Доронин, Александр Макарович
| Александр Макарович Доронин | |
|---|---|
 | |
| Шачсь | 7-це январьста 1947 |
| Шачема вастоц | Петровка велесь (Большеигнатовскяй районць), Мордовия Республиксь, СССР |
| Кулось | 17-це мартста 2021 |
| Калмама вастоц | Саранск ошсь, Россия |
| Гражданство (подданство) | |
| Тевтиемань родсь | куляньсёрмадей, валморайсь, прозаик, публицист, главный редактор |
Алекса́ндр Мака́рович Доро́нин (7-це январьста 1947 кизось, Петровка, тяни Большеигнатовскяй районць, Мордовия Республикась — 17-це мартста 2021 кизось, Саранск ошсь[1]) — СССР-нь, Россиянь, Мордовиянь прозаик, поэт, публицист, журналист. ССР-нь Писателень союзу сувафтфсь 1984 кизоста сявомок[2].
Эряфонь киц
Шумордазе А. М. Горькаень лемса литературнай институтть (Моску, 1973).
Покодсь главнай редакторкс «Сятко» руз.: («Искра») эрзянь кяльса лисенди журналти.
Покодсь «Сятко» главнай редакторкс 1984 кизоста ушедозь ― 2000 кизоти самс.
Мордовия Республикань Писателень союзонь председатель 2000 кизоста сявомок.
Васенце валморонь кярьмоц «Чачомань ёнкс» (руз.: «Родная сторона») лись 1972 кизоня. Нолдазь валморонь кярьмот: «Од порань валдо» (руз.: «Свет юности», 1984), «Велев кись юты седейгам» (руз.: «Сельская дорога проходит через сердце», 1988), и «Родословное древо» (1992).
Валморонза лисендсть «Литературнай газетаса», «Литературнай Россия», «Юность», «Молодая гвардия», «Волга» журналхнень эса, ётафтфт татаронь, коми, маринь, удмуртонь, венгрань, финонь кяльса. Лама валморонзон лангс ладяф музыка: «Лавсень моро» (руз.: «Колыбельная»), «Россиясо» (руз.: «В России») - музыкать ладяец Н. Кошелева; «Сэтьмечи» (руз.: «Тишина») - музыкань сёрмадысь Г. Вдовин; «Моро Саранскойде» (руз.: «Песня о Саранске») - музыкань ладяйсь Н. Бояркин; «Черемуховая юность» - музыкась Ф. Масловонь.
Прозаса сёрматф оцю проиведениянь авторсь, сяконь лувксса «Кочкодыкесь — пакся нармунь» руз.: («Перепелка — птица полевая») (1993), «Баягань сулейть» руз.: («Тени колоколов», 1995). Сёрматфонза ётафтфт рузонь, мариецонь, чувашень, удмуртонь кяльса.
Казненза
- Мордовиянь Республикань Заслуженнай писатель (1996),
- Ленинонь комсомолонь премиянь лауреат (1991),
- Мордовия Республикань Оцюнянь премиянь лауреат (1998)
Библиографиясь
- «Мордовия. Кто есть кто». Энциклопедический словарь. - Саранск, 2000. Літ.: Зиновьев Н. В. и др. Штрихи к портретам // Современная мордовская литература. 60-80-е годы: В 2 ч.-Саранск, 1993.-Ч.2;
- Имяреков М. Г. Писательсь и эряфсь. Мокшерзянь писательхнень творческяй портретсна.- Саранск, 1992.
Лятфтамат
- ↑ Скончался народный писатель Мордовии Александр Доронин. Известия Мордовии (17 мартста 2021). Дата обращения: 17 мартста 2021. Архивировано 21 апрельста 2021 года.
- ↑ Т. Баргова, Елена Михайловна Голубчик. Писатели Мордовии: биографический справочник. — Мордовское книжное изд-во, 2004. — 140 с. — ISBN 978-5-7595-1628-6.