Волков, Дмитрий Петрович

Дмитрий Петрович Волков
Дмитрий Петрович Волков
Шачема шиц	10 ноябрьста 1920
Шачема; вастоц	Анаю, Спасскяй уездсь, Тамбовскяй губерниясь, РСФСР
Кулома шиц	26 февральста 1996 (75 )
Кулома; вастоц	Моску
Принадлежностсь	СССР
Войскань родсь	авиация
Служама кизонза	1938—1986
Званияц	ВВС СССР, Генерал-майор
Сражениятне/войнатне	Великай Отечественнай война;

Дми́трий Петро́вич Во́лков (1920—1996) — Советскяй Армиянь генерал-майор, тюрсь Великай Отечественнай войнаса, Советскяй Союзонь Герой (1943).

Эряфонь киц

Шачсь 1920-це кизонь 10-це ноябрьста Анаева велеса покодиень семьяса. Школать аделазе шачема велесонза. 1937-це кизоня тусь тонафнема Ульяновскяй педагогическяй институту.

1938-це кизоня тертьфоль Покодиень и сокаень-видиень Якстерь Армияв. 1940-це кизоня аделазе Челябинскяй военнай авиациянь училищать.

Великай Отечественнай войнать ушетксста ни сон ульсь фронтса. 1943-це кизонь июнти сон ни капитан, ичкоздень действиянь 5-це авиакорпусонь 53-це авиадивизиянь 3-це авиаполконь эскадрильянь штурман. Тя тингти сон ни тись 150 боевой лийкстамат. Ляцендсь бомбаса военнай объектт, конат ащесть врагть тылсонза. Лиендсь партизаттнеди и советскяй войскань часттьненди, конат перяфтольхть фашисттнень мархта. Васенцекс эсь дивизиясонза тонадсь снайперкс бомбаса ляцендема аф оцю цельхненди, нолясь тевс фотоконтроль менелень бойса.

1943-це кизонь 18-це сентябрьста CCCР-нь Верховнай Советонь Президиумонь указть коряс "немецкяй захватчикнень каршес тюремста командованиять боевой заданиянзон лац тиеманкса и пинкстост мужествань и героизмань няфтеманкса" капитанти Дмитрий Волковонди максфоль Советскяй Союзонь Герой оцю лемсь, казьфоль Ленинонь орденца и "Зрнянь Тяште" медальса 1746 номер ала.

Войнать аделамда меле поладозе служаманц Советскяй Армияса. 1952-це кизоня аделазе Жуковскяень лемса Военно-воздушнай академиять, 1961-це кизоня - Генеральнай штабонь Военнай академиять. Авиациянь генерал-майоронь лемса лиссь отставкас. Эрясь Москуса.

Кулось 1996-це кизонь 26 февральста, калмаф Москувонь Троекуровскяй калмалангса.

Стане жа казьфоль Якстерь Знаменень кафта орденца, Отечественнай войнань 1-це степенень кафта орденца, Якстерь Тяштень кафта орденца, "СССР-нь Вооруженнай Вийсонза Шачема масторти служаманкса" 3-це степенень орденца, тяда башка, ульсть и медалензовок.

Лятфтамат

↑Ныне — Зубово-Полянский район, Республика Мордовия.
↑ Перейти обратно: ¹ ² ³ ⁴ ⁵Волков Дмитрий Петрович. Сайт «Герои страны».

Литературась

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Геройская быль. — Саранск: Мордкиз, 1985.