Здунов, Василий Фёдорович

Василий Фёдорович Здунов
Василий Фёдорович Здунов
Шачема шиц	24-це октябрьста 1924-це кизоня
Шачема; вастоц	Лобаски[d], Ардатовскяй уездсь[d], Симбирскяй Губерниясь[d], СССР;
Кулома шиц	28-це июньцта 1998-це кизоня (73 кизоц)
Кулома; вастоц	Моску, Россия;
Принадлежностсь	СССР
Войскань родсь	артиллеррия[d]
Служама кизонза	1942 — 1987
Званияц	СССР, Генерал-майор
Сражениятне/войнатне	Великай Отечественнай война;

Здунов, Василий Фёдорович — Советскяй Армиянь генерал-майор , Великай Отечественнай войнаса улись, Советскяй Союзонь Геройсь (1944).

Эряфонь киц

Василий Здунов шачсь 24-це октябрень 1924-це кизоня тяниень Мордовия Республикань тяшевскяй райононь Лобаски велеса. Шумордазе средняй школать, эрясь Челябинскяй областьса.

1942-це кизонь августста ульсь терьтьф служама Покодиень-сокай-видиень Якстерь Армияв. Тонафнесь Ленинградскяй пехотнай училищаса, но 1943-це кизонь мартста тонафнеманц апак аделак курсантсь Здунов ульсь прважаф фронту. Ульсь сявф 415-це башка разведротав 348-це стрелковаой дивизияв, васенцеда разведкав молемста 5 ломаньцта ащи группасна сявсть контрольнай пленнай^[1]

1944-це кизонь июльти самс старшай сержантсь Василий Здунов командовась 207-це башка истребительно-танкань каршес дивизиононь 348-це стрелковай дивизиянь 3-це армиянь 1-це Белорусскяй фронтонь орудияса. Башка няфтезе прянц Белорусскяой ССР-ть Минскяй областьста фашисттнень панемста^[2].

1-це июльста 1944-це кизоня Червенскяй районть Сунище велеть видеса Здунов пякстазе кить врьгятихнень потамаснонды Могилёв-Минск оцю кить лангса. Эста синь машфтсть 2 штурмовой орудияда, 4 автомашинада, 8 усфта, аф фкя кемонь вражескяй солдатта и офицерда. Мзярда противниксь тяряфтсь перядамс и сатомсь орудиять, Здунов тись кородома васта и сатфкс мархта кирдезе врьгятемать^[2].

СССР-нь Верховнай Советть Указонц коряс 25-це сентябрьста 1944-це кизоня старшай сержантти Василий Здуновонди максфоль Советскяй Союзонь Герой лемсь и казьф Ленинонь орден и «Зрнянь тяште» медаль^[2].

Войнать аделамда меле таки служась Советскяй Армяса. Шумордазе Горьковскяй военно-политическяй училищать и В.И. Леннонь лемса Военно-политическяй академиять, тоса тонафнеманц аделамда меле лядсь тозк преподавателькс, ульсь факультетонь начальникокс. Меле служась СССР-нь Гражданскяй оборонань системаса.

1987-це кизоня ульсь Якстерь площадьса Военнай парадса, кандсь сяськомань знамять эса. Отставкас лиссь генерал-майор званияса^[2]. ЭрясьМоскуса, кулось 28-це июньцта 1998-це кизоня^[3]. Калмаф Троекуровскяй калмолангса Москуса.

Тяфта жа ульсь казьф Отечественнай войнань 1-це степенень орденца (11.03.1985), Якстерь тяштень колма орденца (29.04.1945; 30.12.1956; 27.12.1982),«Почётонь Тяштькс» орденца (1.09.1988), «СССР-нь ВС-са Родинать инкса служаманкса 3-це степенень» орденца (30.04.1975), Ялкаксшинь российскяй орденца (28.04.1995), «Отваганкса» кафта медальса (08.1943; 5.01.1944), «Боевой тевонкса» медальса(13.06.1952), и лия эрь кодама медальса^[4].

Лятфтамат

↑ Победа дала нам веру в Россию [Интервью В. Ф. Здунова и др]. //Военно-исторический журнал. — 1995. — № 3. — С.4-10.
↑ ¹ ² ³ ⁴ Здунов Василий Фёдорович (рус.). AZ Library. Дата обращения: 7 апрельста 2013.
↑ Биография В. Ф. Здунова в «Челябинской энциклопедии»
↑ Василий Фёдорович Здунов (рус.). Сайт «Герои страны».

Литературась

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.

[1] Победа дала нам веру в Россию [Интервью В. Ф. Здунова и др]. //Военно-исторический журнал. — 1995. — № 3. — С.4-10.

[звф-2] ¹ ² ³ ⁴ Здунов Василий Фёдорович (рус.). AZ Library. Дата обращения: 7 апрельста 2013.

[3] Биография В. Ф. Здунова в «Челябинской энциклопедии»

[4] Василий Фёдорович Здунов (рус.). Сайт «Герои страны».

[1]

[2]

[3]

[4]