Махров, Алексей Григорьевич
| Алексей Григорьевич Махров | |||||||||
|---|---|---|---|---|---|---|---|---|---|
 | |||||||||
| Шачема шиц | 7 ноябрьста 1919 | ||||||||
| Шачема вастоц |
|
||||||||
| Кулома шиц | 16 январьста 1979 (59 кизоц) | ||||||||
| Кулома вастоц |
|||||||||
| Принадлежностсь |
 СССР |
||||||||
| Войскань родсь | бронетанковые войска | ||||||||
| Служама кизонза | 1939—1965 | ||||||||
| Званияц |
 |
||||||||
| Сражениятне/войнатне | |||||||||
| Казненза и премиянза |
|
||||||||
 Алексей Григорьевич Махров | |||||||||
Алексе́й Григо́рьевич Махро́в (шачсь 1919-це кизонь 7 -це ноябрьста, Оброчное велеса — кулось 1979-це кизонь 16-це январьста, Ригаса) — советскяй танкист, Советской армиянь подполковник, ётазе Великай Отечественнай войнать, Советскяй Союзонь Герой (1944 ).
Эряфонь киц
Шачсь 1919-це кизонь 7-це ноябрьста Оброчное велеса (тяни — Мордовиянь Атерень аймаксь) сокаень-видиень семьяса. Руз.
Средняй школань аделамда меле покодсь Атерь аймаконь Кяшал велеса тонафтыкс. 1939-це кизоня Махров тертьфоль служама Покодиень и сокаень-видиень Якстерь армияв. 1941-це кизоня сувась ВКП(б). 1941-це кизоня аделазе Бобруйскяй военнай автотракторнай училищать, 1942-це кизоня ётась команднай составонь цебярьгофтомань курсат. 1942-це кизоста сявомок тюрсь Великай Отечественнай войнать фронтонзон эса. Тюремста кафксть ранендафоль.
1943-це кизонь октябрьти лейтенантсь Алексей Махров вятезе танкань 181-це бригадань танкань ротать (Украинань 2-це фронтса, гвардейскяй танкань 5-це армияса, танкань 18-це корпусть). Лац няфтезе прянц Украинскяй ССР-нь Днепропетровскяй областть араламстонза, фашисттнень тоста панемста.
1943-це кизонь октябрьста Махровонь ротац путсь оцю вий Пятихатскяй райононь Зелёное станциять и Зелёный Луг велеть араламаса, фашиттнень тоста панемаса. Кривой Рогть ваксса тюрематнень эса тапась 2 стака танкат. Марнек ся тюрематнень эса Махров эсь экипаженц мархта тапась 4 танкат, 3 самоходнай артиллерийскяй орудият, 2 бронетранспортёрхт, мзярошка солдат и офицер. Сонць ульсь ранендаф, но тюрсь пети самс.
СССР-нь Верховнай Советонь Президиумть указонц коряс 1944-це кизонь 10-це мартста лейтенантсь Алексей Махров "ляень виде ширень трвань Украинаста фашисттнень панемста мужествань и героизмань няфтеманкса" казьфоль Советскяй Союзонь Герой оцю лемса, Ленинонь орденца и "Зрнянь Тяште" медальса.
Войнать аделамдонза меле Махров поладозе служаманц Советскяй армияса. 1965-це кизоня подполковниконь званияса прважафоль запасс. Эрясь Ригаса, покодсь инженеркс. Кулось 1979-це кизонь 16-це январьста. Калмаф Райнисонь калмалангса.
Казненза
- «Зрнянь Тяште» медаль (10 марта 1944);
- Ленинонгь орденоц (10 марта 1944);
- колмоксть казьф Якстерь Тяште Орденца;
- «Будапештть сявоманкса» медаль;
- «Венать сявоманкса» медаль.
Лятфтамат
Источникне
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
- Воробьёв В. П., Ефимов Н. В. Герои Советского Союза: Справочник / СПб., 2010.
- Дорогами побед. Боевой путь 5 гв. ТА / М.: Воениздат, 1969.
Ссылкатне
- Алексей Григорьевич Махров. Сайт «Герои страны».
- Фронтовые судьбы уроженцев Мордовии в фотографиях и документах: Махров Алексей Григорьевич.
- Махров Алексей Григорьевич.
- Надгробие на могилах А. Г. Махрова и его супруги.