Коновалов, Федор Федулович

Федор Федулович Коновалов
Шачема шиц	12-це сентябрьста 1918-це кизоня(1918-09-12)
Шачема вастоц	Булдыга[d], Темниковскяй уездсь[d], Тамбовскяй губерния[d], Москов ёнкс[d], Россиянь Советонь Федеративонь Социализмань Республикась
Кулома шиц	20-це январьста 1980-це кизоня(1980-01-20) (61 кизоц)
Кулома вастоц	Ковдор, Мурманонь аймак, РСФСР, СССР
Принадлежностсь	СССР
Войскань родсь	инженернай войскатне
Служама кизонза	1941—1946
Званияц	СССР, Лейтенант
Сражениятне/войнатне	Великай Отечественнай война
Казненза и премиянза

Фёдор Феду́лович Конова́лов (1918 — 1980) — Советскяй Армиянь лейтенант, Великай Отечественнай войнаса улись, Советскяй Союзонь Геройсь (1944).

Эряфонь киц

Фёдор Коновалов шачсь 1918-це кизоня 12-це сентябрьста Булдыга велеса (тяни — Мордовия Республикань Атюрьевскяй районць). Получась начальнай образования, мезьда меле, коллективизациять инкса, кода и ламонц лия велеряхне, тусь Моску ошу и покодсь заводса слесарькс. 1939-це кизоня Коновалов тертьфоль служама покодиень-сокаень-видиень Якстерь Армияв. Служась Киевскяй военнай округса, сяс Великай Отечественнай войнать ушетксста повсь фронту. Потамста Киевть ала сон идесь лама шабада, Днепрать туркс ётафтозень синь тылу. 1944-це кизоня аделась Мичуринскяй военно-инженернай училища, сяльде ульсь Прибалтийскяй 1-це фронтса, гвардейскяй 6-це армияса, гвардейскяй стрелковай 71-це дивизияса гвардейскяй сапёрнай 82-це батальонца взводонь командиркс. Цебярьста няфтезе прянц Западнай Двинать араламанц пингста.

1944-це кизоня 25-це июньста Коновалов Белорусскяй ССР-нь Витебскяй областень Бешенковичскяй райононь Мамойки велеть малса тись эрь кодама паршиста плот, а сяльде эсонза ётафтсь вооружения и боеприпас мархта 300-та лама боецта и командирда, мезсь лездсь сявомс и кирдемс ляйть западнай трвасонза плацдармать.

СССР-нь Верховнаый Советть Президиумонц Указонц коряс 1944-це кизоня 22-це июльста лейтенантти Фёдор Коноваловонди максовсь Советскяй Союзонь Герой лемсь, казьф Ленинонь орденца и «Зрнянь Тяште» медальса.

1946-це кизоня гвардиянь лейтенант званияса Коновалов нолдавсь запасу. Эрясь и покодсь Мурманскяй областьса Ковдор ошса, кулось 1980-це кизоня 20-це январьста, ошса курось каннесы сонь лемонц.

Был также награждён орденом Отечественной войны 2-й степени и рядом медалей.

Лятфнемат

Литературась

• Федор Федулович Коновалов (рус.). Сайт «Герои страны».
• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.