Коняшкин, Максим Михайлович

Максим Михайлович Коняшкин
Максим Михайлович Коняшкин
Шачема шиц	18 ноябрьста 1924
Шачема; вастоц	Бзновка[d], Спасскяй уездсь[d], Пензенскяй губерниясь[d], РСФСР, СССР;
Кулома шиц	27 мартста 2000 (75 кизоц)
Кулома; вастоц	Запорижжя[d], Украина;
Принадлежностсь	СССР
Войскань родсь	артиллерия
Служама кизонза	1942—1945
Званияц
Сражениятне/войнатне	Великай Отечественнай война;

Макси́м Миха́йлович Коня́шкин (1924—2000) — Покодиень и сокаень-видиень Якстерь Армиянь младшай сержант, Великай Отечественнай войнаса улись, Советскяй Союзонь Герой (1944).

Эряфонь киц

Максим Коняшкин шачсь 1924-це кизоня 18-це ноябрьста Бзновка велесаруз.: Новые Выселки^[1]. Получась средняй образования, сяльде покодсь колхозса. 1942-це кизоня май ковста Коняшкин тертьфоль служама покодиень-сокаень видиень Якстерь Армияв. 1943-це кизоня февраль ковста — Великай Отечественнай войнань толу китнень ланса. Тюрсь Северо-Западнай, Брянскяй, Степной и Украинскяй 2-це фронттнень эса^[2].

1944-це кизоня февраль ковти Максим Коняшкин младшай сержантсь ульсь Украинскяй 2-це фронтонь 53-це армиянь сяземань артиллерийскяй 16-це дивизиянь тёждя артиллерийскяй 49-це бригадань тёждя артиллерийскяй 1431-це полконь орудиянь наводчикокс. Цебярьста няфтезе прянц Украинскяй ССР-нь Черкасскяй областть идеманц пингста. 1944-це кизоня 11-це февральста Звенигородка станциять и Скалеваткав велеть маласа Конашкин машфтсь 4 танкат и бронетранспортёр. Тяда мела кафта шиста Коняшкин машфтсь нинге 2 танкат, 2 бронетранспортёрхт и пцтай взвод немецень пехотинецта. Тюрематнень пингста Коняшкин ульсь ранендаф, сон орудияц тапавсь, но сон сяка вятсь тюрематнень эса, потафнезе вражескяй врьгятнематнень^[2].

СССР-нь Верховнай Советть Президиумонц Указонц коряс 1944-це кизонь 13-це сентябрьста «фронтса немецкяй врьгятнихнень каршес тюремста командованиять боевой заданиянзон цебярьста пяшкодеманкса и тяконь лувксса мужествань и герозмань» младшай сержантти Максим Коняшкинонди ульсь максф Советскяй Союзонь Герой лемсь, казьф Ленинонь орденць и «Зрнянь тяште» медальсь 2264 номер мархта^[2].

Войнать аделамда меле Коняшкин ульсь демобилизовандаф. Покодсь кшнинь киса, сяда тов ётась эряма Запорожьяв, коса покодсь ЖБИ-нь Запорожскяй комбинатса. Оцю мяль шарфнесь общественнай тефненди. Кулось 2000-це кизоня 27-це мартста, калмаф Запорожьянь Капустяной калмолангса^[2].

Ульсь нинге казьф Отечественнай войнань 1-це степенень и Славань3-це степенень орденца и лия медальса^[2].

Запорожьяса путовсь Коняшкинонь бюстоц^[2].

Лятфнематне

↑ Тяни — Мордовия Республикань Зубово-Полянскяй районць
↑ ¹ ² ³ ⁴ ⁵ ⁶ Максим Михайлович Коняшкин (рус.). Сайт «Герои страны».

Литературась

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Герои-освободители Черкасщины. — Днепропетровск: Промінь, 1980.
Геройская быль. — Саранск: Мордкиз, 1985.

[1] Тяни — Мордовия Республикань Зубово-Полянскяй районць

[wh-2] ¹ ² ³ ⁴ ⁵ ⁶ Максим Михайлович Коняшкин (рус.). Сайт «Герои страны».

[1]

[2]