. Мялямгефнень инголе, шабатнень эса шачема масторти кельгомань касфтоманкса, ётафневсть линейкат. Но тяни школась сёлкф и памятникнень мельге ваны аш, и синь ушедсть срадома-каладома. 2019-це кизонь декабрьста Иван Радайкинонь и Дмитрий Видяйкинонь лемс путф мялямгефне одкстоптфтольхть и ётафтфтольхть Малое Маресьева велеть кучказонза. Тяни синь ащихть велень администрациять ваксса^[1].

Лятфтамат

↑ В Мордовии восстановлен еще один памятник героям (неопр.). Дата обращения: 15 июльста 2020. Архивировано 17 июльста 2020 года.

Ссылкатне

Иван Иосифович Радайкин (рус.). Сайт «Герои страны».

[1] В Мордовии восстановлен еще один памятник героям (неопр.). Дата обращения: 15 июльста 2020. Архивировано 17 июльста 2020 года.

[1]