Мокшэрзянь масторонь заповедниксь

Рувики лопаста
Мордовский заповедник
Lake in Mordovsky Zapovednik.png
Категория МСОП — Ia (Строгий природный резерват (Государственный природный заповедник))
Основной информациясь
Площадсь32 148 га 
Пуроптф5-це мартста 1936 кизоня 
Вяти организациясьФГБУ «Заповедная Мордовия» 
Ащи
54°49′16″ с. ш. 43°20′26″ в. д.GЯO
zapoved-mordovia.ru
Россия
Точка
Мордовский заповедник
Мордовия
Точка
Мордовский заповедник
Логотип РУВИКИ.Медиа Аудио, фото ди видео

Пётр Гермогенович Смидовичень лемса Мокшэрзянь перьфпяльдень государственнай заповедниксь руз. (Мордовский заповедник) ащи Мордовия Республикань Темниковань аймакса, Мокша ляйть виде ширдень трвасонза, салмоксу и лопав вирьхнень и вирень степнень эса.

Заповедниксь панчфоль 1936-це кизонь 5-це мартста. Каннесы государственнай деятельть Пётр Гермогенович Смидовичень лемонц, сон лама шарфнесь мяль перьфпяльть араламанц коряс кизефкснень лангс. Заповедникть марстонь келец-кувалмоц 32 148 га. Ванфтомань-араламань вастть келец-кувалмоц 6200 гектар[1].

Заповедникть тевонзон вятьсыне Федеральнай государственнай бюджетнай учреждениясь «Объединённая дирекция Мордовского государственного природного заповедника имени П. Г. Смидовича и национального парка „Смольный“ (ФГБУ „Заповедная Мордовия“)»[2]. Заповедникть администрацияц ащи Пушта велеса. Тоса жа панчф Мокшэрзянь государственнай природань заповедникть природань музеец, коса кочкафт касыксонь и ракшань кепотькст, фотоснимкат. Заповедникть оцюняц — биологиянь наукань докторсь Александр Борисович Ручин. Климатсь Заповедниксь ащи умереннай поясонь атлантико-континентальной аймакса. Якшамфтома пингсь тяса моли майть ушеткста сентябрть пенцты молемс (120—135 шит). Тяштькстаф температуратнень эзда сембода псись — тя +40 °C, сембода якшамсь — −48 °C. Ловть серец — 50-60 см. Кизоти прашенды 530 мм пизем-лов.

Модась и рельефсь

Инголи тя васттнень эса ульсь ниле лац няеви эрь кодама серьса террасат, но ламос моли модань эрозиясь пцтай марнек видептезе модать, лядсь аньцек аф оцю алупандоня Мокша ляйть шири. Террасатнень эса тяфтама модат: васенцеть эса — чернозём и перегнойно-глеевай модат, омбоцеса и колмоцеса — слабодерново-подзолистайхть, нилецеса — кварцевай шувару модат, конат ацафт мореннай суглинкаса[3].

Веттне

Заповедникть моданзон эзга шудихть ёмла ляйнят (Пушта, Арга и лият) и шудерькст. Сонь лямбе и шинь валгома ширесонза ащи комозьшка эрьхке, Мокша ляйть сядонгольдень ведень шудерьксонзон ведь вастонза (Татарское, Вельза, Пичёрки и лият).

Касыксне

Заповедникть оцюшка пялькссонза (96,6 %) касыхть вирьхть, сембода лама пичень и шовор-шовор касыхть куст, поюфт руз. (осина), пяшет, равжа лепот. Вирьда, коса касыхть аньцек куст, аф лама. Мокша ляйть ваксса улихть тумонь и равжа лепонь налхт. Лугатне касыхть ляйхнень вакска, коське вастонь лугада кржа. Заповедникса касыхть 788 вид сосудистай касыкста, нупонень 77 вид, лишайниконь 136 вид, макромицетонь 290 вид. Шуроста васьфневи касыкснень ёткста: венерин башмачок настоящий, пыльцеголовник красный, водяной орех (чилим), лунник оживающий.

Ракшатне

Заповедникть эса васьфневи 60-да лама лофцта потяй вид, калонь 32 вид, модань-ведень ракшань 10 витт, пека ланса шашни ракшань 6 витт, нармонень 215 вид, 1500-ть малава насекомаень вид. Синь ётксост улихть ванфневи-аралави ракшат: выхухоль, равжа аист, ведьбине руз. бобёр, сярда и лият[4].

Заповедникса лувондови (2020-це кизонь уликснень коряс) 2145 унжань эрь кодама витт Coleopter-онь 88 семействаста. Синь эздост ламошкась кандовихть Staphylinidae семействати (436 вид), Curculionidae (282), Carabidae (231) и Chrysomelidae (188). Кафкса виттне сувафтфт Россиянь Якстерь книгав. Лувондови 31 адвентивнай вид, мезсь тисы марстонь колеоптерофаунать 1,44 %[5].

Ракшатнень эряма вастснон полафтомасна

1930-це кизотнень Мокшэрзянь масторонь заповеднику, кода странань Европань пяльксонь фаунав, усксесть эряма ракшань од витт. 1937-це кизоня усксть 4 маралхт, 1940-це кизоня — нинге 5. 1944-це кизоти синь эздост ни арась 32 пря. 1938-це кизоня ускфоль 53 сёрмав вирень тракст руз. (пятнистый олень). Ся кизотнень вирень тракснень тялонда аннезь, тя тиендевсь лувксснон касфтомаснон инкса. Лемозост вирьгя путневсь сал, кирдевсть врьгаснень лувкссна[6].

Экологиясь

Экологиянь туризмась

2013-це кизонь декабрьста сявомок Мокшэрзянь масторонь заповедниксь арась Россиянь туристическяй операторкс. Панчф лама экскурсионнай турда: «В гостях у заповедника», «Заповедные приключения», «Мы — одна страна», «Тропою предков», «Из прошлого в будущее» и лият. Ётксост улихть фкя шинь турхт и улихть кафта шинди. Вирьге якаманди-шяяманди тифт-ладяфт яннят, конатнень эзга якамста ули кода содафтомс заповедникть ракшанзон-касыксонзон мархта стендонь вельде. Тяда башка, ули ян, кона азонды мокшэрзятнень мифологияснон колга. Тя яттнень эзга молемста туристтнень инголи панжеви Мокшэрзянь масторонь заповедникть вирензон, эрьхконзон, шяензон, ляензон мазышисна. Вирьхнень эса улихть вастт, коса анневихть зубратне, тоза стане жа ули кода повомс туристтненди. Панчфт визит-центрат, музейхть, ваймама вастт. Путфт инжиенди куднят, коса ули сембось лац ваймаманди[7].

Заповедникса ётафневихть эрь кода мероприятият, выстывкат, фестивальхть: «День Рысения», «Глухомань Фест» и стак тов. Сидеста тяза сашендыхть экскурсияс Мокша санаторияста.

2010-це кизонь пожарсь

2010-це кизоня, мзярда ушесь опана псиль, Мокшэрзянь масторонь заповедникса лиссь оцю пожар[8][9][[10]. Эста толса палсь 12 тёжянь гектар вирь (руз.) (мок. и заповедниконь перьфпялень лия объект, карьхцсь тиевсь 383 млн цалковайс[11]. Пожаром повреждено более 12 тыс. гектаров лесов и других природных объектов заповедника, ущерб составляет не менее 383 млн рублей[12].. Палфть сембода оцю пяльксоц (300 га) савсь озафтфт пиченяса васттненди, коса шуфттненди 50 — 60 киза и конатне озафнефтольхть 1950—1960-це кизотнень. Заповедникть шинь валгома ширесонза пожарть эвондаманцты арась туфталкс, улема, ломанць — аф ичкозе ЗАТО-нь периметрть эзда Саров ошть ваксса ульсь муф ваймаманди тиф васта толмар мархта. Шинь валгома шире пожарсь лиссь ёндолть кфчядеманц эзда, «коське ёндол мархта атямть» пингста. Кучка васттненди толсь сувась лямбе ширде, косотольхть катф паксят, конатнень эса ламоль коське тишеда, конат крьвязсть торфяникнень эзда.

2021-це кизонь пожарсь

2021-це кизонь 3-це августста коське ёндол мархта атямть сюнеда ушедсть палома торфяникне аф ичкозе Саров ошень ЗАТО-нь периметрать эзда[13]

Галерея

  • Сери мазы пичетне

    Сери мазы пичетне

  • Шуфтонь куднятне

    Шуфтонь куднятне

  • Туристтненди яннятне

    Туристтненди яннятне

Лятфтамат

  1. ↑ Статья о заповеднике (рус.). oopt.info. Дата обращения: 12 майста 2008. Архивировано 12 майста 2008 года. Информационно-справочная система «Особо охраняемые природные территории России»
  2. ↑ Общие сведения (рус.). Сайт «Заповедная Мордовия». Дата обращения: 10 январьста 2019. Архивировано 10 январьста 2019 года.
  3. ↑ Особо охраняемые природные территории Мордовии (Под общей редакцией В. И. Астрадамова): Монография. — Саранск: Мордовское книжное издательство, 1997.
  4. ↑ Статья о заповеднике (рус.)(недоступная ссылка — история). сайт «Животные республики Мордовия». Есть полный список редких животных и растений
  5. ↑ Egorov L. V., Ruchin A. B., Semenov V. B., Semionenkov O. I., Semishin G. B. Checklist of the Coleoptera of Mordovia State Nature Reserve, Russia(анг.) // ZooKeys : Журнал. — Sofia: Pensoft Publishers, 2020. — Vol. 962. — P. 13—122. — ISSN 1313-2970. — doi:10.3897/zookeys.962.54477.
  6. ↑ Олигер И. М. Мордовский заповедник имени П. Г. Смидовича. // Заповедники СССР. Т. 1, М.: Географгиз. 1951, с. 193—200.
  7. ↑ Экологический туризм (рус.). Сайт «Заповедная Мордовия». Дата обращения: 10 январьста 2019. Архивировано 10 январьста 2019 года.
  8. ↑ Известия Мордовии: В Темникове горят заповедные леса (рус.). Дата обращения: 2 августста 2010. Архивировано из оригинала 5 мартста 2016 года.
  9. ↑ ИТАР-ТАСС:В заповеднике им. Смидовича на границе Мордовии и Нижегородской области возник крупный пожар (рус.)(недоступная ссылка — история).
  10. ↑ Информационное агентство Info-RM: В Мордовии возбуждено уголовное дело по факту распространения лесных пожаров в заповеднике им. Смидовича. Дата обращения: 7 октябрьста 2010. Архивировано 4 мартста 2016 года.
  11. ↑ ИТАР-ТАСС:В заповеднике им. Смидовича на границе Мордовии и Нижегородской области возник крупный пожар (рус.)(недоступная ссылка — история).
  12. ↑ Информационное агентство Info-RM: В Мордовии возбуждено уголовное дело по факту распространения лесных пожаров в заповеднике им. Смидовича. Дата обращения: 7 октябрьста 2010. Архивировано 4 мартста 2016 года.
  13. ↑ Пожар в Мордовском заповеднике перешел на территорию Сарова (рус.). РИА Новости (20210807T1525). Дата обращения: 8 августста 2021. Архивировано 7 августста 2021 года.

Литературась

  • Васильев Н. Г., Горин Д. А., Рашек В. Л. и др. Заповедники СССР: Справочник / под ред. Бородина А. М. и Сыроечковского Е. Е. — 2-е изд., перераб. и доп.. — М.: Лесн. пром-сть, 1983. — С. 75—76. — 248 с.
  • Терешкин И. С. , Н. Н. Соколова, А. М. Шалыбков. Мордовский заповедник // Заповедники европейской части РСФСР. II / Под ред. В. В. Соколова, Е. Е. Сыроечковского. — М.: Мысль, 1989. — С. 76—95.

Ссылкатне

Сявф"https://mdf.ruwiki.ru/w/index.php?title=Мокшэрзянь_масторонь_заповедниксь&oldid=418141"-ста