Забавина, Валентина Митрофановна
| Забавина Валентина Митрофановна | |
|---|---|
| Лемоц шачемста | Валентина |
| Мзярда шачсь | 23 апрельста 1927 |
| Шачема вастоц | Владивосток ошсь |
| Мзярда кулось | 18 сентябрьста 2018 (91 кизонь) |
| Коса калмаф | Саранск ошсь |
| Странась |
 СССР  Россия |
| Научнай сферась | литературоведсь, педагогсь |
| Покодема вастсь | Н.П. Огарёвонь лемса Мордовскяй государственнай университетсь |
| Учёнай степенец | филологическяй наукань кандидатсь |
| Учёнай лемоц | доцентсь |
Забавина Валентина Митрофановна– литературоведсь, педагогсь, филологическяй наукань кандидатсь, доцентсь.
Эрямокиц
Забавина В.М. шачсь Владивосток ошса педагогонь семьяса. Тядяц и аляц ульсть филолокт. 30-це кизотнень ётась эряма Мордовияв. 1943-це кизоня Валентина Мирофановна шумордазе средняй школать эстонь МАССР-нь Темникав ошса. 1943-1948-це кизотнень тонафнесь институтса. Тонафнема кизотнень пингста сашендовсь нинге покодемс тястоконь предприятиятнень видеса, сташендомс солдаттнеди кисетт, и мянь якамс вирень керомовок. Шумордазе А.И. Полежаевонь лемса МГПИ-ть (1948), Ленинонь лемса Московскяй государственнай педагогическяй институтть руз. (Московский государственный педагогический институт им. Ленина) аспирантуранц (1952)[1]. 25 кизоса арась наукань кандидаткс. Кандидатскяй диссертацияц лемтьфоль XIX-це векть омбоце пяльксонц рузонь литературнай критикати.
1952-це кизоня тяка вузса аралазе кандидатскяй диссертациянц «Борьба Добролюбова за революционно-демократическое разрешение проблемы»[2]. Филологнь -исследователькс арамаса Валентина Митрофановна лусыне Г. Л. Абрамовичень, Л. И. Тимофеевонь, С. М. Петровонь, Н. А. Глаголевонь. Н.А. Глаголев ульсь В.М. Забавинати научнай теввятикс. Ведьгемоньда лама киза (1952 – 2003) покодсь Н.П. Огарёвонь лемса Мордовскяй государственнай университетса, занцемок деканонь должность филологическяй факультетонь (1970 –1976), рузонь и омба масторонь литературань кафедрань вяти (1979 – 1981), преподавателень, старшай преподавателень, лемтьф кафедрань доцентонь (1952 –2003). Валентина Митрофановнати тонафтыкс ульсть М.М. Бахтин, А. И. Маскаев, А. Г. Сердцева и лиятне. Мордовскяй госуниверситетса покодемста сон вятсь лекцият XIX-це веконь рузонь литературать историянц колга. Сембода крхкаста А.П. Чеховонь, Л.Н. Толстоень, Ф.И Тютчевонь, Ф.М. Достоевскяень рузонь сёрмадыхнень колга.
Мокшэрзянь сёрмадыхнень эзда лангс башка мяль шарфнесь К. Абрамовонь, К. Петровать, И.Д. Пиняевонь, А. Моронь, И. Кривошеевонь и лиятнень творчестваснон лангс. 1966-це кизоня лиссь монографияц мокшэрзянь романистть К. Абрамовонь эряфонц и творчестванц колга.
Казненза
- 1977-це кизоня теенза максф МАССР-нь культурань Заслуженнай работник лемсь;
- 1982-це – Российскяй Советскяй Федеративнай Социалистическяй культурань Заслуженнай работник лемсь;
- Мордовскяй государственнай университетонь «Трудонь ветеран» (1997).
Лама кизонь седи ваксстонь тевтиеманкса В.М. Забавина казьф шнама кагодса (1976, 1997, 1998, 2003). 1980-це кизоста 1986-це кизоти самс сон – миронь аралаень Республиканскяй комитететть председателенц полафтыец (миронь араламань Советскяй комитетонь общественнай организациянь отделениясь).
В.М. Забавина – Великай Отечественнай войнань ветеран (тылса труженик, 2017-це кизонь апрельста получась Российскяй Федерациянь Президентть эзда шумбрандафтома).
В.М. Забавина ульсь эрек общественнай тевтии.
Научнай трудонза
В.М. Забавина – автор 70 научнай, научно-популярнай и учебно-методическяй работанди рузонь классическяй историять (Л.Н. Толстой, Ф.М. Достоевский, Н.А. Добролюбов и лият), тяниень пингонь региональнай литературань (К.Г. Абрамов), литературнай краеведениять (И.Д. Воронин) коряс.
Литературась
Забавина В. М. Кузьма Григорьевич Абрамов: очерк жизни и творчества. — Саранск: Мордов. кн.изд-во, 1966. — 88 с.
Забавина В. М. Традиции русской классической и советской литературы в развитии мордовского художественного слова // Сб. — 1981. — С. 361-364.
Лятфтамат
Сссылкатне
https://cyberleninka.ru/article/n/chelovek-s-otkrytym-serdtsem-k-95-letiyu-so-dnya-rozhdeniya-v-m-zabavinoy-1927-2018 Человек с открытым сердцем. К 95-летию со дня рождения В.М. Забавиной (1927-2018)