Борискин, Анатолий Васильевич
| Анатолий Васильевич Борискин | |||||||
|---|---|---|---|---|---|---|---|
 | |||||||
| Шачема шиц | 14-це ноябрьста 1919-це кизоня | ||||||
| Шачема вастоц |
|
||||||
| Кулома шиц | 18-це апрельста 2000-це кизоня (80 кизоц) | ||||||
| Кулома вастоц |
|||||||
| Принадлежностсь |
 СССР |
||||||
| Войскань родсь | Пехота[d] | ||||||
| Служама кизонза | 1939 — 1945 | ||||||
| Званияц |
 |
||||||
| Сражениятне/войнатне | |||||||
| Казненза и премиянза |
|
||||||
Борискин, Анатолий Васильевич (1919—2000) — капитан Покодиень-сокаень-видиень Якстерь Армиянь Великай Отечественнай войнаса улись, Советскяй Союзонь Геройсь (1944).
Эряфонь киц
Шачсь 14-це ноябрьста 1919-це кизоня тяниень Мордовия Республикань Старошайговскяй райононь Николаевка велеса сокаень-видиень семьяса. 1925-це кизоня гтядянзон-алянзон мархта туфоль Новосибирскяй областень Севернай району. Аделась школаса 7 класст, поступась педагогическяй училищав Куйбышев ошса (Новосибирскяй областсь), шумордазе сонь 1938-це кизоня, конаь меле покодсь школаса тонафтыкс Севернай райононь Ново-Елизарово велеса.
1939-це кизонь октябрьста тертьфоль служама Севернай районнай военнай комиссариатть вельде Покодиень-сокаень-видиень Якстерь Армияв. Полковой школань шумордамда меле получась сержантонь звания, служась ляцендиень полкса Туркестанскяй военнай округса, ульсь отделениянь командиркс, меле разведкань взводонь командиркс. Великай Отечественнай войнать ушетксста ульсь эсь частенц лувксса Иранца. 1941-це кизонь августста сявомок — Великай Отечественнай войнань толу китнень-яттнень эса. Ульсь тюрематнень эса Закавказскяй, Северо-Кавказскяй, Степной и 2-це Украинскяй фронттнень эса. 1943-це кизоня сувась ВКП(б)-в. 1943-це кизонь сентябрти самс гвардиянь старшай сержантсь Анатолий Борискин командовась Степной фронтонь 37-це армиянь 110-це гвардейскяй 106-це гвардейскяй стрелковай дивизиянь башка разведротатнь взводть лангса. Няфтезе прянц Днепрать инкса тюремаса[1].
29-це сентябрьста 1943-це кизоня, аф ваномок врьгятнить ляценди толонц лангс, лия боецнень мархта сатозе Днепрать Украинскяй ССР-нь Кировоградскяй областень Онуфриевскяй райононь Куцеволовка велеть видеса. Молемок инголкиге ваномонза врьгятнить тиф аралама вастонц, машфтозе врьгятнить миномётонь лувксонц. Разведкаста мрдамста гранатазса машфтозе противникть штабонь машинанц, тяконь лувксса 3 немецкяй офицерхт и саламок питни каготт. 8-це октябень веня 9-це октябрень шобдавати 1943-це кизоня пленц сявсь 2 немецкяй связистт радиостанция мархта[1].
СССР-нь Верховнай Советть Президиумонц Указонц вельде 1944-це кизонь 22-це феральста «офицеронь, сержантонь и рядовой составти Советскяй Союзонь Героень лемть максоманц колга» «командованиять боевой заданиять пяк лац пяшкодеманц инкса Днепра ляйть видеса, боевой сатфксонь мольфтемасаляйть види ширдень трвасонза и тякнь лувксса смелшинь геройствань няфтеманкса» максфоль Советскяй Союзонь Героень лемсь и казфоль Ленинонь орденонц «Зрнянь Тяште» медальсь 2528 номер мархтось[1][2].
1945-це кизонь январьста ульсь нолдаф запасс капитан званянь мархта. Эрясь Новосибирскяй областень Куйбышев ошса, покодсь Куйбышевскяй «Сельхозтехника» райобъединениянь кадрань отделса, меле «Ведть лангса идемань обществань» горкомонь председателькс .
Кулось 18-це апрельста 2000-цекизоня[1].
Тяфта жа ульсь казьф Якстерь Знамянь кафта орденца и Отечественнай войнань 1-це степенень кафта орденца, а тяфта жа эрь кодама медальса[1].
Лятфтамат
- ↑ 1 2 3 4 5 Анатолий Васильевич Борискин (рус.). Сайт «Герои страны».
- ↑ Указ Президиума Верховного Совета СССР «О присвоении звания Героя Советского Союза офицерскому, сержантскому и рядовому составу Красной Армии» от 22 февраля 1944 года // Ведомости Верховного Совета Союза Советских Социалистических Республик : газета. — 1944. — 5 мартста (№ 13 (273)). — С. 1. Архивировано 3 февральста 2022 года.
Литературась
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
- Геройская быль. — Саранск: Мордкиз, 1985.