Виноградов, Геннадий Павлович

Геннадий Павлович Виноградов
Геннадий Павлович Виноградов
Шачема шиц	20 октябрьста 1920
Шачема; вастоц	Починки (Покш Килейбуе)[d], Карсунский уезд[d], Симбирскяй Губерниясь[d], Россиянь Советонь Федеративонь Социализмань Республикась[d];
Кулома шиц	7 августста 1983 (62 кизоц)
Кулома; вастоц	Березники[d], Пермская область[d], РСФСР, СССР;
Принадлежностсь	СССР
Войскань родсь	бронетанковай войскатне
Служама кизонза	1940 — 1946
Званияц
Частец	12-це гвардейскяй танковай бригадась
Сражениятне/войнатне	Великай Отечественнай война;

Виноградов, Геннадий Павлович (1920 — 1983 ) — Советской Армиянь лейтенант, Великай Отечественнай войнаса улись, Советскяй Союзонь Герой (1943).

Эряфонь киц

Шачсь 20-це октябрьста 1920-це кизоня тяниень Мордовия Республикань Большеберезниковскяй райононь Починки велеса сокаень-видиень семьяса. 1930-це кизоста сявомок эрясь Березники ошса (тяни — Пермскяй крайсь), коса шумордазе аф полнай средняй школать, покодсь колхозса. 1940-це кизоня ульсь тертьф служама Покодиень-сокаень-видиень-Якстерь Армияв. Великай Отечественнай войнать ушеткстокиге — войнань толу китнень эса. Ульсь Москуть инкса тюремаса и Сталинградской битваса. 1943-це кизонь февральти гвардиянь якстерь армеецсь ульсь Юго-западнай фронтонь 4-це гвардейскяй корпусонь 12-це гвардейскяй танковай бригадань управлениянь ротань разведкань взоводонь автоматчикокс Нятсь пря тюрематнень пингсат Донецкяй областьса^[1].

18-це февральста 1943-це кизоня боть пингста Украинскяй ССР-ть Красноармейск (Донецкяй областсь) ошть видеса, араламок танковай бригадань штабть, суваф вете немецкяй танкань эзда, танкакста ляцендемста сонць машфтсь эздост колмотнень. Меле танкаса лихтезе бригадань Боевой Знамять немецнень ширде перяф вастста и бригадань раненендаф командирть полковникть Лихачёвонь^[1].

СССР-нь Верховнай Советть Президиумонц Указонц коряс «Якстерь Армиянь началствующайхненди и рядовойхненди Советскяй Союзонь Героень лемть максоманц колга 17-це апрельста 1943-це кизоня «немецкяй врьгятихнень каршес тюремста командованиять заданиянц пяшкодеманкса и тяка пингть отваганкса и геройкс прянь вятеманкса» максови Советскяй Союзонь Герой лемсь Ленинонь орденонц и «Зрнянь Тяште» медалень казема мархта 963 номеронь ала^[1]^[2].

Войнать пенц саманцты лейтенантсь Виноградов командовандась ни взвод лангса. 1946-це кизоня нолдафоль запасс. Эрясь Березникиса, покодсь тястоконь леспромхозса, меле титано-магниевой комбинатса.

Кулось 1983-це кизонь 7 августста^[1].

Тяфта жа ульсь казьф аф фкя медальса^[1].

Лятфтамат

↑ ¹ ² ³ ⁴ ⁵ Геннадий Павлович Виноградов (рус.). Сайт «Герои страны».
↑ Указ Президиума Верховного Совета СССР «О присвоении звания Героя Советского Союза начальствующему и рядовому составу Красной Армии» от 17 апреля 1943 года // Ведомости Верховного Совета Союза Советских Социалистических Республик : газета. — 1943. — 23 апрельста (№ 16 (222)). — С. 1. Архивировано 25 ноябрьста 2021 года.

Литературась

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Герои Прикамья. — Пермь: Пушка, 2006.
Геройская быль — Саранск: Мордкиз, 1985.
Золотые Звёзды Прикамья. — 4-е изд. — Пермь, 1988.

[wh-1] ¹ ² ³ ⁴ ⁵ Геннадий Павлович Виноградов (рус.). Сайт «Герои страны».

[2] Указ Президиума Верховного Совета СССР «О присвоении звания Героя Советского Союза начальствующему и рядовому составу Красной Армии» от 17 апреля 1943 года // Ведомости Верховного Совета Союза Советских Социалистических Республик : газета. — 1943. — 23 апрельста (№ 16 (222)). — С. 1. Архивировано 25 ноябрьста 2021 года.

[1]

[2]