Кядьса каннема частт

Рувики лопаста
Петьф статья
Наручные частт

Кядьса каннема частт — прибор, кона канневи кядьзяярьса, конань вельде ули кода ваномс пингсь и ункснемс пингонь ёткнень простой числатнень ёткса.

Кядень каннема часттнень колга эрямопингсь ушедсь XVI векста, келиста ушедсть нолдавома XX векста. Васенда синь лувондовсть аньцек авань наряжамбялькс, но пингонь ётазь ушедсть каннемост и алятне, конат тяда инголде каннесть зепса каннема частт хронометрат уськонянь вельде. Эстоньбере частонь механизмась полафневсь пяк ламоксть.

Кядьса каннема часттнень эряма пингсна

Васенцеда кядьса каннема часттнень колга лятфневианглийскяй королевась Елизавета I получазень казненди [ Роберта Дадлинь эзда аф стакащемань наряжамбяль — ёмла часткатфранцузскяй мастерсь Авраам-Луи Бреге, кона шачсь Неаполень королевати и императорть Наполеононь сазоронцты[2][3].

Меле, ушедомок Францияса, и пяк мяльс туфтольхть морякнень ёткса, конат няезь синь практичностьснон. Ломаттнень ёткса кядьса каннема часттнень колга мяльсь крхкаста полафтсь аньцек XIX векста, мзярда немецкяй адмиралтействась вешсь тифтемс тяфтама частта ламоц морской офицерхненди. Тянь коряс, кядьса каннема часттне арасть моднайкс, ащихть цебярь и мяльс туф наряжамбялькс тячити самс. [4].

Великобританияса кядьса каннема часттне келиста нолдавсть тевс [1910 кизось|1910]] кизоня, а сембода пяк кармасть колгаст содама Васенце мировой войнать пингста. Ся пингть васендакиге сембода пяк синь эрявкснесть авиаторхненди и артиллеристтненди. Мзярда войнась аделавсь, кядьса каннема часттнень лангс кармасть шарфнема мяль гражданскяй эряйхне. Сембе эрявикс васттне и пяльксне кядьса каннема часттнень эса ся пингти ульсть ладяфт и тифт лац. Сембода од технологиятнень и промышленнай производствать сюнеда, кядьса каннема часттне ульсь кода каннемс аф аньцек козя ломаттненди. Часттне коль сяда цебярьгофневсть, а ассортиментсь коль келемкшнесь[4].

1920-це — 1930-це кизотнень песта экономическяй депрессияда меле Шимадома ширдень Европаса, сембода пяк Швейцарияса, кядьса каннема частонь нолдамась ламолгофтовсь Великобританияса ульсь тиф частонь синцень ATP (Army Trade Pattern) армейскяй стандартсна. Эсонза сувафтволь мзярошка вешфкс, кепотьксонди механизмать эса 15 -да аф сяда кржа кевнянь улемась, ведень аф нолдай лангакс сталень или нихромонь эзда, сяда сидеста акша циферблат и радиоактивнай валдопты стрелкат. Тя стандартть коряс нолневсть частсна 17 швейцарскяй компаниятнень [6].

Омбоце мировой войнать пингста швейцарскяй фирмаине эрекста покодсть над механизмами автоподзаводонь механизматнень лангса, и 1942-це кизоня «Фелс» частонь фирмати удалась тиемс васенце механизмать автоподзавод перьф шаронды, козонга аф повонды грузовой сектор мархта. Фирматнень ёткса пялькстомась вятсь од вешфксненди. 1948-це кизоня «Эбош» частонь фирмась нолдась авань васенце часттнень автоподзавод мархта, а кемонь кизода меле «Барен Вотч» фирмась аноклась автоподзаводонь механизма планетарнай ротор мархта, кона салазе мяльснон частонь промышленностень специалисттнень[5].

1957 кизоня в Японияса частонь нолдамась полафневи пяльксонь и сюлмонь мархта, кода электроннайхнень, станя и механическяйхнень эса, оцю сатфткст японскяй кядьса каннема часттне мишендевсть аф аньцек маласа ащи странатнень эса, но и США-са. 1959-це кизоня ульсть тифт камертоннай кядьса каннема частт, конат нолнезь тевс электроннай схематнень транзистор мархта[5].

1960-це кизоти самс кядьса каннема часттне автоподзавод мархта занцесть марнек кядьса нолдама часттнень видеса аф пяк оцю пакшть. Автоподзавод мархта механизматнень ульсть лама аф фкя лацонь конструкциясна, но но сембода келиста нолдафтольхть тевс механизматне кучкаса грузовой сектор мархта и кирьфтаф шарондома ужа мархта. 1960-це кизотнень ушетксста автоподзавод мархта кядьса каннема частонь лувкссь кассь, ульсть тифт элегантнай кядьса каннема частт видеста якама мархта. 1960-це кизода меле кядьса каннема часттнень конструкцияснон эса тифтольхть оцю полафткст. 1967-це кизоня эвондасть кварцевай частт тевс нолдаф интегральнай схема мархта, коса ладяфтольхть стрелкань и цифрань индикация[5].

Тяниень пингонь швейцарскяй частонь промышленностсь тиевсь «кварцевай революциять» улеманц мархта, кона ульсь 1970-це кизотнень. Масторлангонь секторса швейцарскяй частонь нолдайхнень пялькссна 1970-це кизоня кирсь 40 %-та 1981-це кизоня 17 %-ти самс. Тяфтама вишкста прамась сотф японскяй компаниятнень сатфксснон мархта, конатненди удалась ламода кирьфтамс карьхцнень и тиемс сатовикс питнентнень продукциять лангс. Мастор лангса сембонди содамась Кварцевай часттнень LED и LCD-экран мархта масторлангса содаф шисна тись нинге сяда лама прябалат традиционнай механическяй частонь нолдайхненди. Тевонь ащемась удалась полафтомс Николас Хайеконь тевтиеманц и пластиковай частонь келиста нолдамать мархта Swatch[7].

Валом-валом Swatch Groupхолдингсь, кона лиссь тиф Хайеконь кядялда, сявозень сембе бренттнень, кона няфнезе питнень сембе ширеть: Breguet, Blancpain, Glashütte Original, Jaquet Droz, Le´on Hatot, Omega, Rado, Longines, Tissot, Certina, Mido, Hamilton, Balmain, CK watch, Flik-Flak (идень частт) и Swatch. Тяда башка, тя лувксти сувасть ETA и Frederic Piguet[7].

СССР-са частонь нолдама организациясь арась серьёзнай задачатнень эзда фкясь, государствать вешфксонзон коряс. Советскяй часовой промышленностсь келиста нолдавсь тевс Великай Отечественнай войнада меле. Частонь нолдай завоттне, конат сувсесть араламань производствати, ульсть лихтьфт пелькс васттнень эзда. Москувонь частонь васенце заводсь ульсь ётафтф Златоуст ошу, меле Челябинскяи, а частонь омбоце заводсь повсь Чистополи. Именна Чистопольса ульсть тифт-аноклафт советскяй содаф военнай часттне «Командирскяй часттне», конат аноклафтольхть СССР-нь Араламань министерствать мярьгоманц вельде 1965-це кизоня[6].

XXI векста тя аксессуарсь арась сяда сложнай и эрявикс, кядьса каннема часттнень вастс састь цифровойхне «ёню частт», конат няфтьсазь аф аньцек пингть, но и маштыхть ванома шумбрашить мельге[8].

2014-це кизоня Apple компаниясь аноклазень Watch васенце ёню часттнень, конатненди ули кода получамс и кучемс электроннай сёрмат и SMS, а тяфта жа гайфнемс и путомс эрявикс музыкать. Частненди ули кода якамс фитнес-браслетонь режимса и мзярошкада тиенди iPhone-ть эзда тевс ноллдамат[9].

Основной классификациятне

Марстонь классификациясь

  • Хронометрат — приборы с повышенной точностью хода (бывают механическими и кварцевыми)[10].
  • Хронографыт — механизмы с функцией автономного секундомерхт (сидеста эрси нинге фкя циферблатсна)[10].
  • Дизайнерскяй — частт, конат тифт кати-кинь фкя ломанень кядяла[10].
  • Скелетотт — механическяй частт, конатнень конструкциясна панжада циферблатть ширде[10].
  • Спортивнайхть — спортивнай дизайноньчастт[10].
  • Ювелирнайхть — аксессуар, коса ули часовой механизма и мазы кятькс благороднай металлста васток-васток путф дпити кевнянь мархта.[10].
  • Смарт-частт или ёню частт (часофон) — электроннай устройства, кона прьняндасыне гайфтематнень, электроннай сёрматнень и SMS-нюрьхкяня сёрматф кулятнень, няфтьсы ащема вастть, тиенди стака лувомат, тиенди соткст смартфоттнень мархта[8][9][10].

Механизмань типонь коре

  • Механическяй часттне. Классическяй частт, конатнень ули кядьса заводсеви пружинанясна. Механизмань ёмла размернятнень вельде ули кода нолдамс изящнай формат, хронометратне маштыхть ункстама пингонь ёткнень видеста секунданьбес. Улихть модельхть автоподзавод мархта, конань эса ладяф роторсь ладясы механизмать, мзярда каннисна якафтсы кяденцы. Кядьвельдень подзавод механиматне стакат и эсонза лама пялькскада, конат марясазь арьхтемать-калтадемать. Механическяй часттне марясазь магнитнай полятнень и пмнгонь-пингонь эрявихть аруяфнемс и латсемс, конат обычна тиендевихть лама кизоти весть. Тяниень пингонь модельхнень эса дизайнерхне сидеста тевс ноляйхть скелетонть, мезть вельде ули кода ваномс механизмать шарондоманц мельге корпусть панчканза няеви элементонзонь вельде [11].
  • Кварцевай часттне. Якайхть кварцевай кристаллхнень вельде, конат арайхть фкя лаца импульснень мархта мзярошка сидеста эрьхнемать вельде электрическяй токть ётаманц вельде батарейкатнень эзда. Синь эряйхть аналоговайхть и цифровойхть, ваномок сянь лангс, мезе няфтихть частонь каннити. Механическяй часаттнень коряс кварцевайхне якайхть сяда видеста и сяда тазат эрь кодама ширде тиеви колематнень эзда. Механизматнень эряма пингсна кафцьке часттнень эса пцтай фкя лацот, сяс мес пялькснень шовамасна-каладомасна, конатнень эзда тифт маласта фкя-фкянди, сембе сяка кварцевай батарейкась саты 10 кизос. Сяка пингть кварцевай часттне ламда сяда цебярьхть механическяй модельхнень коряс — синь няфтьсазь аф аньцек тяниень пингть, но и датать, ули кода ладямс эсонза ковгярьксть и путомс будильник[11].
  • Электроннай часттне. Малат кварцевай часттненди. Работайхть пцтай тяфта жа, лия аньцек цифровой дисплейсна, конань лангса няеви пингсь (кой-коста стрелкань вельде)[11].
  • Кинетическяй часттне. Якайхть специальнай механизма вельде, кона частонь каннить кядень якафтоманц эзда тии энергия, мезть инкса аф эряви полафнемс батарейкась или туфтомс синь кядьвельде[12].

Эрявикс шис коре

Тяниень пингонь кядьса каннема часттне эряйхть: алянь, оцю циферблат мархта; аваннет, конат сяда ёмланят и сидеста мезьса-бди мазоптфт; идень, конат тифт тёждя аф колави и гипоаллергеннай материалста, а циферблатоц сидеста мазоптф ёфксонь и мультфильмаста няйфкс мархта[10].

Эсост пингонь няфтемась

Кядьса каннемань тяниень пингонь часттнень эса пингсь няфневи эрь кода: классическяйста — частт, стрелка мархта, кафта или колма типонь; цифровойхть — частт, конат няфтьсазь пингть электроннай дисплей лангса; комбинированнайхть — частт, — стрелка и цифра мархта дисплейть лангса; бинарнайхть — частт, конат няфтьсазь пингть тяштеня, китькскя, лама тюсонь сюролда и эрь кодама геометрическяй фигура вельде, и лиякс[11].

Улихть эрь кодама циферблатт (стрелкань, шоряф, цифровой) и пингонь шарксть няфтемаса ниле типт (арабскяй или римскяй цифраса, шоряф вариантса или стак тяштькскаса)[11].

Часттнень эса вельф нолдаф функциятне

Тяниень пингонь хронометратнень эса пингонь няфтемада башка тевс нолявихть тятфтамот: дисплеень валдоптомась, автоматическяйста туфтомасна, будильниксь, дрназь кайгомась, GPS, ковгярьксь, ковонь ковгярькссь или ковонь фазань няфтемась, сёрмадома книганясь, аськолксонь ункстамась, эзонза ладяф Flash-мялямс аф лама кулянь кирдеманкса ванфтомась , порт mini-usb ПК туфтомась. GPS функция мархта часттнень эса сидеста ули компас и синь ведьса аф начкихть, тазат эрьхтемать эзда[11].

Ванк нинге

  • Ведялдонь частт
  • Траншейнай частт
  • Шуваронь частт
  • Шинь частт
  • Атомнай частт
  • Ковонь частт
  • Зепса каннема частт
  • Ведень частт
  • Толонь частт
  • Панчфонь частт
  • Электрическяй частт
  • Ноктурлабиум

Лятфтамат

  1. ↑ Кирилл Шевелев (2020-06-10). "Когда появились наручные часы?". Научно-популярный журнал «Как и Почему». Retrieved 2024-01-10.
  2. ↑ "Cogs of war: Napoleon's timepieces" (in Англань кяль). The Sunday Times. Retrieved 2023-12-26. Unknown parameter |deadlink= ignored (|url-status= suggested) (help)
  3. ↑ "Первые наручные часы". breguet.com. Retrieved 2023-12-26. Unknown parameter |deadlink= ignored (|url-status= suggested) (help)
  4. ↑ 4,0 4,1 Богданов И. Ф. История механических часов: 700 лет совершенствования // Евразийский научный журнал. — С. 33—36.
  5. ↑ 5,0 5,1 5,2 5,3 Пипуныров В. Н. История часов с древнейших времен до наших дней. — М.: Наука, 1982. — 496 с.
  6. ↑ 6,0 6,1 Елизавета Епифанова. "Часы войны: история возникновения наручных часов". Вокруг света. Retrieved 2024-01-10. Unknown parameter |deadlink= ignored (|url-status= suggested) (help)
  7. ↑ 7,0 7,1 "Эксперты: Часовщики с ужасом вспоминают "кварцевую революцию" 70-х годов". Российская газета. 2013-06-20. Retrieved 2024-01-09. Unknown parameter |deadlink= ignored (|url-status= suggested) (help)
  8. ↑ 8,0 8,1 Кравченко С. А., Кравченко С. А. “Умные часы” как фактор становления гибридной коммуникации между врачом и пациентом // Communicology. — 2021. — № 3. — С. 15—28.
  9. ↑ 9,0 9,1 Антон Благовещенский (2015-03-10). "Компания Apple представила умные часы Watch и новый MacBook". Российская газета. Retrieved 2024-01-10. Unknown parameter |deadlink= ignored (|url-status= suggested) (help)
  10. ↑ 10,0 10,1 10,2 10,3 10,4 10,5 10,6 10,7 "Какие бывают виды часов". Ювелирное дело. 2022-03-04. Retrieved 2024-01-10. Unknown parameter |deadlink= ignored (|url-status= suggested) (help)
  11. ↑ 11,0 11,1 11,2 11,3 11,4 11,5 Наталья Ерофеевская (2018-08-08). "Какие бывают наручные часы?". sunmag.me. Retrieved 2023-12-26. Unknown parameter |deadlink= ignored (|url-status= suggested) (help)
  12. ↑ "Кинетические часы: что это такое и как они работают". promenter.ru. 2019-11-09. Retrieved 2024-01-10. Unknown parameter |deadlink= ignored (|url-status= suggested) (help)

Литературась

Ечевская О.Г. Наручные часы: время и социальная идентичность после модерна // Журнал социологии и социальной антропологии : журнал. — 2007. — Т. 10, № 1. — С. 96—107.

Ссылкатне


Сявф"https://mdf.ruwiki.ru/w/index.php?title=Кядьса_каннема_частт&oldid=158518"-ста