Гагарин, Пётр Петрович

Пётр Петрович Гагарин
Шачема шиц	20-це январьста 1909-це кизоня(1909-01-20)
Шачема вастоц	Старый Город (Чополтбуе)[d], Темниковскяй уездсь[d], Тамбовскяй губерния[d], Россиянь империя[d]
Кулома шиц	16-це апрельста 1962-це кизоня(1962-04-16) (53 кизоц)
Кулома вастоц	Старый Город (Чополтбуе)[d], Темникавонь район, Мордовскяй АССР[d], РСФСР, СССР
Принадлежностсь	СССР
Войскань родсь	инженерные войска[d]
Служама кизонза	1941—1945
Званияц	РККА, Младший сержант
Частец	• 31-й отдельный инженерный батальон 32-й армии;  • 51-я инженерно-сапёрная бригада
Сражениятне/войнатне	Великай Отечественнай война
Казненза и премиянза

Гагарин, Пётр Петрович (1909 —1962) — советскяй военнослужащай. Великай Отечественнай войнаса улись. Советскяй Союзонь Геройсь (1945). Младшай сержант.

Эряфонь киц

Пётр Петрович Гагарин шачсь 1909-це кизоня Старый город велеса(Мордовия) Темниковский уездонь Тамбовскяй губерниянь — тяни Темниковскяй райононь Мордовия Республикань) сокаень-видиень семья. Мокша. Образованияц начальнай. Покодсь сокаень-видиень эсь хозяйствасонза. Меле ульсь раскулачендаф, сяс мес ульсь сонцень меленцяц, но ашезь пане ссылкав сянкса. мес ульсь кядь видесонза потяй шабац. Семьянц кудста панезь, и Гагариттненди савсь ярмак лангс сявомс эсь кудсонза эряма вастонди уженя. Мзярда сембось лоткась, Пётр Петрович сувась колхозу, коса покодсь военнай службав тердемс.

П. П. Гагарин Якстерь Армиянь Покодиень сокаень-видиень Армияв тертьфоль был призван Мордовскяй АССР-нь Темниковскяй райвоенкомть вельде 24-це июньцта 1941-це кизоня. Немецко-фашистскяй врьгятнихнень каршес рядовой П. П. Гагаринць 1942-це кизоста февральста сявомок Карельскяй фронтса 32-це армиянь 31-це башка инженернай батальонть лувксса. 22-це февральста 1942-це кизоня Пётр Петрович ульсь ранендаф, но курок мрдась стройс. 1942-це кизонь октябрьста сапёрнай батальонць ульсь лихтьф Архангельскть ала оду ладяманц коряс и и сувась 51-це инженерно-сапёрнай бригадть лувксс, а красноармейцть Гагаринонь ётафтозь 2-це ротань 4-це инженерно-сапёрнай батальону. 1943-це кизонь мартста Пётр Петрович Юго-Западнай фронтса (Великая Отечественнай войнань), коса бригадань сапёрхне тиендсть инженернай задачат эрь-кодама подразделениятненди лездоманкса: стройсесть кемокстма вастт, тиендсть перяфкст, путность минат, тиендсть ётама вастт врьгятнить миннай паксянзон эса, тиендсть ётама вастт врьгятнить инженернай перяфксонзон эса.

1943-це кизонь октябрьста декабрти самс 1-це гвардейскяй армиянь 51-це бригадать лувксса ульсь Донбасскяй наступательнай операцияса (1943), конань пингста 6-це сентябрьста 1943-це кизоня Пётр Петрович ульсь стака ранендаф. Эсь частезонза, кона воявась 3-це Украинскяй фронтть 3-це гвардейскяй армиять лувксса, сон мрдась 1943-це кизонь декабрьста. Никопольско-Криворожскяй операциять эса. Меле 46-це армиять лувксса врьгятнихнень эса панць Украинать Виде ширенц Березнеговато-Снигиревскяй и Одесскяй операциятнень эса (1944). Южнай Бугть сявоманц пингста врьгятнить толонц ала якстерь армеецсь П. П. Гагарин тись 22 рейс, ётафтомок виде ширдень ляйть берякозонза 162 бойц. Днестровскяй лиманть сявомстонза 1944-це кизонь 21 на 22 августста сявомок Аккерман ошть эзда сяда лямбе ширесонза (тяни Украинань Одесскяй областень Белгород-Днестровский ошсь) Пётр Петрович тись ётафтома стрелковай подразделениянь, врьгятнить сериста тиф перяфкссонза тись кафта ётама вастт, мезьда меле пехотать мархта ульсь немецкяй позициятнень сявомаса.

1944-це кизонь августста-сентябрьста 1944-це кизоня П. П. Гагарин ульсь Ясско-Кишинёвскяй операцияса, фашизмать эзда мянемаса Румыниять] и Болгариять. 20-це сентябрьста сявомок 46-це армиясь ульсь 2-це Украинскяй фронтть кядяла и ульсь Дебреценскяй операциять эса. 1944-це кизонь октябрьста ушедсь Будапештскяй операциясь, конань пингста 2-це Украинскяй фронтонь войскатне, сяськомок врьгятнить кяженц, 1944-це кизонь декабрть ушетксста лиссть Дунайть шири. 46-це армиянь подразделениятненди эрявсь сатомс ляйть венгерскяй Эрчи ошть видеса 20 вайгяльбень вастса Будапештть эзда. 4-це декабрень веня 5-це декабрти самс 1944-це кизоня противникть вии толонц ала рядовой Гагаринть расчетоц васенцесь явсьДунай ляйть трвастонза бортсонза десантникнень мархта, няфтемок пример лия десантнай группатненди. Петр Петровичень венчец васенцесь пачкодсь кержи ширдень трвазонза. Десантонц мархта, красноармеецсь Гагарин эсь расчётонц мархта ульсь тюремаса плацдармать кемокстамаса. Сембе десантнай группатнень валгомдост меле сапёрхне ушедсть мрдама меки, но Гагаринонь венчец ульс ваяфтф, а кафта бойцне ульсть ранендафт. Пётр Петровиченди удалась идемс кафцьке ялганзон, мезьда меле лия расчётть лувксса сяда тов ушедсь ётафтомост стрелковай подразделениятнень Дунайть туркс, веньберьф тись 18 рейс и ётафтсь 380 ломань, 25 пулемёт и 17 миномёт боеприпас мархта.

24-це мартста 1945-це кизоня Гагарин Петр Петровиченди СССР-нь Верховнай Советть Президиумонц указонц коряс ульсь максф Советскяй Союзонь Герой лемсь. Меле Пётр Петрович ульсь Венскяй и Пражскяй операциятнень эса. Боевой кинц шумордазе 11-це майста 1945-це Чехословакияса Ческе-Будеёвице ошть видеса. Демобилизовандазь П. П. Гагарин в 1945-це кизонь сентябрьста младшай сержант лемса. Мрдась шачема велезонза, покодсь колхозса.

15-це апрельста 1962-це кизоня Пётр Петрович кулось. Калмаф Темниковскяй райононь Старый Город велеса.

Казненза

• «Зрнянь тяште» медаль (СССР) (24.03.1945);
• Ленинонь орденоц (24.03.1945);
• Якстерь тяштень орден (05.04.1944);
• Славань 3-це степенень орден (05.10.1944);
• медальхне, сяконь лувксса:

«Боевой сатфксонкса» медаль(21.02.1943).

Мялямсь

• Советскяй Союзонь Геройть П. П. Гагаринонь лемса лемтьф кура Мордовия Республикань Старый Город эряма вастса.

Литературась

• Геройская быль: очерки и зарисовки о Героях Советского Союза — уроженцах Мордовии / сост.: В. С. Ионова, А. Д. Ширяев; под ред. М. П. Глебова. — Саранск: Мордовское кн. изд-во, 1985. — С. 90—93. — 376 с.

Лятфтамат

Документонза

• Общедоступный электронный банк документов «Подвиг Народа в Великой Отечественной войне 1941—1945 гг.» (неопр.) Архивировано 13 мартста 2012 года.

Представление к званию Героя Советского Союза и указ ПВС СССР о присвоении звания (неопр.). Архивировано 10 майста 2012 года.

Орден Красной Звезды (наградной лист и приказ о награждении) (неопр.). Архивировано 10 майста 2012 года.

Орден Славы 3-й степени (наградной лист и приказ о награждении) (неопр.). Архивировано 10 майста 2012 года.

Медаль «За боевые заслуги» (наградной лист и приказ о награждении) (неопр.). Архивировано 10 майста 2012 года.

Ссылкатне