Кургоня (фестиваль)
Кургоня руз.: Мордовская ватрушка– мокшэрзянь национальнай фестиваль. Ётафневи эрь кизоня августонь мекольце недляшиста. Кургонясь – тя илать инь оцю символоц.
Илать ётафнемац
Мордовия Республикань Рузаевскяй районца Левженскяй посёлкав шаромста сянгяря кужеть лангса ётась X-це фестивальсь «Кургоня». Кемонь кизоти сон пуроптсь лама ялга. Тя илати пуромкшнихть аф аньцек мокшетне и эрзятне, но и ломаттне шабрань аймакста татархт и руст. 2024-це кизоня сон ётась 25-це августста.
Сембе пингста сядонгольдень пингть колга мяльсь-потмоёжесь фалу сотнекшневсь народть мяленц мархта сотнефста сай пингть мархта, шачфнесь маштомоши эрь кодама тевса, кона кемоста сотф народть эряфонц мархта и сембе эряма пингть мархта. Тяфтама илатнень ётафнемаснон вельде тяниень од ломаттне сотцесазь атянь-атяснон эряфснон колга. Синь тонафты шачема ширень кельгомати и коень-обуцянь ванфтомати. Инжихнень васьфнесазь мороса и кштимаса, каванясазь национальнай ярхцамбяльса. Фкясь эздост кургонясь. Ланга ванозь кургонясь шары менельса валдопты шинять лангс. Сон пицеви акша почфста, а топоц тиендеви модамарь мархта мичкста. Эрь велеса пицесазь кургонять эсь лацост.
Легендатнень коряс тя ярхцамбяльсь лезнель ломаттненди юкстамс сялондоматнень и фкя-фкянь мархта эрямс ладязь. Пуромфнень и инжихнень шумбрандафтома эрь кизоня сашендыхть Республикань оцюнятне. Тядде пара валхт азсь Мордовиянь Правительствань Председательсь Поздняков, Дмитрий Александрович, кона морафтозе Мордовиянь Оцюнять Здунов, Артём Алексеевичень приветственнай адресонц. Мокшэрзянь модань лангса эряйхненди ули мезьса шнафтомс пря, сяс мес козя историясь, культурась, койхне. Тяса эряйхть и покодихть асу ломатть.
Тя фестивальса латцевихть художественнай мастерскойхть, а тяфта жа велень хозяйствань и военнай техника мархта выставкат. Сембонь ингольде сцена лангса кода эрси фалу казендевихть питни казнеса оцю сатфксонкса ламоц ломаттне, конат покодихть, кода велень хозяйстваса, станя и образованияса и культурань покодихне.
Илась мольфневи илядти самс. Тя илати пяк мала Акша келу национально-фольклорнай илась, кона етафневи Зубунь аймакса Велезем руз.: Вад-Селище велеть маласа, Вад ляйть кержи ширдень трвасонза. [1].
Кургоня илать панжемац
Кургоня
Мишендема васттне
Кургоня иласа мокшаватне
Ванк нинге
Лятфамат
Ссылкатне
https://хранителиродины.рф/Article/?id=35515 Живи и процветай, родной фестиваль "Кургоня" - ХранителиРодины.рф