Бортничествась

Бортничествась лувови мокшэрзятнень инь кунардонь промыслакс. 18-це векти молемс сон ульсь оцю доходонь кандомань васенце тевкс.

Кунардонь кой

Бортничествась, медень кочксемась (руз. Бортничество) – медень-кочкамань пяк кунардонь кой. Медсь тарксевсь шуфтонь ундста, тяконди караф варяста. Мокшэрзятнень тя тевснон колга пачфнесть нинге арабонь писательхне, рузонь летописне, путешественниконь тяштьксне. Бортничествась мольфтевсь сяда сидеста ся васттнень эса, коса ашесть керсев вирьхне.

«Слово о погибели русской земли» летописьса пачфневи: мокшэрзятне пандсть великай киевскяй князти дацька медьса и штаса. Рязанень великай князть Олег Иоановичень Ольгань монастыренцты 1356-це кизонь жалованнай грамотасонза корхтави, што мокшэрзятнень ульсть медень кочксемань вирьсна. Ня вирьхнень мокшэрзянь велетнень мархта марса князсь максозень монастырти.

Мокшэрзянь бортнай урожайхне лятфневихть сяда мельдень документтнень эсовок, Рязанень оцюнять Иван Василиевичень и сонь брадонц Федор Васильевичень 1456 кизонь ладямань грамотасост.

16-17-це векнень мокшэрзянь вирьхне ульсть рузонь масторса медень кочксемань вастокс. 16-це веконь документтнень эса корхтави: мокшэрзятнень улихть нешксна. Ся пингонь медень кочксемаса тя ульсь оцю сатфксокс. Этнографиянь тяштькснень коряс, тяфтама нешкне васьфневсть 19 векть пингста.

Мзярда вирьса медень таргамась-кочкамась кармась юмама-арама, нешкоперет ушедсть кирдема велеса. 18-це векть пингста мокшэрзятнень оцюшкасна заняфольхть медень таргамаса-добувамаса. Мешень кирдемань койсь няеви мокшэрзятнень шкаенди кемамстост. Ульсь мешень ванфты шкай Нешкепаз.

Лятфтамат

https://www.mordovians.ru/

Литературась

Лузгин А. С. Народные промыслы Мордовского края : вторая половина XIX - начало ХХ в. : (этнокультурные аспекты) / А. С. Лузгин. - Саранск : Мордовское кн. изд-во, 2016. - 269.
Шабаршов И. А. Древнее русское пчеловодство. Бортничество // Русское пчеловодство. — М.: Агропромиздат, 1990. — С. 26—69. — 511 с.

Ссылкатне