Малыш (издательствась)

Рувики лопаста
Малыш
Пуроптф 1963
Странась  СССР,  Россия
Адресоц 123352, г. Моску, Давыдковскяй курось, 5-це кудсь
СССР-нь Госкомиздатонь кодсь 102
Префикс ISBN 5-213

Малыш (издательствась) (руз. Издательство «Малы́ш») — советскяй и российскяй издательства, пуроптф 1963-це кизоня «Идень мир (руз. Детский мир) издательствать эзда.

Эрямопингоц

Печатть коряс РСФСР-нь Министрань Советонь Государственнай Комитетонь «Малыш» издательствась ульсь тиф РСФСР-са КПСС-нь ЦК-нь Бюроть и РСФСР-нь министрань Советть 1963-це кизонь 16-це октбярьcта ковонь мярьгомаснон коряс Москуса «Идень мир (руз. Детский мир) издательствать эзда, кона эвондась РСФСР-нь Министрань Советть 1957-це кизонь 24-це майста ковонь кошардомаснон вельде «Росгизместпром» тястонь промышленностень Министерствань ингольдень издательствать видеса.

Нолясь книгат дошкольникненди и ёмла школьникненди, книганят-налхкшт, книганят-раскладушкат (книганят-ширмат), пластинка мархта книганят, эсь кядьса тиийхненди альбопт и архтоманди альбопт, шра лангонь печатнай налхксемат и кубикт. Эрь кизоня октябрятатненди (руз.) (мок. нолявсь «Тяштеня (руз. Звёздочка) календарсь, а тяфта жа «Пионерхне-геройхне» (руз.) (мок. , «Атязень медаленза» книгань сериятне и стак тов.

1950-це кизоть песта — 1960-це кизоть ушетксста издательствань главнай редакторкс ульсь Юрий Павлович Тимофеев. Тяниень пингонь эряйхнень валснон коряс сон ульсь цебярьдонга цебярь, ёню и поэзиянь кельги ломанькс. Сонь вятеманц ала васенце книганясна лиссть од поэттнень и прозаикнень: Эмма Мошковскяйть, Ирина Токмаковать, Генрих Сапгирать, Софья Прокофьевать, Игорь Холинть, Геннадий Цыферовть. Юрий Тимофеевонь редакциянц вельде васенцеда нолдафоль Борис Заходеронь «Винни-Пуха» ётафтомац, Алиса Поретть иллюстрациянзон мархта.

Эмма Мошковскяй лятфнезе:

Редакциясь шарфнесь оцю мяль сембе оттненди. Афкукс зрнянь пинге... Книганятне шачендсть сембонь сельминголе... Но аф ламос уендить кирнесазь тонафтыть кяденза. «Идень мирть» эзда уеме минь оцю мирти. Минь ушедомазь тернемонк Детгизу, радиов и сембе вастова...

— Владимир Приходько[1]

Издательствань авторхнень ёткса ульсть Лев Толстой, Сергей Есенин, Самуил Маршаксь, Корней Чуковскяй, Сергей Михалков, Алексей Толстой, Михаил Булатов, Константин Ушинскяй, Валентин Берестов, Леонид Яхнин, Борис Заходер, Валентин Катаев, Вера Инбер, Елена Благинина, Вера Чаплина, Николай Сладков, Иван Соколов-Микитов, Юнна Мориц, Ольга Капица, Владимир Маяковскяй, Виктор Лунин, Елена Аксельрод, Казбек Мазаев, Геннадий Снегирёв, Михаил Хониновсь и лиятне.

Книгатнень иллюстрировандазь художникне: Алиса Порет, Иван Бруни, Лев Збарскяй, Май Митурич, Евгений Монин, Эрик Беньяминсон, Лев Токмаков, Анатолий Елисеев, Виктор Пивоваров, Эрик Булатов и Олег Васильев, Илья Кабаков, Геннадий Целищев и лиятне.

«Малыш» издательствать книганзон ульсь кода няемс СССР-нь странань лавкаса, Скандинавиянь, Бирмань, Бразилиянь лавкатнень эса. Лисендсть книганза аф аньцек рузонь кяльса, но и английскяй, испанскяй, французскяй, чехскяй и словацкяй кяльса. Тяфта жа нолявсть книгат Болгарияти, ГДР-ти, Кубати, Индияти, Румынияти, Польшати.

1980-це кизотнень «Малыш» изательствась ульсь республиканскяй издательствакс, кона покодсь РСФСР-нь Госкомиздатть кядень путомать коряс. 1979-це —1990-це кизотнень изательскяй тевонь показательхне ульсть тяфтамат:

Лихтемань коряс объёмонь статистикась. 1979–1990 кизотне
— 1979[2] 1980[3] 1981[4] 1985[5] 1987[6] 1988[7] 1989[8] 1990[9]
Книгань и брошюрань лувкссь, печатнай единицада 341 324 348 429 434 423 357 235
Тиражсь, миллионлн экземпляр 93,038 83,4736 89,6244 113,477 119,421 113,9111 94,987 65,0981
Печатнай лопада-оттискта, миллион 201,707 198,3014 207,4355 252,8131 265,8256 259,2636 231,9327 148,097

Сяда меле издательстваса главнай редакторкс ульсь Николай Георгиевич Поли́вин.

1983-це кизоня издательствав младшай редакторкс (руз.) (мок. сась Ольга Альбертовна Муравьёва. Редакторкс арась 1986-це кизоня, тонафнемок МПИ-нь омбоце курсса.1993-це кизоста сявомок 1998-це кизоть самс ульсь «Малыш»-ть главнай редакторкс. Тя пингста издательствати савсь кирьфтамс нолдави книгатнень позицияснон лувкссна и кирьфтамс синь тиражснон.[10]

1998-це кизоня «Малыш» издательствась лоткась улемда.

1999-це кизоста книгатне лисендихть «АСТ»-ти кандови издательстватнень ISBN-префиксснон мархта, но «Малыш» маркась ванфтови, сяс мес издательствась редакциять праванзон коряс ульсь сувафтф «АСТ»холдингти.

Книгань сериятне

  • «Идень садонь библиотекась» (руз. Библиотека детского сада);
  • «Атязень медаленза» (руз. Дедушкины медали) — книжнай серия, кона лисендсь 1978-це кизоста сявомок 1984-це кизоти молемс. Ащи кота книгаста, коса азондови Великай Отечественнай войнань, «Кавказть араламанкса»,«Сталинградть араламанкса», «Берлинть сявоманкса», «Отечественнай войнань партизанти», «Отваганкса» и «Венать сявоманкса» казнетнень колга;
  • «Кальдявста няи шабатненди» (руз. Для слабовидящих детей);
  • «Иттненди искусствать колга» (руз. Детям об искусстве);
  • «Содамошинь книга» (руз. Книга знаний) — идень научно-фантастическяй книгань серия, кона лисендсь 1962-це кизоста сявомок 1970-це кизоти самс. Ащи вете книгаста, конатнень сёрмадозень Александр Свирин Михаил Ляшенковть мархта соавторстваса.
  • «Легендарнай геройхть»;
  • «Октябрятат — мезьдовок аф пели шабат» (руз. Октябрята — смелые ребята);
  • «Пионерхне-геройхне» (руз. Пионеры-герои) — портрет мархта альбом, а тяфта жа книгань серия, коса корхтави Марат Казеять, Павлик Морозовть, Володя Дубининть, Зина Портновать и лия пионерхнень тиф подвигснон колга, кона лисендсь лисендсь 1970-це кизотнень омбоце пялестост — 1980-це кизотнень ушетксста;
  • «Масторлангонь странатнень коряс» (руз. По странам мира);
  • «Почемучкань книганят» (руз. Почемучкины книжки);
  • «Азонтт ёфкс» (руз. Расскажи сказку);
  • «Рузонь народнай ёфкс» (руз. Русская народная сказка);
  • «15 сазорхнень ёфкссна» (руз. Сказки 15 сестёр);
  • «Картинаса ёфкст» (руз. Сказки в картинках);
  • «Дружнай семьянь ёфкст» (руз. Сказки дружной семьи);
  • «Евражкань ёфксне» (руз. Сказки евражки);
  • «Эрь кодама нароттнень ёфкссна» (руз. Сказки разных народов);
  • «Курок школав» (руз. Скоро в школу);
  • «Шачема мастор» (руз. Страна родная);
  • «Шачема мастороньконь историянь лопанянза» (руз. Страницы истории нашей Родины) — серия, кона лисендсь 1980-це — 1990-це кизотнень ушетксста, ащи историческяй книгаста.

Казненза

  • «Народонь ялгаксшинь» орденца — печатьса отькорьста и цебярьста покодеманкса, а стане жа сизьгемонь кизонь топодеманкса казевсь «Малыш» издательствань оцюнясь Игорь Николаевич Боронецкяйсь[11].

Лятфтамат

  1. ↑ Приходько В. Писать из благодарности: комментарий к статье Е. Кибрика // Детская литература. 1975 : Сборник статей. — М, 1975. — С. 111—112.
  2. ↑ Печать СССР в 1979 году: Статистический сборник / Всесоюзная книжная палата. — М.: «Статистика», 1980. — С. 99. — 207 с. — 10 000 экз.
  3. ↑ Печать СССР в 1980 году: Статистический сборник / Всесоюзная книжная палата. — М.: Финансы и статистика, 1981. — С. 133. — 255 с. — 10 000 экз.
  4. ↑ Печать СССР в 1981 году: Статистический сборник / Всесоюзная книжная палата. — М.: Финансы и статистика, 1982. — С. 131. — 255 с. — 10 000 экз.
  5. ↑ Печать СССР в 1985 году: Статистический сборник / Всесоюзная ордена «Знак Почета» книжная палата. — М.: Финансы и статистика, 1986. — С. 133. — 311 с. — 8000 экз.
  6. ↑ Печать СССР в 1987 году: Статистический сборник / НПО «Всесоюзная книжная палата». — М.: Финансы и статистика, 1988. — С. 133. — 238 с. — 8000 экз. — ISBN 5-279-00132-5.
  7. ↑ Печать СССР в 1988 году: Статистический сборник / НПО «Всесоюзная книжная палата». — М.: Финансы и статистика, 1989. — С. 134. — 238 с. — 6500 экз. — ISBN 5-279-00154-6.
  8. ↑ Печать СССР в 1989 году: Статистический сборник / НПО «Всесоюзная книжная палата». — М.: Финансы и статистика, 1990. — С. 136. — 239 с. — 6000 экз. — ISBN 5-279-00389-1.
  9. ↑ Печать СССР в 1990 году: Статистический сборник / НПО «Всесоюзная книжная палата». — М.: Финансы и статистика, 1991. — С. 136. — 288 с. — 3500 экз. — ISBN 5-279-00634-3.
  10. ↑ Детство в кармане // Московский комсомолец : газета. — М, 1993. — № 1—13. — С. 576.
  11. ↑ Награды // В мире книг. — М, 1980. — Вып. 1—6. — С. 51.

Литературась

  • Боронецкий И. Н. Издательство «Малыш»: равняясь на время // Учительская газета : газета. — М., 1981. — Вып. 20 января.
  • Боронецкий И. Н. Малышам немало нужно [О работе изд-ва «Малыш»] // Книжное обозрение : газета. — М., 1981. — Вып. 24 июля. — С. 9.
  • 25 лет издательству «Малыш» // Начальная школа : журнал. — М.: Просвещение, 1982. — № 1. — С. 74.
  • Кантор Е. Выставка художников детской книги (О книгах издательства «Малыш»). — М : Советский художник, 1980. — Кн. Советская графика—78. — С. 287—289.
  • Михайлов М. «Малыш» шагает по планете: [О деятельности издательства «Малыш»] // Огонёк : журнал. — М., 1973. — № 48. — С. 22.
Сявф"https://mdf.ruwiki.ru/w/index.php?title=Малыш_(издательствась)&oldid=408504"-ста