Лещук, Александра Петровна
| Лещук, Александра Петровна | |
|---|---|
 | |
| Шачема шиц | 26 ноябрьста 1926 (98 ) |
| Гражданствась |
 Россия  Мордовия |
| Казненза и премиянза |
орденами Отечественной войны II степени, «Знак Почета»; |
Эряфонь киц
Лещук, Александра Петровна стирень фамилияц (Гамаюнова) шачсь 1926-це кизонь 26-це ноябрьста Мордовскяй Автономнай Социалистическяй Республикань Болшеберезниковскяй райононь Большие Березники велеса.
1933-це кизоня алянц, тядянц кафта брадонзон и сазоронц мархта ётасть эряма Ленинградскяй областень Средняя Рогатка посёлкав (аф ичкозе Шушарть эзда), коса аляц покодсь сиволень комбинатса.
1941-це кизоня шумордась 7 класст.
Фронтть маладоманц сюнеда Гамаюновнень семьяснон эвакуировандазь Ленинграду(ru), коса эрясть Владимирскяй проспектса № 10 кудса коммунальнай квартираса.
Оцю брадоц, Виктор, ульсь тертьф армияв 1941-це кизонь 19-це июльста, юмась латта апак аст 1942-це кизонь октябрьста. Дуганоц, Сергей, шавовсь 19 сентябрьста тядянц сельмонголе Ленинградть лангс бомбань ёряматнень эзда.
1942-це кизонь майста сявомок ульсь Ленинградть перьф араламань вастонь тиемаса. Блокадать лоткафтомда меле шумордась минно-взрывной тевонь курсат и 1944-це кизонь июльста ушедозе службать бойц-минёр должностьса 1-це ротань 217-це минань срафтомань башка отрядса. Тиендсь минань срафтомат Синявинскяй и Пулковскяй высотатнень эса, Кировск, Мги, Пушкин, Павловск и синь вакссост ащи васттнень эзга. Александра Петровна азонды, што васенце заданиянц пингста оцю танкань каршес миннай паксяса пяк ламоль кшнинь чакшта и савсь минатнень срафнемс кядь вельде.
Лещук А.П. демобилизовандазь армияста 19-це сентябрьста 1945-це кизоня, Великай Отечественнай войнань ветеран.
Казненза
- орден Отечественной войны II степени,
- «Знак Почета»,
- медаль «За оборону Ленинграда» (1943г.), «За отвагу» (1945г.),
- медаль «За победу над Германией в Великой Отечественной войне 1941–1945 гг.».
- знак «Отличный минёр» (12.04.1945 г.)
- лия медальхть и мяляфтомань тяштькст.
«За отвагу» медальть каземанкса каземань лопаста:
«На оборонных работах с мая 1942 года. Принимала участие в строительстве оборонительных рубежей вокруг г. Ленинград. Четко и в срок выполняла дневные задания. С июля 1944 года в 217 отдельной саперной роте. Отлично освоила минно-подрывное дело. На минном поле работает четко, проявляя отвагу и мужество.
Ею за короткий срок снято 1294 мины, подорвано 1690 разных боеприпасов. Проверено на минированность 15 ГА. Дисциплинирована, принимает активное участие в политико-массовой работе. Агитатор в отделении».
Войнада меле
Демобилизацияда меле, 1949-це кизоть самс покодсь щамонь стайкс ательеса Невскяй проспектса. 1949-це кизоста сявомок 1953-це кизоти самс тонафнесь Э.Т. Кренкелень лемса электротехническяй техникумса. Аделамдонза меле покодсь связень Центральнай НИИ-са 1956-це кизоти самс. Меле шумордазе В.Д. Бонч-Бруевичень лемса связень институтть.
1959 - 1988-це кизотнень покодсь инженеркс «Госрадиопроект» ГПНИИ-са. 1988-це кизоня тусь пенсияв.