Акша келу

Акша келу[петнемс | Петнемс лисьмапрянц]

Акша келу (руз.: Белая берёза (народный праздник) — Тройцянь (руз.: Троица) шинь ила, кона ётафневи кизонда Зубу аймакса Вад ляйть виде трвасонза, Вадовские Селищи велеть маласа. 2004 кизоня Мордовиянь Оцюнять Указонц ^[1] вельде теенза максф Республиканскяй национально-фольклорнай илань лем. Тяфтама жа лем ся кизоня получасть «Раськень озкс» (руз.: Родовое моление) эрзянь илась.

Национально-фольклорнай илат

Аватне иласот

Россияса народнай праздникт^[2] ётафнихть эрь кодама ломань тналхне: русне, мокшетне, эрзятне, татархне, башкирхне «Сабантуй» (руз.: Праздник плуга) и лиятне^[3]. Мордовияса мокшэрзятне эрь кизоня тяфта жа ётафневихть национально-фольклорнай эрь кодама илат: «Акша келу», Тундань прважамась, "Раськень озкс", "Кургоня" и лият. Синь вешфкссна — ванфтомс и виензафтомс койхнень-обуцятнень, ладямс нароттнень ёткса сяда кеме соткст. «День славянской письменности» — рузонь илась, кона сотф рузонь оцюдонга оцю поэтть А.С. Пушкинонь лемонц мархта, ётафневи июнь ковста.

Тройцянь шинь ила[петнемс | Петнемс лисьмапрянц]

Зубово-Полянскяй району Россиять сембе уженястонза сашенды-пуромкшни лама ломань, конат кельгсазь мокшень койхнень-обуцятнень, кштиматнень-мораматнень и стак тов^[4].

Ингольдень пинкнень Тройцяста «Акша келу» иласта кунардонь пингста сявомок, ётафнесть эрь кодама налхксемат: бороцямась, пиксса усксемась и стак тов.

Бороцямась, кона лемдеви «Офтонь вий», ётни тяфта: шуварста ацаф покаряв площадкав лисендихть кафта тюрихть, фатяйхть фкя-фкянь каркста и прафнихть. Кие васенцекс прай модать лангс, ся сяськф. И тяфта фатнихть колмоксть. Сяськикс лувови ся, кие прафтсы мархтонза бороцяйть кафксть. Меле сембода виись бороцяй оттнень мархта.

Стака азомс, коста сявовсь тя койсь. Ся ширеса азонкшнихть легенда, кода велеряйсь васедсь вирьса офта мархта. Сяльде няфтезе цёранцты, кода бороцясь офтть мархта, цёрац ялганзонды, тонат лиятненди. Тяфта и тусь бороцямань койсь. Инголе бороцясть сембе илатнень пингста, тяни аньцек Тройцяста.

Пялькстоматненди аноклакшнесть аф фкя ши. Цёратне сашендсть ляй трвав виень варжама. Бороцямста ашесть токсев сяс, мес пяк ванондсть бороцямань правилатнень мельге. Кунаркиге тяфта ладявсь: сембода вии алятне ульсть Промза и Вадовские Селищи велетнень эзда. Велетне ащихть Вад ляйть каршек трвасонза. Лия велень бороцяйхне арсесть ветень-котонь ломань то фкятнень, то омбонцнень шири.

Лятфтамат

Литературась

Бытовая культура мордвы / [Редкол.: Н. Ф. Мокшин (отв. ред.) и др.]. — Саранск : Мордов. кн. изд-во, 1990. — 144 с. : ил.; 21 см. — (Тр. / НИИ яз., лит., истории и экономики при Совете Министров Мордов. АССР, ISSN ISSN 0130-4585; Вып. 100). Мокшин Н. Ф. Материальная культура мордвы. Этнографический сборник. — Саранск: Мордовское книжное издательство, 2002. — 208 с. — ISBN 5-7595-1627-6

Ссылкат

Национальные праздники Мордовии

[1] № 239 Об утверждении Положения о присвоении имен государственных и … Акша келу" («Белая береза»)"

[2] 7 национальных праздников лета

[3] Национальные праздники Мордовии

[4] Национально-фольклорный праздник «Акша Келу» в Мордовии | РИА Новости Медиабанк

[1]

[2]

[3]

[4]