Кудонь тевсь
| Кудонь тевсь | |
|---|---|
 Школьниксь тии кудонь тевть | |
| Тевс нолдама вастсь | образования |
Кудонь тевсь (руз. Дома́шнее зада́ниеи ли дома́шняя рабо́та (также ДЗ или ДР, «домашка»)) — задания, конь тонафтысь макссы куду тиемс эсьотям. Тяфтама практикась нолневи тевс материалть кемокстаманкса, темать шарьхкодеманкса и тонафнефть лятфтаманкса[1][2].
Эрямопингоц
Васенце тонафнемань форматне кудонь задания мархта нолявсть тевс нинге Кунардонь мирса: Кунардонь Египетса, Грецияса и Римса образованиясь сочетандазень школаса урокнень кудс макссеви заданиятнень мархта[1].
XVIII‑це векста Священнай Римскяй империянь «народнай школатнень» эса мольсь сяда казяма классно-урочнай система, коза сувафневсть заданият башка покодема; тя модельсь келемсь Европава и Ульсь прняндаф Россияса. Западнай исследовательхне лувсазь, што тяниень пингонь кудонь покодемань формать содафокс тиезе американскяй реформаторсь Хорас Манн: сонь инициативанц коряс XIX векть кучкаста США-са школьникне ушедсть получсема заданият куду[1][2].
XX-це векста кудонь заданиять лангс мяльсь-ваномась арась каршекондамань вастокс: США-нь педагокне лувозь, што иттненди куду тевонь максомать тиемац вельф стакашисна вяти шумбрашить кальдявгодоманцты, тянкса кой-кона штаттне аф лама пингс кардазь кудонь тевть ёмла классненди. Омбоце мировой войнада меле американь школьникнень кудъётконь работасна, то касондсь экономическяй прябалатнень и политическяй таколдоматнень сюнеда, то кирсь обществать люпштаманц вельде, лувить, што кудонь тевсь люпштасы творчестванц. Аф ваномок сялдомать лангс, XXI векста США-ста тонафнихнень кудонь тевснон тиемасна занци кафксть сяда лама пингта (4,5 частть малава), 1990-це кизотнень коряс[3]; тяконь лувксса заданиятнень марсна эрси эрь коламкс штатть эзда, а кой-кона школатнень эса кудонь тев аф макссеви[4][5].
Финляндияса и ламоц скандинавскяй странатнень эса кудонь тевть мароц сяда кржа, шарфтови мяль урокнень качестваснон и критическяй арьсемать виияфнеманц лангс; иттне лувондыхть и покодихть проекттнень лангса занятиятнень пингста. Японияса сталмось умереннай, но ладяф эсьотямшить и практическяй маштомошинь касфтомати. Италиясь, Ирландиясь, Польшась и Испаниясь сувсихть ся странатнень ёткс, коса кудонь тевть пяшкодемац занци 6 частста сявомок 10 частти молемс недляти. Пцтай тяфтама жа пингсь Китайса — тоса школьникне, кудонь тевда башка, тонафнихть репетиторхнень мархта[4][5].
Россияса
Васень лятфтаматне кудонь работать колга васьфневихть XVII векста, мзярда Россияса ушедсть пуропневома училищат. «Российскяй империянь народнай училищатненди Уставть» тевс сувафтоманц мархта (1786) Фёдор Янкович кемокстазе классно-урочнай системать: кудонь тевсь арась тонафнемань тевса обязательнай компонентокс, но ульсь основнойста механическяй мяляфтома и вийхца тонадома. Тяфтама нежедемась ванфневсь XX векть ушетксонцты, мзярда методисттне ушедсть латцема урокнень содержанияснон; кудонь тефне валом-валом кармасть ащема инструментокс аф аньцек одукс тиеманди, но и содамошитнень тевс нолямаснонды[6].
Советскяй пингта меле кудонь тевсь ляткшнесь школать аф явфтови пяльксокс. XXI векть ушетксста сон шарьхкодевсь кода средства материалть кемокстамаса и экзаметтненди анокламаса; онлайн платформатнень и электроннай дневникнень эвондамасна полафтозе сонь форманц. Фкя пингть касондсь сталмотне: ветеце классонь тонафнихне и котоце классонь тонафнихне сидеста тиендсть кудонь тевть эса кафта-колма частонь кувалмоса, оцю класса тонафнихне — нинге сяда ламос[4][7].
2020-це кизоть ушетксонцты тага ушедсть корхтама кудонь тевть эрявиксшинц колга. Тонафтыхне и общественнай тевонь тиихне азозь, што тяниень пингонь технологиятне мярьгондихть тиендемс заданият формальнайста, нолямок тевс текстонь генераторхнень. Государственнай думань председательсь Вячеслав Володин 2025‑це кизонь августста азозе, што кудонь заданиятне эрявихть лоткафтомс «вельф стака сталмоть» инкса и сяс, мес искусственнай интеллектть касоманц мархта синь сидеста ётнихть «пингть шавос» тарксеманцты. Тяка пингть сон китькстазе, што исследовательскяй и творческяй заданиятне пуропнихть критическяй арьсема, сяс кизефкссь веши корхтафтома[8].
2025-це кизонь 1-це сентябрьста сявомок вийс сувась 704 № Просвещениянь министерствать приказоц, кона кирьфтасы тонафнемань сталмоть и регламентировандасы пингть кудонь тевть пяшкодемс аф фкя кизонь школьникнень мархта. Тяфта, васенце классонь тонафнихненди и 2-3-це классонь тонафнихненди мярьгондеви карьхцямс кудонь тевть тиемста фкя частти, 4-5-це классонь ученикненди — кафта частти молемс, 6-8-це — 2,5 частти молемс, 9-11 классонь тонафнихненди — 3,5 частти молемс. Документсь аноклафоль Роспотребнадзорть кядяла[9].
Цельхне
Педагогическяй методикатнень коряс, кудонь тефнень инь оцю вешфкссна — урокса тонатфть кемокстамац, нинге весть азомац и «ёшмотнень» петемасна. Тяфтама тевсь мярьгонди ученикненди проверямс шарьхкодемань тёкшть лезксонь максомафтома, лезды мяляфтомс и анокламс сяда мельдень тематненди. Сон стане жа лезды тонафтыти максомс оценка, конашкава лац тонафневи материалсь, и планировандамс сяда товолдонь покодема[1][10].
Лия сатфкснень ёткса — мяльть касфтомац, концентрациять и темать тонафнеманц коряс маштомошись; школаса тонафнить эвондакшнихть самоорганизациянь и пингонь управлениянь навыконза[2]. Критическое и творческое мышление, по мнению педагогов, в том числе развивается через исследовательские проекты и самостоятельное чтение литературы[9]. Тяниень пингонь технологиятнень вельде школьнекненди ули кода кочкамс цебярь формат (морафтома, видеоразбор), мезсь лезды шарьхкодемс информациянь шарьхкодемань аф фкя стильхнень. эсьотям покодемась тяфта жа лезды |эсь пряса шарьхкодемати: вяри касыхне сяда лац шарьхкодьсазь эсь интересснон и тонафнихть сай пингть ладяма[1].
Госдумань комитетть оцюнянц мяленц коряс Ирина Белыхть кой-кона предметтне, тяфтапне кода литературась, аш кода педа пес шарьхкодемс-пяшкодемс аньцек классоньб покодемать пингста — оцю произведениянь морафтомась, конат касфнесазь шабатнень творческяй маштомошиснон, тяфта жа ащи кудонь тевкс[9].
Сялдомась
Американскяй психологть Харрис Куперонь исследованиянза 2000-це кизотнень кучкаста няфтезь, што соткссь кудъётконь покодемать маронц и академическяй сатфксть ёткса пяк ёмла, и кудонь тевть эзда цебярь эффектсь няеви оцю класснень эса[11]. Оцю классонь 18 тёжянь тонафни анализсь няфтезе, што кудонь тевть оцю маронь основной туфталхне — школьнай программать стакалгодомац и тонафнихненди эсь вийса стака материалть шарьхкодемац, мезсь аф шуроста вяти мотивациять юмаманцты. Лия исследованиясь, коса примасть участия 4,3 тёжянь тонафни, няфтезе, што шабатне, конат ётафнихть лама пинге кудонь заданияти, сяда активнайхть урокса, но маряйхть стресс и шумбрашинь прябалат. Тяка пингть вельф заданиятне кальдявгофнесазь иттнень сатфксснон ашу семьяста, сяс мес тейст аф сатни лезкс и тонафнемань условият, а тядянь-алянь лезкссь канды зиян, кда синь аф шарьхкодьсазь материалть[12][13].
Российскяй тонафтыхне кудонь тевть маронц сотсазь образованиянь программатнень мархта. «Учитель» профсоюзса ащить Анна Штернбергонь валонзон коряс, примаф норматне кошардсазь ученикть тонадомс «информациянь оцюдонга оцю объемть», кона аф пачфтеви кудонь заданияфтома. Педагогть мяленц коряс, эряви полафтомс тонафнемань программась, ётафтомок кели дискуссия заинтересованнай ломаттнень ёткса. Дмитрий Лутовинов, Российскяй Федерациянь Просвещениянь министерствать видеса общественнай советть председателец, азозе, што кудонь тевть марстонь мароц «афкукс оцю», и што тя сотф кудонь тевть маронц коряс регламентть аф улеманц мархта. «Учитель» профсоюзть председателец Дмитрий Казаков, корхтамок 1-це сентябрьста 2025-це кизоня Просвещениянь министерствать 704№ примаф приказть колга, азозе, што од норматифне эрявихть ванондомс аньцек кода рекомендацият, вдь объективна аф шарьхкодеви, мзяра пинге эряви эрь школаса тонафнити пяшкотькшнемс кудонь тефнень[9].
Лятфтамат
- ↑ 1 2 3 4 5 Что такое ДЗ (домашнее задание): надо ли делать, обязательно ли, зачем выполнять и для чего, Умскул Журнал (20 сентябрьста 2024). Дата обращения: 14 сентябрьста 2025.
- ↑ 1 2 3 Кто придумал домашнее задание и зачем(рус.). SportZania. Дата обращения: 20 сентябрьста 2025.
- ↑ Pinsker, Joe. The Cult of Homework, The Atlantic. Дата обращения: 20 сентябрьста 2025.
- ↑ 1 2 3 Домашние задания в школе: история, международный опыт, плюсы и минусы, влияние на детей и перспективы отмены в России (рус.). obr.so. Дата обращения: 20 сентябрьста 2025.
- ↑ 1 2 Домашнее задание: есть ли в нем необходимость? — Центр развития интеллекта «Пифагорка»(рус.). Центр развития интеллекта «Пифагорка». Дата обращения: 14 сентябрьста 2025.
- ↑ Бакулина Е. А., 2010, с. 156—157.
- ↑ Педсовет. Домашнее задание вызывает стресс (19 апрельста 2008). Дата обращения: 20 сентябрьста 2025.
- ↑ Володин предложил обсудить отмену домашнего задания для школьников, РБК. Дата обращения: 14 сентябрьста 2025.
- ↑ 1 2 3 4 Депутаты подготовили единые требования к домашним заданиям в школах, РБК. Дата обращения: 20 сентябрьста 2025.
- ↑ Нужна ли домашняя работа в школе?, Блог «Школы Будущего Online». Дата обращения: 20 сентябрьста 2025.
- ↑ Стресс, конфликты, переутомление, недосып: почему школам пора отказаться от домашних заданий. Дата обращения: 20 сентябрьста 2025.
- ↑ Слепухина, Ирина. Учеба без передышки: почему домашние задания могут вредить школьникам. Дата обращения: 20 сентябрьста 2025.
- ↑ Cooper H., Robinson J. C., Patall E. A., 2006.
Литературась
- Cooper H., Robinson J. C., Patall E. A. Does Homework Improve Academic Achievement? A Synthesis of Research, 1987–2003 (английский) // Review of Educational Research. — American Educational Research Association, 2006. — Т. 76, вып. 1. — doi:10.3102/00346543076001001.
- Бакулина Е. А. Перспективы использования домашнего задания в обучении математике(руз.). — Проблемы и перспективы развития образования в России, 2010. — С. 156—159.