Пугачёва, Наталья Яковлевна
| Пугачёва Наталья Яковлевна | |
|---|---|
 | |
| Основная информация | |
| Лемоц марнек | |
| Шачема шиц | 28 октябрьста 1935 |
| Шачема вастоц | Чутожмон, Удмуртскяй АССР, РСФСР, СССР |
| Кулома шици | 26 октябрьста 2019 (83 кизоня ) |
| Кулома вастоц | Бураново (Удмуртия), Удмуртскяй Республикась, Россия |
| Странась | Россия |
| Эрек кизонза | 1970-2019 |
| Коллектифне | Бурановские бабушки |
| Казненза | Удмуртскяй Республикань народнай артистка |
Ната́лья Я́ковлевна Пугачёва (удм. Наталья апай; 28-це октябрьста[1935 кизось, Чутожмон, Удмуртскяй Автономнай Советскяй Социалистическяй Республикась, РСФСР, СССР — 26-це октябрьста 2019, Бураново, Удмуртскяй Республикась, Россия) — Удмуртскяй Республикань народнай артистка, «Бурановские бабушки» коллективса морсись . Группать ёткса морась «Евровидение-2012» музыкальнай конкурсса и занязе омбоце вастть. Ламоц ваныхне и журналисттне лемдезь сонь «сембода мазыня бабанякс» руз.: («самой милой бабушкой») [1].
Эряфонь киц
Наталья Яковлевна (Бегишева) Пугачёва шачсь 1935 кизонь 28-це октябрьста Удмуртскяй АССР-нь Чутожмон велеса. Теенза ульсь 7 кизот, мзярда ушедсь Великай Отечественнай войнась. Ся пингти Наталья шумордазе васенце классть, а сяда тов тонафнемс изь сав. 1941-це кизонь октябрьста стирнять алянц, Бегишев Яков Фёдоровичень, тередезь войнав. Войнань кизонь сембе сталмотне прасть тядянц, Евдокия Алексеевнань, лангс. Наталья Яковлевна лятфнезе, што тядяц мзярдонга ашель кудса. Штоба трямс семьянц, сон шинек-венек покодсь кафта вастса, идензон пцтай изезень няенде[2][3]. 1942-це кизоня Натальянь аляц юмась аф содафста и аньцек 70 кизонь ётазь, 2012-це кизоня, стирец содазе калмама вастонц и якась братскяй калмоть лангс Воронежса[4].
Войнада меле Наталья Яковлевна сась покодема колхозу. Ашезь пеле кодамовок покодемань эзда: ульсь и эрь кодама тевонь тиикс, и траксонь потяйкс, и жувата мельге якайкс. Мзярда стирняти топодсь 19 киза, сон кучезь покодема шабрань колхозу, Бураново вели. Тоса сон содафтсь сай пингонь мирденц мархта – Афанасий Афанасьевич Пугачёвонь. Аф лама пингонь ётазь од ломаттне рьвяясть. Семьяса шачсть ниле итть[4].
Наталья Яковлевна сембе эряфонц пингста покодсь бурановскяй колхозса, тоста и лиссь пенсияс. Бабанясь лама пинге макссесь семьянцты и кудъётконь тефненди,синь мирденц мархта ульсь оцю хозяйствасна.[2].
2012-це кизоня Пугачёва Н.Я. путсть эвотьфти диагноз – желудка рака. Хоть и надиямада сяськомс тя урмать кржаль, Наталья Яковлевна сякокс макссь мяль сложнай операциянь тиемс, кона ётась пяк лац. Сяда товолдонь кота кизотнень урмась эсь колганза изь лятфне, мзярда 2018-це кизоня онкологическяй урамась эвондась тага. Наталья Пугачёванди тисть тага фкя операция, но бабанясь изь аралав – сон кулось 24-це октябрьста 2019-це кизоня, 84 шинц топодеманцты кафта шида иноле[5].
Творчествац
Наталья Пугачёва ашезь арьсекшне арамс артисткакс, хоть идькс пингстонзокиге кельгозе мораманц и морсесь эрь кодама мероприятиятнень эса, конат ётафневсть родной велесонза. Мзярда лиссь пенсиясь, ушедсь сашендома велень клубу репетицияс, коса велеряй аватнень мархта морсесь народнай и авторскяй морот. Тяфта эвондась «Бурановские бабушки» коллективсь. ЧТворчестваснон колга содафтомать касфтоманкса, Бурановскяй культурань кудть директороц и группать вятиец, Ольга Туктарева, ушедсь ётафнема рузонь и омба масторонь содаф моротнень удмуртонь кяльс. Тяфтама моротнень морамда меле бабанятнень колга кармасть содама аф аньцек Удмуртиянь эряйхне, но и интернету сувайхне ламоц странаста[2].
Масторлангонь содамоши аванятненди сась пришла «Евровидение-2012» конкурсса улемда-морамда мелес песней Party for Everybody, коса удмуртскяй коллективсь сявозе омбоце вастть. Отькорь Наталья Пугачёвать кармасть лемнемонза коллективста сембода обаятельнай, мялень салай бабанякс. [1].
2012-це кизоня оцю путфксонкса искусствать касфтоманкса и оцю цебярьста маштозь мораманкса Наталья Пугачёвась ульсь китькстаф «Удмуртскяй Республикань народнай артистка» лемса[3].
Аф ваномок эряфонь кизонзон лангс (Наталья Яковлевна ульсь сембода кизос коре сиресь морайхнень бурановскяй коллективть ёткса и «Евровидения» морайхнень ёткса музыкальнай конкурсть сембе пингонц кулалмос), Пугачёва морась сембе концерттнень эса, коза тернезь артисттнень, гастрольс якась кодаРоссиява, станя и омба масторга[3]. мянь содамок онгологиянь урмаса сярядемать колга, бабанясь аф лама пингс лоткафнезе музыкальнай теввятеманц. Операцияда меле, сон тага кармась морсема концерттнень эса, мероприятиятнень и васетькшнема поклонникнень мархта. Лоткась морсема 2019-це кизоня, пяле кизода куломдонза инголе, мзярда прянц ушедсь маряма прокс кальдявста[1].
Мяльс салай фактт
«Евровиденияса» выступандамда меле российскяй СМИ-са эвондасть кулят, что Наталья Пугачёвать мирдец ашезе ноля сонь конкурсс: пельсь, што сон эстеенза муй сяда од атяня[3]. Сембе сяка Наталья Яковлевна тя кулять лемдезе аф видексоннекс, азомок, што мирдец фалу кирнезе мяленц коллективса улеманц колга. кяжиякшнесь аньцек сянкса, мес мзярс рьвац гастрольса, сембе кудъётконь тефнень сашендовсь тиендемс эстеенза[4].
[[Моску|Москуса] «Бурановскяй бабанятненди» ладясть васедема Аллой Пугачёвать мархта. Наталья Яковлевна азозе содаф фкя фамилянь каннити: «Шумбратада! Пади, минь тонь мархтот ичкоздень раднятама?». Примадоннась абондсь. Лездома сась Максим Галкин, рахазь мярьгсь: «Улема, мулема…»[4].
«Евровиденияса» выступандамда меле коллективсь ёрась молемс ресторану, но охранниксь, ваномок инжихнень лангс пильгста пряс, ашезь эряскода синь нолдамс сувамс. Кизефтезень, киет синь тяфтапне, и мярьгсьл, што ресторанца обедцихть аньцек содаф артисттне. Наталья Яковлевна встясь видеста охранникть инголе и мрярьгсь: «Дак Пугачёван мон!». Алясь апондсь[6].
Ванк нинге
Литературась
- Бурановский сельсовет: история и современность / сост. В. С. Зорина, А. И. Вологжанина; [редкол.: А. К. Ивашкин и др.]. – Ижевск: Удмуртия, 2009. - 214, - ISBN 978-5-7659-0590-6.
- Толстухина, Мария Николаевна. Сказ о том, как простые бабушки из удмуртского села Бураново храм построили / Мария Толстухина. – Ижевск: Удмуртский издательский дом, 2020. - 266.
- Туктарева О. Н. Бабушки из Бураново. Как это было. – Ижевск: Удмуртия, 2023. – 208 с.: ил.
Лятфтамат
- ↑ 1 2 3 «Евровидение», ревность и рак: Жизненный путь «бурановской» бабушки Пугачевой. Телерадиокомпания «Петербург» (27 октябрьста 2019). Дата обращения: 29 ноябрьста 2023.
- ↑ 1 2 3 Наталья Яковлевна Пугачева — биография. Kratkoebio. Дата обращения: 1 декабрьста 2023.
- ↑ 1 2 3 4 Александр Неверов. Наталья Пугачева. 24СМИ. Дата обращения: 1 декабрьста 2023.
- ↑ 1 2 3 4 Валентина Емельянова. Наталья Пугачёвалэн дуннеез - гурт (удм.). Удмурт дунне (28 октябрьста 2015). Дата обращения: 1 декабрьста 2023.
- ↑ Александра Хрисанфова. Умерла солистка участвовавших в «Евровидении» «Бурановских бабушек». РБК (26 октябрьста 2019). Дата обращения: 1 декабрьста 2023.
- ↑ Зинаида Рябинина. Тамаша Маша (удм.). Удмурт дунне (5 апрельста 2013). Дата обращения: 1 декабрьста 2023.