Грицков, Владимир Павлович

Владимир Павлович Грицков
Владимир Павлович Грицков
Шачема шиц	5 июльста 1923
Шачема; вастоц	Плосское (Мордовия) велесь, Темниковскяй уездсь, Тамбовскяй губерниясь
Кулома шиц	16 февральста 2015 (91 кизоц)
Кулома; вастоц	Луга[d], Ленинградскяй областсь[d], Россия;
Принадлежностсь	СССР
Войскань родсь	артиллерия
Служама кизонза	1941—1986
Званияц	СССР, Генерал-майор
Сражениятне/войнатне	Великай Отечественнай война

Владимир Павлович Грицков — советскяй офицер-артиллерист Великай Отечественнай войань кизотнень пингста, Советскяй Союзонь геройсь (10.01.1944). Артиллериянь генерал-майор (1977).

Эряфонь киц

Шачсь 5-це июльста 1923-це Мордовия Республикань Темниковскяй райононь Плосское велеса сокаень-видиень семьяса. Шумордазе начальнай, меле сисем кизонь и средняй школатнень. 9-це сентябрьста 1941-це кизоня тертьфоль Служама Якстерь Армияв. 1942-це кизонь январьста сон шумордазе Ленинградскяй артиллерийскяй училищать, кона ётафтоль Энгельсошу, и ульсь кучф Великай Отечественнай войнань фронту. Ульс Западнай и [Воронежскяй фронтонь тюрематнень эса. Тюрсь Москуть ала тюрематнень эса, Острогожско-Россошанскяй, Воронежско-Касторненскяй (1943)], Харьковскяй (1942) операциятнень эса. Февральста 1943-це кизоня ульсь контужендаф и тёждяста ранендаф. Тунда 1943-це кизоня мрдась эсь частезонза. Курской дугать видеса тюремаса. 1943-це кизонь октябрти самс лейтенантсь Владимир Грицков командовась 627-це артиллерийскяйполка 180-це стрелковай дивизиянь 38-це армиянь Воронежскяй фронтонь батарееять лангса. Няфтсь пря Днепрать инкса тюремста^[1].

1943-це кизонь 1-це октябрень веня Владимир Грицковонь командованиянц ала батареясь пэсь кядьса тиемкатнень вельде, аф ваномок вражескяй вишке толть лангс кармась ётама Днепрать туркс Украинскяй ССР-нь Киевскяй областень Вышгородскяй райононь Старые Петровцы велеть видеса и с видеста эсьморондасть тюрема, маштфомок противниконь 2 станковай пулемётт, артиллерийскяй орудия, миномётнай батарея. 12-це октябрти самс батареясь эрекста вятсь тюремат немецноень каршес. Ся бойхнень эса машфтсь нинге фкя артиллерийскяй орудия, 5 станковай орудият и роташка солдат пехотаста^[1].

СССР-нь Верховнай Советть Президиумонц указонц коряс «Советскяй Союзонь Героень лемть максоманц колга Якстерь Армиянь генералхненди, офицерхненди, сержантттненди и рядовойхненди» 10-це январьста 1944-це кизоня «командованиять боевой заданиянзон пяшкодеманкса фронтса немецко-фашистскяй врьгятнихнень каршес тюремста и тяконь лувксса отваганкса и геройстванкса» ульсь максф Советскяй Союзонь Герой лемсь и казьф Леннонь орденца и «Зрнянь Тяште» медальса 2637 номер ала ^[1]^[2].

1943-це кизонь 22-це ноябрьстастакаста ранендафоль шабрань частьста боецнень вельде ульсь пачфтьф госпитали. Монь полксонза тянь колга исть сода, и шачема ширезонза раднянзонды ульсь кучф «калмафонь кагодкя». Февральста 1944-це кизоня мрдась стройс, командовась 1473-це гаубичнай артиллерийскяй полконь 1-це гаубичаой артиллерийскяй бригадань 3-це артиллерийскяй дивизиянь батареять лангса. Ульсь тюрематнень эса 1-це Украинскяй фронтть и 2-це Украинскяй фронтть Украинскяй фронттнень эса, тюрсь Проскуровско-Черновицкяй, Львовско-Сандомирскяй, Висло-Одерскяй, Берлинскяй и Пражскяй операциянь тюрематнень эса. Ульсь Сяськомань Парадса^[1].

Войнать аделамда меле служась Советскяй Армияса.1951-це кизоня шумордазе Высшай офицерскяй артиллерийскяй школать, 1957-це кизоня — В. И. Ленинонь лемса Военно-политическяй академиять, 1971-це кизоня — академическяй курсатнень тяка жа академиять видеса. Служась артиллерийскяй дивизиононь политчастень коряс командиронь полафтыкс, меле Тернопольса 26-це артиллерийскяй дивизиянь политотделонь начальникокс. 1974-це кизоня арась Череповецкяй высшай военнай инженернай училищань радиоэлектроникань политчастень коряс начальниконь полафтыкс, 1977-це кизоня путф Ленинградса политическяй отделонь научно-исследовательскяй институтонь начальникокс. Служась Центральнай артиллерийскяй офицерскяй курсатнень политотделонь начальниккс.

1986-це кизоня лиссь отставка артиллериянь генерал-майор званияса.

Эряс Ленинградскяй областень Луг ошса . Кулось 16-це февральста 2015-це кизоня^[3]. Похоронен на аллее героев в городе Луге^[4].

Казненза

Советскяй Союзонь Герой (10.01.1944)
Ленинонь орденць (10.01.1944)
Якстерь Знамеянь орденць (31.08.1944)
Отечественнай войнань 1-це степенень кафта ордетт (10.04.1945, 11.03.1985)
Отечественнай войнань 2-це степенень орденць (14.09.1943)
Якстерь Тяштень орденць (14.05.1970)
«Боевой стафксонкса» медальсь (19.11.1951)
«Прагать нолдаманкса» медаль
Мзярошка советскяй и омба масторонь медальхть^[1]

Мяляфтомась

2015-це кизонь 5-це майста Луг ошень МОУ «Средняй общеобразовательнай № 6 школати» максф каннемс Советскяй Союзонь Геройть Владимир Павлович Грицковонь лемоц.

Лятфтамат

↑ ¹ ² ³ ⁴ ⁵ Владимир Павлович Грицков (рус.). Сайт «Герои страны».
↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 январьста (№ 3 (263)). — С. 1. Архивировано 7 декабрьста 2021 года.
↑ Новости (неопр.). Дата обращения: 17 февральста 2015. Архивировано 17 февральста 2015 года.
↑ Лугу постигла невосполнимая потеря… Скончался Владимир Павлович Грицков (неопр.). Дата обращения: 22 февральста 2015. Архивировано из оригинала 22 февральста 2015 года.

Литературась

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Геройская быль. — Саранск: Мордкиз, 1985.
Починок О. Солдатская примета генерала Грицкова. // «Красная Звезда». — 2011, 9 декабря.

Ссылкатне

Антон Бочаров. Владимир Павлович Грицков (рус.). Сайт «Герои страны». Дата обращения: 26 ноябрьста 2020.
Рассказ В. П. Грицкова о своей жизни и о война на сайте «Я помню».
Интервью с В. П. Грицковым (2012 год).
В. П. Грицков: Герои земли Лужской.
Биография в электронной версии издания «Генералы и адмиралы Вологодчины» (стр.51-52).
Грицков Владимир Павлович (1923–2015)
Владимир Павлович | Правительство Республики Мордовия
От колхозника до генерала. Грицков Владимир Павлович. Подвигу героических защитников Родины, форсировавших Днепр в 1943 году, посвящается

[wh-1] ¹ ² ³ ⁴ ⁵ Владимир Павлович Грицков (рус.). Сайт «Герои страны».

[2] Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 январьста (№ 3 (263)). — С. 1. Архивировано 7 декабрьста 2021 года.

[3] Новости (неопр.). Дата обращения: 17 февральста 2015. Архивировано 17 февральста 2015 года.

[4] Лугу постигла невосполнимая потеря… Скончался Владимир Павлович Грицков (неопр.). Дата обращения: 22 февральста 2015. Архивировано из оригинала 22 февральста 2015 года.

[1]

[2]

[3]

[4]