Макушкин, Виктор Миронович
| Макушкин В.М. | |
|---|---|
 | |
| Шачема шиц | 30-це декабрьста 1940-це кизоня |
| Шачема вастоц | |
| Кулома шиц | 1-це июньцта 2021-це кизоня (80 кизоц) |
| Кулома вастоц | |
| Странась | |
| Тевонь тиемац | филологическяй наукань докторсь, профессорсь, кяльвалонь содайсь, критиксь, тонфтысь |
Виктор Макушкин (30-це декабрьста 1940-це кизоня, Пою веле — 1-це июньцта 2021-це кизоня, Саранск ошсь — мокшень кяльвалонь содайсь, критиксь, тонфтысь, филологиянь наукань докторсь, профессорсь.
Эряфонь киц
Шачсь 1940-це кизоня тяниень Мордовия Республикань Кадошкинскяй райононь Пою велеса сокаень-видиень семьяса. Школада меле тонафнесь Н.П. Огарёвонь лемса Мордовскяй государственнай университетса филологическяй факультетса, конань шумордазе 1963-це изоня, 1966-це кизоня – аспирантура. 1967-1992-це кизотнень покодсь эрь кодама вастса тяка университетса.
1967-це кизоста сявомок – мокшень кялень и литературонь кафедрань ассистент, тонафты, филологиянь факультетонь деканть полафтыец, советскяй литературань кафедрать оцюняц, тонафтомань тефнень коряс Мордовиянь унверситетонь проректор.
Филологическяй наукань доктор (1985), профессор (1989), Мордовия Республикань наукань заслуженнай деятель (1995), Российскяй Федерациянь высшай профессиональнай образованиянь почетнай работник. Сувафтфоль депутаткс Мордовия Республикань Государственнай пуромксса (1994-це кизоста сявомок), ульсь пряфксокс культурань, образованянь, наукань, гласносттень, межнациональнай отношениянь и од ломанень тефнень коряс комитетса.
1992-2007-це кк. ульсь ректоркс М.Е. Евсевьевонь лемса Мордовскяй государственнай педагогичекяй инстутти[1].
Научнай тевонза
Сёрмадсь 100 лама тонадомань и учебно-методическяй работа, тяконь лувксса 2 монографият («Начало пути», «Обретение зрелости»). «Мордовскяй советскяй литературать историяц» рузонь кяльса сёрматф васенце томонц тиензон ёткса. Сёрмадсь 15 учебник и мзярошка программа мордовскяй литературать коряс школатненди и вусненди.
.
Кядялонза аноклаф и араласть 20 ломань кандидатскяй и колма ломатть докторскяй диссертацият[2].
Казненза и званиянза
- Казьф Почётонь орден;
- Российскяй Федерациянь Наукань и образованиянь Почётнай грамота;
- Мордовия Республикань Образованиянь Почётнай грамота;
- Казьф шнама орденца.
Лятфтамат
- ↑ Макушкин Виктор Миронович (рус.). Мордовский государственный педагогический университет имени М.Е. Евсевьева. Дата обращения: 2 декабрьста 2025.
- ↑ Макушкин Виктор Миронович (рус.). Сетевая энциклопедия. Известные учёные. Дата обращения: 2 декабрьста 2025.
Литературась
- Энциклопедия «Мордвась» Саранск, 2006 к. 515 л.