Мелёхин, Геннадий Михайлович

Геннадий Михайлович Мелёхин
Шачема шись	31-це мартста 1936-це кизоня(1936-03-31)
Шачема вастсь	Рузаевка, Мордовскяй АССР[d], Средневолжскяй крайсь[d], РСФСР, СССР
Кулома шись	4-це сентябрьста 2018-це кизоня(2018-09-04) (82 кизоц)
Кулома вастсь	Петрозаводск[d], Россия
Гражданствась	СССР  Россия
Образованиясь	А.Н. Островскяень лемса Ленинградскяй театральнай институтсь[d]
Профессиясь	актёр
Покодема кизотне	1960—2006
Амплуась	социальнай герой
Театр	Мордовия Республикань рузонь драматическяй государственнай театрась С. М. Цвиллингонь лемса Челябинскяй государственнай драмань театрась Свердловскяй драмань театрась Карелиянь рузонь драмань театрась
Казнетне

Мелёхин Геннадий Михайлович (31-це мартста 1936-це кизоня, Рузаевка, Средневолжскяй крайсь^[d] — 4-це сентябрьста 2018-це кизоня, Петрозаводск^[d]) — советскяй и российскяй театрань актёр, РСФСР-нь народнай артистсь (1982).

Эряфонь киц

Шачсь 1936-це кизонь 31-це мартста Мордовскяй АССР-нь Рузаевка ошса. 1960-це кизоня шумордазе А. Н. Островскяень лемса Ленинградскяй театральнай институтть драмань актёр специальностть коряс (классь Б. Е. Жуковскяень).

Институтть шумордамда меле сувафтфоль Рузонь драматическяй театрась труппазонза.

Налхксь С. М. Цвиллингонь лемса Челябинскяй драмань театраса, Свердловскяй драмань театраса, Красноярскяй музыкально-драматическяй театраса (Красноярск-26).

1984—2006-це кизотнень налхксь Карельскяй АССР-нь Рузонь драматическяй театраса (меле Карелия Республикань рузонь драмань театра). Ульсь телеспектаклятнень эса. Юрса ащи тевдонза башка лац няфтезе прянц режиссёронь и сценаристонь тевса: сонь кядялонза путфт спектаклят и бенефисонди, творческяй иляденди аноклафт сценарийхть.

Кулось 4-це сентябрьста 2018-це кизоня Петрозаводск ошса.

Семьяц

Рьвяц, Валентина Александровна, покодсь тяка театраса режиссёронь лездыкс.

Казненза и премиянза

• Мордовскяй АССР-нь заслуженнай артист (1963).
• РСФСР-нь заслуженнай артист (19.08.1976).
• РСФСР-нь народнай артист (26.11.1982).
• Карелия Республикань Почётнай грамота (2001).

Работанза театраса

• 1984 — «Сокровище Бразилии» М. Машаду — Садовник
• 1985 — «Рядовые» А. Дударевонь — Дервоед
• 1986 — «Мастер и Маргарита» М. А. Булгаковонь коряс — Берлиоз
• 1989 — «Кабала святош» М. Булгаковонь — Мольер
• 1992 — «Ах, бэби! (Крошка)» Ж. Летразонь — Эдмонд Фонтанж
• 1993 — «Когда лошадь теряет сознание» Ф. Саган — Генри-Джеймс Честерфилд
• 1993 — «Грехопадение» В. Набоковонь коряс — Зегелькранц
• 1994 — «Оскар» К. Манье — Бертран Барнье
• |1996 — «Публике смотреть воспрещается» Ж. Марсанонь — Эрве Монтэнь
• 1997 — «Банкрот» А. Островскяень — Большов
• 1997 — «Горбун» С. Мрожеконь — Незнакомец
• 2001 — «Салон месье Амедея» А. Рейно-Фуртона
• «А зори здесь тихие» Б. Васильевонь коряс — Васков
• «Разлом» Б. Лавренёва — Годун
• «Океан» А. Штейна — Часовников
• «Леди Макбет Мценского уезда» Н. Лесковонь коряс — Зиновий Борисович
• «Кадриль» В. Гуркина — Николай Звягинцев
• «Последний пылкий влюблённый» Н. Саймононь — Барни Кэтмен
• «Что тот солдат, что этот» Б. Брехтонь

Лятфтамат

Литературась

• Карелия: энциклопедия: в 3 т. / гл. ред. А. Ф. Титов. — Петрозаводск: ИД «ПетроПресс», 2009. — Т. 2: К — П. — С. 209. — 464 с. — 3000 экз. — ISBN 978-5-8430-0125-4.

Ссылкатне

• Талант и труд Геннадия Мелёхина (неопр.).
• Мелехин Геннадий Михайлович (неопр.).