Мордовскяй (эрьхке)
| Озеро | |
| Мордовскяй | |
|---|---|
 | |
| Морфометриясь | |
| Инь сери вастоц | 50—100 м |
| Площадь | 0,13 км² |
| Расположение | |
| 54°43′41″ с. ш. 43°01′00″ в. д.GЯO | |
| Субъект РФ | Мордовия |
| Район | Теньгушевскяй районць |
Мордо́вскяй — эрьхке Теньгушевскяй районца Мордовияса. Кона ащи Мокша (ляйть) поймасонза, 500-шка метрань вастса Веденяпино велеть видеса.
Эрьхкне, конатащихть Мордовиять эрь кона ширесонза,сяда ламотне эздост эрьхкт, конат тиевсть ингольдень ляйть шудерькс вастсонц эзда ляткс ведю вастт, конат явошфтфт ляйть оцю шудерьконц эзда. Сяс, синь ширде ванозь, сяда сидеста няевихть пуворяфокс. Сембода оцю карстовай эрьхкокс Мордовияса лувондови Пиявское эрьхксь, кона ащи Юзга ляйть кельме-ши мадома ширесонза. Площадец занци 9-шка гектархт. Ламоц эрьхкне ведьса пяшкотькшневихть − ланга шуди веттнень, вярде прай веттнень (пиземть, ловть) и мода алдонь веттнень эзда. Федеральнай округть региононзон эса Мордовиясь сатнесы мекольце вастть площадень коряс эрьхконь и искусственнай ведю васттнень ёткса.
Эрьхкть площадец — 13-шка гектар. Эрьхкть кельме ширенц и кельме-шинь стяма ши ренц сатнесазь пойменнай лугатне, шинь стяма ширдень трванц видеса шяй васта, тя видеса эрьхкть прай Ужовка ляйсь. Лямбе ширдень трвасонза ащихть велень хозяйствань тевс нолдамань вастт, лямбе-шимадома ширдень и кельме-шимадома ширдень трвасонза пойменнай тумоналхт[1].
Мордовскяй эрьхксь ащи эряма васток ламоц эррь кодама жуватань и касыксонь шуроста васьфневи видонь, 1983-це кизоня Мордовскяй АССР Министронь Советть постановлениянц коряс эрьхксь лемтьф лувомс ведень перьфпяльдень памятникокс тястоконь вастса[2].
Тячиень пингть эрьхксь ащи содама вастокс, сятненди, кие кельгсы дайвингть, калонь кундамать и ведялдонь охотендамать. Сашендыхненди ваймама и туристтненеди эрьхкть трваса панчф дайв-центра и гостиница[3].
Лятфтамат
- ↑ Озеро Мордовское
- ↑ Астрадамов В. И., Альба Л. Д., Силаева Т. Б., Рыбин Ю. И., Талалаевский Л. М., Филимонов В. Б., Якушкина М. Н. Особо охраняемые природные территории Мордовии / Под общ. ред. В. И. Астрадамова: Монография. — Саранск: Мордовское кн. изд-во, 1997. — 169 с.
- ↑ Самые крупные озёра Мордовии
Литературась
- География моего края – Мордовии : книга для чтения по географии Республики Мордовия / [автор-составитель В. Н. Пресняков]. – Саранск : Мордовское книжное издательство, 2011. – С. 63;
- Географический атлас Республики Мордовия. – Саранск : Издательство Мордовского университета, 2012. – 204 с.
- Гришунина В. П. Словарь терминов по географии на мокшанском языке для общеобразовательных школ / Мокшень кяльса общеобразовательнай школатненди географиянь терминонь валкс. Сыктывкар – Ижевск – Йошкар-Ола – Саранск – Бадачоньтомай 2011
- Рогожина В. Ф. Словарь терминов по биологии на мокшанском языке для общеобразовательных школ / Мокшень кяльса общеобразовательнай школатненди биологиянь терминонь валкс. Сыктывкар – Ижевск – Йошкар-Ола – Саранск – Бадачоньтомай 2011