Кащеев, Тихон Гаврилович

Тихон Гаврилович Кащеев
Тихон Гаврилович Кащеев
Шачема шиц	18 июньста 1903
Шачема; вастоц	Мокшонь Кара веле[d], Крансослободскяй уездсь[d], Пензенскяй губерниясь[d], Россиянь империя[d];
Кулома шиц	3 апрельста 1972 (68 )
Кулома; вастоц	Мокшонь Кара веле[d], Ельниконь аймак, Мордовскяй Автономнай Советскяй Социалистическяй Республикась[d], РСФСР, СССР;
Принадлежностсь	СССР
Войскань родсь	Пехота[d]
Служама кизонза	1941—1945
Званияц	Младшай сержант
Частец	гвардейскяй стрелковай 25-це дивизиянь гвардейскяй стрелковай 78-це полксь
Сражениятне/войнатне	Великай Отечественнай война;

Тихон Гаврилович Кащеев (1903 — 1972) — Покодиень-сокаень-видиень Якстерь Армиянь младшай сержант, Великай Отечественнай войнаса улись, Советскяй Союзонь Герой (1944).

Эряфонь киц

Тихон Кащеев шачсь 1903-це кизоня 18-це июньцта Мокшень Кара велеса (тяни — Мордовиянь Ельниковскяй районць)^[1]. Получась начальнай образования, меле покодсь колхозса. 1941-це кизоня июньста ульсь тертьф покодиень-сокаень-видиень Якстерь Армияв служама; тяка кизоня август ковста — Великоай Отечественнай войнань толу китнень лангса. 1943-це кизонь сентябрь ковть сам младшай сержантсь Тихон Кащеев Юго-Западнай фронтонь 6-це армиянь гвардейскяй стрелковай 25-це дивизиянь гвардейскяй стрелковай 78-це полконь отделениянь командир. Цебярьста няфтезе прянц Днепрать инкса тюремать пингста^[2].

1943-це кизоня сентябрь ковонь 25-це шиста 26-це шити молемс, веть, Зевахинонь гвардиянь старшай лейтенантть отрядонц видеса Кащеев ётась Днепрать туркс Украинскяй ССР-нь Днепропетровскяй областень Солонянскяй райононь Войсковяй велеть маласа. Группась панезе противникть заняф траншеяста и 130,3 высотаста, нельгомок плацдармать. 26-це сентябрьста шобдава немецкяй войскатне ветексть вргятнесть группать позициянц лангс, но сембе атакатне потафтовсть. Мзярда взводонь командирсь лиссь стройста, Кащеев полафтозе сонь и кеподезе взводть атакас, сонць машфтсь вражескяйся 10 солдатт и офицерхт^[2].

СССР-нь Верховнай Советть Президиумонц указонц коряс 1944-це кизоня 19-це мартста «Днепрать виде ширень трванц араламста мужестванкса и героизманкса» гвардиянь младшай сержантти Тихон Кащеевонди максфоль Советскяй Союзонь Герой лемсь и казьф Ленинонь орденца и «Зрнянь Тяште» медальса 5899 номер мархта^[2].

1945-це кизоня Кащеев демобилизовандаф. Мрдась шачема мастору, покодсь колхозса. Кулось 1972-це кизоня 3-це апрельста^[1].

Ульсь тяфта жа казьф Якстерь Знамянь орденца и эрь кодама медальса^[2].

Лятфнематне

↑ ¹ ² Краеведческий проект «Созвездие Героев» Национальной библиотеки имени А. С. Пушкина Республики Мордовия.
↑ ¹ ² ³ ⁴ Тихон Гаврилович Кащеев (рус.). Сайт «Герои страны».

Литературась

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Геройская быль. — Саранск: Мордкиз, 1985.
Мордовия. Энциклопедия. — Саранск, 2007.

[СГ-1] ¹ ² Краеведческий проект «Созвездие Героев» Национальной библиотеки имени А. С. Пушкина Республики Мордовия.

[wh-2] ¹ ² ³ ⁴ Тихон Гаврилович Кащеев (рус.). Сайт «Герои страны».

[1]

[2]