Жадейкин, Максим Степанович
| Максим Степанович Жадейкин | |||
|---|---|---|---|
 | |||
| Шачема шиц | 1914 | ||
| Шачема вастоц |
Пичале, Ардатовскяй уездсь, Симбирскяй губерниясь, Россиянь империясь | ||
| Кулома шиц | 9 январьста 1944 | ||
| Кулома вастоц |
Бердичевскяй районць | ||
| Принадлежностсь |
 СССР |
||
| Войскань родсь | Пехота[d] | ||
| Служама кизонза | 1941 — 1944 | ||
| Званияц | Младшй сержант | ||
| Частец |
22-це гвардейскяй мотострелковай бригада (6-це гвардейскяй танковай корпусонь) |
||
| Должностец | танкань каршесь ружьянь отделениянь командир | ||
| Сражениятне/войнатне | |||
| Казненза и премиянза |
|
||
 Максим Степанович Жадейкин | |||
Макси́м Степа́нович Жаде́йкин (1914 — 1944) — покодиень-сокай-види Якстерь Армиянь гвардиянь младший сержантсь, Великай Отечественнай войнаса улись, Советскяй Союзонь Геройсь (1944).
Эряфонь киц
Шачсь 9-це августста 1914-це кизоня[1] тяниень Мордовия Республикань Дубёнскяй райононь Налитово велеса. Шумордазе велень школать. Альняканц мархта сась Якутияв покодема. Покодсь строителень бригадаса. 1934-це кизоста сявомок покодсь «Открытый» зрьнянь приискса Якутскяй АССР-са, меле ульсь плотникненди бригадиркс. Ульсь стахановскяй движенияса[2].
1941-це кизоня тертьфоль служама Покодиень-сокай-видиень Якстерь Армияв. Шумордась бронебойщиконь курсат. Служась Дальняй Востокса. 1943-це кизонь июльста — Великай Отечественнай войнань толу китнень эса. Ульсь Брянскяй, Центральнай, 1-це Украинскяй фронттнень эса. Ульсь Курскяй тюремать пингста, ранендафоль. 1943-це кизонь сентябрти гвардиянь младшай сержантсь Максим Жадейкин командовась танкань каршес ружьянь отделенияса 1-це мотострелковай батальононь 22-це гвардейскяй мотострелковай бригадань (6-це гвардейскяй танковай корпусонь, 3-це гвардейскяй танковай армиянь, 1-це Украинскяй фронтонь[3]. Няфтсь пря лядыкснень ёткста Днепрать инкса тюремста[4].
1943-це кизонь 27-це сентябрти марса эсь отделениянц мархта, аф ваномок врагть вишке ляцендеманц лангс, ётазь Днепрать туркс Великий Букрин велеть видеса и ульсь плацдармать сявомасонза шинь мадома ширдень беряксонза. Бойть пингста сон машфтсь противниконь танка и пулемёт. 2-це батальонть лувксса кородозе плацдармать колма суткань пингть, нилеце шиня музе эсь подразделениянц, конань эзда сон илядсь ляйть туркс ётамста, мзярда ведсь сонь салазе сяда ичкози. Сяда товолдонь бойхнень пингста плацдармаса сон машфтсь 2 танкат, 3 бронетранспортёрхт, 10-шка пулемёт. Киевть ала марса эсь отделениянц мархта таки тюрсь эрекста. Тяфта, Попельнять видеса сон машфтсь противниконь танка и 3 бронетранспортёрхт. 9-це январьста 1944-це кизоня бойса Украинскяй ССР-ть Житомирскяй областень Бердичевскяй райононь Буряки велеть видеса машфтсь немецкяй танка и 3 бронетранспортёрхт, но и сонцьке шавовсь.
Мужестванкса Днепрать сявоманкса максф Советскяй Союзонь Героень лемсь [2]. СССР-нь Верховнай Советть Президиумонц Указонц коряс «Советскяй Союзонь Героень лемть максоманц колга Якстерь Армиянь генералхненди, офицерскяй, сержантскяй и рядовой составти» 10-це январьста 1944-це кизоня «фронтса командованиять заданиянц цебярьста пяшкодеманкса немецко-фашистскяй врьгятнихнень каршес тюремста и отвагань и геройствань няфтеманкса» куломда меле максфоль Советскяй Союзонь Герой лемсь. Тяфта жа казьфоль Ленинонь орденца[4][5].
Лама кизот лувондовсь апак содак юмафокс. Алданскяй райононь Нижняй Куранонь средняй школань следопыттнень вешендемаснон коряс муфоль сонь калмоц Житомирскяй областень Бердичевскяй райононь Буряки велеть видеса [2][6].
Мяляфтомась
Жадейкинонь лемонц каннесазь Дубёнки велеса и Алдан ошса, Пуркаеваса школась лемтьф сонь лемозонза. Бюстоц Жадейкинонь ладяф Пуркаеваса[4].
Лятфтамат
- ↑ Краеведческий портал Алданского района Архивная копия от 15 декабрьста 2021 на Wayback Machine.
- ↑ 1 2 3 Бронебойщик противотанкового ружья. Дата обращения: 27 июньцта 2022. Архивировано 15 декабрьста 2021 года.
- ↑ Жадейкин Максим Степанович, Память народа
- ↑ 1 2 3 Максим Степанович Жадейкин. Сайт «Герои страны».
- ↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 январьста (№ 3 (263)). — С. 1.
- ↑ Жадейкин Максим Степанович Архивная копия от 15 декабрьста 2021 на Wayback Machine, Память народа
Литературась
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
- Золотые Звезды Полесья. — 3-е изд., — Киев, 1985.
- Якутяне — Герои Советского Союза… — Якутск, 2005.
Ссылкатне
- Наш герой
- Жадейкин Максим Степанович
- Жадейкин Максим Степанович, Память народа