Кярядонь озкс

Кярядонь озкс — кунардонь тундань мокшень озкссь, кона ётафневсь тунда видемада инголе, сонь нинге лемнезь плугонь озксокс.

Анокласть тя озксти марстонь келеса. Рамсесть озксонь бука, аватне анокласть пуре. Ладяф шиня ила шинь щамса ломатть пуромкшнесть азф вастс. Кудстонга кандсть ярхцамбяльхть, кши, пярякат, алхт. Атятне печксезь озксонди аноклаф букать, оцю сргавозьса пицесть сиволь. Эрь кудазорсь малаткшнесь шаваня мархта сргавозть ваксс, теенза путнесть пал. Озксть ушедомста инятясь эли ине сире атясь пшкятькшнесь Масторкирдити кучемс велеряйхненди цебярь сёрот, лямбе мани шинят, пиземнят. Тяда меле сембе симсть, ярхцасть. Латцезь кона шиня лисихть паксяв. Тя тевонди кочксевсь тевонь кельги, цебярь кудазор. Лувондовсь: сокама васенце лисить тёждя кядец. Марстонь озксть меле ётафневсть кудонь, эсь тналонь озкстка.

Кяльвалсь

• Орлов Н.П. Этнографические сведения о мордве Красно-слободского и Наровчатского уездов // Пенз. губерн. вед. 1876.
• Татьяна Девяткина Мокшэрзянь мифологиясь, Тартунь университет, 2002 ISBN 9985-867-24-6
• Мокшин Н.Ф. Религиозные верования мордвы. Саранск: Мордовское книжное издательство, 1998. — 254 с.