Горелов, Иван Павлович
| Иван Павлович Горелов | ||||
|---|---|---|---|---|
 | ||||
| Шачема шиц | 1 июньста 1918 | |||
| Шачема вастоц |
|
|||
| Кулома шиц | 8 февральста 1969 (50 кизоц) | |||
| Кулома вастоц |
||||
| Принадлежностсь |
 СССР |
|||
| Войскань родсь | артиллерия | |||
| Служама кизонза | 1939—1945 | |||
| Званияц |
 |
|||
| Сражениятне/войнатне | ||||
| Казненза и премиянза |
|
|||
Иван Павлович Горелов (1918 - 1969) — Рабочаень-сокаень-видиень Якстерь Армиянь лейтенант, воявась Великай Отечественнай войнаса, Советскяй Союзонь Герой (1944).
Эряфонь киц
Шачсь 1918-це кизонь 1-це июньцта Селищи велеса (тяни - Мордовиянь Краснослободскяй аймакса) сокаень-видиень семьяса. Аделась начальнай школа, покодсь трактористокс машинань-тракторонь станцияса.
1939-це кизоня тертьфоль служама Рабочаень-сокаень-видиень Якстерь Армияв. Аделась ёмла лейтенантонь курсат. Мзярда ушедсь Великай Отечественнай войнась, повсь фронту. 1943-це кизонь ноябрти младшай лейтенантсь Иван Горелов вятезе ни Украинань 1-це фронтонь дивизиононь толонь взводть 71-це механизированнай бригадать 9-це механизированнай корпусонь 3-це гвардейскяй танкань армиять. Лац няфтезе прянц Украинань СССР-нь Киевонь областть араламстонза.
1943-це кизонь 6-це ноябрьста Киево-Святошинскяй аймаконь Хотов веленкса тюремста Иван Гореловонь взводоц нолдазе ушманонь колоннать сяда малати, машфтсь 2 тягачт, легковой машина и 5 орудият. 7-це ноябрьста Фастовскяй аймаконь Волица велеть ваксса, ляцендемок видеста ушматтнень лангс, взводсь машфтсь фашистонь лама солдат и офицер.
"Якстерь Армиянь генералхненди, офицерхненди, сержанттненди и рядовойхненди Советскяй Союзонь Героень лемть максоманц колга" СССР-нь Верховнай Советонь Президиумонь Указть коряс 1944-це кизонь 10-це январьста Иван Гореловонди максфоль Советскяй Союзонь Герой оцю лемсь и казьфоль Ленинонь орденца и "Зрнянь Тяште" медальса.
Войнать аделамда меле лейтенантонь званияса ульсь прважаф запасу. Эрясь Львовса, покодсь Львовонь машинань киса. Кулось 1969-це кизонь 8-це февральста. Калмаф Львовса Лычаковскяй калмалангонь 13-це паксяса.
Стане жа казьфоль Александр Невскяень орденца и мзярошка медальса.
Мялямсь колганза
Иван Павлович Гореловонди путфоль лятфнемань седяфкя Краснослободск ошень Победань площадьса. 2019-це кизоня седяфкясь валхтфоль и путфоль геройть лемс мялямгев-бюст.