Павлов, Пётр Трофимович

Пётр Трофимович Павлов
Пётр Трофимович Павлов
Шачема шиц	17-це ноябрьста 1917-це кизоня
Шачема; вастоц	с. Малышево, Спасский уезд, Тамбовская губерния, РСФСР
Кулома шиц	16-це октябрьста 1963-це кизоня (45 кизоц)
Кулома; вастоц	Яваз, Зубунь аймак, Мордовскяй АССР[d], РСФСР, СССР;
Принадлежностсь	СССР
Войскань родсь	Пехота[d]
Служама кизонза	1939—1945
Званияц
Сражениятне/войнатне	Великай Отечественнай война;

Пётр Трофимович Павлов (1917—1963) — Покодиень-сокаень-видиень Якстерь Армиянь майор, Великай Отечественнай войнаса улись, Советскяй Союзонь Герой (1944).

Эряфонь киц

Шачсь 1917-це кизоня 17-це ноябрьста Малышева велеса (тяни — Мордовиянь Республикань Торбеевскяй районць). Школань сисем классонь и фабрично-заводской ученичествань школать аделамда меле покодсь токарькс. 1939-це кизоня тертьф Покодиень-сокаень-видиень Якстерь Армияв. 1941-це кизоня шумордазе Рижскяй пехотнай училищать. Великай Отечественнай войнать васенце шиста — толу китнень лангса^[1].

1943-це кизоня ноябрь ковти гвардиянь лейтенантсь Пётр Павлов Украинскяй 1-це фронтса гвардейскяй танковай 3-це армиянь гвардейскяй танковой 6-це корпусонь гвардейскяй танковай 52-це бригадань мотострелковай ротань командир. Цебярьста няфтезе прянц Украинской ССР-нь Киевскяй областень араламста. Пётр Павловонь вятеманц ала ротась тюрсь Заборье велеть воляшинкса, а сяльде 1943-це кизоня ноябрь ковста 6-це шиста 7-ти, веть, сувась Фастову, сявсть пленц 100-да лама солдатт и офицерхт, тяфта артиллерийскяй 5 орудият и железнодорожнай 4 эшелотт^[1].

СССР-нь Верховнай Советть Президиумонц указонц «Якстерь Армиянь генералхненди, офицерскяй, сержантскяй составти и рядовойхненди Советскяй Союзонь Героень званиять максоманц» коряс 1944-це кизоня 10-це январьсат «командованиять боевой заданиянзон фронтса лац тиеманксост немецонь врьгятихнень каршес тюремста и мужествань и героизмань няфтеманкса» казьфоль Советскяй Союзонь Герой лемса, Ленинонь орденца и «Зрнянь Тяште» медальса 2130 номер ала^[1]^[2].

Войнада меле нолдавсь запасу майор званияса. Эрясь и покодсь Мордовскяй АССР-нь Зубова Полянскяй райононь Явас посёлкаса. Кулось 1963-це кизоня 16-це октябрьста^[1].

Тяфта жа казьфоль Отечественнай войнань 2-це степенень орденца, эрь кодама медальса^[1].

Лятфтамат

↑ ¹ ² ³ ⁴ ⁵ Пётр Трофимович Павлов (рус.). Сайт «Герои страны».
↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 январьста (№ 3 (263)). — С. 1.

Литературась

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.

Ссылкатне

Павлов П.Т.

[wh-1] ¹ ² ³ ⁴ ⁵ Пётр Трофимович Павлов (рус.). Сайт «Герои страны».

[2] Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 январьста (№ 3 (263)). — С. 1.

[1]

[2]