Мокшан (венеж)
Мокшан, Мокшана (Мокша (ляй)) лемть эзда — XVIII—XIX веконь палубафтома парус мархта судна (барка[1]), кона нолневсь тевс ломанень и сталомонь усксеманди[2].
Аерфневсть алянь (мокшан) и авань (мокшана) венешт. Нолневсть тевс ляйхнень лангса. Эсонза ладяфоль валхневи мачта аф оцю виде парус мархта, кона путневсь цебярь вармань пингста. Венежть кувалмоцоль 16—30 сажень, крхкалмоц — 2—3 аршитт, бортонза штевнятнень видеса серептьфтольхть 1—1,5 метрань сереса. Сталмонь кеподемшкацоль 3—5 тоннат. Бортонза мазепневсть аф афкусонь рисаваф чудовищань вельде, нярец суднать — мазыста керсефста. Кучка пялькссонза ладяфоль эряманди васта казёнка кафта ширде валазяста тиф кудбря мархта.
Эрямопингоц
Васендакиге мокшаттнень тиендезь мокшетне, конат эрясть Цна и Рава ляйть лангса. Содаф, што меле мокшаттне кармасть стройсевома аф аньцек Цнать и Равать видеса, нотяфта жа Казаньца и Москуса.
Мокшанскяй кшинь караванць
1840-це кизотнень кшинь караванць шашнесь Цнать, Равать, Окать эзга. Мокшень пристаньца эрь кизоня марсезь кшида 800—900 мокшанда. Караванонь сплавс рабочайхне или венежень строямань вастти сивотькшневсть тялонда, сашендсть тяза эйнь молемать ушедомозонза. Ёмла мокшетненди кочксесть 70-80 ломань командат и лоцматт, оцютненди — 180 ломань и кафта лоцматт. Оцюкс суднаса ульсь водолив. Тунда рабочайхне кярьмотькшнесть суднати анокламати: ваяфнезь, путнезь оснасткать, грузсезь. Караванть шяняфнемац ушеткшневсь эйть соламанц аделамда меле. Авариять лисемста венежса кепсевсь равжа флаг, караванць лоткафневсь и балас повф венешненди макссесть лезкс лия венежста покодихне. Мокшанцта Цна ляйбряс ётамась (190 вайгяльбеть малава) занцесь 10 шит. Равать эзга (50 вайгяльбе) суднатне мольсть 5-8 шит, а Окать эзга Нижняй Новгородти (340 вайгяльбеть малава) — 15 ши. Нижняй Новгородса ульсть венчень одкстоптомат. Сембе сплавной снасттнень и вооружениять макссезь складу, латцесть оснастка сяда товолдонь мольфтемать способонц коряс. Тязк жа сивотькшнесть нинге бурлакт, и Рыбинскяи эрь суднась лисендсь ни башка. Тя ётамась занцесь 25-40 ши. Сембе рейсть Мокшанть эзда Рыбинскяи (1050 вайгяльбень малава) сатнесь средняйста 55-60 сутка. Рыбинскяйса шамдомда меле мокшаттне тушендсть меки. Синь мзярошкада грузсевсть Нижняй Новгородса, полафнезь вооруженияснон и куцендсть Цнав Окать эзга алашань усксемаса[4].
Лятфтамат
- ↑ Барка // Толковый словарь живого великорусского языка : в 4 т. / авт.-сост. В. И. Даль. — 2-е изд. — СПб. : Типография М. О. Вольфа, 1880—1882.
- ↑ Барка // Толковый словарь живого великорусского языка : в 4 т. / авт.-сост. В. И. Даль. — 2-е изд. — СПб. : Типография М. О. Вольфа, 1880—1882
- ↑ Чертежи и рисунки судов, 1859, с. 20.
- ↑ Способы движения судов на реках России. Историческая справка на сайте Рыбинской парусной школы. Дата обращения: 1 декабрьста 2025. Архивировано 30 январьста 2016 года.
Литературась
- Барка // Толковый словарь живого великорусского языка : в 4 т. / авт.-сост. В. И. Даль. — 2-е изд. — СПб. : Типография М. О. Вольфа, 1880—1882.
- Мордва. Энциклопедия. Очерки об истории, этнографии и культуре мокшанского и эрзянского народа. Саранск, 2006. ISBN 5-7595-1685-X
- Богославский П. А. О купеческом судостроении в России, речном и прибрежном. — С-Пб.: Типография Морского Министерства, 1859. — 197 с.
- Богославский П. А. Чертежи и рисунки судов, составленные П. Богославским к книге о купеческом судостроении в России. — С-Пб.: Типография Морского Министерства, 1859. — 28 с.
- Мордва (Мокша. Эрзя) : Очерки по истории, этнографии и культуре мордовского народа. — Саранск: Мордов. кн. изд-во, 2004. — 991 с. — ISBN 5-7595-1571-3.