Валда-якстерь вий

Валда-якстерь вий
Мокшэрзянь ярхцамбяль
Входит в национальные кухни
салат[d]
Эвондась странаса	Мордовия Республикась
Эвондама пингоц	кунардонь пингста

Валда-якстерь вий (руз. Алая сила) — мокшэрзянь традиционнай салат, якстерь якстеряпсста сявань сыра мархта. Ярхцамбяльть лемоц рузонь кяльсь ётафтови «алая сила», лемсь тиеви якстерь якстерепсть тюсонц и таньфонц инкса.

Мокшэрзятнень ярхцамбяльснон эрямопингснон колга

Эрь народть культурнай эряфса вярьгок вастса ащи ярхцамбялень анокламась и пидемась-панемась. Ярхцамбялень пидемать -панемать коряс няеви народть эрямопингоц, ваймопожфоц. Ярхцамбяльть вельде ломанць сяви вий, шумбраши, мазыши. Народнай мудрайшись ярхцамбяльти максы тяфтама питне: «Ули ярхцамбяль — ули эряф» (руз. «Есть пища – есть жизнь»), «Эряфсь и ярцамбяльсь ряцок (марса) якайхть» (руз. «Питание и жизнь рядом ходят (живут)»).

Мокшэрзятнене салыяфнелезь ярхцамбяльть вельф, ашель керы специят. Петнелезь сонь вайвелезса, шапама лофцса, канцёр вайса или канцёр и иляназонь томбафксста. Мокшэрзятнень ярхцамбяльснон юрса ащесть касыксонь, сиволень калонь и нешкоперень продуктатне. VI—IX векнень оцю васта хозяйстваса занцесь модать лангса покодемась. Археологическяй памятникнень культурнай слойса мушендовсть снавсь, розсь, пинемсь, ячменць. Кунардонь пингстокиге мокшэрзятне ярхцамбяленди нолнезь тевс кшить. Кунаркиге ладяфоль ни станя, што кшись фалу кирдеволь шрать лангса. И тя корхтась сянь колга, што кудса ули козяши и ули мезьса каванямс инжись. Аф стак кшить колга мокшэрзятнень улихть лама валмуворкста: «Аш кшице — аш эрямошице» (руз. «Нет хлеба – нет и жизни»), «Мазопнек кудцень панчфса, а моркш лангцень — ярхцама таньфса» (руз. «Дом украшай цветами, а стол – яствами»).

Мокшэрзянь национальной ярхцамбялень анокламань койхне шисот. И синь пачфнвихть поколенияста поколенияс..

Эрявксты

Якстерь якстеряпс — 2-3.;
Сявань сыра или мичке — 100 гр;
Шиньжаромань вай — таньфс коре;
Сал — таньфс коре;
Сянгяря касыкст — мазоптоманди.

Анокламац

Якстерь якстеряпсть кеднек-мезнек пидемс ляпомозонза и прокс пидемс духовкаса фольгаса ашкотфста. Ваткамс кеденц и керсемс аф оцю пялькскянь. Сырать синдеремс или керсемс пялькскянь. Шаваняса шовордамс марс якстеряпсть и сырать. Салыяфтомс таньфс коре и валомс касыксонь вайса. Шорямс. Мазоптомс сянгяря касыксса.

• 
• 
• 

Лятфтамат

Литературась

• Мордовская кухня / Маркова С.С. — Мордов. кн. изд-во, 2008. — 216 с. — ISBN 978-5-75951692-7.

Ссылкатне

• Вкусная Мордовия: традиционный мордовский салат из свеклы с козьим сыром — блог туриста Turizmrm на Туристер. Ру
• Национальная кухня Мордовии богата уникальными блюдами
• «Мордовская кухня» — Национальная библиотека им. А. С. Пушкина Республики Мордовия
• Панжакай
• ярхцамбялень пидемась-панемась