Идень араламань международнай шись
| Идень араламань шись | |
|---|---|
| Няйф:Идень араламань шись - International Children's Day.JPG | |
| Типсь | Идень араламань международнай шись |
| Официальна | Идень араламань международнай шись |
| Ладяф | 1949 кизоня ноябрьста Парижса Авань международнаай демократическяй федерациянь конгресса |
| Датась | 1 июньцта |
 Идень араламань международнай шись | |
Инь оцю смузец — общественностти шарфтомс мяль уликс серьёзнай прбалатненди идень эряфса кизефкснень коряс. 1950-це кизоня ООН-ць официальна лемдезе идень араламать инь эрявикс тевкс масторлангса.
Тя шиня ламоц странатнень эса ётафневихть музыкальнай концертт, спортивно-развлекательнай мероприятият. Эрь кодама фондонь волонтёрхне тя шиня тиендихть гуманитарнай лезкст кальдявста эряй странатненди, оцюнятнень шарфнесазь мяльснон кизефкснень-тефнень лангс, конат сотфт идень прябалатнень мархта [1]. ХХI-це векста васьфневихть прябалатне иттнень праваснон-видекссонон коламаснон коряс, идень вачеши, трудовой эксплуатациясь и лият.
Мода лангса идень прябалатненди лемтьфт тяфтама шитне — Идень всемирнай шись руз.: Всемирный день ребёнка 20-це ноябрьста, Аф мувору идень международнай шись руз.: (Международный день невинных детей — жертв агрессии) (4-це июньцта) и Африкань иттнень араламань шись руз.: День защиты детей Африки (16-це июньцта).
Эрямопингонц эвондамац
1925-це кизоня, Женеваса, Авань Всемирнай конференцияса идень павазуста эрямать колга кизефкснень коряс мярькфоль ладямс и ётафнемс эрь кизоня идень араламать 1926-це кизоня ётафтозь Мексикаса, Турцияса, Венгрияса и масторлангонь лия странаса [2].
Идень араламань международнай шись 1-це июньцта сембе масторлангса ульсь ладяф авань международнай демократическяй федерациять вельде (франц. Fédération démocratique internationale des femmes) 20-це ноябрьста 1949-це кизоня. ООН-ць кеподезе-кирдезе тя тевть и лувозе инь оць тевкс масторлангса.
Юрса ащи документкс, коса лемтьфт иттнень правасна лувондови Конвенция о правах ребенка, кона прьняндаф ООН-ть вельде 20 ноябрьста 1989-це кизоня, кона ратифицированнай СССР-са 13-це июльста 1990-це кизоня СССР-са.
Иттнень правснон-видексснон Российскяй Федерациясь араласыне Российскяй Федерациянь Федеральнай законць («Об основных гарантиях прав ребенка в РФ»)-нолдаф тевс 24 июльста 1998-це кизоня. Сон ладясыне основной гарантиятнень и идень законнай интереснень, конат лемтьфт Российскяй Федерациянь Конституцияса. 2022-це кизоти РФ-нь 85 регионца сатфкс мархта шумордаф ладямась идень правань араламать коряс.
Масторлангса идень видексонь ванфтоматне прябалатнень эзда
Сембе сяка тячити самс ляткшнихть эрь кодама прябалат идень павазу эряфонь сатомать коряс.
Кепотьксонди 2020-це кизоня 160 миллион идь масторлангса тиендсть-покодсть идень покодемаса, кона нельгондезе идькспингть (эздост 79 млн — ульсть пелькс вастонь покодемаса, мезсь колсезе шумбрашиснон).
1 млрдть малава идь кизоньберьф сотфт физическяй, сексуальнай или психологическяй наругамать мархта. 2020-це кизоня ВОЗ-ть кядяла кемонь международнай организация арьсесть проект «INSPIRE: семь стратегий по ликвидации насилия в отношении детей».
ООН-ть азфонц коряс (2023-це кизонь январти) 15 странаста 30-да лама миллионн идь няихть вачаши, 8 миллионць маряйхть куломшка осалгодома.
Ётафнемац Россияса и масторлангса
Идень араламань международнай шить пингста ламац странава ётафневихть музыкальнай концертт, спортивно-развлекательнай мероприятият, эрь кодама благотворительнай акцият.
Тя шити Россияса и масторлангонь лия странаса ётафневи эрь кодама ила "Тядясь и идькспингсь" лем ала, кона шарфты мяль идькс пингть араламанц-ванфтоманц и павазуста тиеманц лангс. Кепотьксонди, эрь кодама акциять шабань таргафтомать (пеконь таргафтомать) каршес.
Россиянь ламоц ошнень эзга тя шиня ётафневихть благотворительнай акцият иттненди, конат сярядихть стака урмаса. Кепотьксонди 2012-це кизоста сявомок Санкт-Петербургса тянкса лемтьф акциясь "Акша панчфсь"руз.: «Белый цветок».
2013-це кизоста сявомок тя шиня (Москуса, Ярославльса, Краснодарса, Ивановаса, Пензенскяй областьса, Пензаса, Самарса, Казаньца, Нижняй Новгородса, Уфаса, Астраханьца, Туласа, Ижевскяйса).