Ванцин, Пётр Андреевич
| Пётр Андреевич Ванцин | |||||||||||||||
|---|---|---|---|---|---|---|---|---|---|---|---|---|---|---|---|
 | |||||||||||||||
| Шачема шиц | 19 октябрьста 1918 | ||||||||||||||
| Шачема вастоц |
|
||||||||||||||
| Кулома шиц | 14 ноябрьста 1972 (54 кизоц) | ||||||||||||||
| Кулома вастоц |
|||||||||||||||
| Принадлежностсь |
 СССР |
||||||||||||||
| Войскань родсь | Пехота[d] | ||||||||||||||
| Служама кизонза | 1938—1961 | ||||||||||||||
| Званияц |
 |
||||||||||||||
| Сражениятне/войнатне | |||||||||||||||
| Казненза и премиянза |
|
||||||||||||||
Пётр Андреевич Ванцин (1918—1972) — Советскяй Армиянь майорсь, Великай Отечественнай войнань Геройсь (1945 кизось).
Эряфонь киц
Пётр Ванцин шачсь 19-це октябрьста 1918-це кизоня Мордовия Республикань Темниковскяй райононь Булаево велеса сокаень-видиень семьяса. Аделась школаса сисем класст, покодсь доломитовай комбинатса Донецкяй областьса. 1938-це кизоня ульсь тертьф Покодиень-сокаень-видиень армияв. 1943-це кизонь февральста сявомок Великай Отечественнай войнань толку васттнень эа. Шумордась младшай лейтенантонь курсат. Тапась немецкяй войскатнень эса Невельть и Новосокольникитнень видеса, ульсь Брестста и Польшаста врьгятнихнень паниснон ёткса , Восточно-Померанскяй и Восточно-Прусскяй (1945) операциятнень эса. Мекольцеть пингста пяк лац няфтезе прянц. 1945-це кизонь январьста сявомок лейтенантсь Пётр Ванцин командовась 2-це Белорусскяй фронтонь 70-це армиянь (СССР) 1-це стрелковай дивизиянь (2-це формированиянь) 415-це стрелковай полконь ротать лангса[1]. 1945-це кизонь 27-це январьста Ванцинонь ротац юмафксфтома Гручно посёлкать видеса ётась Вислать тона ширезонза Свеце польскяй ошть эзда 11 вайгяльбень вастса ащи кельмеширдень шинь мадома шири. Ванцин васенцекс сувась посёлкав и тюремста сонць ськамонза машфтсь вражескяй 6 солдат. Ротать удалась панезь лихтемс немецонь войскатнень посёлкаста, мезть вельде удалась ётафтомс дивизиять оцю пяльксонц. 31 январьста ротась пачкодсь эряма вастть омбоце пезонза и Буковец (Польшамашина кинь сюлмоти 10 вайгяльбень вастса Гручноть эзда шинь мадома шири. Немецкяй войскатне пехотань и танкань вийса сисемксть тяряфнесть сатфксонь апак саттврьгятемс ротать каршес, мезьда меле Ванцин кеподезень эсь боецонзон молемс инголи и фатязе немецкяй войскань станциять и команднай пунктть, машфтомок 2 офицерхт и 1 сявсть пленц. Сембоц 15 шиста инголи молезь Ванцинонь ротац машфтсь 100 малава вражескяй солдатт и офицерхт, 17 сявозе пленц, лоткафтсь 19 немецкяй контратака. Сонць Ванцин машфтсь врьгятниень 15 солдат и офицер, 4-ксть удьсь ранендаф, но тюрема васонц ашезе када[1].
10-це апрельста 1945-це кизонь СССР-нь Верховный Советть Президиумонц Указонц вельде «мужествань, отвагань и героизмань няфтеманкса, немецкяй врьгятнихнень каршес тюремста» лейтенант Пётр Ванцинонди максф Советскяй Союзонь Герой лемсь и казьфт Ленинонь орденць и «Зрнянь Тяште» (СССР) медальсь 8829 номером мархта[1].
Войнать аделамда меле Ванцин сяда тов служась Советскяй Армияса. 1948-це кизоня шумордазень офицерскяй лувксса сяда цебярьгофтомань курсатнень. Служась Херсононь ошень военный комиссариатса. 1961-це кизоня майоронь званияс нолдаф запасонди сярядемань сюнеда. Эрясь Херсонскяй областень Каховка ошса, покодсь дорожно-строительнай управленияса кадрань отделонь оцюнякс. Кулось 14-це ноябрьста 1972-це кизоня, калмаф Каховкаса. Сонь лемсонза ули кура Темникавса и Каховкаса[1].
Тяфта жа ульсь казьф Якстерь Знамянь орденца и Якстерь Тяштень кафта орденца, а аф фкя медальса[1].
Лятфтамат
Литературась
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
- Герои твои, Херсонщина. — Симферополь, 1980.